Sinthongei 3

1 SuÌnkhat chu Peter le John hah chonuÌk daÌr thumin chubaitho rangin Biekina an sea. 2 Pasal inkhat a suok renga kholra rojoÌnin Biekina se ngei koÌm kutdo rangin mokot, “Enhoi” an ti koÌla han aniÌngtin an dar ngaÌia. 3 Ama han Peter le John Biekina an luÌt rang hah a mua, a kut a lei doa, 4 Peter le John han an en ngita, Peter’n, “Keini mi hong en ta!” a tia. 5 Masikin, ama han anni renga imakhat man rang sabeiin a en ngeia. 6 Hannirese Peter’n, “Sum le raÌngkachak doÌn mu ung, aniatachu ko doÌn nang ke peÌk thei chu Nazareth Jisua Khrista rimingin inthoi inla ne ke le loÌn roh!” a tia. 7 A kut changtieng a suÌra, a kaithoia, voikhat rengin a kengei le a ke aÌrtui rungei ahong raÌt kelena. 8 AÌnchoÌmma a ke leh aÌndinga a loÌn phut zoia, Pathien manpaÌk pumin Biekina han an luÌt kelen zoia. 9 Kea a loÌn le Pathien a minpaÌk hah mingeiin an mua, 10 Biekin mokot, “Mokot Enhoi” bula kutdoa lei insung ngaÌi hah ani ti an rieta, a chunga neinun tung hah kamaÌmruoi ok an tia, a mindonna chang riet mak ngei. 11 A dampu han Peter le John hah a la kol tita, hanchu mi murdi’n kamaÌmruoi tatakin an rieta, Solomon Bokrop an tia han mi tamtak an hong intuÌpkhoÌma. 12 Mipui intuÌp ngei laÌia han Peter’n, Nangni Israel mingei, ithomo hi hih kamaÌmruoi nin ti? Pathien kin iem mindik sika kin sinthotheinaÌn hi mi hih kin minloÌn anga ithomo ni nan en ngit? 13 Abraham, Isaac le Jakob Pathien, ei richibulngei Pathien han a TiÌrlaÌm inthieng le roiinpuitak, Jisua hah rachamneipungei kuta nin banga, male nin min suÌra, Pilat’n mojoÌk rang a masat suonuÌk khomin a makunga nin lei heng ani. 14 Mi inthiengtak le diktak hah nin henga, mi thatpa hah mojoÌk rangin Pilat koÌm nin ngeÌna. 15 Ringna peÌkpu hah nin thata, hannirese Pathien’n ama hah mithingei laÌi renga a kaithoi zoia, keini hih a rietpuipungei kin ni. 16 A riming sinthotheina han hih kholrapa hih raÌtna a peÌk ani. Nin mu le nin riet hih a riming taksoÌnna sika sin ani; nin reÌngin nin mu angin Jisua taksoÌnna sika hong om hin amindamriem zoi ani. 17 Male, “AtuÌn hin ka champuingei, nangni le nin ruoipungei khomin Jisua chunga nin sintho hah nin riet loi tatak ani ti ki riet zoi ani. 18 Pathien’n deÌipungei murdi manga Khrista han a tuong rang ani tia a lei ril hah a juongtung ani zoi. 19 Masikin nin sietnangei nangni ngaÌidam theina rangin insiÌr ungla, Pathien tieng hong kiÌrnoÌk ta roi, hanchu nin sietnangei ngaÌidamin om nin ta. 20 Male Pumapa koÌm renga rathatienga raÌtna zora juong tung a ta, nin ranga Messiah a lei thang Jisua hah, juongtiÌr a tih. 21 Pathien’n tienlaÌia a deÌipu inthiengngei baÌia a lei phuong sai anghan neinunngei murdi sin minthar zora atung maÌka chu invaÌna la om rang ani. 22 Moses khom han, ‘Pumapa nin Pathien’n keima ni tiÌr anga nin suÌngsuokngei laÌia mi deÌipu inkhat nangni minding pe a ta; nin koÌma a ril murdi chu nin joÌm rang ani. 23 Tukhom ha deÌipu chongjoÌm loi murdi chu, Pathien mingei renga sensaÌiin that minmang pai niÌng a tih,’ a ti ani. 24 Male Samuel le a nuÌka deÌipungei murdi chu atuÌnlaÌi thurchi hih an lei misiÌr ngaÌi ani. 25 Pathien’n a deÌipungei manga chong a lei khaÌm hah nangni ngei rang ania, nin richibulngei koÌma chongkhaÌm a lei peÌk hah khom nin mansa zoia, Pathien’n Abraham koÌm, ‘Ni richisuonpaÌrngei sikin pilchunga mi murdi satvur ki tih, a lei ti anghan.’ 26 Masikin Pathien’n a TiÌrlaÌm hah a thanga, nin puoloina lampuingei nuÌksong zit rang le mi murdi sat nangni vur rangin nin koÌm a juongtiÌr masa ani hi,” a tia.