Mak 4

1 Wote tÊnggÊt kÊn, Jisas ndi, num Galili nga ÊldÊ ila wamp mbÊ kÊn puⱡ mondpa, ik mbo inditim. Jisas murum ila wamp orung nimbÊ ama minal elinga, Jisas aldpa kelpa omba, nu kanu nila, oⱡa mba rukÊr nila mana murum. Nu kanu ni kÊⱡ num nila, noi rukÊr mba telinga, wamp ama puⱡi num ÊldÊ nila anggilik morung. 2 Jisas ndi, ik ek puⱡi ropa wamp mbÊ, ik mbo endpa, nimba mel, “Ya pilÊiya! Ui ti kÊn, wu ti rÊng mbo mundÊmba purum. 4 Wu ni, rÊng mbo nimbÊ, mepa andpa rÊk kongun kona nila mundrum. Ni kÊn rÊng mbo mat nombuⱡa mam ila mana purum. NimbÊ kÊi ndi, tÊk norung. 5 RÊng mbo mat mba mana ku titim pol ila mÊi onunga etpa titim nila mana purum. Ni kÊⱡ tÊkrÊpa mÊlÊ rurum. Nambuⱡ emel, mÊi ei mandpa ti nÊtÊtÊm. 6 Wote, ant ei oⱡa omba rurum ei kÊn, rÊng mÊlÊ rurum ni kÊⱡ, ant ei ndi, nomba kundrum. Ei nga, rÊng pilkan kÊⱡ mÊi ila mana mba, kapⱡa iti nÊtÊtÊm. Ei nga, rÊng kÊⱡ mÊlÊ ropa oⱡa omba, wote nondpa kurum. 7 Wote, rÊng mbo mat mana mba, kumbÊⱡ nde ⱡembÊⱡ na nila mana purum. NimbÊ, kumbÊⱡ nde ⱡembÊⱡ mbÊ ndi, omba mam etpa, rÊng mbo nimbÊ, ropa mana nduⱡnga, rÊng mbÊ oⱡa omba ropa muⱡ pi nÊpÊtÊm. 8 Wote rÊng mbo mat, mba mÊi kona kai ila mana purum. RÊng mong mbÊ, mÊlÊ rok kai mondÊk, oⱡa ok rÊng mong puⱡi rurung. RÊng mong mat 30 nimba mong rurum, mat ndi 60 nimba rurum, mat ndi 100 nimba rurum,” nitim. 9 Wote, Jisas ndi nimba mel, “Kum nombuⱡa tem wamp ti ndi, na ik nÊnt ei, kum tepa pilangga!” nitim. 10 Wote, Jisas ni elim kou murum ila, elim nga kitip kÊni wu 12 ni kÊⱡ kÊn, Jisas ik nitim ila kum tek morung wamp nimbÊ kÊn ok, Jisas ik ek rurum ni nga, ik puⱡ mbÊ, kundpa nangga nÊk waldÊtÊng. 11 Jisas ndi, wamp nimbÊ kundpa nimba mel, “Got nga wamp tÊpa mumuk rui uⱡ ei enim ngurum. Wote, wamp namin ya ekit orunga mormin kÊⱡ, ik ek ila mint molk piling. 12 Ei nga wote, ‘Wamp mbÊ ndi, kÊni nÊkÊning. Wote, kandÊk mbi ndui nÊnding. Wote, wamp mbÊ ndi, ik ei unt pÊtÊng, wote pilik kun iti nÊtÊng. Wote, wamp mbÊ ndi, uⱡ kit mbÊ etÊk, wote numan ropÊl rui naruⱡÊngina kÊn, Got ndi, en enim nga uⱡ kit mbÊ, wak rundi nandrÊm,’” nitim. 13 Wote Jisas ndi wamp nimbÊ waldpa, “Enim ik ek kÊⱡ pili napÊnmÊn ye? Wote, nambuⱡ etÊk enim ndi ik ek ei nga puⱡ ei piling nda? 14 Wu rÊng mbo mundrum ei, Got nga ik mong ei mbo mundrum. 15 Wamp mat, rÊng mbo ya nombuⱡa mam ila mana purum ei mel kapⱡa. Got nga ik mong kÊⱡ pilik moⱡÊngina kÊn, Seitan ei ndi, rÊk omba, Got nga ik mong kÊⱡ tÊpa mepa purum. 16 Wote wamp mat, rÊng mong kÊⱡ ropa munduⱡnga, mba ku murum mÊi pol ila mba titim ni mel kapⱡa. Wamp mat, Got nga ik mong ei tÊngÊnda mint pilik kÊn, numan ei ndi kormin. 17 Wote, Got nga ik ei numan ila mana mba pepa pilkan ngui nganggÊrÊm. Ei nambuⱡ emel, Got nga ik ila uⱡ mbun mindil pi mat, oⱡnga kandÊk kÊn, Got nga ik ei tÊngÊnda wak rormin. 18 Wote wamp mat, ya kumbÊⱡ nde ⱡembÊⱡ kona ila mana purum ei mel. Wamp kÊⱡ ndi, Got nga ik mong ei piling. 19 Wote, wamp kÊⱡ ndi, en enim nga kÊng orunga kont puk muⱡing ei nga numan ou nduk pilik, en enim wamp nuim muⱡing ei nga numan ou nduk pilik kÊn, mel mbÊ nga mint numan tÊk mundÊk, wote Got nga ik mong ei pili nÊpiling. Wote, ik mong piling kai kÊⱡ ropa muⱡ pi napÊmba. 20 Wote wamp mat, rÊng mong mat mÊi kai ila mana purum ei mel, wamp mbÊ ik ei pilik, tÊk numan mbo ila pendÊk, mek int puk wamp mat, mbo ronduⱡÊngina kÊn, wamp mbÊ rÊng mong kai rorum ni mel mat, ropa 30 itim, mat ropa 60 itim, wote mat, ropa 100 itim,” nitim. 21 Jisas ndi, ik kat kundpa nimba mel, “Wamp nam ti ndi, lam kandpa mepa mukÊr omba ming na rat pol mana orunga na mbila mondrum nda? Ei mon, lam kandÊk mondÊrmÊn kona ila mondÊrmÊn ni ka! 22 Mel namba mel mat, mo ropa tetÊm mbÊ, omba pena ila temba. Wote, ekit wangga wamp mbÊ ndi kÊning. Mel mat, panda ropa tetÊm mbÊ, ekit omba pena ila temba. 23 Wote, wamp nam ti ndi, kum nombuⱡa tem ndam, ik ei pilangga!” nitim. 24 Jisas ndi, wamp kÊⱡ ik mong kat, kundpa nimba mel, “Numan tÊk mundÊk pilik kai itÊi! Ya ik enim pilmin kÊⱡ, uⱡ namba uⱡ ti nim ndi, ya mana mÊi kona ila wamp ti kÊn, kÊmp tÊkÊn ngÊn ei mel ku, Got ndi, i ku etpa, nim kÊn minal kÊmp tÊmba. 25 Wamp nam ti, mel ou ndupa tepa moⱡum wamp ei, wote mel ou ndupa ngumba. Wote, wamp nam ti, mel ou ndupa tepa muⱡi nambuⱡ mel, onunga kÊralt tepa moⱡum ndam, kÊⱡ elim kelpa int tÊmba,” nitim. 26 Wote Jisas ndi, ik ek kat ropa nimba mel, “Got nga wamp tÊpa mumuk rui uⱡ ei mel, wu ti elim nga kongun kona ila rÊng mbo mundrum ni mel. 27 Rumbuldi muna rÊnggilmÊ mbila wu ei, elim ur petÊm muna morum ei kÊn, rÊng mong mbÊ mÊlÊ ropa, ou etpa etÊm uⱡ ei, nambuⱡ uⱡ etpa etÊm, wu ei pili napÊtÊm. 28 MÊi ei elim ndi, kongun elinga, rÊng mong ei mÊlÊ ropa oⱡa omba omung ropa rÊng ei ropa muⱡ petÊm. 29 Wote, rÊng mong ei rupa ropa etÊm ei kÊn, wu ei ndi rÊng mbÊ puⱡ mondpa tÊtÊm. Nambuⱡ emel, ui ila rÊng mbÊ pora rupa ropa pelinga, tÊk normÊn ui ei,” nitim. 30 Wote Jisas ndi, waldpa nimba mel, “TÊn ndi, Got nga muⱡ kona ei, namba mel ei kÊn, kapⱡa nimin? Ik ek nant kÊⱡ ropÊn namina ik ei, pilik poⱡ nduing? 31 Uⱡ ei mel, wu ti ndi, rÊng mastat nga mong ei, muⱡ uⱡ kona mbila pora, rÊng mong mel wei kÊⱡ, tÊpa kongun kona ila mbo mundrum. 32 RumbÊⱡ mat, omba puⱡnga kÊn, nde mong ni, mÊlÊ ropa oⱡa omba, kongun kona elinga, nde mastat ou kÊⱡ anggÊtÊm. Nde mastat kÊⱡ nga puⱡa mbila, kÊi mbÊ ndi ok, mastat puⱡa po nÊtÊm mbila, mi manga rormin,” nitim. 33 Jisas ndi, Got nga ik puⱡ mbÊ wamp mbÊ kÊn, i etpa nimba ngurum. I ku etpa, ik ek ou ndupa ropa wamp mbÊ, pilik teing nimba ngurum. 34 Jisas ndi, wamp mbÊ kÊn, ik kun etpa kundpa ni nÊndÊtÊm. Ik ek mint ropa kundpa nitim. Ei kÊn wote, Jisas elim nga kitip kÊni wu kÊⱡ, mint molk kÊn, Jisas ndi, ik ek rurum nimbÊ nga puⱡ mbÊ kundpa nitim. 35 Ant tenda ila epindama Jisas ndi, elim nga kitip kÊni wu kÊⱡ kundpa nimba mel, “TÊn ya num ei puⱡa ropÊn noi ÊldÊ orunga pamin!” nitim. 36 Wote, wamp minal nimbÊ, wak rok kÊn, kitip kÊni wu ni kÊⱡ, Jisas mba rukÊr murum nu kanu ila rukÊr puk, Jisas ni tÊk mek en enim kÊn, rup rok purung. Nu kanu mat ila, kunda titim ku. 37 Wote, ama kona kÊpkÊ mam ti ropa, num ni pÊnÊn nimba omba, num ni kildpa ropa omba, nu kanu ila rukÊr mba. Nu kanu ni kÊⱡ, nu ndi, peka romba itim. 38 Jisas ni, nu kanu ni kÊⱡ nga met tip nila, peng kilanda mundpa ur pitim. Kitip kÊni wu ni kÊⱡ ndi, Jisas ni, rok rut nduk nÊk mel, “Ik mbo wu ye! Nim tÊn nga nÊkÊn, pili napÊn ye! TÊn nu wanggÊpÊn kuⱡmin enmin ei ka!” nÊtÊng. 39 Jisas ni, rut nimba oⱡa anggilpa kona kÊpkÊ ni kundpa nimba mel, “Raka nÊkÊn muⱡi!” nitim. Wote num ni kundpa nimba mel, “Raka nÊkÊn muⱡi!” nitim. I nilinga kÊn, kona kÊpkÊ ni rui narÊⱡnga, num ndi, rurum ni mana purum. 40 Wote Jisas ndi, elim nga kitip kÊni wu kÊⱡ, kundpa nimba mel, “Nambuⱡ emel enim mundmong enmin? Akup enim nga mondpa pili uⱡ ei, tek muⱡi nambÊrmÊn ei ka!” nitim. 41 Wu ni kÊⱡ mundmong minal etÊk kÊn, en enim ti ndi, ti waldÊk nÊk mel, “Wu ei nam? Kona kÊpkÊ na, nu ndi na, mel raⱡ ndi, wu ei nga ik teing ndunmbÊⱡ ei ka!” nÊtÊng.