Rom 13

1 Wamp mbÊ ndi pora, gapman nga nÊng ik mbÊ teng ndÊi! Ei nambuⱡ emel, gapman mbÊ oⱡa ok, weni muⱡi nambÊrmÊn mon. Wote, gapman mormin mbÊ, Got ndi, tÊpa mondrum. 2 Wamp nam ti ndi, akup gapman mormin mbÊ nga ik tÊpa roi ndum ndam, Got nga uⱡ etÊm mbÊ tÊpa roi ndumba. Wote, elim uⱡ ei mel em ndam, elim mindil kit tÊmba. 3 Uⱡ kun kai etmin wamp mbÊ ndi, kapⱡa gapman wu nuim mbÊ nga mundmong inding mel kapⱡa mon. Uⱡ kit etmin wamp mbÊ ndi, mundmong etmin. Gapman wu nuim ti nga mundmong iti nÊtimp nÊkÊn pin ndam, uⱡ kun kai mbÊ mint itana, nim nga kaip nindÊmba. 4 Ei nambuⱡ emel, gapman wu ei, Got nga kongun kindmant wamp ei, nim nga orunga molkÊn kai mundun nimba kongun endÊtÊm. Wote, nim uⱡ kit mbÊ, in ndam, wote gapman wu nuim ei nga mundmong iti. Ei nambuⱡ emel, wu gapman ei ndi, nim kan ngumba ei nga ronduⱡ ei, tepa morum. Wu gapman morum ei, Got nga ik ei pilpa tÊpa, kongun kindmant endpa, uⱡ kit etmin wamp mbÊ etpa kit mondrum. 5 Uⱡ ei nga, akup tÊn gapman nga mana orunga muⱡmin. Ei nambuⱡ emel, tÊn gapman nga ik tÊpÊn roi ndÊmÊn ndam, tÊn tÊpa mbun ngumba. Wote, tÊn nga numan mbo ila, uⱡ kun kai mbÊ etpÊn, gapman nga mi ik mbÊ, pep ropÊn muⱡmin. 6 Uⱡ puⱡ ila nga enim ku moni takis ngurmin. Nambuⱡ emel, gapman wu mbÊ, kongun ronduⱡ mundÊk etmin ei, Got nga kongun endÊtmin. 7 Gapman nga namba mel ti, nim kÊn punt moⱡum ndam, punt rui mint. Nim nga ku takis ngukÊn, wote nim nga kongun kona tetÊm mbÊ nga ku takis ngukÊn, wu mbÊ kaip nÊndkÊn, tÊkÊn ou ndukÊn iti! 8 Wamp ti nga mel ti nim kÊn punt muⱡi nÊmbÊⱡangga! Akup nim ndi, mel ti punt mondkÊn, nim wamp numan ngurun uⱡ ei, ronduⱡ mundkÊn ngui! Ei nga, wamp nam ti, uⱡ ei mel em ndam, Got nga mi ik mbÊ nga puⱡ petÊm ei mel, pep romba. 9 Nambuⱡ emel, Moses nga mi ik kÊⱡ ndi, ei mel nÊtÊm, “Nim wapra rui nÊri! Wamp ti rokÊn kundi nÊkÊndi! KÊndÊp nui nÊni! Wamp ti nga mel ti, kandkÊn kum pindi nÊpindi!” nitim. Mi ik kÊⱡ kÊn, wote mat petÊm mbÊ, kÊmp kÊm mi ik tenda ei ndi, tÊpa kum ropa pora ndurum. “Nim ninim numan ngurun ei mel, nim nga manga keta kup wamp ei, i ku etkÊn numan ngui! 10 Nim wamp ti, numan ngun ndam, wamp ei kÊn uⱡ ⱡawa ti kapⱡa iti nÊtÊn mon! Ei nga, wamp numan ngui uⱡ ei in ndam, kapⱡa mi ik petÊm mbÊ, kÊmp kÊm pep ruin!” nitim. 11 Nambuⱡ emel, uⱡ ei mel iteing nÊnt? Akup ya ui mormin ei, enim pilik poⱡ ndunmin. Enim ur petmin ei kelik, rut nÊk oⱡa muⱡing ui ei akup. Nambuⱡ emel, Got kÊn unt puⱡ mondpÊn mondÊp pitmin ni kÊn, unt tÊn etÊp timp nitim ui ni, wote akup omba nondpa enim. 12 Rumbuⱡ murum ni, nondpa pora nimba enim, rÊⱡang ei, nondpa omba enim. Ei kÊn, akup rumbuⱡ muⱡi uⱡ mbÊ, wak ropÊn, rÊⱡang ila moⱡpÊn, el itmin ei nga el mel mbÊ, tÊp ÊmbÊⱡmin. 13 TÊn nga mul orunga, pilpÊn tÊpÊn kun etpÊn, rÊⱡang ila wamp mormin ei mel muⱡÊmin. Kara puk, nu nok kekilip rok, wapra rui uⱡ, popuⱡ mondÊk, el rok, wÊlÊk rok uⱡ kit mbÊ pora, tÊn iti nÊtmin mon! 14 Uⱡ mbÊ pendÊk kelik, wote wu Nuim Jisas Kraist nga el mel kÊⱡ, tÊk ambulk muⱡÊi! Enim nga kÊng kit kÊⱡ nga numan mondrum uⱡ mbÊ, etÊp timin nÊk uⱡ ti, iti nÊtÊi mon!