Ipru 6

1 Wote, tÊn Kraist nga ik kuimp tepÊn pitmin mbo rondrÊng ik ei ndi, nimba mel, numan ropÊl rok uⱡ kont pi napÊrÊm mbÊ, wak rok uⱡ wamp nu tindi uⱡ, wamp ambulk atinga rundi uⱡ, wamp koⱡpa kont pi uⱡ, wote Got nga wamp kÊmp ti uⱡ ei, rÊk rÊk pepa mint mba ei nga pÊtmÊn. Ik mbÊ nga wote, int mbun ni nÊnmÊn mon. Akup ei kÊn, Got nga ik mong ronduⱡ mbÊ, pilip tÊpÊn ronduⱡ mbun pep rÊmin. 3 Got ndi, elim nga ik ila ronduⱡ puk, pep rui nilinga ndam, tÊn kapⱡa pep roⱡmina ku. 4 Unt wamp mat, Got ndi, wamp mbÊ nga numan orunga kumba tindilinga kÊn, elim nga ik ei pilik mbi ndurÊng. Got nga gem ngui ei, muⱡ kona mana urum ei tÊk, Muⱡnga Wingti tÊk etÊng. Wote, Got nga ik ei, pilik kai pÊtÊng. Got nga tÊpa mumuk rui uⱡ ronduⱡ omba ei, pilik pora ndurÊng. Uⱡ i etÊk, wote uⱡ kit ila pung ndam, Got tÊk mbuⱡ nguk iting. Wote yant ok, numan ropÊl rok iting ei nga nombuⱡa mam ti, ti natÊtÊm, mon. Nambuⱡ emel, en enim nga uⱡ kit etmin mbÊ ndi, ropÊl rok, Got nga kangÊm ei, nde peta ila aldpa nil rok, mint muⱡing. Wote, wamp mat ndi kandÊk, Got nga kangÊm tÊk mbuⱡ ngÊk, ik mbuldung nundÊk etmin. 7 Uⱡ ei mel ku, ui mbila, kona ndamÊng rorum ei kÊn, mÊi mbÊ nu pepa, pana rÊng kai mat oⱡa oⱡnga kÊn, wamp pana rÊng rarmin mÊi ei, Got ndi, etpa kai mondrum. 8 Wote mÊi ti, goimbun rong na, eta oⱡa omba etÊm ei, mÊi kai ti mon. MÊi ei kit moⱡpa, pora ndurum. Ei nga wote, Got ndi, etpa kit mundangga kÊn, ndip ndi, nomba pora ndumba. 9 Wamp mÊn mul kÊⱡ ye! Wote, tÊn ik i etpÊn nimin uⱡ ei, Got ndi, enim memp pendpa, etpa rukÊr tÊmba uⱡ ei nga pilpÊn nÊnmÊn. 10 Enim nga kongun etmin, wote Got nga wamp mbÊ kÊn, numan ngok uⱡ kai etÊng. Uⱡ ei, etÊk ku mormin. Got ei, wu kun kai morum ei ndi, enim tÊpa apra ndui nandpa, punt romba mint. 11 Wote, tÊn numan ei ndi, enim kÊn ronduⱡ mundpÊn pÊnmin uⱡ ei, enim ndi, wamp numan nguk, uⱡ kai etmin uⱡ mbÊ, etÊk mint pangina kÊn, enim nga ui ei pora nangga. Wote Got ndi, enim mel kai mat nokÊndmÊn mbÊ, punt ropa ngumba. 12 Wote tÊn ndi, pÊnmin ei, enim enimp mundi namÊndÊk, wote wamp mat nga mondÊk pÊtmÊn uⱡ mbÊ kÊn, nokÊndmÊn mel mbÊ kandÊk, enim pep rong ndam, Got ndi, nguimp nimba mÊi rurum mel mbÊ, kapⱡa ting. 13 Unt Got ndi, Aparam kÊn nimba mÊi ropa nitim ik ei, wamp nuim elpa, ti nga mbi tepa angÊndpa ni nÊndÊtÊm ei mon. Nambuⱡ emel, nuim wu ti, i etpa muⱡi nambÊrÊm ei nga, Got elim nga mbi ila tepa angÊndpa, ronduⱡ mundpa nimba mÊi ropa nitim. 14 Got ndi, nimba mel, “Na ik kupa ei nÊnt. Na ndi, nim memp mam ti nguimp. Wote, nim nga wamp pundÊn minal kalk ting,” nitim. 15 Got ndi, Aparam kundpa nitim ik ni pilpa kÊn, enimp kuⱡi naⱡÊpa nokundpa moⱡnga, nitim ik nimbÊ, omba kupa itim. 16 Ni kÊn, wamp nam ti ndi, nimba mÊi ropa ik nÊtÊm ei kÊn, elim nga ik ei kupa itangga nimba kÊn, wu nuim ou ti nga nimba, mbi ropa angÊndpa nilinga, pÊtmin wamp mbÊ ndi, elim nga ik ei, kupa nÊk pÊtmÊn. 17 Unt Got ndi, tÊn Aparam nga wamp rÊⱡaip mbÊ kÊn, nimba mÊi ropa, enim tÊp nguimp nitim. Nitim uⱡ ei mel akup, tÊn kÊn kupa etÊm. Elim nga nimba mÊi ropa nitim ik ei, ronduⱡ purum. 18 Ei nga, Got nga ik raⱡ nimba pinditim ei mel petÊm. Nambuⱡ emel, Got ndi, ik raⱡ kol ropa ni nÊndÊtÊm mon. Uⱡ ei ndi, tÊn wamp nga mundmong orunga etpa, ronduⱡ mundangga kÊn, tÊkÊrpÊn mbun, Got kÊn nondpa mou ruimin. Wote, tÊn nga numan orunga, Got ndi, nguimp nitim mel mbÊ, ambuⱡpÊn gi ndupÊn nokÊndamÊn! 19 Got ndi, mel kat, tÊn nokundÊk muⱡÊi nitim kÊⱡ, wamp kont mul uⱡ ei, tÊn nga mundmong ila, gi nimba muⱡangga kÊn, manga kÊkaⱡ wingti, ila muⱡ mbal mam ti, kuipa rok mondÊrmin ila rukÊr mbin. 20 Jisas ndi, tÊn tÊpa rapundpa kÊn, unt elim rukÊr purum. Wu Pris Kuimbal Melkisendek nga murum uⱡ ei mel, rÊk rÊk moⱡmba purum.