Matyu 3

1 Ui nimbÊ kÊn, wamp nu tindi wu Jon ni Jura kona kui waka ronggÊt Got nga ik ei puⱡ mondpa, wamp mbÊ kÊn nimba mel, “Got nga wamp tÊpa mumuk rui kona ei nundpa onum kÊn, en enim nga uⱡ kit mbÊ tÊk mbuldung ngÊi!” nitim. 3 Jon ni wu ei, painui wu Aisaiya ndi, nitim wu ni, nimba mel, “Kona kui waka ila, wamp ti wi ropa, ‘Wu Nuim ei tÊn kÊn omba ei nga nombuⱡa mam ei kÊtÊk kai itÊi! Nombuⱡa rondung ei, kun pangga,” nitim. 4 Jon nga muⱡ mbal wal pÊki pÊkrÊm mbÊ, kng kamel nga kÊng mbila rok rambrÊng. Wote, kng kÊng ei, kÊp kan rurum. RÊng nui mel, uipÊ nguimba mbÊ ropa numba, pilma muⱡ mbÊ tÊpa numba itim. 5 Elim nga ik nitim ni kÊnmin nÊk, Jerusalem ila wamp na, Jura wamp rÊⱡaip na, nu Joran ÊldÊ ila wamp rÊⱡaip na mbÊ orung. 6 En enim nga uⱡ kit etÊng nimbÊ nÊk para nduⱡina, nu Joran ila nu tinditim. 7 Perisi na, Sarusi wu minal Jon ndi, nu tÊndangga nÊk, orung ni kandpa, i nitim, “Enim kimbuⱡa mbÊ ye! Enim Got ndi, popÊⱡ tÊpa mundÊmba enim ila enim nÊng nÊk, ping nimba wamp nam ndi nitim? 8 Nim nga uⱡ in mbÊ ndi, nim nga numan ropÊⱡ run uⱡ ei, tÊpa mot ndangga. 9 Wote, mindil tÊpa mundÊmba uⱡ ei na, Aparam nga pundun kungan ei, nÊmp kÊn na, nÊng nÊmp mbi nÊk pili nÊpÊlÊi! Na ndi, enim kundÊp namp, ‘Ku mbÊ mana, Got ndi, etpa Aparam nga wamp pundun kungan kapⱡa randÊmba!’ 10 Rui ti ndi, nde ei nga puⱡ pilkan kÊⱡ, rung ndumba ei nga tÊpa kun etpa morum. Nde ti, mong kai ropa iti natÊm nde ei, rui rok tÊk, ndip ila munding. 11 Na enim nu ila mint nu tindint ei ndi, nim kupa numan ropÊⱡ rÊn nÊmp ent. Wote, akil tepa omba wu ei ndi, Muⱡnga Wingti kÊn, ndip kÊn pendpa nu tÊndÊmba. Wu ei, na mel kapⱡa mon! Wu Nuim ei nga ronduⱡ ei, kot oⱡa mel, na wu mana orunga ei ndi, elim nga kÊmp rÊk mel raⱡ kep, tÊp mimp mel kapⱡa mon. 12 Wu ei ndi, wit ropa muⱡ petÊm mana, ropa nÊnou rorum mbÊ apurÊrmÊn ni mel, mana wamp mbÊ i etpa, apÊrpa wamp kit kai mbÊ, tÊpa elpa elpa mondÊmba. Wit ropa muⱡ pem mbÊ tÊpa, manga etpa, wit ropa nÊnou rom mbÊ tÊpa, ndip tila kaⱡmba, ndip ei kumbÊⱡi nambÊrÊm!” nitim. 13 Jon wamp nu tinditim ui ni kÊn, Jisas wil Galili orunga moⱡpa, omba nu Joran ila omba, Jon ndi elim nu tÊndangga nimba urum. 14 Ni kÊn, Jon ndi numan pilpa onum ei, wak rangga nimba Jisas kundpa, “Na wu mana ei, nim ndi nu tÊndÊn nÊmp kel rondÊp mor ndi, wote na ndi, nim nu tÊndamp nÊn ei, etÊk pilik nÊn mel nant?” nitim. 15 Ni Jisas ndi, ik punt ropa nimba mel, “Akup nÊnt uⱡ ei mel, peng piyangga. I etÊp mbuⱡ uⱡ ei, Got nga numan ila pilangga kapⱡa etmba,” nitim. Wote Jon ndi, Jisas nitim ni mel pilpa teng ndupa itim. 16 Wote Jon ndi, nu tÊndÊlnga, Jisas nu mil ni wak ropa ekit oⱡnga, wi muⱡ ei, wei guⱡ gaⱡa nimba kumba tilinga, Got nga Muⱡnga ni kÊi Imil mel ndui nimba mana omba, Jisas nga peng ila rÊⱡang ngumba murum. 17 Ni kÊn, wi muⱡ ila ik ti ekit omba nimba mel, “Ya wu ei, na nga kangÊm mendpÊⱡ ei, nanim kandÊp numan ndi kont,” nitim.