Mak 3

1 Wote Jisas ni, mbi paka manga kel nila int purum mel, wu ti ki kukupa kel etÊm ti ila murum. 2 Wamp mat ila morung nimbÊ ndi, ik nombuⱡa mam mat kurÊk, Jisas mong nguimin nÊk pilik, Jisas rÊp ambulk pilik etÊk nokundÊk. Wote Jisas ndi, Mowi Kor ei kÊn, wu ei etpa kai enim ndam, kÊnmin nÊk morung. 3 Ni kÊn, Jisas ndi, ki kukupa kel etÊm wu ni, kundpa nimba mel, “Nim ya ekit okÊn, wamp nga kump keta ila ÊnggÊli!” nitim. 4 Wote Jisas ndi, wamp nimbÊ waldpa nimba mel, “Mi ik ndi, Mowi Kor ei kÊn, tÊn uⱡ nant ei itmin nimba petÊm? Wamp tÊpa rÊpndi uⱡ ei muna, wamp etpa mbun ngui uⱡ ei ya muna, wamp etpa peng kont ti uⱡ ei muna, wamp ropa kundi uⱡ ei?” nitim. Ni kÊn, wamp nimbÊ ik ti, ni nandÊk raka nÊk morung. 5 Jisas ni, popÊⱡ kuⱡpa, wamp nimbÊ kandpa andpa pok etpa, wote aldpa wamp nimbÊ nga kont kurum. Ei nambuⱡ emel, wamp nimbÊ, numan ⱡawa kÊⱡ ronduⱡ pÊtÊng ei nga itim. Wote Jisas ndi, wu ni kundpa nimba mel, “Nim nga ki ei runga ndui!” nitim. Wu ni nga ki ni, runga nduⱡnga kÊn, omba kun purum. 6 Wote, Perisi wu nimbÊ, manga wingti kel ni, wak rok kun puk, Erot nga wamp rÊⱡaip kÊⱡ kandÊk tÊk, Jisas rumÊn nÊk pilik, nombuⱡa mam mat kurÊrÊng. 7 Jisas kÊn elim nga kitip kÊni wu kÊⱡ kÊn, kelik num Galili ila purung ni, wamp ama puⱡi ndi, elim pep rok orung. Wamp mbÊ, ya Galili kona ou na, Juriya kona ou na, Jerusalem kona peng ou na, Irumiya kona ou na, nu Joran al orunga kÊn, Taiya na, Sairon kona peng ou mbila pora orung. Wamp kona mbila nga pÊkÊ, Jisas nga itim uⱡ timan kÊⱡ pilik kÊn, Jisas kÊn orung. 9 Wamp ama puⱡi orung ila, Jisas ndi, elim nga kitip kÊni wu ni kÊⱡ kundpa nimba mel, “Nu kanu kat elim nga tÊk kun indÊi!” nitim. Kona ila, oⱡa mbo moⱡamba, wamp mbÊ ndi, elim tÊk kum rui nÊreing, nitim. 10 Jisas ndi, kui pitim wamp puⱡi etpa, kai mundrum ei nga, kui pitim wamp mbÊ ndi, elim pint ngÊk, elim kÊn ok minda ndÊmin nÊk pÊtÊng. 11 Kur kit rukÊr orunga murum wamp nimbÊ ndi, Jisas kandÊk kÊn, ropa munduⱡnga mana puk pek, ka etÊk, nÊk mel, “Nim Got nga kangÊm kupa ei ka!” nÊtÊng. 12 Wote Jisas ndi, ronduⱡ mundpa kur kit kÊⱡ kundpa nimba mel, “Elim wu nam ei wamp ti kundÊk ni nÊnÊi mon!” nitim. 13 Wote Jisas ni, komnga mong tila, oⱡa mba moⱡpa kÊn, elim nga numan ngurum kitip kÊni wu ni kÊⱡ wi ropa, elim kÊn, “WÊi!” nitim. Wu ni kÊⱡ, elim murum nila orung. 14 Jisas ndi, wu 12 kandpa tÊpa, mbi tepa elim nga nombuⱡa rung wu kÊⱡ, “Na ndi, enim na kÊn kunda rup rop Êndmin nÊmp tÊnt,” nitim. Jisas ndi, kundpa nimba mel, “Na ndi, enim tÊp ekit ndamba wamp mbÊ kÊn, puk Got nga ik mbÊ man ngok, wote enim ronduⱡ ei tÊk tek molk, kur kit moⱡum wamp mbÊ, tÊk munding,” nitim. 16 Elim nga kitip kÊni wu 12 kandpa titim kÊⱡ nga ti, Saimon (Jisas ndi, mbi tepa ‘Pita’, nitim). 17 Jeims kÊn, elim nga ÊngÊn Jon raⱡ, wu Sepeti nga kangÊm raⱡ. (Jisas ndi, wu raⱡ mbi tepa, Bowanerges nga puⱡ ei, ‘Ya muⱡ gaⱡa nga kangÊm,’ nitim.) Andru, Pilip, Bartolomiyu, Matyu, Tomas, Jeims ei wu Alpiyas nga kangÊm, Tatiyas, Saimon Selot, Juras Iskariyot ei, Jisas ruing ei nga rÊk murum wu ei. 20 Wote Jisas ni, mang kona purum. Wote, aldpa wamp ama puⱡi orung ila Jisas kÊn elim nga kitip kÊni wu ni kÊⱡ kÊn, molk rÊng nuing ui ti, ti nÊtÊtÊm. 21 Jisas elim nga wamp mbo nimbÊ ndi, molk pÊtÊng mel, wamp mbÊ ndi, nÊk mel, “Jisas elim nga wamp mbo nimbÊ ndi, molk pÊtÊng mel wamp mbÊ ndi, nÊk mel, ‘Jisas ni kur kupÊr ronum,’” nÊtÊng. 22 Wote mi ik mbo wu mat, wi Jerusalem kona peng ou ila orung nimbÊ ndi, nÊk mel, “Wu ei kur Biyelsipul elim nga rukÊr orunga morum,” nÊtÊng. Wote, wamp mat ndi, nÊk mel, “Ei kur kit mbÊ nga kur nuim ei. Ei ndi moⱡpa, ronduⱡ ei nguⱡnga, kur kit mbÊ tÊpa mundnum,” nÊtÊng. 23 Wote Jisas ndi, wamp nimbÊ kundpa elim kÊn wei nimba ik ek mat ropa nimba mel, “Seitan ndi, Seitan nambuⱡ etpa tÊpa mundÊmba nda? 24 Muna mÊi kona ou tila wamp palk raⱡ etÊk orung orung etÊk el eng ndam, mÊi kona mam ei pora nimba. 25 Wote, wamp mbo kÊⱡ palk raⱡ etÊk orung orung etÊk en enim el eng ndam, wamp mbo kÊⱡ pora nimba. 26 Ei mel ku, Seitan nga wamp rÊⱡaip mbÊ, palk raⱡ etÊk elpa elpa pum ndam, Seitan nga ronduⱡ ti, ti natÊmba. Ei pora nimba. 27 “Wamp nam ti ndi, wu ronduⱡ purmÊn ti nga manga ila mukÊr mba mel mbÊ, kapⱡa ti natÊmba. Pum wu ei ndi, kuimp tepa wu ronduⱡ purum ei, tÊpa kan ngumba tepa, wote wu ei nga manga ila mel mbÊ tÊmba. 28 “Na enim kupa kundÊp nint, Got ndi, wamp mbÊ nga uⱡ kit etmin mbÊ, wak rondÊmba. Wote, wamp mbÊ ndi, ik kit mat nÊng ndam, wak rondÊmba ku. 29 “Wote, wamp nam ti ndi, Muⱡnga Wingti nga, ik mbuldung orunga nindim ndam, elim nga uⱡ kit em ei wak rundi nandÊmba. Nambuⱡ emel, elim nga uⱡ kit etÊm mbÊ pemba mint,” nitim. 30 Jisas ik kÊⱡ nitim ei, nambuⱡ emel, wamp mat ndi, nÊk mel, “Wu ei rukÊr orunga kur kit morum nÊtÊng ei nga,” nÊtÊng. 31 Wote, Jisas nga mam kÊn ÊngÊnÊl kÊⱡ kÊn orung. Ok manga pena orunga anggilik kÊn, Jisas waldÊk pena wangga nÊk mundrÊng. 32 Wamp puⱡi molk andÊk pok etÊng ila, Jisas rÊk ting ila murum ni, kundÊk nÊk mel, “PÊn ei! Nim nga manÊm kÊn ÊngÊnÊl kÊⱡ kÊn, pena nim kÊnmin nÊk nokundÊk mormin,” nÊtÊng. 33 Jisas ndi, wamp nimbÊ kÊn, punt ropa nimba mel, “Na nga mam ei nam? Na nga ÊngÊnÊl kÊⱡ wu namin?” nitim. 34 Jisas ndi, wamp elim murum ila molk andÊk pok etÊng nimbÊ, kundpa nimba mel, “Ya kÊnÊiya! Ya wamp mormin mbÊ, na nga mamÊl kÊn, na nga ÊngÊnÊl mbÊ mormin. 35 Wamp nam ti ndi, Got nga numan pÊtÊm uⱡ ei mel, em wamp ei, na nga ma, na nga ana, na nga aiya, nÊmp pÊt,” nitim.