Matyu 2

1 Jisas ni wÊl Juriya mÊi kÊmp ei nga kona peng ti mbi tek, Betelem nÊtmin kona ila metÊng. Ui ei kÊn Erot ni, wu ei king murum. Ei kÊn ku, akil tepa wu kat oⱡa muⱡ ila mipil mbila, kandÊk ko rok etmin wu kÊⱡ al ant oⱡa orum orunga molk ok, Jerusalem kona peng ila ping orung. 2 Jerusalem rÊk ok waldÊk nÊk mel, “Kang nana Jura wamp mbÊ nga King moⱡmba kang mem nÊng ni nant? Wu king moⱡmba ei nga mipil ei, tÊn al ant oⱡa ui orunga, kandpÊn ombun mbi paka rundmin onmÊn,” nÊtÊng. 3 King Erot ni, wu king ti meng nÊtÊng ik ei pilpa, rot nimba, popÊⱡ kurum ei mel ku, Jerusalem ila ik ei pÊtÊng wamp mbÊ pilik, rot nÊk popÊⱡ mundÊk etÊng ku. Ni kÊn, wu pris kuimbal mbÊ na, mi ik mbo wu na mbÊ ok, tÊk tenda itÊi nilinga, oⱡina waldpa nimba mel, “Got ndi mbi ropa mundum wu Nuim Mumuk Kraist ei, nant tila meng nda?” Erot nitim. 5 “Wu ni kÊⱡ ndi, nÊk int nduk Betelem kona peng Juriya kona ila meng,” nÊtÊng. “Ei painui wu ti ndi, ik pai nomba i etpa ropa pinditim: 6 “‘Juriya orunga kona Betelem ye, nim kona peng kel ti mon. Ei nambuⱡ emel, Betelem kona ila wu ti meng ei ndi, Isrel wamp mbÊ nga king moⱡpa, wamp mbÊ rÊp etpa tÊpa kun etmba,’” nitim. 7 Ei kÊn, Erot ndi, al ant oⱡa ui orunga, wu tÊma ni kÊⱡ tÊpa tenda etpa, mou kel ti rorung nila waldpa nimba mel, “Mipil ei ant mong kun nant ei kÊn, muⱡ ila oⱡa oⱡnga kanÊng?” nitim. 8 NÊtÊng ik ni pilpa, wu ni kÊⱡ tÊpa, Betelem mondpa ik ei mel nimba “Puk wang nduk kang ninmin ei kurÊi! KandÊk tÊng ndam, yant ok na kondÊk nangina, na i ku etÊp, mbo mbi paka rimp,” nitim. 9 Wu kÊⱡ, king ei nitim ik ni pilik, en enim ping orung ni mel puk, nombuⱡa mam ila mipil unt kandÊk, pep rok orung ni pitim. Wote, mipil ni kandrung ei kÊn, ama numan mam ti elinga, kai pilik morung. Wote mipil ni oⱡa muⱡ ila ndui nimba kuimp tilinga, wu ni kÊⱡ akil tek puⱡÊngina, mipil ni mba, kang nana ni pitim manga nila omba murum. 11 Mipil rÊⱡang nomba pitim, manga nila murÊk puk, amp Mariya kÊn, kang nana Jisas raⱡ kandÊk tÊk, rumaⱡi pek, Jisas nga mbi paka rondrÊng. Wote, en enim nga wal mek orung nimbÊ, elpa elpa aptÊk tek, ku eng nui mat ngok, kopung mura rui, ou ni mat kÊn, nde ongum i ku etpa mura rui mat angge nÊk ngok etÊng. 12 Mel nimbÊ ngok pendÊk, en enim kelik mang kona nombuⱡa mam elpa tila ku purung. Ei nambuⱡ emel, Got ndi, rumbÊⱡ rui ur kump ila man ngumba, king Erot morum ila aldpa int pi nÊpÊi nitim ei nga etÊng. 13 Ant oⱡa ui wu tÊma ni kÊⱡ puⱡÊngina, mbuldung orunga, Got nd, Josep ur pitim nila ur kump ngumba, kundpa nimba mel, “Oⱡa molkÊn! Kang nana ei kÊn, mam kÊn kongundkÊn mekÊn, Isip mÊi kÊmp ila nÊng nÊkÊn pi! Puk ila muⱡangina, na ndi, yant ui nÊnt tila pilkÊn, yant ui! Nambuⱡ emel, Êkpi nundpa, king Erot ndi, elim nga el wu mbÊ tÊpa mundangga, ya kang nana ei rok kunding enmin ei mon!” nitim. 14 Ik ei pilpa, rumbÊⱡ tenda nila ku, kang nana ni kÊn, mam kÊn kongundpa melinga, Isip kona ila purung. 15 Kona nila puk molk, ui mat tÊk mundÊⱡina, wote king Erot ni kurum. Ei nga, Pai nui wu Aisaiya ndi, ik nitim ei omba kupa itim. Ei nga, ik pai nui wu ei ndi, Oⱡa Nuim Got nga keta tÊpa nitim ik ei mel, “Na nga kangÊm ei, al Isip murum ei, wi rop Isip wak ropa kelpa ekit wangga nÊnt!” nitim. 16 Wu pilpa kungÊndi ni kÊⱡ ndi, King Erot elim tÊk kumngui randrÊng, uⱡ ei tÊpa mendpa popÊⱡ kurum. PopÊⱡ ei ndi, elim nga el wu mbÊ kundpa nimba mel, “Kang nana ya Betelem kona ila kep, Betelem nga nondpa petmin wamp mbÊ nga kang nana pana raⱡ ndi, mana ndupa, kanÊng mbÊ rok kundÊi!” nitim. Ei nga, tÊma ila ant oⱡa ui orunga orung wu ni kÊⱡ ndi, mipil kuimp tepa pilinga nilinga, kandÊk ok nÊtÊng ik ni pilpa moⱡpa, Jisas ni rop kundimp nimba, pilpa pana to ei mel, kang nana mbÊ rok kundÊi!” nitim. 17 I itim uⱡ ei ndi, painui wu Jerimaiya ndi, pai nomba nitim ik ei, omba kupa itim, ik ei mel, 18 “Wi Rama kona ila, wi ti urum pitmin ni, wamp ka rom ÊⱡmbÊⱡ ik ei pitmÊn. Ni kÊn, amp Reisel ndi, elim nga kangambuⱡa mbÊ nga ka itim. Numan wang ndangga nÊk, kont kondÊnmin ei, kont kuⱡi nÊⱡi!” nitim. “Ei nambuⱡ emel, elim nga kangambuⱡa mbÊ, kolk pora ndung ei nga!” nitim. Isip Morung Ni Mel Nasaret Kelik Yant Orung 19 Erot kurum ni kÊn, Josep wÊl Isip murum nila, ur kump itim ei, Got nga anggelo ti ndi omba, Josep kundpa nimba mel, “Nim oⱡa molkÊn, kang ei kÊn, mam kÊn kongundkÊn mekÊn, nim nga Isrel mÊi ila rukÊr pi! Nambuⱡ emel, kang ei, rop kundmin nÊtÊng wu nimbÊ korung,” nitim. 21 Ni kÊn, Josep ik ni pilpa, rut nimba rumbÊⱡ tenda nila, kang ei kÊn mam kÊn kongundpa mepa, Isrel mÊi ila yant urum. 22 Wote Erot koⱡnga, kangÊm Arkaleyas ni, tipam nga koⱡ ila, Jura wamp mbÊ, rÊp enim nÊtÊng ik ni Josep pilpa, Jura kona ila mba ei nga mundmong itim. Ni kÊn, Got ndi, ur kump ngumba nduimp rundrum mel, Galili ni, kona ei nga kona peng ti mbi tek, ‘Nasaret,’ nÊtmin nila, mba pepa murum. I itim uⱡ ei ndi, painui wu ti ndi, Jisas nga nÊndpa nitim ik ni omba kupa itim, “Wu ei mbi tek, ‘Nasaret wu ei,’” nitim.