Sinthongei 2

1 Pentecost ni ahong tungin chu iempungei hah anreÌngin mun khata an intuÌpkhoÌma. 2 Inningloi rengin invaÌn renga phaÌivuopui angati rahang ajuong tung zuta, an insungna in hah ajuong sip zita. 3 Melei anga om meidon insem inzarin an mua, an chunga achuong chita. 4 AnreÌngin Ratha Inthiengin an sip zita, Ratha’n a min chong ngei angtakin chong dangin an chong zoia. 5 Hanchu muntin renga hong Juda sakhuo mingei jerusalema an chaÌma. 6 Ma rahang hah an rietin chu, mi tamtak an hong intuÌpa, mitinin iempungei chong hah anni an chong chit angin an riet sikin an mulung suÌnga an kamaÌma. 7 an mulung ajiÌnga, kamaÌmruoi khom an ti oka, “En ta, hi a chongngei murdi hih Galilee rama mi nimak ngei mo! 8 I angin mo ei reÌngin ei inzirpui chong ang chita ei riet thei hih? 9 Senkhat Parthia mi, Media mi, Elam mingei ei nia, senkhat Mesopotamia rama om, Judea rama om, Cappadocia ram, Pontus le Asia rama om, 10 Phrygia le Pamphylia ram, Egypt le Libya rama Cyrene khuo koÌl reveÌla omngei ei nia, senkhat Rom khuo renga hong, 11 Judangei le Jentail Juda lei minchang ngei ei nia, male senkhat Crete tuihuol mi le Arabia rama mi ei nia; Hankhoma, Pathien sintho roiinpui ngei an misiÌr, ei inzirpui chong ang chita ei riet hih!” an tia. 12 AnreÌngin a mindona chang riet loiin kamaÌm aruoi an tia, “Hi ngei hih inmo anni rang?” tiin anni le anni an inrekela. 13 Hannirese senkhatin chu iempungei hah, innuinaÌn an manga, “Hi mingei hih uain inruÌi keÌng an ni!” an tia. 14 Hanchu soÌmleikhat ngei leh Peter hah an indinga, mipui laÌia han inringtakin chongril aphuta, “Nangni Judea rama mingei le jerusalema ompu murdi ngei, ko chongril hih rangaÌi ungla male mahi imo aomzie nangni lei ril rong. 15 Hi ngei hih nin iem lam angin inruÌi mak ngei, atuÌn hin jiÌng daÌr kuo vaikeÌng ala ni. 16 Hi roi hih DeÌipu Joel’n a lei ril hah ani. 17 ‘Pathien’n suÌn nuÌka chu hi anghin la tho ki tih; mi murdi chunga ka Ratha la bun ka ta nin naÌipasal le nin naÌinupangngeiin ko chong la misiÌr an ta; nin ruotharte ngeiin inlaÌrna muÌng an ta, male nin tarngeiin ramangin phan an tih. 18 Ani, ma nikhuo ngeia hanchu ki tiÌrlaÌmngei nupangngei, pasalngei chunga ka Ratha bun ka ta ko chong la misiÌr an tih. 19 Chungtieng invaÌna sininkheÌlngei male nuoi tieng pilchunga kamaÌmruoingei min mu ngei ki tih. Mahan thisen, mei, meikhu bit ngei om a ta; 20 Nisa jiÌng a ta male tha thisen anghan sen atih; Pumapa Nikhuo inlal le roiinpuitak hah ajuong tung maÌn. 21 Hanchu, tukhomin Pumapa riming ralam murdi chu sanminringin om an tih.’ 22 “Nangni Israel mingei hi chongngei hih lei rangaÌi roi! Nangni rengin nin riet anghan, Nazereth Jisua hah Pathien’n nin laÌia sininkheÌl, kamaÌmruoi le sinthona ngei nangni a min riet ani. 23 Jisua hah Pathien jeÌklam le mintuo lam angtakin an suÌra, nangnin mi nunsie ngei kuta baÌngin khrosa jeÌmdelin nin thata. 24 Aniatachu Pathien’n thina sinthotheina renga mojoÌkin, ama hah thinaÌn asuÌr chien thei loi sikin a kaithoi zoi. 25 David reng khomin a chungroi hi anghin a rila, ‘Ka makunga Pumapa ku mu tit ngaÌia; keÌn niÌk loina rangin ka changtieng aom tita. 26 Masikin raÌisaÌnnaÌn ki sipa, ko chong khom raÌisaÌna asip. ka taksa khomin a sabei ngit ani, ka sabeina khom raÌisaÌnnaÌn asipa. 27 Masikin ka ratha hi mithi khuoa maÌksan no ti nia, Ni mi inthieng ruok mon rang phal no ti ni. 28 Nangman ringna lampuingei mi ni min mua; male mi ni ompui sikin raÌisaÌnnaÌn sip ki tih zoi.’ 29 “Ka champuingei, ei richibul ReÌng David roi hah haÌitakin nangni ki ril. Ama hah a thi zoia, male an phuÌma, a thaÌn khom atuÌnten ei koÌla ala om tit. 30 Ama hah DeÌipu ania, a ruthuÌl rangin tumakhat Pathien’n David richisuonpaÌrngei laÌia reÌngin la phun rangin aÌnkhaÌm ngit ti a rieta. 31 Pathien’n suÌnmotona sin a tho rang tie David’n a lei riet piel sikin Khrista inthoinoÌk rang chong misiÌrin, ‘Ama hah mithi khuoa maÌkrakin om maka; a ruok khom thaÌna mon mak,’ ai ti ani. 32 Hima Jisua hih Pathien’n thina renga a kaithoinoÌk zoi ti chong hih keini reng hi rietpuipungei kin ni. 33 Pathien changtieng choÌiminsaÌng ani zoia, a Pa koÌm renga Ratha Inthieng leikhaÌm hah a changa, atuÌna nin mu le nin riet hi ei chunga ajuong vur ani hih. 34 David hah ama leleÌn invaÌna kal maka, ‘Pumapa han ku Pumapa koÌm: ka changtieng insung tit roh. 35 Keima’n na raÌlngei murdi ne kepha sirna nuoia ka dar maÌka a ti, a tina keÌng ani.’ 36 “Hanchu, Jisua nin jeÌmdelpu hah Pathien’n Pumapa le Khrista aminchang ngeÌt tih Israel mi murdi riet ngeÌt rese ngei a tia." 37 An chong riet han an mulungriÌl atoÌka, Peter le tiÌrton dangngei koÌm han, “LaÌibungngei, imo kin tho rang ani zoi?” an tia. 38 Peter’n an koÌm, “Nin sietnangei ngaÌidam anina rangin insiÌr ungla, Jisua Khrista rimingin Baptis chang pak roi, hanchu, Pathien manboiapeÌk Ratha Inthieng hih chang nin tih. 39 A khaÌm hih nangni le nin naÌingei le ram lataka mi murdi ngei rang le Pumapa Pathien’n a koÌma a koi ngei naÌm ani,” a tia. 40 Peter’n Chong dang tamtakin a ril minthaÌra; male atuÌnlaÌi ruolthar saloi ngei renga hih joÌk roi, tiin a ngeÌna. 41 A chong a pom ngei murdi baptis an changa, ma nikhuo han mi isaÌng thum an inboÌk sa zoi. 42 TiÌrtonngei koÌm inchuÌn, inlopkhoÌmna inchelin bu khalaÌi ot inlopkhoÌmna inchelin le chubaitho ningsiet takin an oma. 43 TiÌrtonngei han sininkheÌl kamaÌmruoi tamtak an tho sikin mitinin an rin ngei zoia. 44 A iempungei murdi chu inlopkhoÌmin an neinunngei murdi an minchun zoi. 45 An rochonngei an neinunngei murdi juorin an naÌng dungjuÌiin inmang inloÌmin an insem ngaÌia. 46 AniÌngtin mulung munkhatin Biekina an inkhoÌm ngaÌia an in tieng khom raÌisaÌntak le mulungchuktakin bu khalaÌi an ot ngaÌi. 47 Pathien an minpaÌka, mi murdi raÌisaÌn lamin an oma. Hanchu, Pumapa minringa hong om tiÌr ngei chu aniÌngtin an loÌm rangin a hong boÌk pe bang ngaÌi ani.