Aposel 3

1 Ui ti kÊn, Pita kÊn Jon raⱡ, manga wingti ila, ant 3 kilok atinga rormÊn ui ei elinga, purÊnggil. 2 Manga wingti keta puⱡ puⱡ ila nondpa, wu ti mam ndi, mitim ei kÊn, kÊmp elkÊna rumbrÊm, wu ni murum. Manga wingti ei nga keta puⱡ ti, mbi tek, ‘Mon Pi,’ nÊtmÊn. RÊk rÊk mek puk, kai wei keta puⱡ puⱡ ila monduⱡina, wamp manga wingti ila ok, murÊk purmin mbÊ kÊn, ku moni mawa etÊm. 3 Wu ni, Pita Jon raⱡ okÊⱡ, mukÊr pinggil orÊnggil. Ni kÊn kandpa, ku moni na mel mat, ngÊnggil nimba mawa itim. 4 Pita, Jon raⱡ ndi, elkÊna rÊmbrÊm wu ni, kandkÊⱡ kÊn, Pita ndi, nimba mel, “TÊl kÊni!” nitim. 5 Wote, wu ni raⱡ ndi, mel mat nguinggil, nimba pilpa kundrum mel. 6 Pita ndi, wu ni kundpa, nimba mel, “Na ku ti mon. Wote, na mel ti, nim nguimp ent ei, Nasaret Wu Jisas Kraist nga mbi ila, nim oⱡa anggilkÊn pi!” nitim. 7 Wote Pita ndi, wu ni nga ki mbo orunga ambuⱡpa tÊpa, oⱡa munduⱡnga, wu ni nga kÊmp elkÊna ni raⱡ, omba kÊn puⱡnga, wu ni, puka ropa, oⱡa anggilpa, nombuⱡa andpa kÊn, wu raⱡ kÊn rup rok, manga wingti ila purung. Ei kÊn, wu ni puka ropa, oⱡa mana etpa, numan kai pilpa, Got nga mbi paka rundrum. 9 Wamp minal ndi, wu ni puka ropa, oⱡa mana elinga, kandÊk moⱡnga kÊn, numan kai pilpa, Got nga mbi paka rundrum. 10 Wote, wamp nimbÊ ndi, wu ei, manga wingti ei nga keta puⱡ puⱡ, ‘Mon Pi,’ ila mel mbÊ, mawa etpa murum wu ei, kandÊk mbi nduk, uⱡ itim ei nga kandÊk, min ngÊn mundrung. 11 Wu ni ndi, manga wingti ei nga keta puⱡ puⱡ ti, mbi tek, ‘Solomon nga kÊpkÊ titim nÊtmin kona ila,’ Pita kÊn, Jon raⱡ nga ki raⱡ ambuⱡpa moⱡnga, wamp mbÊ ndi kandÊk, min ngÊn mundÊk, tÊkrÊk orung. 12 Pita ndi, ni uⱡ kandpa, wamp nimbÊ kundpa, nimba mel, “Enim Israel wamp mbÊ ye! Nambuⱡ emel, uⱡ ei nga numan ou nduk pilik, tÊl kÊn mong ronduⱡ kandÊk mormin? TÊl nga ronduⱡ tila, kang wu ei etÊp, ti natÊmbÊⱡ mon! TÊl nambuⱡ emel, mong ronduⱡ kandÊk mormin? 13 Got nga wu Aparam, Aisak, Jekop kÊn, tÊn nga anda kouwÊmÊn kÊⱡ nga Got. Ei ndi, elim nga kongun kindmant wu Jisas ni, mbi ou ti, uⱡ ei ngurum. Wu ei ya, enim ndi, el rui wu kÊⱡ nga ki ila tÊndÊtÊng. Wu Pailot ei ndi, wak rop mundimp nitim ni. Wote enim ndi, tÊk mbuⱡ ngorung. 14 Wote Wu Wingti Kun Kai ei, tÊk mbuⱡ ngÊk, enim ndi, wu Pailot ni kundÊk, wu ti wamp ropa kundrum wu ni, wak rok mundi nÊtÊng. 15 Wamp kont mbun muⱡmin kona ei, tÊpa orunga ndurum wu kai ei Jisas, enim ndi rok kondrung. Wote Got ndi, wu ei, ⱡoporpa tÊpa, oⱡa kont mundrum ei nga, tÊl ndi, nÊmp para ndunmbÊⱡ. 16 TÊl, Jisas nga mbi ronduⱡ ila mondpa pili uⱡ, Jisas nga mbi ila, nÊtmbÊⱡ. Wu ei, enim kandÊrmin wu ni, etÊp tÊnmbÊⱡ, Jisas elim ndi, tÊl nga mondpa pili ei etpa, ronduⱡ munduⱡnga, mondpa pili uⱡ ei ndi, ronduⱡ nguⱡnga, enim kanmin. 17 Ei kÊn, akup angmÊn! Na pÊnt ei, enim pilik kun iti natÊk, etÊng uⱡ mbÊ ndi, Jisas rok rondrung. Ei mel ku, enim nga rÊp wu mbÊ ndi, uⱡ ei mel ku etÊng. 18 Unt Got ndi, elim nga kangÊm ei kÊn, etmba uⱡ mbÊ numan ila, pilpa pora ndupa, painui wu kÊⱡ, ronduⱡ nguⱡnga, wu Kraist ei, mindil minal nomba nÊtÊng ei, kupa enim. 19 Ei kÊn akup, enim nga uⱡ kit mbÊ, wak rok, numan ropÊl rangina, Got ndi, enim nga uⱡ kit etÊng mbÊ, wak rangga! Wote, uⱡ ei mel eng ndam, Got ndi, enim ronduⱡ kont mbÊ rÊk rÊk ngumba. Ei, enim nga unt, Got ndi, mbi ropa ngurum wu ei nga mbi Jisas. 21 Akup, elim muⱡ kona muⱡangga nitim ei mel morum. Wote Got ndi, to ropa pinditim ui ila, mel kont nga mat ngumba. Uⱡ ei, elim ndi, unt painui wu wingti mbÊ, ronduⱡ nguⱡnga, pai nok nÊtÊng ei mel ngumba. 22 Ei nambuⱡ emel, Moses ndi, nimba mel, ‘Got enim nga Nuim ei ndi, enim painui wu ti ngumba ei, elim enim ngurum ei mel ku. Painui wu ei, enim nga rÊⱡaip tenda ila ku, ti kandpa tÊpa ngumba. Enim wamp mbÊ pora, wu ei nga ik nimbÊ, kum tek pilÊi! 23 Wote, wamp nam ti, painui wu ei nga ik kum ti natÊm wamp ei, Got ndi, wamp ei ropa kondÊmba. Wote wamp mbÊ, Israel wamp rÊⱡaip ila, muⱡi nÊmbÊⱡing ku,’ nitim. 24 Wote, Samuwel kÊn, painui wu mat unt nga mbÊ ndi, pai nok nÊtÊng. Akil tek orung, painui wu mbÊ ndi, akup nga etmba uⱡ mbÊ mel nÊtÊng. 25 Enim painui wu kÊⱡ nga kangambuⱡa mbÊ mormin. Enim nga anda kouwÊmin wu nimbÊ kÊn, Got ndi, tÊp tenda itimp nimba, Aparam ni kundpa, nimba mel, ‘Nim nga mekÊn tin mbÊ ndi, kona mbila wamp mbÊ, memp kai mbÊ ngangga!’ nitim. 26 Wote Got ndi, elim nga kindmant wu ni, ⱡoporpa tÊpa, oⱡa mondpa, kuimp tepa enim kÊn omba. Wote, enim nga uⱡ kit mbÊ, tÊk mbÊⱡ ngeing nimba itim. Enim tenda tenda nimba, tÊpa yant ndupa, memp pindangga kÊn, uⱡ kit mbÊ, wak reing nimba itim,” nitim.