Ipru 7

1 Melkisendek ni wu ei, Salem kona ei nga, wu nuim mumuk ei moⱡpa, Got Oⱡa Orunga ei nga wu pris kuimbal moⱡpa itim. Aparam ndi, unt wu nuim mumuk tÊmbÊkak mbÊ kÊn, el ropa wote, wu mbÊ ropa kondpa kÊn, kelpa mang kona mbi nimba, mba nombuⱡa mam ila, wu Melkisendek kandpa tilinga, wu Melkisendek ndi, Aparam ni memp pinditim. 2 Wote Aparam ndi, el etpa andpa, mepa urum mel nimbÊ nga mat, kÊmp tÊpa, 10 endpa, tenda Melkisendek ngurum. Melkisendek nga mbi tek nÊtÊng, kuimp tepa puⱡ ei, “Uⱡ kÊn kai mbÊ nga wu nuim mumuk,” nÊk, wote Salem kona ei nga wu nuim mumuk nÊk etÊng. Uⱡ ei, i ku etÊk, ropÊl rok kÊn, “Numan wang ndui uⱡ ei nga wu nuim mumuk,” ei nÊtÊng. 3 Melkisendek nga tipam mam ralt mon, anda kouwÊ ti mon ku. Mam ndi, mitim ui ti mon. Wote, kurum ui ti mon. Wote, Melkisendek nga murum timan mbÊ, tÊn pi napÊtmÊn. Wu ei, Got KangÊm nga morum uⱡ ei mel, rÊk rÊk wu pris kuimbal morum. 4 Enim pilik kun itÊi! Melkisendek ni, wu ei mbi murum. TÊn nga kaⱡpa titim anda kouwÊ kuimbal Aparam ni, wu ei mbi murum ku. Wote Aparam ndi, el etpa andpa mel kai mat titim mbÊ kÊmp tÊpa, 10 endpa, tenda Melkisendek ni ngurum. 5 Wote, Lipai wamp mbÊ nga kangÊmÊl mbÊ, pris kongun ei mint etmin. Mi ik ei ndi, wamp mbÊ kundpa, Isrel wamp mbÊ nga mel 10 endpa, tenda kÊmp tÊk, Lipai wamp mbÊ, ngÊi mint nÊtÊm. Isrel wamp mbÊ, Lipai wamp mbÊ nga ÊngÊnÊl mendpÊⱡ mbÊ. Aparam nga wamp kaⱡpa titim mbÊ nga, wote Isrel wamp mbÊ ndi, Lipai wamp ÊngÊnÊl mbÊ nga mel mbÊ, kÊmp tÊk nguing mint, nÊtÊm. 6 Melkisendek ni, wu ei, Lipai wamp rÊⱡaip kÊⱡ nga wu ti mon. Wote Aparam ei, Got nga memp minal titim wu ei ndi, mel 10 endpa, tenda kÊmp tÊpa ngurum mbÊ tÊpa, wote Aparam memp pinditim. 7 TÊn pitmÊn ei, wu ti memp pendÊtÊm ei, oⱡa orunga moⱡnga kÊn, memp pendÊtÊm wamp mbÊ, wu ei nga mana orunga mormin. 8 Isrel wamp mbÊ nga mel 10 endpa, tenda Lipai wamp mbÊ ndi, tÊtmÊn uⱡ ei, wamp kormin mbÊ nga mel mbÊ tÊtmin. Wote Melkisendek ndi, mel 10 endpa, tenda tÊtÊm. Wote, elim nga timan ei pÊtmÊn ei kÊn, wu ei, rÊk rÊk kont mba morum. 9 TÊn ndi, kapⱡa ik ei mel nilimina ku, Lipai nga pundun mbÊ ndi, Isrel wamp wei mbÊ nga mel 10 endpa, tenda tÊtmÊn ku. Wote, unt Lipai mi nÊmi kÊn, elim nga anda kouwÊ Aparam ndi, Melkisendek mel 10 endpa, tenda ngurum. Uⱡ ei ndi, pepa kÊn, Lipai elim nga anda kouwÊ Aparam nga mema rukÊr ila murum. Ei nga, Melkisendek ndi, Aparam nombuⱡa mam ila kandpa titim ui kÊn, Lipai ndi, mel 10 endpa, tenda ti ngurum ku nimbun pilmin. 11 Isrel wamp mbÊ, unt mi ik ei, pilik tÊtÊng ei ndi, wamp mbÊ kundpa nimba, Lipai wamp mbÊ pris kongun ei nga mint iteing nÊtÊm. Pris kongun etÊng uⱡ ei ndi, wamp mbÊ molk, kun kai monduⱡnga ndam, wote Got ndi, nambuⱡ emel, wu Eron mel ti, ngumba mundi namÊndpa, aldpa Melkisendek mel wu ti, tÊpa mundrum ei ka! 12 Wote, wu pris kont nga ti moⱡum ndam, mi ik kont nga ti ku pemba. 13 Wote, tÊn nga Nuim ndi, wu ti ninim ei, Isrel wamp rÊⱡaip elpa kat nga, wote wu ei nga rÊⱡaip ila, wu ti rat pol ila moⱡmba. Unt wu pris kÊⱡ, kongun etÊng uⱡ ei mel iti natÊmba. 14 TÊn pilip pora ndurmÊn ni ka! TÊn nga Wu Nuim ei, Jura wamp rÊⱡaip ila oⱡa urum. Wote, Jura wamp rÊⱡaip ila, pris kongun ei iteing nimba, Moses ndi, ni nÊndÊtÊm, mon! 15 Wote, akup tÊn ndi, kandÊp mbi ndunmÊn ei, wu pris kont nga ti, oⱡa omba ei ndi, Melkisendek mel kapⱡa moⱡmba. Nambuⱡ emel, wu raⱡ Lipai nga rÊⱡaip ila mon. 16 Wamp nga uⱡ etÊk, mi ik ei, pep rok, wu pris tÊk mondurmin ei mel mon. Wote, wamp rÊk rÊk kont puk muⱡing ei nga ronduⱡ ila, rÊk rÊk Kraist ei, Pris moⱡmba. 17 Nambuⱡ emel, Buk Wingti ei ndi, nimba mel, “Nim Melkisendek Pris murum ei mel, Pris rÊk rÊk molkÊn mint pÊn,” nÊtÊm. 18 Ni kÊn, mi ik unt nga pris molk kongun etÊng nimbÊ, Got ndi, tÊpa ekit ndurum. Uⱡ ei nambuⱡ emel, mi ik unt nga ei ndi, tÊn tÊpa rapÊndÊmba uⱡ ei nga ronduⱡ ei, kapⱡa mon! 19 Nambuⱡ emel, mi ik unt nga kÊⱡ ndi, wamp ti etpa kun kai mundi nÊmÊndrÊm, mon. Wote akup, uⱡ kai ti pilmin ei, Kraist ndi, tÊn etpa kun kai mundangga, Got kÊn nondpa mbin. 20 Wote, i ku etpa, Got ndi, nimba mÊi rurum ni, Kraist ei, Pris rÊk rÊk muⱡangga nitim. Wote, wu Pris mat, Got ndi, ei mel Pris muⱡeing nimba, mi ik iti, ti nÊtÊtÊm mon! 21 Wote Jisas ni, Got nga mi ik ronduⱡ ila Pris murum. Buk Wingti ila nimba mel, “Wu Nuim ei ndi, mi ik ronduⱡ ti, tepa nitim ik ei, wak rui narÊmba. Nim rÊk rÊk Pris muⱡÊn,” nÊtÊm. 22 TÊn ndi pilamin, ik ronduⱡ nimba pinditim ei, Jisas kÊn omba pena ila pitim. Uⱡ ei ndi, mi ik ei ropa mana ndurum. Wote akup, tÊn etpa kun kai mondÊmba ei nga, rÊk rÊk nokundpa morum. 23 Wote i ku, unt nga wu pris puⱡi molk, kongun etÊng mbÊ korung. Ei nga wote, rÊk rÊk pris molk mint pi naprÊng. 24 Wote, Jisas nga pris kongun ila, rÊk rÊk moⱡpa mint purum. Ei nga, wu ti ndi, koⱡ ila tÊmba mel, kapⱡa mon! 25 Uⱡ ei nga, Jisas ndi, elim nga mbi ila, wamp mbÊ mepa, Got kÊn nondpa omba. Nambuⱡ emel, elim ndi, rÊk rÊk moⱡpa, wamp mbÊ etpa tangga nimba, Got kÊn ronduⱡ mundpa, waldpa atinga rondrum. 26 Jisas wu Pris Kuimbal ei ndi mint, tÊn tÊpa rapÊndÊmba. Wu ei nga, uⱡ ⱡawa ti mon! Wu wingti eng nui kai ei nga, wu mat uⱡ kit etmin ei mel, iti nÊtÊtÊm mon! Got ndi, Wu ei, muⱡ kona ila mbi ou ngurum. 27 Unt nga wu pris morung mbÊ ndi, rÊk rÊk Got kÊn angge nÊk, kalk tindiⱡim mundrÊng. Wu pris mbÊ ndi, en enim nga uⱡ kit etmin mbÊ, nÊk para nduk kÊn, unt kalk tindiⱡim mundrÊng. Wote, wamp mbÊ nga endÊtÊng. Wote, Jisas uⱡ ei mel, iti nÊtÊtÊm mon! Jisas el elim nga kÊng kÊⱡ kÊn, min ei kÊn, ui tenda mint, Got kÊn angge nimba, kaⱡpa tindiⱡim mundrum. 28 Moses nga mi ik ei ndi, wu ti to ropa, pris kuimbal mundrum mbÊ, kun kai muⱡi nambÊrÊng. Wote, Got nga mi ik ronduⱡ, akil tepa urum ei ndi, Got KangÊm kun ei mundrum. Wu pris kuimbal kun kai ei, rÊk rÊk moⱡpa mint mba, pris nga kongun itim.