Rom 4

1 Unt Aparam ni, wu murum ei, tÊn Jura wamp rÊⱡaip mbÊ nga anda kouwÊ ei murum. Wu ei, tÊn mel kapⱡa murum ei nga, tÊn ndi, wu ei nga akup namba nimin? 2 Aparam ndi, uⱡ kun kai mat elinga, wamp mbÊ ndi, kundÊr kai pÊtÊng ndam, elim nga mbi ei, wamp mbÊ paka roⱡnga, wote Got nga kuimp keta ila i iti natilinga. 3 Nambuⱡ emel, Buk Wingti ila nimba mel, ‘Aparam ndi, Got kÊn mondpa pitim uⱡ ila, Got ndi, Aparam kundpa, wu kun kai ei!’ nitim. 4 Uⱡ ei mel, wamp ti kongun etpa kÊn, mel mat titim ni, wei gem ti natÊtÊm, mon. Kongun etÊm uⱡ ila nga punt ropa tÊtÊm. 5 Wote, wamp nam ti, uⱡ kai mbÊ iti natÊpa, uⱡ kit etmin wamp etpa, kun kai mondrum Got ei, mondpa pÊtÊm uⱡ ila, Got ndi, wamp ei kun kai nÊtÊm. 6 Unt Depit ndi, nimba mel, “Wamp nam ti, uⱡ kai mat iti natilinga, Got ndi, kun kai nÊtÊm ndam, wamp ei numan kai pilangga,” nitim. 7 ‘Got ndi, wamp namin mat nga uⱡ kit mbÊ, wak rondum nda, wamp mbÊ ambulk palk muⱡeing. Wote, wamp mbÊ nga uⱡ kit mbÊ, pendpa kelpa aldpa pili napÊtÊm. 8 Got ndi, wamp nam ti nga uⱡ ⱡawa etÊm mbÊ nga kÊmp rui narÊrÊm wamp ei, ambuⱡpa paⱡpa muⱡangga!" nÊtÊm. 9 Ambuⱡpa pÊl uⱡ ei, kÊng kupti wamp mbÊ nga mint, mon! Wote, kÊng kupti nÊpti wamp mbÊ nga kunda ku. Nambuⱡ emel, Buk Wingti ila nimba mel, “Got ndi, Aparam nga mondpa pitim uⱡ ei kandpa kÊn, Got ndi, Aparam wu kun kai ei,” nitim. 10 Got ndi, Aparam kundpa, wu kun kai nitim uⱡ ei, Aparam ni, kÊng kupti uⱡ ei itim kÊn, muna kupti napÊtÊpa murum kÊn, nitim nda? KÊng kupti napÊtÊpa murum ei kÊn, Got ndi, wu kun kai ti nitim. 11 Aparam ni, unt kÊng kupti nÊpti kÊn, Got kÊn mondpa pitim ila, Got ndi Aparam wu kun kai ei nitim. Uⱡ ila nga, Got ndi, kandpa kÊn, kÊng kupti uⱡ to ei, kuimp tepa Aparam nimba ngurum ila uⱡ ei itim. Ei nga, wamp namin mat, kÊng kupti napÊtÊk, Got kÊn mondÊk pilingina, kun kai nitim wamp mbÊ nga tipam ei, Aparam morum. 12 Aparam Got kÊn kuimp tepa mondpa pilpa, wote kÊng kupti uⱡ ei itim. Ei nga, wamp namin mat, Got kÊn mondÊk pilik, kÊng kupti uⱡ ei etmin. Wamp mbÊ nga tipam ei, Aparam ku morum. 13 Unt Got ndi, Aparam kÊn, elim nga pundun mbÊ kÊn, nimba mÊi ropa mÊi kuimp tepa punum mbÊ pora nguimp nitim. Uⱡ ei, Aparam nga mi ik pep rurum uⱡ ila mon! Aparam ndi, Got kÊn mondpa pilpa kun kai murum uⱡ ila mendpÊⱡ itim. 14 Ei mel ku, wamp namin mat mi ik mbÊ, pep rok eng mbÊ mint. Got ndi, nimba mÊi ropa mel mat nguⱡnga ndam, mondpa pili uⱡ ei, wei nÊwÊ tiyangga kÊn, Got nga nimba mÊi rurum uⱡ ei, ronduⱡ pi napÊⱡnga. 15 Ei nga, mi ik mbÊ, rok puⱡa rormun. Ei kÊn, punt ropa, Got nga popÊⱡ ei, mepa orum. Wote, mi ik ei, pi napilinga ndam, wamp mbÊ ndi, mi ik mbÊ, rok puⱡa ronmin ni nandilmina. 16 Got ndi, Eiparam poⱡ tÊpa kÊn, wamp pundun, wote oⱡa uing mbÊ nga nimba mÊi rurum. Uⱡ ei nga, Got ndi, mel mat to rondpa wamp teing nitim mbÊ, Got kÊn mondÊk pilik, mel mbÊ kapⱡa ting. Mi ik ei mint pilik, pep rok kÊn, mel mbÊ ti nÊting mon. Aparam nga mondpa pitim uⱡ ei mel, wamp mat eng ndam, Got ndi, mel mbÊ ngumba. Aparam ni wu ei, tÊn wamp mbÊ nga pora anda kouwÊ kuimbal ei morum. 17 Uⱡ ei nga, Buk Wingti ei ndi, nimba mel, “Na ndi, nim etÊp wamp minal mbÊ nga anda kouwÊ ei mondunt,” nitim. Ei kÊn, nimba mÊi rurum ik ei, Got nga kuimp keta ila ronduⱡ mba petÊm. Aparam mondpa pitim Got ei ndi, wamp kui mbÊ, etpa kont mondpa, mel mat ti nÊtÊtÊm mbÊ, nimba oⱡa tÊpa etÊm. 18 Got nga uⱡ etmba pilpa nitim nombuⱡa mam ei, Aparam kÊni nÊkÊndrÊm. Buk Wingti ei ndi, nimba mel, “Nim wamp rÊⱡaip minal mbÊ nga anda tipam ei muⱡin,” nitim. Ei kÊn, Aparam moⱡpa puⱡnga, pana l00 mel nondpa itim. Wote, ambÊm Sera wenda itim ku. Wamp raⱡ wenda anda etÊnggil ku ei nga, wote mondpa pili uⱡ ila ronduⱡ purÊnggil. Ik ei, roldÊnga mondpa pilpa nokundpa moⱡpa kÊn, “Wamp rÊⱡaip minal oⱡa uing mbÊ nga anda tipam ei murum,” nitim. 20 Got ndi, Aparam kÊn, uⱡ wote pemba nitim uⱡ mbÊ, Aparam ni pilpa kÊn, mondpa pili uⱡ ei, wak rui nÊrÊrÊm mon! Mondpa pili uⱡ ila moⱡpa kÊn, Got nga mbi paka rondpa mint murum. 21 Unt Got ndi, uⱡ wote itimp nitim mbÊ, Aparam ndi, pitim ei, Got ndi, etmba mint nimba pitim. 22 Uⱡ ila nga, Aparam mondpa pitim uⱡ ei, Got ndi, kandpa kÊn, Aparam ni wu kun kai ti," nitim. 23 Buk Wingti ila nimba mel, “Got ndi, Aparam kundpa wu kun kai,” nitim. Ik ei, Aparam mint kundpa ni nÊndÊtÊm mon. 24 Ik ei, tÊn wamp namin mat, Got kÊn mondpÊn pÊtmÊn mbÊ kundpa nitim. Ei Got ndi, Jisas etpa tÊpa kont mundrum Nuim ei nga, Got ndi, tÊn nga mondpa pili uⱡ ei, kun kai nimba. 25 Got ndi, Jisas tÊpa munduⱡnga kÊn, tÊn wamp mbÊ nga uⱡ kit mbÊ, wak rondpa kÊn kurum. Wote, Jisas on kona ila ⱡoporpa, tÊpa kont mundrum uⱡ ei, tÊn wamp mbÊ, Got kÊn kun kai muⱡmin nimba itim.