Rom 3

1 Uⱡ ei nga, wote Jura wamp mbÊ ndi, namba uⱡ kai ti ambulk molk kÊn, wamp mat tÊk mana ndurmin? KÊng kupti uⱡ ila ronduⱡ ti petÊm nda? 2 Got ndi, Jura wamp mbÊ, uⱡ elpa elpa kai mat ngurum. Wote, elim nga ik ei, Jura wamp mbÊ, kuimp tepa ngumba kÊn, rÊp indeing nitim. 3 Wote, Jura wamp mat ndi, Got nga ik ei, pilik pep rui narÊrÊng. Uⱡ i etÊng ei, Got elim nga ik kupa ei, wak romba nda? Ei mon! 4 Ei kapⱡa mon! Wamp mbÊ pora ik kol rormin, Got tenda ei mint, rÊk rÊk ik kupa nÊtÊm. Ei nga, Buk Wingti ila nimba mel, “Got nim nga ik ei kun mint petÊm. Ei nga, wamp ti ndi, nim kÊmp tÊpa ⱡawa petÊn nimba mel, kapⱡa mon,” nÊtÊm. 5 Wote, tÊn nga uⱡ kit mbÊ ndi, Got nga uⱡ kun kai mbÊ mepa pena ila ekit om nda? Wote tÊn ndi, namba nimin? Got ndi, tÊn nga uⱡ kit etmin mbÊ nga punt rondrum uⱡ ei, kapⱡa mon ye! (Na nÊnt ik ei, wamp nga pilpa kungÊndi ila nÊnt ye!) 6 Ei mon! Wote, Got wu kun kai mon ndam, wamp nga uⱡ kit etmin mbÊ, etpa kÊmp tilinga mel nant? 7 Wote, na nga ik kol rop nÊt ik ei ndi, Got nga ik kupa ei, mepa pena ila ekit om kÊn, Got mbi ou tÊmba. Ei mel pem ndam, nambuⱡ emel, na uⱡ kit et wu ei nimba kÊn, kÊmp tÊmba? 8 Uⱡ ei mel, wamp mat ndi, tÊn nga nÊndÊk mel, na ndi, enim kundÊp nimp mel, “Uⱡ kit mbÊ tamina kÊn, uⱡ kai mbÊ omba.” NÊk nÊtmin uⱡ ei, kupa mon! Wamp i iti mbÊ nga puⱡ ei, kÊmp tÊnÊm uⱡ ei, etmba mel enim. 9 Wote tÊn Jura wamp mbÊ ndi, namba uⱡ kai ti ambulk molk kÊn, wamp elpa mat tÊpÊn mana ndurmin? Ei mon! TÊn ndi, nimbun mel, uⱡ kit mbÊ nga ronduⱡ ei ndi, tÊn Jura wamp na, wamp rÊⱡaip elpa na mbÊ mana tÊpa pora ndurum. 10 Wote Buk Wingti ei ndi, nimba mel, “Wamp kun kai ti mÊi kona ila muⱡi nambrÊm mon! 11 Wamp ti ndi, pilpa kungÊndi kai mat kandpa ti natÊtÊm, Got kuruk kandÊk, ti natÊtmÊn, mon. 12 Wamp mbÊ pora, Got kupa ei wak rok kÊn, uⱡ kit mbÊ minal etÊk molk, kit mondÊrmin. Wamp ti kep, uⱡ kai mat iti natÊtÊm, mon! 13 Wote wamp mbÊ nga keta min mbÊ, wamp on kut na ni mel, anga rok tek, ik kol puⱡi rok, wamp mat nÊk kit mondÊk etmin uⱡ ei ndi, wimbÊ kalt na ti ndi, wamp ropa kondrum uⱡ ni mel nÊtmin 14 RÊk rÊk ik kit pundma rui mbÊ mint nÊk, wamp mat nÊk kit mondÊk mbun nguk etmin. 15 TÊkrÊk mint wamp mat kÊn popÊⱡ mondÊk, rok kondÊk etÊng. 16 RÊk rÊk wamp puⱡi etÊk kit mondÊk, mbun puⱡi nguk etÊng. 17 Wote wamp mat kÊn numan tenda kandÊk ti natÊk, Got kÊn mundmong iti natÊtmin,” nÊtÊm. 19 TÊn akup pÊnmÊn, mi ik ei nga nÊtÊm uⱡ ei, mi ik ei nga mana orunga mormun wamp mbÊ kondpa nÊtÊm. Ei nga, wamp ti ndi, nimba mel, “Na wamp kun kai ti mor i ni nanÊmba, mon,” nÊtÊm. Kona mbila pora, tÊn Got nga kuimp keta ila nga ⱡawa iti wamp mbÊ, mint mormun. 20 Ei kÊn, wamp ti ndi, mi ik kÊⱡ pep ropa kÊn, Got nga kuimp keta ila, kun kai muⱡi nambÊrÊm mon! Mi ik ei ndi, tÊn nga uⱡ kit etmÊn mbÊ, tÊpa ora ndurum. 21 Ei nga, akup Got ndi, wamp mbÊ, elim kÊn etpa kun kai mondrum uⱡ ei, pena ila ekit omba pora ndurum. Uⱡ ei, mi ik pep rui uⱡ ila ui nÊwÊrÊm mon. Nombuⱡa mam elpa tila urum. Uⱡ ei, Painui wu na, Moses na wu mbÊ ndi, Got nga mi ik mbÊ, rok nÊk ekit ndurung. 22 Got nga nombuⱡa mam ei, Jisas Kraist kÊn mondÊk pitmin wamp mbÊ, Got ndi, wamp mbÊ kundpa, wamp kun kai mbÊ nÊtÊm. Uⱡ elpa tila, Got ndi, wamp mbÊ, apÊrpa kun kai ni nandÊtÊm, mon. 23 TÊn wamp mbÊ pora, uⱡ kit mbÊ etmÊn. Uⱡ ei ndi, Got nga uⱡ eng nui kai mbÊ timin mel mon. 24 Got ndi, elim nga wamp pol ti uⱡ ila, tÊn nga uⱡ kit mbÊ wak rundrum. Uⱡ ila, tÊn Kraist Jisas kÊn mondÊp pilmin ndam, Got ndi, tÊn wamp mbÊ, kundpa kun kai nimba. 25 Got ndi, Jisas tÊpa munduⱡnga omba, koⱡpa mema oi ndurum uⱡ ei, Jisas mondÊk piling wamp mbÊ nga uⱡ kit mbÊ, wak rundangga nimba itim. Uⱡ ila, Got ndi, elim nga uⱡ kun kai etÊm mbÊ, etpa mot ndurum. Unt Got ndi, wamp mbÊ kÊn raka nimba kongun etpa, uⱡ kit etÊng mbÊ, tÊkrÊpa punt ropa ngui ngÊnggÊrÊm. 26 Wote, akup ui ei kÊn, Got ndi, elim nga uⱡ kun kai mbÊ, tÊpa pena ila pendÊmba etpa kÊn, wamp mbÊ nga uⱡ kit etmin mbÊ wak rondrum. Uⱡ ila, Got ndi, elim nga uⱡ kun kai mbÊ, elim kÊn petÊm nimba tÊpa mot ndupa, wote Jisas kÊn mondÊk pitmin wamp mbÊ, etpa kun kai mondrum. 27 Uⱡ ei nga, mbi paka rui uⱡ ei nga puⱡ ei nant? TÊn mi ik pep rormun nimbun mbi paka ruimin ye? Akup wamp ti ndi, elim nga mbi paka romba mel mon. Mondpa pili uⱡ ei mendpÊⱡ pilmin. 28 Akup tÊn ndi pÊnmÊn ei, mondpa pili wamp ei mint, Got ndi, wamp kun kai nÊtÊm. Mi ik pep rui uⱡ ila mon! 29 Uⱡ ei mel, Got ei, Jura wamp mbÊ nga mint nda? Wamp rÊⱡaip elpa mbÊ nga, Got ti mon nda? Ei mon! Got ei, wamp mbÊ nga pora morum. 30 Got tenda morum ei ndi, kÊng kupti wamp na, kÊng kupti nÊpti wamp na mbÊ pora, mondpa pili uⱡ ila mint kandpa, wamp mbÊ etpa kun kai mondrum. 31 Ei kÊn, tÊn ndi, mondpa pili uⱡ ei kai nimbun, mi ik ei, mon ni nandpÊn kÊn, etpÊn ronduⱡ mundmÊn.