Luk 16

1 Jisas ndi, elim nga kitip kÊni wu ni kÊⱡ, kundpa nimba mel, “Ku moni ÊmbrÊm wu ti, elim nga wu ti ndi, kongun rÊp inditim. Ei kÊn, wu mat ndi ok, ku moni ÊmbrÊm wu kunt rok, nÊk mel, ‘Nim nga kongun rÊp wu ei ndi, ku moni mbÊ etpa nÊwÊ pora ndunÊm ei ka!’ nÊtÊng. 2 Wote, ku moni ÊmbrÊm wu ni, elim nga kongun rÊp inditim wu wi ropa, kundpa nimba mel, ‘Nambuⱡ emel, nÊkÊn nim uⱡ etÊn mbÊ, na kundÊk nilingina pÊnt. Na nga mel mbÊ pora, nim nga ki ila tetÊm mbÊ nga punt rokÊn, tÊkÊn kun indi. Nim akup kongun wu muⱡi nÊmbÊⱡÊn!’ nitim. 3 Wote, kongun rÊp wu ni, elim nimba mel, ‘Na nga kongun rÊp endÊt wu nuim ei ndi, na makrÊnÊm pÊnt ei nga kindmant kongun mÊi apÊp rop, itimp mel kapⱡa mon. Na ndi, wu mat, ku moni nguing nimp uⱡ ei, pipil enim. 4 Akup na uⱡ ti, itimp ei mel pÊnt. Na nga wu nuim ei ndi, na makrÊm ei kÊn, wu mbÊ ndi, na mek, enim nga manga mbila ping,’ nitim. 5 Nimba pilpa kÊn, wu tenda tenda nimba, elim nga wu nuim ei nga punt mondrung wu mbÊ, wi rurum ila orung. Wote wu ti, kuimp tepa urum ni, waldpa nimba mel, ‘Nim ndi, na nga wu nuim ei nga punt namba iti mundrÊn?’ nitim. 6 Wote, wu ni ndi, nimba mel, ‘Wel ming 100 tit ei ka!’ nitim. Wote, kongun rÊp wu ni ndi, nimba mel, ‘Nim pepa ongum ngÊnt ei ndi, nim nga punt morum ei nga, tÊkÊrkÊn mana molkÊn, 50 nÊkÊn, mon rokÊn mundi!’ nitim. 7 Wote, wu ti urum ila, kongun rÊp wu ni ndi, waldpa nimba mel, ‘Nim nga punt namba iti norum?’ nitim. Wu ni ndi, nimba mel, ‘1000 ming wit morum,’ nitim. Kongun rÊp wu ni ndi, wu ni, kundpa nimba mel, ‘Nim pepa ongum ngÊnt ei ndi, punt 800 nÊkÊn, mon rokÊn mundi,’ nitim. 8 Wote, wu nuim ni ndi, kongun wu ni itim uⱡ ni kÊⱡ, kandpa mbi ndupa kÊn, kongun rÊp itim wu ni, kai nitim. Uⱡ ei, nambuⱡ emel, kongun rÊp wu ei ndi, wamp mbÊ mel punt mondrung mbÊ, mepa mana omba mon ngurum. Uⱡ itim ei ndi, elim numan ngeing nimba itim. Wu mat ndi, ya mÊi kona ila uⱡ mbÊ nga minal, peng goiya tÊk, enim nga kongun elpa elpa mbÊ, pip rok etÊk, mek puk kÊn, rÊⱡang ila mormin wamp mbÊ, rok mana ndurmin,” nitim. 9 Na ndi, enim ik kupa kat kundÊp nÊnt. Ya mÊi kona ila ku moni mel kit ei, enim ndi, tÊk ambulk kÊn, wamp mbÊ tÊk rapÊndÊⱡngina, enim numan ngormÊn. WakÊt ui tila, ku moni ambÊrmin uⱡ ei, pora nim kÊn, uⱡ nga kÊnt nga kona ei, ik tÊk rapÊndrÊng wamp mbÊ ndi, enim rawe etÊk ting. 10 Wote, wamp nam ti ndi, mel kel mbÊ rÊp etpa kai mondum ndam, wote mel ou mbÊ, kapⱡa rÊp kai etmba. Wamp ti ndi, mel kel mbÊ kÊn, uⱡ kun mat iti natÊm ndam, wote mel ou mbÊ kÊn, uⱡ kun mat iti natÊmba ku. 11 Ya mÊi kona ila, ku moni mel kit ei, wamp ti ndi, rÊp etpa kit mondum ndam, wote wamp nam ndi, Got nga kongun uⱡ kupa mbÊ nangga, rÊp etpa kai mondÊmba? 12 Wote enim ndi, wamp mat nga mel mbÊ, rÊp indi nandÊng ndam, wote enim mel mbÊ nam ndi ngumba? 13 Wamp ti ndi, kongun wu raⱡ nga kongun kindmant rak ndi nandÊmba. Kongun wu ti, numan ngum ndam, kongun wu ti numan ngui ngangÊmba. Kongun tila ik kum tem ndam, tila tÊpa mbuⱡ ngumba. Enim Got nga kongun etÊk, wote ku moni ei kÊn, rak nduk kongun iti nÊtÊi mon!" nitim. 14 Perisi wu mbÊ, ku moni mint numan ngurmin uⱡ ei ndi, Jisas nga nitim ik ei, tÊk ik kuldÊtÊm. 15 Wote Jisas ndi, Perisi wu mbÊ, kundpa nimba mel, “Enim numan ei ndi, pitmin uⱡ ei, wamp mbÊ ndi, enim uⱡ kun mbÊ, etmin nÊk, pileing nÊk pÊtmÊn ei ka! Wote Got ndi, enim nga mundmong ila, uⱡ mo ropa petÊm uⱡ kÊⱡ pÊtÊm. Wamp ndi, uⱡ kai mat nÊk pÊtmÊn kÊⱡ, Got nga kuimp keta ila, uⱡ kit kÊⱡ etmin. 16 Mi ik na, painui wu mbÊ nga ik na mbÊ, Jon wamp nu tindi wu ei murum ei kÊn titim. Got nga wamp tÊpa mumuk rui rÊnang kai ik ei, Jon puⱡ mondÊp, kongun itim ei kÊn, mÊi kona mbila pora purum. Got nga wamp tÊpa mumuk rui kona ila wamp mbÊ pora, ronduⱡ mundÊk, rukÊr mbin nÊtÊng. 17 Muⱡ mÊi raⱡ pora nimba, wote Got nga mi ik kel kot, ama pora ni nanÊmba,” nitim. 18 Jisas ndi, ik ti nimba mel, “Wu nam ti ndi, elim nga amp ei, wak ropa ndupa mundpa kelpa kÊn, amp elpa ti tÊm ndam, wu ei, wapra nga uⱡ etmba. Wu ti nga amp ti, unt wak ropa ndupa mundpa kitim ti, wote wu ti tÊm ndam, wu ei, wapra nga uⱡ ku etmba,” nitim. 19 Wote Jisas ndi, ik ti, nimba mel, “Unt wu mel pi ti murum. RÊk rÊk mel eng nui kai mbÊ mint raⱡpa, wal pÊki kunt mbÊ mint, pakÊpa murum. Ant mbila rÊk rÊk rÊng kai mbÊ mint, nomba murum. 20 Wu mel pi ei nga manga keta puⱡ puⱡ kumba pena orunga, wu kurpa ti murum. Wu kurpa ei nga mbi ei Lasarus. Wu mel pi ei nga rÊng na mat nomba itim kÊn, rat pol ila mana mba itim mbÊ, aprÊp tÊp nomp elimba, nimba pitim. KÊng iti etpa mema ropa itim mbÊ, owa mbÊ ndi ok, pen tek nok etÊng. 22 Wote Lasarus ni, kurum ila, anggelo mat ndi ok, tÊk mek, muⱡ kona Eiparam kÊn, rÊp rok mondrung. Wote, wu mel pi ni kurum ila, tÊk anggÊtÊng ku. 23 Wu mel pi ni, koⱡpa mba kÊn, wamp kolk puk, mindil mam mbÊ nok mormin kona ila mba, mindil nomba moⱡpa, tÊpa oⱡa ndupa kÊndrÊm mel, Eiparam ni Lasarus raⱡ, rÊp rokÊⱡ, ruⱡ etkÊⱡ morunggil. 24 Wu mel pi ndi, wi ropa nimba mel, ‘Wuta Eiparam ye! Nim ndi, na kont kulkÊn, Lasarus kundkÊn nana kÊn, ki ila nu kot mondpa, mepa omba, na nga keta anmbil ila, oi ndangga kÊn, keta anmbil ei koma tiyangga! Na ya ndip ila moⱡÊp, mindil mam ti nont ei ka!’ nitim. 25 Wote Eiparam ndi, wu ni, kundpa nimba mel, ‘Kang wu ye! Nim kont murÊn ni kÊn, mel kai mbÊ mint, ÊmbrÊn ni pili. Lasarus mel kit mbÊ mint ÊmbrÊm. Akup ya kona ila, Lasarus numan kai pilpa morum. Wote, nim mindil kit nokÊn morÊn. 26 Wote uⱡ ti, Got ndi itim ei, enim mormÊn kona ei kÊn, ya tÊn mormÊn kona raⱡ nga rÊk ila, ruⱡ mam ti petÊm. Ya orunga mormÊn wamp mbÊ ndi kapⱡa, ru ei puⱡa rok, int orunga uing mel kapⱡa mon. Wote, int orunga mormÊn wamp mbÊ ndi, ru ei puⱡa rok, ya orunga uing mel kapⱡa mon ku.’ 27 Wote, wu mel pi ni ndi, nimba mel, ‘Wuta Eiparam ye! Nim ndi, kapⱡa Lasarus tÊkÊn mundana, na nga wuta nga mang kona mba, na nga wu ÊngÊnÊl 5 kat mormÊn kÊⱡ, kundpa nangga kÊn, pilik uⱡ ⱡawa etmin mbÊ, tÊk kÊn etÊk muⱡeing. TÊpa kawa ndangga, wote wu kÊⱡ ok, ya kona ila mindil mam mbÊ, nuing ei mon!’ nitim. 29 Wote Eiparam ndi, punt ropa nimba mel, ‘Moses nga mi ik na, painui wu mbÊ nga mi ik na mbÊ pora, tetÊm ei kapⱡa, wu mbÊ kum tek piling,’ nitim. 30 Wu mel pi ni ndi, punt ropa, Eiparam kundpa, nimba mel, ‘Nim nÊn ik ei kapⱡa mon. Wamp korung ti, on etÊk pendÊtÊng ei, ⱡoporpa mba wu kÊⱡ mormin ila pum ndam, wu kÊⱡ ndi kandÊk, numan ropÊl ruing,’ nitim. 31 Wote Eiparam ndi, wu ni, kundpa nimba mel, ‘Wamp mbÊ ndi, Moses na, painui wu mbÊ nga mi ik mbÊ, pilik pep rui narÊng ndam, wote wamp on etÊk pendÊtÊng ti, on kona ila ⱡoporpa pum ei kandÊk kÊn, mondÊk pili nÊpÊling mon, ei ka!’” nitim.