Rom 15

1 TÊn mondpa pili ila ronduⱡ pum wamp mbÊ ndi, mondpa pili ronduⱡ pi napÊm wamp mbÊ nga mbun tÊng uⱡ mbÊ, tÊp rÊpÊndamin! TÊn nga orunga mendpÊⱡ pili nÊpÊlmÊn mon! 2 TÊn nga angmÊn mbÊ, etpÊn numan kai pindamina, en enim nga mondpa pili orunga etÊp, ronduⱡ mundmin. 3 TÊn pÊtmin ni, Kraist ndi, el elim nga orunga mendpÊⱡ pili nÊpÊtÊm mon. Wote, Buk Wingti ei ndi, nimba mel, “Wamp mat ndi, nim kÊn ik kit nÊk ngurmin nimbÊ, na kÊn onum,” nitim. 4 Unt Buk Wingti ila rorung ik mbÊ ndi, tÊn wamp mbÊ, mbo inding pilik rorung. Buk Wingti ei ndi, tÊn etpa numan orunga ronduⱡ mundpa elinga, Got ndi, tÊn wote etpa rukÊr tÊmba ei nga, ronduⱡ mundpÊn nokundpÊn muⱡmin. 5 TÊn nga ronduⱡ ei, Got tenda ei kÊn tÊtmin, wote elim ndi ku, tÊn nga numan orunga tÊpa tenda etpa ronduⱡ munduⱡnga mormun. Ei kÊn, Got ndi, akup enim tÊpa rÊpÊndangga kÊn, Kraist Jisas nga uⱡ itim mbÊ mel, pep rok etÊk, numan tenda ei mint pilik muⱡeing. 6 Ei mel, etÊk molk kÊn, enim numan tenda pilik, keta tenda pangga, Got nga mbi paka rundÊi! Ei elim Got, wote tÊn nga Nuim Jisas Kraist nga Tipam ei. 7 Kraist ndi, tÊn wamp mbÊ pora, numan ngumba etpa, elim kÊn rukÊr tÊpa, Got mbi ou ngurum. Ei mel ku, enim ndi, ÊngÊnÊl mat, numan nguk rukÊr tÊk numan tenda mundÊk muⱡÊi! 8 Ei kÊn, na ndi, enim kundÊp nÊnt! Kraist unt kont moⱡpa, kongun itim uⱡ mbÊ, Jura wamp kÊⱡ nga nindpa itim. Uⱡ ora ndurum ei, Got ndi, unt anda kouwÊmÊn kÊⱡ kÊn, mÊi ropa nitim ik mbÊ, wak rui narÊpa, ambuⱡpa oⱡnga, Kraist ndi, etpa kupa inditim. 9 Wote, wamp rÊⱡaip elpa mbÊ, Got wamp kont kurum ei nga, mbi paka rundeing nimba, etpa kapⱡa inditim ku. Uⱡ ei nga, Buk Wingti ei ndi, ei mel nÊtÊm, “Ei nga na ndi, wamp rÊⱡaip elpa mbÊ kÊn moⱡÊp, nim nga mbi paka ruimp. Wote na ndi, kinan nÊmp, nim nga mbi paka rundimp,” nitim. 10 Aldpa, Buk Wingti ila nimba mel, “Enim wamp rÊⱡaip elpa mbÊ, Got nga Jura wamp mbÊ kÊn, ambulk palk muⱡÊi!” nitim. 11 Aldpa, Buk Wingti ruk ting tila, nimba mel, “Enim wamp rÊⱡaip elpa mbÊ pora, Nuim ei nga mbi paka rundamin! Wote, wamp mbÊ pora, elim nga mbi paka rundamin!” nitim. 12 Wote aldpa, painui wu Aisaiya ndi, nimba mel, “Jesi nga wu pundun ti, wote oⱡa omba. Elim oⱡa omba, wamp rÊⱡaip elpa mbÊ, rÊp etmba. Wote, wamp rÊⱡaip elpa mbÊ ndi, rÊp wu ei, nokundÊk mondÊk pilik muⱡing,” nitim. 13 Got kÊn muⱡmin nimbun nokÊndÊrmin uⱡ ei nga puⱡ ei, Got elim morum. Wote elim mondÊk pÊtmin uⱡ ei ndi, enim etpa numan wang ndangga, ambulk palk muⱡeing. I etÊk kÊn, wote Muⱡnga Wingti nga ronduⱡ ila, enim muⱡ kona timin nÊk mondÊk pÊtmin numan ei, etpa ronduⱡ mundangga! 14 Na nga angmÊn! Na nga numan ei ndi, kupa pÊnt ei, enim uⱡ kai mbÊ etÊk mormin. Enim numan mbo kai tek mormin ei ndi, wamp mat mbo inding ei nga kapⱡa mormin. 15 Wote, ya mon runt ila, uⱡ mat ila na ik ronduⱡ mundÊp nint. Ei nambuⱡ emel, Got nga wamp pol ti uⱡ ei, na ngurum. Ei unt nit ik mbÊ nga, wote aldpa enim nÊmp ndoimp rondunt ku. 16 Na ik ronduⱡ mundÊp nint uⱡ ei, nambuⱡ emel, na Got ndi, etpa rukÊr tÊpa kÊn, Kraist Jisas nga kongun wu moⱡÊp, wamp rÊⱡaip elpa mbÊ kÊn, kongun iteimp nimba, Got ndi, na rukÊr titim. Ei nga, na ik ronduⱡ mundÊp nÊt. Got nga RÊnang Ik Kai, na kÊn oⱡnga pilip tÊp, wote wu pris mel moⱡÊp, ik puⱡ mbÊ nÊndÊt. Uⱡ ei etÊp kÊn, wamp rÊⱡaip elpa mbÊ, Muⱡnga Wingti ei ndi, etpa kun kai mundangga, angge nÊk mel kai, Got mbÊ ndi, numan ngumba titim ni mel, wamp kÊⱡ kÊn ei mel ku itangga! 17 Ei nga, na kongun et ei, Kraist Jisas kÊn kunda etÊmbÊⱡ. Got nga kongun ei, na endÊt ei nga, na kapⱡa numan kai pilimp mint. 18 Kraist elim ndi, na nga ik nit, wote kongun kai it mbÊ, tÊpa rapundÊⱡnga, na kÊn mendpÊⱡ uⱡ itim mbÊ nga ronduⱡ mundÊp nilmba, wamp rÊⱡaip elpa mbÊ ndi, Got nga ik ei, pilik teng ndurung. 19 Wote, Muⱡnga Wingti ndi, na kÊn ronduⱡ mundpa, kongun elinga, na ronduⱡ nguⱡnga uⱡ rÊpndi mat etÊp, Kraist nga RÊnang Ik Kai ei, Jerusalem kona ila, puⱡ mondÊp nÊmp mbo, met Ilirikum kona ila rukÊr pur. 20 Wamp ti nga manga rakÊmba pilpa, koⱡ numba tetÊm ila manga rÊkimp ei, enimp rorum. Wote, Kraist nga mbi pili napÊtmÊn kona mbila, RÊnang Ik ei, mbo nimp ei nga numan minal ngur. 21 Ei mel ku, Buk Wingti ei ndi, nimba mel, “Wamp mat, Got nga ik ei pili napÊtmÊn wamp mbÊ, wote kÊning. Wote wamp mat, Got nga ik ei pilik ti natÊtmin wamp mbÊ, wote pilik ting,” nÊtÊm. 22 Na enim kÊn, ui ou ndupa, uimp nÊmp pÊt. Ei wote, na kongun nÊnt mbÊ ndi, imp moⱡnga, na enim kÊn uimp mel kapⱡa iti nÊtÊtÊm. 23 Ei kÊn na ndi, enim omp kÊnimp ei nga, pilmba pana ou ndupa omba purum. Wote akup, ya kona mor mbila, na nga kongun mbÊ etÊp pora ndunt. 24 Wote akup, nondpa omp kÊnimp nÊmp pÊnt. Na Spein kona ila mbi ei nga, unt enim kÊn omp, ik rungÊndÊp, ambÊⱡÊp paⱡÊp moⱡÊp, wote na mbi nÊnt kona ila, tÊk rÊpÊndangina mbi. 25 Akup mendpÊⱡ, na Jerusalem kona ila mbi, Got nga wamp mbÊ tÊp rÊpÊndimp mbi. 26 Masaroniya kÊn, Akeiya kona raⱡ, Got nga wamp mbÊ, en enim nga numan ei ndi, Got nga wamp kurpa mat, Jerusalem mormin mbÊ, tÊp rapÊndÊk, en enim nga mel mat, kÊmp tÊpÊn nguimin nÊng. 27 Ik Kupa ei, wamp kÊⱡ en enim ndi, numan kai pendÊk, uⱡ ei iting mel eng. Wote, ik ti ndi pepa kÊn, tÊk rupÊndi uⱡ eng ei, elimina mel eng. Ei nambuⱡ emel, Jura wamp kÊⱡ, Muⱡnga orunga memp tÊtmin uⱡ kÊⱡ, wamp rÊⱡaip elpa kÊⱡ kÊn kunda tÊtmin. Wote, wamp rÊⱡaip elpa kÊⱡ, en enim nga mel mbila, memp tÊtmin kÊⱡ, mek puk, Jura wamp mbÊ tÊk rÊpÊnding. 28 Wote na kongun ou ei, etÊp pendÊp, wote ku moni tindint mbÊ, wamp nÊnt mbÊ ngump pendÊp kÊn, na Spein kona ila mbi omp kÊn, enim omp kandÊp mbi. 29 Na pÊnt ei, na enim kÊn unt ei kÊn, Kraist nga memp ei na kÊn, peka ropa muⱡangga, enim kÊn uimp. 30 AngmÊn, na enim kÊn ik nÊmp piral ndup kÊn, ei mel nÊnt. TÊn nga Nuim Jisas Kraist kÊn, wote Muⱡnga nga wamp numan ngui uⱡ ila pilik molk, na nga numan orunga pilip, Got kÊn atinga rÊk rÊk ronduⱡ ropÊn, muⱡ ti nÊtmin. 31 Atinga rok kÊn, Juriya kona ila mondpa pili nÊpili wamp mormin kÊⱡ ndi, na rok uⱡ ti iting. Ei nga, Got ndi, na rÊp itangga nÊk atinga rÊi. Wote Jerusalem mbo kongun itimp uⱡ ei, Got nga wamp mormin mbÊ ndi, na nga kongun et mbÊ kandÊk numan ngeing. 32 Wote, ei mel tangina, Got ndi, kapⱡa nim ndam, na enim kÊn numan kai pilip omp, enim kÊn ronduⱡ tÊp, muⱡ tÊp moⱡÊp mbi. 33 Numan wang ndui nga Puⱡ Wu Got ei, enim kÊn pora muⱡangga! Ei Kupa.