Ipru 5

1 Wamp mbÊ ndi, wu pris kuimbal morung mbÊ pora, to ropa mondrum uⱡ ei, Got elim ndi, wamp ei rukÊr tÊpa kÊn, wamp mbÊ tÊpa rapundpa kongun indangga nimba itim. Mel mat, Got kÊn angge nÊk ngorung mbÊ, wamp mbÊ nga uⱡ kit mbÊ nga nÊndÊk, kalk tindiⱡim mundÊk etÊng. 2 Wu pris kuimbal morum ei nga ronduⱡ ti mon. Uⱡ ei ndi, uⱡ mat ou ndupa iti natÊtÊm. Elim ndi, wamp mat, pilik kun iti natÊk etmin mbÊ kÊn, uⱡ ⱡawa etmin mbÊ kÊn, raka raka nimba kongun etÊm. 3 Nambuⱡ emel, wu pris kuimbal ei nga ronduⱡ ti natÊtÊm uⱡ ei, elim nga uⱡ kit etÊm mbÊ kÊn, wamp mbÊ nga uⱡ kit etmin mbÊ, kÊmp kÊm Got ndi, tinga ndÊndangga nimba kÊn, kaⱡpa tindiⱡim mundi uⱡ ei itim. 4 Wu Pris kuimbal mormin kongun ou ei, wamp ti ndi, tÊpa mundi namÊndrÊm mon! Got elim ndi, unt wu Eron ni, wi ropa tÊpa, kongun ngurum. Ei mel ku, akup i ku etmin. 5 Uⱡ ei mel ku, Wu Pris kuimbal mormÊn kongun ou ei, Kraist elim kÊng orunga mepa oⱡa pi nÊpÊrÊm mon. Ei nga, Got ndi, Kraist ni kundpa, nimba mel, “Nim na nga KangÊm Wu ei, akup na nim nga TipanÊm rant,” nÊtÊm. 6 Buk Wingti ila, Got ndi, aldpa Kraist ni, kundpa nimba mel, “Nim Wu Pris Melkisendek mel ralkÊn, rÊk rÊk molkÊn mint pÊn!” nÊtÊm. 7 Jisas unt mÊi kona ila wamp mel moⱡpa kÊn, elim Got nga mana orunga moⱡpa, ik teng ndupa itim. Wote, elim koⱡmba uⱡ ei nga, Got ndi, elim etpa peng kont tangga nimba itim. Nambuⱡ emel, elim ndi, wi ropa ka ronduⱡ mundpa etpa, atinga ronduⱡ mundpa ropa itim. Uⱡ i itim mbÊ, Got ndi pitim. 8 Wote Jisas ni, Got KangÊm ei moⱡpa kÊn, mbun koma ropa mindil nurum. Uⱡ i itim ei ndi, elim Tipam nga numan pÊtÊm ei mel, ik teng ndupa itim. 9 Jisas elim nga Tipam ndi, kongun ngurum ei, etpa pora ndupa kÊn, elim wamp Etpa Ti Uⱡ ei nga Puⱡ Wu ei murum. Wamp nam ti ndi, Jisas nga ik ei, pilik pep rong ndam, uⱡ nga kÊnt nga molk mint ping. 10 Ei kÊn, Got ndi, Jisas kundpa, nim Wu Pris Kuimbal muⱡÊn. Uⱡ ei, unt wu Melkisendek murum ei mel muⱡÊn. 11 Unt nga Wu Melkisendek nga ik mong puⱡi tetÊm mbÊ, akup tÊn ndi, enim nimbun nguimin, ei nga mbun etpa petÊm. Ei nambuⱡ emel, enim pilik ting ei nga pilik mbi ndui nandÊrmÊn. 12 Enim wamp mat, unt kor nga mel morung ni nga, kapⱡa wamp mat, Got nga ik puⱡ kuimbal mbÊ ik mbo endÊk iting uⱡ ei, enim ndi, kapⱡa iti nÊting, mon! Wote, wu kuimbal moⱡÊng mat ndi, Got nga ik puⱡ kuimbal mbÊ, enim aldpa ik mbo inding. Enim ndi, rÊng ronduⱡ purum mbÊ tÊk, nuing ei kelik, aim mint nok mormin. 13 Wamp nam ti, aim mint normin wamp mbÊ, kangambuⱡa kel mel kapⱡa. Uⱡ kun kai mbÊ, pilik mbi ndui nandÊrmin. 14 Ronduⱡ purum wamp mbÊ ndi, pilpa kungÊndi kai mbÊ, tÊpa uⱡ kit kai mbÊ, kÊmp tÊk kandÊk mbi ndurmÊn. Wote, wamp mbÊ ndi, rÊng ronduⱡ purum mbÊ, kapⱡa nuing.