Izehhiden 70

1 I umeqqran n imeɣnajen. N Dawud. I řidaret. 2 A AREBBI, deɣyat ḥima ad ayi tfekked, ḥima ad ayi tɛawned, a SIDI. 3 Ejj inni yarezzun řeɛmar inu ad ttwaxarewḍen u ad ssnuffaren ixef nsen, ejj inni yareṭṭan x řɣar i dayi iřeqqfen, ad dewřen ɣar ḍeffar u ad ttwassbehdřen. 4 Ejj i-ten ad ɛeqben zi ssibbet n ubehdeř, inni din iqqaren: “Ha, ha!" 5 Ejj marra inni xak yarezzun, ad arcqen, ad zzayek farḥen. Ejj inni ittexsen asenjem nnec, ad inin řebda: “AREBBI d ameqqran!" 6 Maca necc di řeɣben u zeřḍeɣ, a AREBBI, deɣyat ɣari. Cek d twiza inu d amsenjem inu, a SIDI, war ttɛeṭṭař ca!