Kolosi 4

1 Enim wu nuim mbÊ nga kongun kindmant wu mbÊ, rÊp etÊk, nokundÊk kai itÊi! Wi muⱡ kona ila enim nga wu nuim ei morÊm. Ei nga enim pilik tÊk mendÊk, uⱡ mbÊ itÊi! 2 Enim atinga rui uⱡ ei, ronduⱡ mundÊk ambulk muⱡÊi! Atinga rok ei kÊn, Got kÊn numan kai pendÊk, angge nÊk, atinga rÊi! 3 Enim atinga rok kÊn, tÊn nga pendÊk atinga rangina, Got ndi, tÊn nombuⱡa mam kai ti ora ndangga! Elim nga nombuⱡa rung ik ei, Kraist kÊn mo ropa tetÊm mbÊ, nÊmp nguimp. Ik ei nga nÊmp kÊn, na akup kan manga ila pet. 4 Atinga rok kÊn, na RÊnang Ik Kai ei, nÊmp piral ndeimp nÊk, atinga rundÊi! 5 Enim nga ruk ting ila, mondpa pili nÊpili wamp mbÊ kÊn, pilik kongundÊk muⱡÊi! Kor muⱡi nambÊlk, RÊnang Ik Kai ei nga, kongun pilik kelik indÊi! 6 Enim nga ik nÊng ei, kun mba tÊngÊn itangga. I eng uⱡ ei ndi, namba wuldi ik mat, wamp mbÊ kÊn, om ndam, tÊk rÊk mint punt rok kai munding. 7 Na kongun et uⱡ mbÊ, Tikikus ndi, enim kÊn int omba, timan ropa ngumba. Tikikus ei, tÊn nga wu ÊngÊn mendpÊⱡ ei, Nuim ei nga kongun wu kun kai, tÊn kÊn kongun rup ropa etÊm. 8 Uⱡ ei nga nÊmp kÊn, wu ei, enim kÊn ngump mundunt. TÊn etÊp mormun mel nant nimba kandpa, wote enim nimba ronduⱡ mundpa etmba. 9 Wu Onesimas, Tikikus ni, wu ei kÊn, tÊp kup endÊp mundÊnt. Onesimas ei, tÊn nga ÊngÊn wu kai ei, wote enim nga wu puⱡ ei. Wu raⱡ int enim kÊn okÊⱡ, ya ila penim uⱡ mbÊ mel nÊk, kai etÊk nguinggil. 10 Kan manga ila na kÊn, rup rop petÊmbÊⱡ wu Aristakas ndi, rawe ik kai mbÊ, enim kÊn nimba mundnÊm. Wote, wu ti Mak, Banapas nga wu pam ei, enim kÊn rawe etpa, ik kai mbÊ nimba mundrum ku. (Wu ei, enim kÊn om ndam, na unt enim ik man ngur ni mel rawe etÊk tÊi!) 11 Wote, wu ti Josuwa, mbi ti tek, Justus nÊtmin ei ndi, rawe ik kai mbÊ nimba mundrum ku. Jura wamp mbÊ nga mondpa pili wu raldika kÊⱡ, na kÊn rup rok, Got nga wamp tÊpa mumuk rui kongun ei nga etmin. Wote, na nga puⱡ orunga, ambulk pilik tÊk rapÊndÊrmin. 12 Wote, wu Epapras ndi, enim kÊn rawe ik kai mbÊ, nimba mundnÊm ku. Wu ei enim nga wu puⱡ ei, Jisas Kraist nga kongun endÊtÊm ku. RÊk rÊk enim nga nÊndpa atinga ronduⱡ mundpa ropa, Got waldpa, enim nga mondpa pili orunga, ronduⱡ pangga molk, Got nga pÊtÊm uⱡ mbÊ mint, pep rok muⱡeing nimba etÊm. 13 Na wu ei nga morum puⱡ orunga pilip kÊn, akup nÊndÊnt ei, enim kÊn, Leiyorisiya, Iropolis kona raⱡ nga wamp mormin mbÊ nga pora, rak ndupa wu ei ndi, kongun ronduⱡ mundpa endÊtÊm. 14 Luk, tÊn nga numan mondurmÊn wu dokta ei kÊn, wu Dimas raⱡ ndi, rawe ik kai mbÊ, enim kÊn nÊk mundunmbil ku. 15 TÊn nga angmÊn Leiyorisiya kona ila mormin mbÊ kÊn, wote amp Nimba nga manga ila, Got nga rapa tenda ila mormin wamp mbÊ pora, tÊn ndi, rawe ik kai mbÊ, nÊmp mundÊnmÊn ku. 16 Enim ya mon ei, kÊmp rok, pora nduk kÊn, wote Leiyorisiya kona ila rapa tenda ila wamp mormin mbÊ, kÊmp rok kÊneing nÊi! Ui ei kÊn ku, enim ndi, Leiyorisiya wamp kÊⱡ nga mon rok ngung ei, kÊmp rÊi ku. 17 Wote, wu Akipas kundÊk, nÊk mel, “Pilpa kai etpa Nuim ei ndi, kongun ngurum ei, ronduⱡ mundpa, etpa pora ndoimp ropa nimba pilpa etangga,” nitim. 18 Na nga ki mendpÊⱡ kÊⱡ ndi, mon ei ront. Rawe ik kai mbÊ, na Pol kÊn tepa onum. Na kan manga ila pet, tÊk apra ndui nÊndÊi! Got nga wamp poⱡ ti uⱡ ei, enim kÊn kan piyangga!