Luk 14

1 Wote, Jura wamp nga mowi kor ui ni kÊn, Perisi wu nuim ting manga ila, Jisas rÊng nomba pilpa purum. Perisi wu mbÊ ndi, Jisas rÊp etÊk kandÊk morung. 2 Kona ila wu ti nga kÊmp ki orum wu ti, Jisas murum ila nondpa murum. 3 Wote Jisas ndi, wu ni kandpa kÊn, mi ik mbo wu na, Perisi wu na nimbÊ, waldpa nimba mel, “Mowi kor ui ei kÊn, tÊn ndi kanda, kui wamp mbÊ etÊp, kai mundmin muna mon nda?” nitim. 4 Wote wu nimbÊ, ik mat ni nandÊk morung ila, Jisas ndi, kui wu ni, tÊpa mepa mba, kui rurum ni etpa, kapⱡa endÊp pi nilinga, kelpa purum. 5 Wote Jisas ndi, wu nimbÊ, kundpa nimba mel, “Enim nga kangambuⱡa ti kep, muna kng kau ti kep, kut ila mana mba pem ei kÊn, mowi kor ui ila kapⱡa, tÊkrÊk puk, oⱡa ting muna mon nda?” nitim. 6 Wote, wu nimbÊ ndi, Jisas nga nitim ik ni, punt rok ik mat ni nandÊtÊng. 7 Perisi wu ei nga rÊng kurum kona nila, Jisas moⱡpa, kÊndrÊm mel, wu mat en enim raⱡ pol mat kuimbal titim nimbila, muⱡmin mint nÊk pilik orung. I etÊng ila, Jisas ndi, ik ek ropa, wamp nimbÊ, kundpa nimba mel, “Wu ti ndi, kang amp tÊmba ila rÊng koipa, ‘Enim wÊi!’ nitim. Nimba kÊn, wi rom ndam, nim pukÊn, rat pol kuimbal muⱡi nÊmbÊⱡi. Wu ti, elpa mbi moⱡpa etÊm ti nga to rok tÊndÊng tila, nim pili napilikÊn puk muⱡÊn. 9 Nim okÊn, kuimbal muⱡana kÊn, wote rÊng koim puⱡ wu ni ndi, nim mÊn ila omba, nim kundpa, nimba mel, ‘Nim morÊn rat pol kuimbal ei, wu ti elpa ngangga!’ Wote, nim pipil kulkÊn, pukÊn met tÊp orunga, rat pol mbila muⱡÊn. 10 Wote. uⱡ ei nga, wu ti ndi, rÊng koipa nim ui nimba wi rom ndam, nim pukÊn, tip orunga muⱡana. Wu ei ndi, nim mÊn ila omba, nim kundpa, nimba mel, ‘Ana ye! Nim okÊn, rat pol kuimbal muⱡÊn ui nangga kÊn, nim okÊn, rat pol kuimbal moⱡÊn, wamp nga kuimp keta ila mbi ou tÊkÊn, rÊng nokÊn muⱡÊn.’ 11 Wamp nam ti, elim nga kÊng orunga mepa oⱡa mba moⱡum ndam, Got ndi, wamp ei, ropa mana ndumba. Wamp ti elinga, kÊng orunga mepa mana mba moⱡum wamp ei, Got ndi, wamp ei, paka rondÊmba,” nitim. 12 Wote Jisas ndi, rÊng kuitÊm wu ndi, kundpa nimba mel, “Nim ndi, rÊng koikÊn nuin etkÊn kÊn, nim nga wamp rÊⱡaip tenda na, ÊngÊnÊl na, kng mel pi wamp mbÊ, wi rokÊn, weing ni nÊni! Wote, wamp mbÊ ndi, rÊng mat koikÊn, nim wi rangina, pun ndam, nim nga rÊng koikÊn ngurun mbÊ, punt rok yant nguing. 13 Ei mon! Nim ndi, rÊng mam ti kuin ndam, wamp kurpa na, kÊmp ki kit wamp na, mong ti wamp mbÊ, wi rok nana ok rÊng neing. 14 Got ndi, nim memp pendÊmba. Nambuⱡ emel, wamp kit mbÊ ndi, nim nga rÊng ngÊn mbÊ nok kÊn, punt rui nÊring. Got ndi, nim punt ropa ngumba ui ila, wamp kun kai korung wamp mbÊ, on kona ila ⱡoprÊk yant ong,” nitim. 15 Wote, rÊng nok morung mou ila rÊk wu ti, Jisas kÊn murum ni ndi, ik nÊtÊng ni pilpa, Jisas kundpa, nimba mel, “Got nga wamp tÊpa mumuk rui kona ila rÊng nok moⱡÊng mbÊ, kai pilik muⱡing,” nitim. 16 Wote Jisas ndi, wu ni, kundpa nimba mel, “Wu ti ndi, rÊng mam ti koipa kÊn, wamp puⱡi rÊng neing wÊi nimba wi rorum. 17 Wote, rÊng koipa ui ei kÊn, elim nga kongun wu ti, tÊpa mundrum ila mba, wamp rÊng neing weing nimba, unt to rurum mbÊ, wi ropa nimba mel, ‘RÊng mbÊ, tÊpa kun etpa pora ndum, neing wÊi!’ nitim. 18 Wote wamp nimbÊ, pi nÊpÊmÊn nÊtÊng. Wu ti ndi, nimba mel, ‘Na kongun kona ti, rarÊp nop tint ei, mbo kÊnimp mbi ent. Na pi nÊpimp,’ nitim. 19 Wu ti ndi, nimba mel, ‘Na pi nÊpimp, kng kau 10 kat rarÊp rop tint kÊⱡ, kongun iting, muna mon nda? Na mbo kÊnimp ent,’ nitim. 20 Wu ti ndi, nimba mel, ‘Na amp kokila ti, tÊp tep mor ei ka, pi nÊpimp,’ nitim. 21 Wote, kongun wu ni ndi, wamp ik nÊtÊng nimbÊ, pilpa yant omba, wu nuim ei, kundpa nitim. Wu nuim ni pilpa, popÊⱡ kuⱡpa, elim nga kongun wu ni, kundpa nimba mel, ‘Nim tÊkrÊk mint pukÊn, kona peng ei nga nombuⱡa ou kel tetÊm mbila, wamp kurpa na, kÊmp ki kit wamp na, mong ti wamp na mbÊ, tÊk mekÊn wana, na nga manga ei, mukÊr ti nangga!’ nitim. 22 Kongun wu ni ndi, wu nuim ni nga nitim ni mel, etpa pora ndupa kÊn, wu nuim kundpa, nimba mel, ‘Nim nin ni mel int ei nga, wote manga ni, ti ni nanÊm,’ nitim. 23 Wote, wu nuim ni ndi, kongun wu ndi, kundpa nimba mel, ‘Nim kona peng ei, wak rokÊn, nombuⱡa kel ila pukÊn, kinana wamp mat moⱡÊng ndam, ik ronduⱡ mundkÊn wamp mbÊ kÊn nana, wamp mbÊ, ya na nga rÊng kuimp ila wangina, manga ei ti nangga! 24 Na ndi, enim kondÊp nÊnt. Unt wamp mat, wi rÊr mbÊ ndi, na nga rÊng koint mbÊ nga kot, ama nomba kÊni nakÊndÊmba!’” nitim. 25 Ni kÊn, akil tepa wamp rÊⱡaip mam ti, Jisas kÊn rÊp rok purung. Wote Jisas ndi, ropÊl ropa, wamp mbÊ kundpa, nimba mel, “Wamp ti, na kÊn pep ropa uimp nimba pilim ndam, elim nga tipam mam raⱡ kep, amp kangambuⱡa mbÊ kep, ÊngÊnÊl kimÊnÊl mbÊ kep, wote elim nga mul uⱡ ei kep, wak ropa om wamp ei, na nga kitip kÊni wamp ti moⱡmba. 27 Wamp ti, elim nga uⱡ mbun mindil mbÊ, nde peta mel, mi namÊmba, na pep rom ndam, wamp ei, na nga kitip kÊni wamp muⱡi nambÊⱡmba. 28 Wote, wu nam ti ndi, manga mam ti, rÊkimp nimba kÊn, ku moni namba iti ndi, manga ei, rakÊp timp nda nimba, numan ila kuimp tepa to rorum. 29 Kuimp elim tepa, elim nga numan ila pilpa, kun iti natÊpa kÊn, ku ronduⱡ etpa pendÊm ndam, wote mang ei rakpa, pora ndui nÊndangga kÊn, wamp mbÊ ndi kandÊk, ik raka rondÊk nÊk mel, ‘Manga ei rakpa, pora ndui nÊndrÊm ei ka!’ ning. 31 Wu nuim ti mba, wu nuim ti kÊn, el itimp nimba kÊn, kuimp tepa, elim nga numan kuimp tepa pÊtÊm. Elim nga el wu 10,000 tep morum. Wu nuim ti nga el wu 20,000 mepa omba, elim kÊn el pendpa, elim rok munding, muna mon nda nimba, unt pÊtÊn kuimp tepa pÊtÊm. 32 Wu nuim ei ndi, elim kÊn kapⱡa mon nimba, pilpa kÊn, wu nuim ei, ruⱡ etpa moⱡnga kÊn, wu mat tÊpa, nomba uⱡ rung mundpa kÊn, el ei, rop kundimp nÊtÊm. 33 Uⱡ ei mel ku, wamp nam ti ndi, elim nga mel mbÊ, wak rui narÊm ndam, na nga kitip kÊni wamp muⱡi nambÊⱡmba,” nitim. 34 Wote Jisas ndi, ik ti, nimba mel, “Ip kuta ei, mel kai. Wote, ip kuta nga tÊngÊn ei, pora nim ndam, namba uⱡ ti etpÊn kÊn, ip kuta nga tÊngÊn ei kai moⱡmba. 35 Ip kuta kit morum ei, tÊpÊn kongun kona na mbila, ropÊn mundi namÊndÊrmÊn. Kng kau te na mbila, tÊp rak ndupÊn, pana kona na mbila, mundi namÊndÊrmÊn ku. RopÊn mundpÊn ketmin ni ka! Wamp ti, kum nombuⱡa tem ndam, ik mong ei pilÊi!” nitim.