Kolossa Mingei 2

1 Nangni le Laodikea suÌnga omngei rang le midang ki misanga mi la rietloingei naÌm rangin idoÌrtak mo sintho ranak ko songtie hih nangni ril rong. 2 Hima hih ko thona abi chu mulungriÌl haÌinaÌn an hong sipa, male lungkhamnaÌn munkhatin an inchunna, riettheina adikin an doÌn ngaÌi rietminthaÌrna akipdir an doÌn theina rangin ani. Ma anghan Pathien chonginthup hah hong riet an ta, ma Khrista nanaÌk hah ani. 3 Ama hih Pathien vaÌrna le rietna rochon inthupngei mo-ongna chaÌbi ani. 4 Hanchu, nangni ki ril, tuteÌn inkhalna dikloiin nangni huong no rese ngei, idoÌra asa angin khom inlang rese ngeia ite nimak ngei. 5 TaksaÌn nin koÌm om khom no ronga, hannom ratha’n chu nin koÌm ko om tit ngaÌi, male Khrista taksoÌnna lehan munkhatin nin inding detna inruol hah ku mu anghan ka raÌiasaÌn ani. 6 Khrista Jisua hah Pumapa’n nin lei pomsai anghan, ama leh inzomin om tit roi. 7 Ama han ruzung inthuÌk mathaÌk ungla, nin ringna hah ama chunga sinminding ungla, male nin taksoÌnna han hong raÌt uol roi, minchua nin om anghan. RaÌisaÌn chongrilna leh sip sa roi. 8 Hanchu, tuteÌn Khrista renga niloiin miriem kuta peÌk, minchunangei renga le rammuol ratha saloingei roijeÌkna renga miriem vaÌrna sika huongna kaÌmnaÌngloi suokin nangni an sin loina rangin indiÌn roi. 9 Khrista, miriem nina suÌnga han Pathien nina akipin aoma, 10 male nangni khom ama leh nin inzomna han ringna akipin peÌkin nin om zoi. Ama chu rathatienga roijeÌkpungei le rachamneipungei naÌm chunga Rachamneipu lientak ani. 11 Khrista leh nin inzomna han sertan nin ni zoi, miriemngei sertan an tho anghan niloiin, Khrista sertana leh hi taksa nunsie sinthotheina renga sanminjoÌkna lehin. 12 Baptis nin chang han Khrista leh phuÌmin nin om zoia, male ma baptisma nanaÌk han thina renga a kaithoipu Pathien sinthotheina hah taksoÌnna nin doÌn sikin Khrista leh kaithoiin nin om sa zoi. 13 Moton han chu nin sietnangei sikin le Jentail Balam boi nin ni sikin rathatienga thi nin lei ni. Aniatachu Pathien’n atuÌn chu Khrista leh nin inzomna han nangni a minring zoi. Pathien’n ei sietnangei murdi mi ngaÌidam zoia; 14 ei laÌkaÌi intaÌngngei lungkhamna chang phaÌkloi ranga mizieka omngei leh balam mikhit ngaÌi ngei hah khaÌi paiin Khrosa peret leh jeÌmdelin a minhek suozoi ani. 15 Ma khros chunga han Khrista’n ratha roijeÌkpungei le rachamneipungei sinthotheina renga ama nanaÌkin joÌkpaiin; ma a meneÌnangei hah mitin mu rangin a minlang zoi ani. 16 Masikin nin saÌk, nin neÌk roia, aninoÌnchu nikhuo inthieng ngei roia aninoÌnchu Tha Thar Khohoia aninoÌnchu Sabbathni roia mini, tuteÌn roineina nangni doÌn pe no rese ngei. 17 Ma anga neinunngei murdi hah chu suÌnmotona neinun hongom rang ngei riliÌm vai keÌng an nia; atatak chu Khrista ani. 18 Tukhom inlaÌrna adangviek ngei mu sikin aÌnchungtak ni ranga, misiÌra, nunneÌmna dikloi doÌn rang le vaÌntiÌrtonngei chubaimuÌk rang ti ngei han theiloi nangni minchang rangin nangni nanaÌkin inphal no roi. Mangei hah ite ni uol makngei, ma anga mingei hah chu an miriem mindonaÌn aÌnpaÌk an nia 19 male mangei han takpum lu Khrista hah mutu khaÌi mak ngei. Khrista enkolna nuoia takpumpui hah asaÌn donsuiin, rolo le ratharuÌi inchunna ngei le aÌnzomna ngei hah munkhata minchunin, Pathien’n aÌnsoÌn ranga a nuom anghan aÌnsoÌn ngaÌi ani. 20 Khrista leh nin thia hi rammuol rathangei renga nin joÌksaipiel hah, ithomo rammuol mingei anghan nin la om bang? Ithomo hi balamngei, 21 “Mang no roh,” “SaÌk no roh,” “ToÌn no roh,” ti ngei hih nin joÌma? 22 Mangei hah chu miriemngei an sin balamngei le minchunangei an nia; veÌlkhat mang suonuÌkin chu kaÌmnaÌngloi neinunngei keÌng an ni. 23 Hi rangraÌta vaÌntiÌrtonngei chubaimuÌk rang ti mo, nunneÌmna dikloi doÌn rang ti mo, takpum duÌkmintong rang ti ngei mo hi vaÌrna chunga aÌnngamin inlang khom rese ngeia; taksa oÌinangei enkolna rangin chu alutna diktak doÌn mak ngei ani.