Luk 15

1 Wote, ku moni takis tÊk, uⱡ kit mbÊ etÊk etÊng wu nimbÊ, Jisas ni moⱡpa, ik nitim ila kum tek, pilmin nÊk, nondpa orung. 2 Wote, Perisi wu na, mi ik mbo wu na nimbÊ ndi, ik mura etÊk, Jisas kundÊk, nÊk mel, “Wu ei, wamp kit mbÊ kÊn, ki ngumba moⱡpa, rÊng rak ndupa moⱡpa, nomba enim ei ka!” nÊtÊng. 3 Wu kÊⱡi nÊtÊng ila, wote Jisas ndi, ik ek kat ropa, wu kÊⱡ kundpa, nimba mel, “Enim wu mbÊ nga ti ndi, kng sipsip 100, Êt ropa tepa muⱡangga kÊn, wote kng sipsip tenda ti, andpa mba tiki poⱡpa, pena pem ndam, kng sipsip puⱡ wu ei ndi, kng sipsip 99 wak ropa tila, mondpa kelpa mba, kng sipsip tenda ei, kandÊp timp mint nimba, kurpa purum. 5 Mba kurpa kandpa tÊpa kÊn, tÊpa pendÊk ombil ila koma ropa mepa, rui mÊi nimba, mepa manga kona omba kÊn, elim nga wamp rÊⱡaip tenda na, wamp puⱡ mbÊ, wi ropa rukÊr tÊpa, nimba mel, ‘Na nga kng sipsip tenda ti, andÊp mba tiki purum ni, kandÊp tÊp mep, ont nitim mel kÊn, wamp mbÊ elim kÊn ambulk palk tÊtÊng,’ nitim. 7 Jisas ndi, nimba mel, “Na ndi, enim ik kupa kat kundÊp nÊnt. Ya mana nÊtmin uⱡ ei mel ku, ambulk palk wamp kit ti, numan ropÊl rorum ei kÊn, wi muⱡ kona ila ambulk palk, ei mel ku nÊtmÊn. Wamp 100 kÊⱡ, numan ropÊl rok, pora nduk mormin nÊk pilik mormÊn. Ei mon! Wamp tenda ei mint, uⱡ kit mbÊ etpa morum ni, numan ropÊl rorum ei kÊn, wamp ama ambulk palk tÊtÊm,” nitim. 8 Wote Jisas ndi, ik ek ti ropa, wamp mbÊ, kundpa nimba mel, “Amp ti, elim ku silpa mong ruri kat, tepa muⱡangga kÊn, ku mong ruri tenda ti, manga mukÊr etpa, tÊpa mana ndupa etÊm ndam, wote namba uⱡ etmba? Ku meiya kandpa, manga brum mepa, kandÊp timp nimba kÊrÊrÊm. 9 Amp ni, elim nga ku mong mana purum kandpa tÊpa kÊn, elim nga wamp mbo na, kona tenda wamp na mbÊ, wi ropa rÊk tÊpa, kundpa nimba mel, ‘Na nga ku mong ruri ti, mana purum ni, akup kurÊp kandÊp tint, nitim ila wamp mbÊ kÊn, ku moni puⱡ amp ei kÊn, ambulk palk minal,’ nÊtÊng. 10 Wote Jisas ndi, wamp mbÊ, kundpa nimba mel, “Na ndi, enim ik kupa kat kundÊp nÊnt. Ya mÊi kona ambulk palk nÊtmin uⱡ, to ei mel ku, wamp kit ti, numan ropÊl rorum ei kÊn, Got nga wi muⱡ kona anggelo mbÊ, uⱡ i etÊk, ambulk palk,” nÊtmin. 11 Wote Jisas ndi, ik kat wamp mbÊ, kundpa nimba mel, “Wu ti nga kangÊm wu raⱡ mitim. 12 Kang wu akil ni ndi, tipam kundpa, nimba mel, ‘Na ndi, numan ti pÊnt ei mel, nim ndi mel mbÊ, kÊmp tÊkÊn mat, kang wu komun ei ngukÊn, na nga nguin mat, akup ngui!’ nitim. Wote tipam ndi, mel nimbÊ, kÊmp tÊpa, kangÊm wu raⱡ ngurum. 13 Kang wu akil ei nga ngurum mel nimbÊ, tÊkrÊpa mint tÊpa, mÊk ropa wamp mbÊ kÊn, ku moni tÊpa mepa, nung nimba, kona ruⱡ ronggÊt muⱡimp nimba purum. Kona nila moⱡpa, ik pili napilpa, ku moni mepa purum mbÊ, etpa pora ndurum. 14 Ku moni na mel nimbÊ, etpa pora nduⱡnga kona nila, kump kun mam ti titim ila, kun kurum. 15 Wote, kang wu ni mba, kona ila wu ti nga kongun indimp nimba purum. Wu ni ndi, kang wu ei tÊpa, elim nga kng makrÊp indangga nimba, tÊpa mundrum. 16 Kang wu ni mba kÊndrÊm mel, kng nimbÊ mbin kÊng mbÊ, norung ni kandpa, ol tÊmÊng nurum. Wote, wamp na ti ndi, elim rÊng na mat, nangga ngÊk iting mel, kapⱡa mon. 17 Kang wu ni, akup numan kun kat kandpa, tÊpa moⱡpa nimba mel, “Na nga tipam ei nga kongun wamp mbÊ, rÊng puⱡi tek mormin pÊnt ei ka! Na ya ila mÊn ndam, kump kun ndi kuⱡimp. 18 Nanim kelip, wuta kÊn mbo rimp mel, ‘Na ndi, Got kÊn wuta, nim raⱡ etÊp, kit mundÊr ei ka nimp. 19 Akup, na wu kai ti mon. Ei nga, na nim nga kangÊm ei nin, mel kapⱡa mon. Na tÊkÊn nim nga kindmant kongun wu mel mundÊn,’” nitim. 20 Nimba kÊn, tipam murum kona nila elim purum. Mba nombuⱡa mam ila ruⱡ etpa pelinga, tipam moⱡpa kÊndrÊm mel, kangÊm urum ni kandpa kÊn, tÊkrÊpa omba, kangÊm kanggÊⱡpa, numan minal ngurum. 21 KangÊm ndi, tipam kundpa, nimba mel, ‘Na ndi, Got kÊn nim kÊn, kit mundÊr. Ei nga, akup na wu kai ti mon. Nim ndi, na nim nga kangÊm nin mel mon ei ka!’ nitim. 22 Wote tipam ndi, elim nga kongun wu nimbÊ, wi ropa nimba mel, ‘Enim ndi, wal pÊki kai ni kÊⱡ, mek ok puk ndÊi! 23 Puk kÊn, kng kau waⱡ pela kai iti ti, tÊk mek ok, rok kui yangina, tÊn nombun moⱡpÊn, ambuⱡpÊn paⱡpÊn muⱡamÊn!’ nitim. 24 Tipam ndi, nimba mel, ‘Na nga kangÊm wu ei, mba kurum nÊmp pitmin ni mon! Kont moⱡpa, yant om ei nga rÊng mam ti nok molk, ambulk palk muⱡamÊn,’ nitim. 25 Kang wu kumna ni, ant ei kÊn, kongun kona ila murum. Wote, mang kona uimp nimba, manga keta ila nondpa omba, pitim mel, wamp mat gita rok, denis etÊk nÊk, morung ni pitim. 26 Wote, kongun wu ti, wi ropa tÊpa, waldpa nimba mel, ‘Wamp mbÊ, namba elinga nÊk mormin ei?’ nitim. 27 Kongun wu ni ndi, punt ropa nimba mel, ‘Nim nga ÊngÊn wu akil ni, yant om ila tipanÊm ndi, kangÊm om ei nga numan elinga kÊn, kng kau waⱡ pela ti, ropa koim. Ei nambuⱡ emel, kangÊm moⱡpa, kai mondpa, yant om ei nga em ei.’ 28 Kang wu kumina ei ik ni pilpa kÊn, popÊⱡ kuⱡpa, manga ila mukÊr pi napÊpa, pena murum. Wote tipam ni, pena omba, kangÊm ik mat kundÊp namba, numan wang ndangga, nimba nitim. 29 Kang wu ni ndi, tipam kundpa, nimba mel, ‘Nambuⱡ emel, na ndi, nim nga kindmant kongun endÊp puⱡ mba, pana mbÊ ou ndupa omba purum. Na ndi, nim nga ik tÊp, roi ndui nandÊp et, ni ka! Nim ndi, na kng meme waⱡ na ti, ngana kÊn, na nga wamp puⱡ mbÊ kÊn kep, koip nomp, numan kai pilip iti natÊt mon, ni ka! 30 Wote, nim nga kangÊm wu ei ndi, mel mbÊ mepa mba, amp wapra mbÊ kÊn, etpa pora ndupa pendpa, wote aldpa, yant om. Ei nga, kng kau waⱡ pela ti, rok koindkÊn itÊn ye!’ nitim. 31 Wote, tipam wu ni ndi, kangÊm wu kumina ni kundpa, nimba mel, ‘Nim ya na kÊn, rÊk rÊk rÊp rokÊn morÊn, ni ka! Na nga mel tetÊm mbÊ pora mel, nim nga mbÊ mint tetÊm. 32 Wote, kang wu ei mba, kurum nda nimbun pitmin ni, akup kont moⱡpa, yant om. Ei nga, numan kai pilpÊn, ambuⱡpÊn paⱡpÊn nÊmp tamin,’” tipam ndi nitim.