Rom 14

1 Wamp ti nga mondpa pili ei ronduⱡ ndam, pi napÊm ei kandÊk, wamp ei rawe etÊk tÊi! Wote, wamp ei nga elim nga ik elpa mat nim ndi, ik mat ni nÊni! 2 Wamp ti, elim nga mondpa pili ronduⱡ purum ei ndi, kng rÊng mbÊ roldÊnga norum. Wote wamp ti, elim nga mondpa pili ei, ronduⱡ pi napÊrÊm ei ndi, kim mint norum. 3 Kng rÊng mbÊ roldÊnga norum wamp ei ndi, kng rÊng raⱡ nui nÊni wamp ei tÊpa, pei mundi nÊmÊndangga! Omba kim mint nui wamp ei ndi, mel mbÊ roldÊnga nui wamp ei nga puⱡ ei, akpa ni nÊnangga! Ei nambuⱡ emel, wamp ei Got ndi, etpa rukÊr titim. 4 Nim wamp nam mor nÊkÊn wamp ti nga kindmant wamp ei nga puⱡ ei kÊmp tin? Kapⱡa moⱡmba, muna mon ei, el elim nga nuim ei ndi, kÊmp tÊmba. Ei nga, kapⱡa moⱡmba, ei nambuⱡ emel, Wu Nuim ei, elim ndi, itangga kapⱡa moⱡmba! 5 Wamp ti ndi, ant ui mbÊ nga ant ti, tÊpa ou ndurum. Wote, wamp ti ndi, ant ui mbÊ nga ant ti, elpa elpa mon nimba pÊtÊm. Ei kÊn, wamp ei ndi, elim nga numan ila ronduⱡ pilpa morum ei mel ku, pilpa muⱡangga. 6 Wamp ti ndi, ant ui mbÊ nga ant tenda ti nga keⱡ rondpa moⱡum ndam, ei Nuim ei kÊn, tÊpa ou ndupa etÊm. Wote, wamp nam ti ndi, kng rÊng mbÊ nga roldÊnga norum ndam, Got tÊpa ou ndupa etÊm. Nambuⱡ emel, rÊng ei nga, Got kÊn angge nÊtÊm. Wote, wamp nam ti ndi, kng rÊng mbÊ nga mel ti, mowi petÊm ndam, Nuim ei, tÊpa ou ndupa kÊn angge nÊtÊm. 7 Wamp ti, elim kont moⱡmba uⱡ ei, el elim nga uⱡ ti mon, muna wamp ti korum uⱡ ei, el elim nga uⱡ ti, mon ku. 8 TÊn kont mbun muⱡmin ndam kep, tÊn kuⱡmin ndam kep, tÊn Nuim ei nga, mendpÊⱡ muⱡmin. Ei kÊn, tÊn kont muⱡmÊn ndam kep, kuⱡmÊn ndam kep, tÊn Nuim ei nga, mendpÊⱡ muⱡmin. 9 Ei nga, Kraist koⱡpa, wote ⱡoporpa kont murum uⱡ ei, tÊn wamp kui kont mbÊ nga, tÊn nga Nuim moⱡmba ei nga itim. 10 Ei kÊn, nim ndi, nambuⱡ emel, nim nga angina ei nga uⱡ etÊm mbÊ, kÊmp tÊtÊn? Wote nim ndi, nambuⱡ emel, nim nga angina ei, tÊkÊn pei mundi nÊmÊndi? TÊn pÊkÊ, Got nga kuimp keta ila ÊnggÊlamina, elim ndi, tÊn kÊmp tÊmba. 11 Buk Wingti ila petÊm ik ei ndi, nimba mel, “Wu Nuim ei ndi, nimba mel, na rÊk rÊk kont mbo mor puⱡ wu ei, wamp mbÊ ndi, ok na nga kuimp keta ila mura koptÊm rok mondÊk, wamp mbÊ ndi, elpa elpa nÊk para nduk, Na Got kupa mor, ei ning,” nitim. 12 Ei kÊn, tÊn wamp tenda tenda nimba ei ndi, Got nga kuimp keta ila moⱡpÊn, tÊn nga uⱡ etmun mbÊ, elim kÊn para ndupÊn nimin. 13 Ei kÊn, tÊn wamp ti ndi, ti nga puⱡ ei kÊmp ti nÊtamin. Wote, enim ndi itangina, wamp ÊngÊn ti ndi, ti ropa, wote uⱡ kit ila mana mba, ei nga pilik itÊi! 14 Na Nuim Jisas ei kÊn, numan tenda purum uⱡ ei ndi, rÊng ti, Got nga kuimp keta ila kit muⱡi nambrÊm nÊmp pÊt. Wote wamp ti ndi, rÊng ti kit nimba mondpa pÊtÊm ndam, wamp ei nga numan ila mendpÊⱡ, rÊng ei kit morum. 15 Wote, nim nga angina ei ndi, rÊng ti, Got nga kuimp keta ila, rÊng ti ⱡar morum nangga, nim nun ndam, wote nim ndi, nim nga angina mbun kandÊk, tÊkÊn nguin. Wote nim ndi, angina numan ngui ngÊngÊn mon! Ei kÊn, rÊng ei ndi, wamp ti etkÊn ⱡar mundana, wamp ei uⱡ kit ila mana pi nÊpangga mon! Nambuⱡ emel, Kraist wamp ei nga nindpa kurum. 16 Ei nga, enim ndi, uⱡ kun kai mat emin nÊk pilangina kÊn, wamp mat ndi, tÊk pei munding. Ei nga, enim pilik kun etÊk itÊi! 17 Ei nambuⱡ emel, Got nga wamp tÊpa, mumuk rui uⱡ ei, uⱡ kun kai na, moⱡpa kundi uⱡ na, numan kai pili uⱡ mbÊ, Muⱡnga Wingti ei ndi, tÊpa ngorum. Wote rÊng nok, nu nok etmin uⱡ mbÊ ndi, Got nga wamp tÊpa mumuk rui uⱡ ei, tÊpa ngui nganggÊrÊm. 18 Wote, wamp nam ti ndi, uⱡ kun kai mat etpa, Kraist nga kindmant endim ndam, wamp ei ndi, Got etpa numan kai pindangga, wote wamp mat ndi, kandÊk kaip ninding. 19 Ei kÊn, tÊn rÊk rÊk, ronduⱡ mundpÊn, wamp ÊngÊnÊl mbÊ kÊn, numan wang ndupÊn, wote mondpa pili uⱡ ei, etÊp ronduⱡ mundmin! 20 Kng rÊng mbÊ nga nÊkÊn, Got nga kongun ei, rokÊn kungÊndi nÊngÊndi! Got nga kuimp keta ila rÊng mbÊ pora, kai mint etÊm. Wote nim angina ei ndi, rÊng ti, Got nga kuimp keta ila rÊng ti ⱡar morum nangga nun ndam, wote nim ndi, nim nga angina mbun kandÊk, tÊkÊn nguin, nim etkÊn ⱡawa mundin. 21 Wote, nim kng rÊng na, nu wain na mbÊ nokÊn, wote uⱡ elpa elpa mat itana, nim nga angina uⱡ kit mbila, mana mba ei nga, nim uⱡ mbÊ iti nÊti! 22 Uⱡ ei nga, ninim mondÊk pin uⱡ ei, nim ninim kÊn, nim nga Got ei kÊn, ronduⱡ ambulkÊn muⱡi! Wamp ti ndi, elim nga uⱡ etÊm ei, kun punum nimba, numan mbun ti, pili napÊtÊm wamp ei, kai pilangga! 23 Wote, wamp ti ndi, el elim kng rÊng mbÊ nga ti, numan ou ndupa pilpa norum ndam, Got ndi, wamp ei nga puⱡ ei, nimba kit mondÊmba. Ei nambuⱡ emel, wamp ei, elim nga mondpa pili uⱡ ila iti natÊtÊm. Ei kÊn, uⱡ ti mondpa pili uⱡ ila, iti natÊtmin uⱡ ei, uⱡ kit mint etÊm.