Luk 17

1 Jisas ndi, kitip kÊni wu kÊⱡ, kundpa nimba mel, “Uⱡ elpa elpa mat omba, wamp mbÊ tangga kÊn, uⱡ kit mbila mana ping. Wamp nam ti ndi, uⱡ kÊⱡ em wamp ei, mong tÊmba ei ka! 2 Wote, wamp nam ti ndi, na nga kangambuⱡa kel ti, etpa uⱡ kit mur ila mana ndum ndam, wamp ei, ku mam ti, kan kuⱡpa nuim kan ila rumÊndpa tÊpa, num kuta ila ropa mana ndumba an. I etmba uⱡ ei nga, wamp mbÊ, en enim rÊp etÊk, kai mondÊk muⱡÊi! 3 ÉngÊn uⱡ kit mat, etpa moⱡum ndam, nim ndi, kundkÊn nana kÊn, tÊpa kun etpa numan ropÊl ropa tangga kÊn, nim ndi, uⱡ kit mbÊ wak rundi! 4 Wote, ÊngÊn wamp ei, nim kÊn uⱡ kit 7 ant tenda ila em ndam, ÊngÊn nim kÊn yant omba 7 ila tangga kÊn, elim nga uⱡ kit em mbÊ, kont kuⱡpa tangga! Nim ndi, uⱡ kit em nit mbÊ, wak rundi!” nitim. 5 Nombuⱡa rung wu nimbÊ, Jisas kundÊk nÊk mel, “Nim ndi, tÊn nga mondpa pili uⱡ ei, etkÊn ou indÊn ka!” nÊtÊng. 6 Wote Jisas ndi, nombuⱡa rung wu ni kÊⱡ, kundpa nimba mel, “Enim nga mondpa pili ei, nde mastat mong kel mel, kapⱡa em ndam, nde kÊⱡ kundÊk, puⱡ pÊkÊ rÊnggÊⱡa, rokÊn pukÊn, num kuta ila ÊnggÊli! Nangina, wote enim nga nÊng ik ei mel, ‘Nde kÊⱡ kapⱡa, pep romba!’” nitim. 7 Wote Jisas ndi, nimba mel, “Wu ti ndi, elim nga kongun wu ti, tÊpa mundangga mba, kongun kona ila mÊi apÊp romba, muna mba, kng sipsip rÊp etpa andpa, mang kona om ei kÊn, elim nga wu nuim ei ndi, nimba mel, ‘Nim tÊkÊrkÊn okÊn, ila molkÊn, rÊng nui!’ nimba ei? Ei mon! 8 Wu nuim ei ndi, kongun wu ei, kundpa nimba mel, ‘Na nga rÊng mbÊ tÊkÊn kun endkÊn, nim nga kan mum ei, tÊk gi tÊkÊn ralkÊn, na nga rÊng mbÊ, ro rokÊn, mek okÊn ngana, na unt rÊng na, nu na mbÊ neimp. Wote, nim nu na, rÊng na mbÊ nÊn.’ 9 Wu nuim ei ndi, elim nga kongun wu elim nitim uⱡ kÊⱡ, pep ropa itim ei nga, wu nuim ei, angge ni nÊndÊtÊm, mon. 10 Uⱡ to ei mel ku, Got ndi, enim uⱡ mat iteing nimba ngum ndam, kongun mbÊ etÊk, pora ndukÊn, nÊk mel, ‘TÊn kongun wamp kit kÊⱡ nÊi! TÊn uⱡ enmin mbÊ, kindmant kongun mint etÊp mormin, nÊi!’” nitim. 11 Wote Jisas ni, Jerusalem nombuⱡa mam nila mba, pilpa purum. Mba Galili kÊn, Sameriya kona raⱡ nga rÊk ting ila purum. 12 Jisas ni omba, kona tila oⱡnga kÊn, kint pombuⱡma wu 10 kat ndi, Jisas urum nombuⱡa mam nila ok, kandÊk tÊtÊng. Wu ni kÊⱡ ok, ruⱡ etÊk anggilik, Jisas ni, ronduⱡ wi rok nÊk mel, “Wu Nuim ye! Nim ndi, tÊn kont kun ka!” nÊtÊng. 14 Wote Jisas ndi, wu ni kÊⱡ, kandpa kÊn, kundpa nimba mel, “Enim nga kÊng mbÊ, mek puk, wu pris kÊⱡ, ora ndui!” nitim. Ni kÊn, mbin nÊk, nombuⱡa ruk ting ila puⱡnga, wu ni kÊⱡ nga kÊng mbÊ kai elinga, kelik purung. 15 Wote, wu 10 kÊⱡ nga tenda ti ndi, elim nga kÊng kÊⱡ kÊndrÊm mel, kÊng kÊⱡ kai murum ila, kelpa yant omba, wi ronduⱡ mundpa ropa, Got nga mbi paka rÊndrÊm. 16 Wote, wu ni mba, Jisas ÊnggÊtÊm kona nila, mura ropa mondpa rumÊⱡi pepa, Jisas nga kÊmp puⱡ ila mba pitim. Wu ei, Sameriya kona ila urum. 17 Wote Jisas ndi, wu ni, kundpa nimba mel, “Wu 10 kÊⱡ nga kui ei, kapⱡa em nÊmp pint ni ka! Wote, akup wu 9 kÊⱡ, nÊl mormÊn? 18 Wu mat yant ok, Got nga mbi paka runding ui nawÊng ei ka! Kona elpa ila wu tenda ei mint, yant om kant ei ka!” nitim. 19 Jisas ndi, wu ni, kundpa nimba mel, “Nim nga mondpa pili uⱡ ei ndi, ninim etpa, kapⱡa endnim. Nim oⱡa anggilkÊn pi!” nitim. 20 Wote, Perisi wu nimbÊ ndi, Jisas waldÊk, nÊk mel, “Got nga wamp tÊpa mumuk rui uⱡ ei, nant kÊn omba nda?” nÊtÊng. Jisas ndi, ik nÊtÊng ni, punt ropa nimba mel, “Got nga wamp tÊpa mumuk rui uⱡ ei, wamp na ni mel ti wangga, enim mong raⱡ ndi, kÊni nÊkÊning mon. 21 Wamp ti ndi, nimba mel, ‘Got nga wamp tÊpa mumuk rui uⱡ ei, noi ila tetÊm, muna ya ila morum,’ ni nÊning mon. Nambuⱡ emel, Got nga wamp tÊpa mumuk rui uⱡ ei, enim kÊn ya rÊk ila omba, tepa pora ndurum,” nitim. 22 Wote Jisas ndi, elim nga kitip kÊni wu ni kÊⱡ, kundpa nimba mel, “Wote, ui ti ekit om ei kÊn, MuⱡÊl Wu Kupa ei nga ui ei, kÊnmin nÊk, numan minal ngÊk muⱡing. Wote enim ndi, ui ei kÊni nÊkÊning. 23 Wote, wamp mat ndi, enim kundÊk, nÊk mel, ‘Wu ei noi ila morum, muna ya ila morum.’ I nÊng ndam, wote wamp mbÊ nga nÊng ik ei, enim pep rok, pi nÊpÊi mon! 24 Enim kandÊk pÊtmÊn ni ka! Kona kiraipa etÊm ei kÊn, oⱡa muⱡ ei pora rÊⱡang purum ni ka! Uⱡ ni mel ku, MuⱡÊl Wu Kupa ei, om ei kÊn, wamp mbÊ pora, kandÊk pilik iting. 25 Wote MuⱡÊl Wu Kupa ei, unt mindil nomba, mbun koma ropa etmba. Akup ui nga wamp mbÊ ndi, wu ei tÊk mbuⱡ nguing. 26 Unt wamp mbÊ molk, wu Nowa murum ei kÊn, etÊng uⱡ ei mel ku, akup MuⱡÊl Wu Kupa omba, ei nga, wamp mbÊ ndi, uⱡ ei mel ku iting. 27 Unt wamp mbÊ, rÊng nok, nu nok, kang amp tÊndÊk etÊk moⱡina, Nowa omba, okak manga ila mukÊr purum. MÊi ila nu oⱡa omba, wamp mbÊ, ropa nu wÊnggÊrÊm. 28 Wote akil tepa, Lot murum ei kÊn, wamp mbÊ molk, uⱡ mbo tenda ei mel ku etÊng. RÊng nok, nu nok, mel mbÊ rarÊp rok, int yant tÊk, pana kongun etÊk, manga rakÊk etÊk moⱡina, Lot ni, Sorum kona ila wak ropa puⱡnga, ant tenda ila, ku kundi na, ndip na mbÊ ndi, wi muⱡ ila kona ndamÊng mel mana omba, wamp mbÊ ndip ndi, nomba pora ndurum. 30 MuⱡÊl Wu Kupa ei ndi, yant omba ei kÊn, unt uⱡ itim ei mel ku, wote uⱡ i iting. 31 Ant tenda ei kÊn, wu ti mba, manga im oⱡa orunga moⱡpa kÊn, elim nga mel mbÊ, manga mukÊr tem ndam, wote murÊk mba, kapⱡa ti natÊmba. Uⱡ ei mel ku, wamp ti pana kongun kona ila mba, moⱡum ndam, wote mang kona yant ui nawÊmba. 32 Lot ambÊm ndi, elim nga mel mbÊ nga tÊpa pendpa yant ndupa kÊndrÊm uⱡ ei, akup enim numan tÊk mundÊk pilÊi! 33 Wote, wamp nam ti ndi, elim nga kÊng orunga mint, nimba pilim ndam, kont mba mul uⱡ ei wak romba. Wote, wamp nam ti ndi, na nga nimbÊ pilpa, elim nga kÊng orunga, pili napilim ndam, wamp ei, kont mba mul uⱡ ei, kapⱡa tÊmba. 34 Na ndi, enim kundÊp nÊnt an! Rumbuldi wamp raⱡ manga rat pol tenda ila ur piyanggila kÊn, wamp ti, tÊpa mepa mba kÊn, wamp ti, wak romba. 35 Wote amp raⱡ, oka pek rokÊⱡ muⱡanggila kÊn, amp ti, tÊpa mepa mba kÊn, amp ti, wak romba. [Wote wu raⱡ, kongun kona ila etkÊⱡ muⱡanggila kÊn, wu ti tÊpa mepa mba kÊn, wu ti wak romba,” nitim.] 37 Wote, kitip kÊni wu ni kÊⱡ ndi, Jisas ni, waldÊk nÊk mel, “Wu Nuim ye! Nim nÊn uⱡ kÊⱡ, kona nant ila omba?” nÊtÊng. Jisas ndi, yant ndupa, punt ropa nimba mel, “Kui ti koⱡpa purpa, tetÊm kona ila, kÊi tap mbÊ ok, num petmÊn,” nitim.