Rom 2

1 Uⱡ ei nga, na ndi, enim wamp tenda tenda nÊmp kundÊp nÊnt. Nim nga uⱡ ⱡawa etÊn mbÊ, mo ruin mel, kapⱡa mon. Enim ndi, wamp mat nga uⱡ ⱡawa etmin mbÊ, ki ruⱡ rokÊn nÊtÊn. Uⱡ ei ndi, nim nga orunga, ninim nÊkÊn kit mondrÊn. Nambuⱡ emel, wamp ti nga nÊndkÊn purÊn, ninim uⱡ ⱡawa mbÊ nga etÊn ku ei ka! 2 Wote tÊn pÊtmÊn ei, wamp uⱡ kit etmin mbÊ, Got ndi, wamp kÊmp tÊtÊm uⱡ ei, kun mint. 3 Nim ndi, wamp mat nga uⱡ ⱡawa etmin mbÊ kandkÊn nÊndÊtÊn, wote nim ninim uⱡ ⱡawa etÊn mbÊ ka! Nim ndi, Got nga wamp kÊmp tÊtÊm uⱡ ila mo rokÊn, nung nÊkÊn, kapⱡa pin ei? 4 Got ndi, nim uⱡ etÊn mbÊ nga numan ropÊl rÊn nimba, mepa mba, nim uⱡ kai mbÊ etpa, rÊp etpa nokundpa orum uⱡ ei, uⱡ wei nÊwa ti nÊkÊn pÊn ei? 5 Wote, nim nga numan orunga, ku raⱡ nga numan ropÊl rui narÊn. Uⱡ en ei ndi, nim nga mbun kit tin ei nga etkÊn ndo ndÊn. Ei kÊn, ui mam ti pem kÊn, Got ndi, nombuⱡa mam kun ila wamp kÊmp tÊmba. Ei kÊn, Got nga popÊⱡ ei ndi, nim punt ropa ngumba. 6 Wote, ei kÊn ku, wamp nga uⱡ etmin mbÊ mel, Got ndi, punt ropa, elpa elpa ngumba. 7 Wamp mat rÊk rÊk uⱡ kai mbÊ, ronduⱡ mundÊk etÊk, Got kÊn muⱡ kona rÊk rÊk moⱡpÊn, mbi ou tÊpÊn, kont muⱡmin nÊk, nombuⱡa mam ei, kurÊk etmin wamp mbÊ, Got ndi, uⱡ nga kÊnt nga kont mul uⱡ ei, tÊpa ngumba. 8 Wote wamp mat, en enim nga orunga mint pilik, Got nga ik kupa mbÊ, tÊk mbuⱡ nguk, uⱡ kit mbÊ, pep rok etmin wamp mbÊ, Got nga popÊⱡ ei ndi, punt ropa ngumba. 9 Mbun mindil mam mat uⱡ kit etmin wamp mbÊ ting. Jura wamp mbÊ, kuimp tek tangina kÊn, wote wamp rÊⱡaip elpa mbÊ ting ku. 10 Wote Got ndi, wamp namin mat, mÊi kona molk, kai mondÊk, mbi ou tÊk, numan wang nduk teing nimba ngumba. Ei uⱡ kai mbÊ mint etmin Jura wamp mbÊ, kuimp tepa ngumba, wote wamp rÊⱡaip elpa mbÊ ngumba ku. 11 Ei kÊn, Got ndi, wamp mbÊ pora, tou tenda ila mint kÊmp tÊtÊm. 12 Wamp rÊⱡaip elpa mbÊ, Got nga mi ik mbÊ pili napilik, uⱡ kit etmin wamp mbÊ, kit muⱡing. Wote Jura wamp mbÊ, Got nga mi ik mbÊ pilik kÊn, uⱡ kit etmin wamp mbÊ, Got nga mi ik ei ndi, kÊmp tÊmba. 13 Mi ik mbÊ, kum ei ndi, mendpÊⱡ pilik moⱡung wamp mbÊ, Got nga kuimp keta ila kun muⱡi nÊmbÊⱡing mon! Wote, wamp namin mat, mi ik ei pep rong mbÊ mint, Got ndi wamp kun kai nimba. 14 Ni kÊn, wamp rÊⱡaip elpa mbÊ, mi ik ei pili napÊtmÊn. Wote, en enim nga numan ei ndi, mi ik ila petÊm uⱡ mbÊ etmin. Wamp mbÊ mi ik ei, pili napÊtmÊn ndam kep, mi ik ei, en enim kÊn pilik pora ndurmÊn mel etÊm. 15 Uⱡ i etmin mbi ora ndupa, Got ndi, wamp mbÊ nga mundmong rukÊr orunga mi ik mbÊ, mon ropa pinditim. Wamp mbÊ nga uⱡ etmin mbÊ, en enim nga rukÊr orunga numan mbo ei ndi, uⱡ mat nimba kit mondpa mat, en enim nga orunga tÊpa rapundpa nÊtÊm. 16 Na ndi, RÊnang Ik Kai nÊt ila nga nitim. Ui ou ei, pem kÊn, Got ndi, wamp kÊmp ti uⱡ ei, Jisas Kraist ngangga kÊn, wamp mbÊ nga kitim tip ila, ik mo ropa petÊm mbÊ, tÊpa pena ila pendÊmba. 17 Wote, enim Jura wamp mbÊ, mi ik pep rormin uⱡ ei ndi, en enim tÊpa rapÊndÊmba nÊk pÊtmin. En enim nga mbi paka rok nÊk mel, tÊn Got nga wamp mendpÊⱡ kÊⱡ nÊtmin. 18 Enim ndi, Got nga numan pÊtÊm uⱡ ei mel pÊnmÊn nÊk, enim ndi, mi ik mbÊ pilpÊn pora ndurmun. Ei nga, uⱡ kun kai mbÊ mint, numan ngurmun nÊtmin. 19 Enim ndi, pilik nÊk mel, “Mi ik ila nga pilpa kungÊndi na, ik kupa na mbÊ nga puⱡ ei, na pilip pora ndur nÊk kÊn, mong ti wamp mat kapⱡa, nombuⱡa mam ora nduimp nÊkÊn etÊn. Wote, rumbÊⱡ ila mormin wamp mbÊ rÊⱡang ei, ora ndurun ku. Enim ik mbo wamp mel molk kÊn, pilpa kungÊndi iti nÊti wamp na, kangambuⱡa kel na mbÊ ik mbo endÊk etmin. 21 Enim ndi, wamp mat ik mbo endÊk kÊn uⱡ ei kapⱡa. Wote enim ndi, en enim mbo endÊtmin ye! Enim ndi, wamp mbÊ kundÊk, kindÊp nui nÊnÊi nÊk kÊn, wote en enim kindÊp normin ei ka! 22 Nim ndi, wamp mbÊ kundkÊn, wu amp ndenggÊⱡa ndui uⱡ ei mon nÊkÊn. Wote, ninim wu amp ndenggÊⱡa ndui uⱡ ei etÊn ei ka! Wote nim ndi, kur kit mun rui nÊrÊi nÊkÊn. Wote, ninim kur manga mbila mel mbÊ, kindÊp nokÊn mint morun ei ka! 23 Enim nga mbi ou ting uⱡ ei nga mbi paka rok, nÊk mel, “TÊn Got nga mi ik mbÊ pÊtmÊn,” nitmin. Wote uⱡ i etmin ei ndi, Got nga mi ik mbÊ, rok puⱡa rok, Got nga mbi ei, etÊk kit mondÊk etmin. 24 Buk Wingti ei ndi, ik puⱡ ei nga nimba mel, “Enim Jura wamp mbÊ uⱡ ⱡawa etmin ila nga, wamp rÊⱡaip elpa mbÊ ndi, Got nga mbi ei nÊk kit kit mondurmin,” nÊtÊm. 25 Mi ik kÊⱡ pep run ndam, kÊng kupti uⱡ ei kai. Wote nim ndi, mi ik kÊⱡ rokÊn puⱡa run ndam, nim nga kÊng ei koptÊng kÊn, nim kÊng kupti nÊpti mel etÊn. 26 Uⱡ ei nga, wu mat kÊng kupti napÊtmin mbÊ ndi, mi ik kai mbÊ, kun pep rormin ndam, wu ei, kÊng kupti wu mat nga mbi morum ei mel, wu ei nga mbi ei morum ku. 27 Enim Jura wamp mbÊ nga mi ik kÊⱡ nga buk mat tetÊm ei nga, pilik kÊng kopÊtmin. Wote, nim mi ik kÊⱡ, rokÊn puⱡa run ndam, wote kÊng kupti napÊtÊtÊng wu mbÊ ndi, mi ik mbÊ pep ropa kÊn, nim kÊmp tÊmba. 28 Wote, wu ti keta kÊng ila, Jura wamp kupa nimba moⱡpa kÊn, Jura wamp nga mbi kupa ila muⱡi nambÊⱡÊm ndam, kÊng kupti uⱡ ei kÊng ekit orunga etÊm. 29 Wote, wu ti numan rukÊr orunga, Jura nimba mbi moⱡum ei, Jura kupa ti morum. KÊng kupti uⱡ ei, wamp nga mundmong rukÊr orunga etmin. Ei nga, Muⱡnga Wingti ei ndi, wamp nga numan rukÊr orunga mbo ronduⱡnga etmin. Mi ik kÊmp tÊk kandÊrmin uⱡ ila mon! Wamp nga kuimp keta ila mbi ou ting iti natÊtmÊn mon! Got nga kuimp keta ila mbi ou ting ei nga etmin.