Kolosi 3

1 Got ndi, enim Kraist kÊn tÊpa kup endpa, ⱡoporpa tÊpa oⱡa mundrum. Ei nga, enim nga numan orunga mek puk, wi muⱡ kona tetÊm mel mbÊ kÊn tiyangga. Kona ila Kraist Got nga ki mbo orunga, wu nuim mumuk morum. 2 Enim nga numan ei, wi mul kona ila nga tetÊm mel mbÊ nga mint pilÊi! Enim mÊi kona mel kanmÊn mbÊ mon! 3 Enim korung ei nga, wote enim nga muⱡnga kont ei, Got nga rukÊr orunga, wu Kraist kÊn mo ropa morum. 4 Kraist ei tÊn nga muⱡnga kont tep mormun ei nga Puⱡ Wu ei morum. Wote, Kraist omba, mot nim ui ei kÊn, enim kunda rup rok, elim nga rÊⱡang eng nui ila ekit uing. 5 Enim ya mÊi kona ila nga uⱡ kit mbÊ nga, enim nga numan rukÊr orunga, mbo rondnÊm uⱡ mbÊ rok kundÊi! Ei wapra rui uⱡ, uⱡ ⱡar mul uⱡ, popÊⱡ kandpa ti uⱡ, wamp ti nga mel kandpa kum pindi uⱡ, uⱡ ei (ik kol got ei nga, mbi paka rui uⱡ ei). 6 Nambuⱡ emel, Got nga popÊⱡ ei, uⱡ kit mbÊ nga eng wamp mbÊ kÊn omba. 7 Unt molk orung ni mbila, uⱡ kit mbÊ ndi, enim tÊpa kum roⱡnga, ⱡawa minal etÊng. 8 Akup ei kÊn, popÊⱡ kuⱡi uⱡ, popÊⱡ tÊkrÊpa mundi uⱡ, wote pilpa kit pili uⱡ mbÊ, wak rok pendÊk kilÊi! Ik mbuldung orunga nundÊk, ik kit nÊk etmin uⱡ ei nga, enim nga keta ila, ekit ui nÊwangga mon! 9 Wamp ti kÊn, ik kol rok ngui uⱡ ei wak rÊi! Nambuⱡ emel, enim uⱡ kit mbÊ, wak rok, akup kÊng ti nga tÊk, wamp kont kÊⱡ mormin. Mel mbÊ pora iti wu Got ei ndi, uⱡ mbÊ mel endpa, enim rÊk rÊk etpa kont mundpa, enim etpa mepa mba, elim morum ei nga pilpa kungÊndi ei, ting nimba etÊm. 11 Uⱡ mbÊ ekit oⱡnga, wamp rÊⱡaip elpa mbÊ kep, Jura wamp mbÊ kep, kÊng kupti wamp mbÊ kep, kÊng kupti nÊpti wamp mbÊ kep, kona roⱡ wamp mbÊ kep, pilpa kun iti nÊti wamp kep, kindmant wamp mbÊ kep, wei muⱡi wamp mbÊ kep, wamp mbÊ pora, Kraist nga mint, Kraist ei, wamp mbÊ kÊn pora morum. 12 Enim Got nga wamp kÊⱡ, elim ndi, enim numan ngumba wamp mbÊ, elim nga nimba mbi ropa titim. Ei nga, wamp mbÊ pora kont kulk, uⱡ kai mbÊ mint itÊi! Enim ndi, en enim nga numan orunga mana nduk, wamp mbÊ kÊn, uⱡ kun mbÊ mint itÊi! 13 Enim nga ruk ila wamp ti kÊn, min mondÊk, wamp ti nim kÊn, uⱡ ti ⱡawa int nim ndam, Kraist ndi, nim nga ⱡawa wak rundrum ei mel ⱡawa ei, wak rundi ku. 14 Uⱡ kai mbÊ etkÊn, wote wamp numan ngui uⱡ ei pendkÊn iti! Wote, wamp numan ngui uⱡ ei ndi, uⱡ mbÊ pora, tÊpa tenda endÊtÊm. 15 Kraist ndi, enim moⱡpa kundi uⱡ ngurum ei, enim nga numan orunga nombuⱡa mam ping ei nga rÊp etÊm. Ei nga, enim Got ndi, moⱡpa kundi uⱡ ila moⱡina kandpa, enim wi ropa tÊpa tenda etpa, kÊng tenda kundrum. Ei nga, numan wang nduk angge nÊi! 16 Kraist nga nombuⱡa rung ik puⱡ mbÊ, enim nga mundmong rukÊr orunga, kont mba piyangga! Wamp ti ndi, ti pilpa kungÊndi ronduⱡ pili uⱡ mbÊ nga mbo rondÊk, man nguk itÊi! Got kÊn angge nÊk, rom kaip nÊndÊk, kinan mat nÊk, numan kai pilik itÊi! 17 Enim uⱡ namba uⱡ etÊk, ik namba ik nÊk eng mbÊ pora, Nuim Jisas nga mbi ila etÊk, Got Wuta kÊn angge nÊi! 18 Enim amp mbÊ wanÊmÊl mbÊ nga mana orunga muⱡÊi! Nuim ei nga kuimp keta ila, uⱡ kun kai mbÊ nimba kandrum. 19 Enim wu mbÊ ndi, ambÊnÊmÊl mbÊ, numan nguk, numan orunga etÊk kit mundi nÊmÊndÊi! 20 Enim kangambuⱡa mbÊ ndi, tipanÊm manÊmÊl mbÊ nga rÊk rÊk ik teng ndÊi! Uⱡ ei mel, eng ndam, Got etÊk, numan wang nduing. 21 Enim wamp tipam mamÊl mbÊ ndi, enim nga kangambuⱡa mbÊ etÊk, popÊⱡ kundi nÊkÊndÊi! I eng ndam, kangambuⱡa mbÊ, pilik kit piling. 22 Enim kongun wu mbÊ, enim nga mÊi kona wu nuim mbÊ nga namba uⱡ itÊi nÊng mbÊ pora, teng ndÊi! KandÊk mormin ei kÊn kongun etmin. Wote, kÊni nakÊndrÊmin ei kÊn, kongun iti natÊtmin. Ei nga, Oⱡa Wu Nuim ei ndi, kandpa morum nÊk pilik itÊi! 23 Enim namba kongun eng mbÊ, wamp ti nga enmin nÊk pili napilik, Oⱡa Nuim ei nga endinmÊn nÊk pilik itÊi! 24 Pilik muⱡÊi! Nuim ei ndi, enim kongun etmin ei mel, numan wang ndui mel mat ngumba. Kraist ei, wu Nuim kupa ei nga, enim kongun endÊtmÊn. 25 Wote, ⱡawa eng wamp mbÊ, uⱡ eng ei mel ku punt ropa ngumba. Nambuⱡ emel, Got ndi, wamp mbÊ, to tenda ila mint kÊmp tÊmba.