Matyu 24

1 Jisas ni, manga wingti ou ei, wak rop kelip mbi nimba puⱡnga, elim nga kitip kÊni wu ni kÊⱡ ndi ok, elim wi rok manga wingti ei kÊn, wÊng ila manga morum mbÊ, tÊk ora ndurÊng. 2 Jisas ndi, wu kÊⱡ ik punt ropa nimba mel, “Enim manga mbÊ kupa kanmin. Ei nga, na enim ik ti kundÊp namp, manga kanmin ei nga ku mbÊ, rok gu ndangina, manga ei Êtkil ropa mba pemba,” nitim. 3 Wote, Jisas Olip komnga nila oⱡa mba murum ni kÊn, elim nga kitip kÊni wu kÊⱡ ndi, raka nÊk rÊk ok, elim waldÊk nÊk mel, “Nim nÊn uⱡ mbÊ, nant kÊn etmba ei, tÊn kundÊk nana pilamin! Wote, ui pora nangga, nim yant uin ei nga namba uⱡ mbÊ, itangga kandpÊn pilip muⱡmin,” nÊtÊng. 4 Jisas ndi, punt ropa nimba mel, “Enim wamp ti ndi, tÊpa tiki pundÊmba ei nga, tÊk mendÊk muⱡÊi! 5 Ei nambuⱡ emel, wamp minal, na nga mbi ila onmÊn nÊk ei mel ning, ‘Na wu Kraist,’ nangina, wamp minal nÊk tiki punding. 6 Kona nondpa mbila, el etÊk, el nung rok eing ik ei piling, wote kona elpa mbila, el enmin nangina, rÊnang ik ei piling ku. Wote, ik mbÊ pilÊng ei kÊn, mundmong iti nÊtÊi! Ei nambuⱡ emel, uⱡ mbÊ mel etmba mint, wote ui pora nimba ei kokila. 7 Ei kÊn, mÊi kona mat kÊn, mat kÊn el iting. Wote, wu rÊⱡaip mat, en enim rÊk el itangina, kump kun kan tepa, kilimbÊmp kona mat ila ambuⱡpa, oⱡa tÊpa etmba. 8 Uⱡ kÊⱡ mel kuimp tepa etmba. Ei amp kangambuⱡa ming pilik, kuimp tek mindil normin ni mel etmba. 9 “Wote ei kÊn, enim imp molk, uⱡ mbun mindil nui mbÊ ngok, rok kondÊk iting. Ei nambuⱡ emel, enim na nga nÊndÊk kongun endÊtmin uⱡ ila kandÊk, mÊi kona wamp mbÊ ndi, enim numan ngui ngÊnging. 10 Ui ei kÊn, wamp minal ndi, en enim nga mondpa pili ei, wak ruing. Wote, mondpa pili wamp mat ndi, mat kÊn oi kan pendÊk rÊk muⱡangina, numan ropa pemba. 11 Ei kÊn, wu mat kep, nok ok, en enim painui wu mbÊ onmÊn nÊk, wamp minal nÊk tiki punding. 12 Ei kÊn, uⱡ kit mbÊ nga roldÊnga pangga, wamp numan ngui uⱡ ei, wak ruing. 13 Wote, wamp ti ui ei kÊn, elim nga mondpa pili wak rui narÊpa, pewa aiwa nimba pangga, ui ei pora nim ndam, wamp ei Got ndi, etpa peng kont tÊmba. 14 Wote, Got nga wamp tÊpa mumuk rui uⱡ ei nga rÊnang ik kai ei, nÊk pora ndangina, mba muⱡ uⱡ mbila, pilik kapⱡa endÊng ei kÊn, pora nimba ui ei omba. 15 “Painui wu Daniyel ndi, nitim ni mel, uⱡ kit ti kona wingti ila anggilpa moⱡum kanÊng ndam, enim Juriya kona ila moⱡÊng wamp mbÊ nÊng nÊk, wi komnga mbila pÊi! 17 Wote, wamp ti manga Êi oⱡa orunga moⱡum ti mana omba, elim nga mel wal mbÊ, timp nimbÊ ui nÊwangga, mon nÊng nimba pangga! 18 Kongun kuimbal pum ti ndi, mang kona yant omba, elim nga wal pÊki kÊⱡ timp nimba ui nÊwangga! 19 Ui ei kÊn, amp kangambuⱡa mundi na, wote amp kangambuⱡa nana aim ngÊk moⱡÊng mbÊ, etÊk iting mel nant ndam, kont enim. 20 KongÊndÊp mbin ui ei, kona tipan poⱡum ei kÊn kep, kona mowi kor ei kÊn, ekit ui nÊwangga nÊk, Got kÊn atinga rok muⱡÊi! 21 Nambuⱡ emel, ui ei kÊn, uⱡ mbun iti ekit omba mbÊ, muⱡ mÊi raⱡ mim itim ei kÊn, omba akup ui ila iti nÊtÊtÊm uⱡ mat omba. Omba wote, ui mbÊ kÊn, uⱡ kit ei mel ti pi napÊmba. 22 Got elim nga kÊmp ropa titim wamp mbÊ nga nindpa, ui kit ekit om ei, nondpa pora nangga, ni nandÊⱡnga ndam, wamp mat kont molk, ruⱡ pi napÊⱡÊngina. 23 Ui ei kÊn, wamp ti ndi, nim kundpa nimba mel, ‘Kraist ei ya onum kana!’ nimba. Muna, ‘Int onum kana!’ nÊm ndam, ik ei, enim mondÊk pili nÊpilÊi! 24 Ui ei kÊn, wu mat Kraist ralk, wote mat, Painui wu ralk, uⱡ min ngÊn pi mbÊ nga ou nduk iting. Nambuⱡ emel, uⱡ ei mel itangina, Got nga kÊmp ropa tÊtÊm wamp mbÊ, Got wak reing nÊk kongun mindil nok iting. 25 Uⱡ wote, etmba ei nga, enim unt nÊmp ndoimp rondÊnt ei pilik muⱡÊi! 26 “Ei kÊn, enim wamp ti ndi, kundpa nimba mel, ‘Kraist ni omba, kona kui waka ila morum kÊnÊiya!’ NÊng ndam, kona ila pi nÊpÊi! Muna nÊk mel, ‘Ya manga ila mo ropa morum kÊnÊiya!’ NÊng ndam, nÊng ik ei, mondÊk pili nÊpilÊi! 27 Kona kiraipa etÊm ei kÊn, rÊⱡang ei, al orunga etpa mba, wÊl orunga kapⱡa enduⱡnga, kapⱡa endÊtmin. Ni mel ku, MuⱡÊl Wu Kupa ei, muⱡ kona ei, wak ropa om ei kÊn, kandÊk wamp ndi, kandÊk kapⱡa inding. 28 Kng, na mel mat purpa tetÊm ila, kÊi tap ok, rung tÊtmÊn,” nÊtmÊn. 29 “Mindil nok moⱡÊng ui mbÊ, pora nim ei kÊn nondpa, ant ei rumbÊⱡ moⱡmba, wote kona kalimp nga rÊⱡang ei kumbÊⱡpa, oⱡa muⱡ ila mipil rangÊnt mbÊ, ndanda nÊk mana uing. Wote, oⱡa muⱡ ei, ambuⱡpa gi ndurum mel mbÊ nga ronduⱡ ei, rowa ndumba. 30 “Ei kÊn, na MuⱡÊl Wu Kupa ei, uimp ei nga tip timal ti, wi muⱡ ila ekit wangga kÊn, mÊi kona wamp mbÊ kandÊk, ka itangina, na MuⱡÊl Wu Kupa ei, oⱡa kopa pol ila, ronduⱡ ei kun, rÊpndi nga rÊⱡang pol ila tÊmÊm tep wamba, mon pangga kÊning. 31 Wote, Got nga kowa pela ik ei, ronduⱡ nangga, elim nga anggelo mbÊ tÊpa mundangga, puk muⱡ uⱡ tepa mba, punt rorum kona mbila, elim nga kÊmp ropa tÊtÊm wamp mbÊ, tÊpa tenda etmba,” nitim. 32 “Nde ui mun etÊm uⱡ ei ndi, enim etpa ora ndumba. Nde ui ongum kÊⱡ mun etpa, oⱡa orum ei kÊn kandÊk, kona ant mba enim nÊtmin. 33 Ei mel, ya nÊnt uⱡ mbÊ mel em kandÊk, MuⱡÊl Wu Kupa ei, yant uimp nitim ui ndi, nondpa enim kant ei, ka nÊk pilik muⱡÊi! 34 Enim ik kupa ei, kundÊp nÊnt. Akup kalk tÊnmÊn wamp mbÊ, kolk pora ndui nÊndangina, ya nÊnt uⱡ mbÊ mel, ekit wangga kÊning. 35 Muⱡ mÊi raⱡ pora ninggil. Ei wote, na nga ik ei, ama pora ni nanÊmba. 36 “MuⱡÊl Wu Kupa ei omba ui ei, rumbÊⱡ tila, muna rÊnggilmÊ, muna ant mong nant tila omba ei, wamp ti ndi, pili napÊtÊm. MuⱡÊl Wu Kupa ei, elim kep, oⱡa muⱡ ila anggelo mbÊ kep, pili napÊtmÊn. Wuta elim mint pilpa morum. 37 Ui ni kÊn, unt wu Nowa murum ui ila wamp mbÊ, uⱡ etÊng ei mel ku, MuⱡÊl MuⱡÊl Wu Kupa ei, yant omba ui ei kÊn, ei mel ku etÊk muⱡing. 38 Nu kui ui nÊwi kÊn, kng rÊng mel mbÊ nok, wu amp tÊk, amp wu puk etÊk moⱡina, wu Nowa ni omba, nu okak manga ila murÊk purum. 39 Nowa itim uⱡ ei kandrung. Ei wote, tÊk mindi namÊndÊk moⱡina, nu kui omba wamp nimbÊ, tÊpa mepa purum. MuⱡÊl Wu Kupa ei omba ei kÊn, mana wamp mbÊ ndi, ei mel ku etÊk muⱡing. 40 Ui ei kÊn, wu raⱡ pana kongun etÊk muⱡÊnggil, ti tÊpa mepa mba, ti mondpa kelpa mba. 41 Ei mel ku, amp raⱡ oka pek rok muⱡanggila, ti tÊpa mepa pangga, ti moⱡmba. 42 Nim tÊk mendÊk muⱡi! Ei nambuⱡ emel, nim nga Wu Nuim ei omba ui ei, nim pili napilkÊn morÊn. 43 Ik kÊⱡ pilÊi! Wamp ti ndi, elim nga manga ei, kindÊp wamp ti ndi, akpa kindÊp nomba ant mong ei, pilinga ndam, rÊp etpa kandpa muⱡangga, kindÊp wamp ei ndi, Êki nakÊⱡnga. Ei kÊn, enim rÊk rÊk tÊk kun etÊk muⱡÊi! Nambuⱡ emel, MuⱡÊl Wu Kupa ei, enim tÊk mindi namÊndÊk moⱡÊng, ant ni kÊn omba. 45 “Wu nuim ti mba etpa kÊn, elim nga kindmant wu ti, kongun teng ndupa pilpa kongÊndpa etÊm? Wu ei, elim nga manga ei rup itangga nimba, mbi ropa tÊpa mondpa, wamp mbÊ rÊng nuing ant ei kÊn, rÊng mbÊ kaⱡpa ngumba itangga nÊtÊm. 46 Kindmant wu ei, elim nga nuim ei ndi, nÊtÊm ei mel kongun mbÊ etpa moⱡnga, wu nuim ou ei omba, kandpa kai pilinga, kongun wu ei elim kai pÊtÊm. 47 Enim ik kupa ei, kundÊp nÊnt, wu nuim ei ndi, kindmant wu ei tÊpa, elim nga pana kongun na, kng mel na mbÊ pÊkÊ rÊp itangga nimba. 48 Wote, kindmant wu ei, wu kit ti ndam, elim ndi, nimba mel, ‘Na nga wu nuim ei tÊkrÊpa yant ui nawÊmba,’ nimba. Wote elim nga kindmant kongun kup wamp mbÊ, tÊmbÊⱡ ndi ropa, nu ronduⱡ normin wamp mbÊ kÊn, rÊng nomba, nu ronduⱡ nomba etpa moⱡmba. 50 Ei kÊn, kindmant wu ei nga, elim nga nuim ei, elim tÊpa mindi namÊndpa moⱡum ant mong ei kÊn omba. 51 Wote ei kÊn, wu nuim ei ndi, kindmant wu ei, tÊmbÊⱡ ndi ropa tÊpa, ik kol wamp mbÊ kÊn, mindil nok mormin kona ila kup indangga muⱡing. Kona ila mindil kolk, ka etÊk gu konggilik muⱡing.