Aposel 2

1 Pendikos ui ni, urum ei kÊn, Jisas nga mondÊk pÊtÊng wamp nimbÊ ok, manga tila tÊk, mÊk rok morung. 2 I etÊk moⱡina, tÊngÊnda mint, wi muⱡ ila, kona kÊpkÊ mam mel rom ropa omba, morung manga nila, mukÊr urum. 3 Ei kÊn, kandrung mel, ndip anmbil mel mat, ngÊnt ropa omba, wamp nimbÊ nga peng ombil mbila, elpa elpa ndip mel nomba murum. 4 Wamp ila morung nimbÊ, Muⱡnga Wingti ei ndi, peka roⱡnga, mbo ik nÊm kan elpa elpa mbila nÊtÊng. 5 Wote ni kÊn, Jura wamp mat, Got nga ik ei, pilik etmin. Muⱡ kÊmp mbila, petmin wamp mbÊ, Jerusalem kona ila manga poning ok, morung ku. 6 Wamp minal, kona kÊpkÊ rom ropa, ik nitim ni pilik, ok mÊk rok morung. Ei nambuⱡ emel, mondpa pili wamp nimbÊ ndi, muⱡ kÊmp mbila, orung wamp nimbÊ nga ik nuim kan elpa elpa tek nilingina, pilik min ngÊn mondÊk morung. 7 Min ngÊn mondÊk, wote numan ou nduk pilik, ei mel nÊtÊng, “Ik nimÊn wamp kÊⱡ, Galili wamp kÊⱡ ant ko, wote tÊn nga ik nuim kan tek elpa elpa nilingina, pÊnmÊn ei, etÊk ninmin mel nant nda? 9 TÊn ya wamp elpa elpa omp mormÊn mbÊ, kona Partiya, Midiya, Elam, Mesopotemiya, Judiya, Kaparosiya, Pontas, Eisiya kÊn, wote Prigiya, Pampiliya, Isip kÊn, wote Libiya orunga nondpa tetÊm kona Sairin, Rom kona mbila pÊkÊ kÊn, Jura wamp kÊn, wote wamp rÊⱡaip elpa ok, Jura wamp rarÊng mbÊ kÊn, Krit kona kÊn, Areipiya kÊn, kona elpa elpa kÊⱡ ila nga mormÊn wamp mbÊ, wote Galili wamp kÊⱡ ndi, tÊn nga ik nuim kan mendpÊⱡ ila, Got nga uⱡ ronduⱡ itim mbÊ nilingina, pÊnmÊn ei ka!” nÊtÊng. 12 Wamp nimbÊ ndi pilik, min ngÊn mundÊk, numan orunga mbun tÊk, wamp mat ndi, mat waldÊk, nÊk mel, “Uⱡ ei etpa, enim mel nant nda?” nÊtÊng. 13 Wote, wamp mat ndi, mondÊk pÊtÊng wamp nÊkÊⱡ, tÊk ik kuldÊk nÊk mel, “Wamp kÊⱡ, nu wain nok, kekilip ronmin!” nÊtÊng. 14 Ui ni kÊn, Pita kÊn elim nga kongun rÊp rok etmin wu 11 nÊkÊⱡ kÊn, oⱡa anggilik molk, Pita ndi, ik ronduⱡ oⱡa ndupa, wamp minal ok morung nimbÊ, kundpa nimba mel, “Enim Jura wamp, mbÊ kÊn, wote Jerusalem kona ila mormÊn wamp mbÊ kÊn, kum tek muⱡÊi! Na ndi, ya enim uⱡ kanmin ei nga puⱡ ei, kundÊp namp. 15 Enim ndi pilik, wamp kÊⱡ, nu ronduⱡ nok, kekilip ronmÊn, nÊk pÊnmÊn, ei mon! Akup kona ant mong 9 kilok mÊkÊlmÊ unt ei ka! 16 Uⱡ ei nga, pai nui wu Joel ndi, pai nomba ei mel nitim, 17 ‘Got ndi, nimba mel, muⱡ mÊi raⱡ pora nimba ui ila, uⱡ ei mel itimp nitim. Na ndi, na nga Muⱡnga Wingti ei, wamp mbÊ kÊn, oi ndup mundamba. Enim nga kangÊmÊl mbÊ kÊn, mbÊⱡamÊl mbÊ kÊn, na nga ik ei, pai nok ninding. Enim nga kang wu mbÊ, uⱡ wote pemba mbÊ kÊning. Wote, enim nga wu anda mbÊ ndi, ur kump etÊk kÊning. 18 Ui ei kÊn ku, na nga kongun wu na, kindmant amp na mbÊ, na nga Muⱡnga Wingti ei oi ndamba, uⱡ akil tepa etmba mbÊ, pai nok ning. 19 Na ndi, wi muⱡ ila uⱡ rÊpndi mat itimp. Wote, mana mÊi ila, uⱡ kÊni nÊkÊni mat itimp. Ei kÊn, mema romba ku, wote ndip nangga, ÊkÊl mam mba, kona ant ei tÊpa, rumbÊⱡ mondÊmba. Wote, kona kalimp ei, kunt etpa, mema mel raⱡmba. Uⱡ i etmba ei, kuimp tepa ekit wangga. Wote Nuim ndi, elim nga uⱡ eng nui kai mbila nga, pol ila moⱡpa, yant wangga ui ou ei, ekit omba. 21 Wote ei kÊn, wamp nam ti ndi, elim nga Nuim ei nga mbi ila, wi rom ndam, wamp ei etpa tÊmba,’ nitim. 22 Enim Isrel wamp kÊⱡ, ik ei kum tek pilÊi! Nasaret kona ila nga Jisas, Got ndi, elim nga ronduⱡ ei ngurum. Elim ndi, kongun ronduⱡ na, uⱡ rÊpÊndi ronduⱡ na, uⱡ kai mbÊ itim ei, enim pilik ketÊng ni ka! 23 Muⱡ mÊi raⱡ mim iti nÊti kÊn, Got elim nga numan ila, Jisas kÊn uⱡ, wote pimba mbÊ, pilpa pora ndurum. Uⱡ ei tÊp, Jisas enim nga ki ila tendÊmba. Wote, enim uⱡ kit etmin wu mbÊ ndi, Jisas nde peta ila rok kunding, nÊtÊng ei mel etÊng. 24 Wote Jisas ni, Got ndi, wamp kui nga uⱡ ila, ⱡoporpa tÊpa oⱡa mundrum. Wamp kui nga uⱡ ei ndi, imp muⱡi nÊmbrÊm. Ei nambuⱡ emel, wamp kui nga uⱡ ei nga ronduⱡ ti mon. 25 Uⱡ ei nga, Depit ndi, Nuim ei nga nimba mel,’ Na kÊndÊr ei, Nuim ei, na kÊn rÊk rÊk morum. Nambuⱡ emel, na nga ki mbo orung murum. Ei nga, mbun mat na kÊn ui nawÊmba. 26 Ei kÊn, na nga numan ei kai punt. Wote, na nga ik ei, nimp ei nga kai pilip nÊnt. Wote, na nanim kÊng orunga mel kai ti timp ei nga, na nokundÊp mor. 27 Ei nambuⱡ emel, nim ndi, na nga min ei, wamp kui nga kona ila, wak rui nÊri. Wote nim ndi, nim nga kongun Wu Wingti ei, wamp on kona ila, pepa purangga ni nandÊtÊn mon. 28 Nim ndi, na uⱡ nga kont mbo, muⱡimp nombuⱡa mam ei, tÊk ora ndurun. Wote, nim na kÊn morun uⱡ ei ndi, ambuⱡpa puⱡ uⱡ ei, na kÊn peka ropa morum,’ nitim. 29 “AngmÊn! Na ndi, enim ik mendpÊⱡ ti, kundÊp nimp ent ei, kum tek pilÊi! TÊn nga anda kouwÊ Depit kurum on kona kut ei, akup tÊn mormÊn ui ila tetÊm ku. 30 Wu ei, painui wu ei nga, Got ndi, elim kÊn, nimba mÊi ropa nitim ik ei pitim. Got ndi, nimba mÊi ropa, mi tepa, Depit elim nuim mumuk murum ei mel ku. Elim nga mepa tem wamp pundun ti tÊp, Depit nga koⱡ ila mundimp. 31 Depit ndi, Got nga wote etmba uⱡ mbÊ pitim ei ndi, Depit ndi, Kraist koⱡpa, rut nimba moⱡmba ei nga nimba mel, ‘Wu ei, wamp kui kona ila piyangga nimba, wak rui nÊrÊrÊm. Wu ei nga kÊng kÊⱡ, wamp on kona ila, tepa puri nÊpÊrangga!’ nitim. 32 Wu Jisas ei, Got ndi, wamp kui nga kona ila, ⱡoporpa tÊpa, oⱡa mundrum. Wu ei, tÊn kÊnmÊn ei nga, para ndup ninmÊn. 33 Akup, Jisas wi muⱡ kona, Got nga ki mbo orunga morum. Tipam ndi, Muⱡnga Wingti nguimp nimba mi titim ei mel nguⱡnga, enim akup pilik kandÊk enmin ei, elim nga memp ei, tÊn kÊn oi ndupa ngonum. 34 Depit elim muⱡ kona pi nÊpÊrÊm. Ei wote, elim ndi, nimba mel, ‘Nuim ei ndi, na nga Nuim ei kundpa, nim okÊn, na nga ki mbo orunga moⱡana! 35 Wote, na ndi, nim nga el rui wamp mbÊ tÊp, nim nga kump puⱡ ila mana orunga mundim,’ nitim. 36 Ei nga, enim Isrel wamp pilik kai enmin. Wu Jisas ni, enim ndi rok, nde peta ila pendÊtÊng wu ni, Got ndi tÊpa, Kraist Wu Nuim mundrum!” ei nga Pita ndi nitim. 37 Wamp mbÊ, ik ei pilik, min ngÊn mundÊk iting uⱡ ei pilik rundÊk, Pita kÊn, elim nga rÊⱡaip ila wu kÊⱡ, waldÊk nÊk mel, “AngmÊn! TÊn etÊp itamÊn mel nant?” nÊtÊng. 38 Wote Pita ndi, wamp mbÊ, kundpa nimba mel, “Enim wamp tenda tenda nÊk, numan ropÊl rok, Jisas Kraist nga mbi ila nu tÊi nitim. Enim uⱡ ei mel eng ndam, Got ndi, enim nga uⱡ kit mbÊ, wak ropa, wote enim Got ndi, elim nga Muⱡnga Wingti ei, enim wei gem ngumba. 39 Got ndi, enim kÊn, enim nga mek teng kangambuⱡa mbÊ kÊn, wote wamp muⱡ uⱡ kona mbila mormin mbÊ kÊn, wote Got elim ndi, nimba mÊi ropa wi ropa, rukÊr tÊm wamp mbÊ, Muⱡnga Wingti ei, nguimp,” nitim. 40 Pita ndi, ik elpa mat ronduⱡ mundpa, nimba mel, “Uⱡ kit enmin wamp mbÊ kÊn, tÊk rak nduk, Êndi nÊndÊi! Enim uⱡ kit mbÊ ndi, tÊmba ei nga, pilik kongundÊk muⱡÊi!” nitim. 41 Ei kÊn, Pita nga ik nÊtÊm ik ni, wamp minal pilik tÊk, wote nu tÊtÊng. Ui ei kÊn ku, mondÊp pili wamp 3000 kÊⱡ kÊn ok, tÊk tenda etÊk morung. 42 Wamp nimbÊ ndi, Jisas nga nombuⱡa rung wu kÊⱡ ndi, ik mbo rondrung mel pilik, rup rok molk, atinga rok, Got nga mbi paka rok, bret puk rok nok etÊng. 43 Uⱡ ni kÊn, nombuⱡa rung wu kÊⱡ ndi, uⱡ rÊpÊndi minal mat elingina, wamp nimbÊ ndi kandÊk, min ngÊn mundrÊng. 44 Mondpa pili wamp nimbÊ, en enim nga numan orunga omba, tenda puⱡnga, atinga tÊk tenda etÊk rok, en enim nga mel mbÊ, tÊk tenda etÊk, tÊn nga mint nÊk pÊtÊng. 45 Wote wamp mbÊ, en enim nga pana rÊng na, kng mel na nimbun, rarÊp rok, ku moni tÊtÊng nimbÊ ndi, wamp kurpa nimbÊ kÊn, mok rok ngÊk etÊng. 46 RumbÊⱡ mbila rÊk rÊk ok, tenda puk, manga wingti ou ila atinga rok, wote bret mbÊ, en enim nga manga mbila, rak nduk molk nok, numan kun kai ei pilik molk, Got nga mbi paka rondÊk, wote wamp minal ndi, enim kÊn numan kai pilik etÊng. RumbÊⱡ ant mbila rÊk rÊk, Nuim ei ndi, wamp kont nga mat etpa, wamp mbÊ kÊn tilinga, mondpa pili wamp nga rÊⱡaip ei, mam itim.