Kolossa Mingei 3

1 Khrista leh aringin kaithoiin nin om zoi, masikin Pathien kut changtienga Khrista insungna reÌngsukmuna neinunngei chunga khin nin mulungngei dar roi. 2 Hi pilchunga neinunngei chunga niloiin, chungtienga neinunngei khin nin mulungriÌlngei minngamphar roi. 3 Nin thi zoia, nin ringna hah Khrista leh Pathien koÌm thupin aom zoi. 4 Nin ringna tatak chu Khrista ania, a juong inlaÌr tika chu nangni khom ama leh inlaÌr nin ta, a roiinpuina chang sa nin tih. 5 Hanchu, nin pilchung oÌinangei nin suÌnga sinthongei, inditnasaloingei, ominthiengloi, oÌinasaloingei, hurporinchengei, inruoÌknangei (inruoÌknangei ti hih mirmil biek ani), ma anga ngei hih nin that ngeÌt rang ani. 6 Ma neinunngei sikin keÌng Pathien taksina a chong donloipu ngei chunga ajuong tung rang ani. 7 Nangni nanaÌk khom moton han chu ma oÌinangei han nin chunga roi ajeÌk laÌihan chu ma dungjuÌiin nin om ngaÌia. 8 Aniatachu, atuÌn hi neinunngei murdi: taksina, ngalna, inmuÌmaÌkna ngei hih nin maÌk ngeÌt rang ani. IneÌronangei, chongbaÌingalngei hih nin baÌingei renga suok khaÌi no rese. 9 Inkhat le inkhat inhuong inloÌm no roi, miriem muruo leh a thobaisingei hah nin khekpaia, 10 miriem tharin nin invo zoi sikin. Ama rietna akip nin doÌn theina rangin ma miriem thar hah Pathien, a Sinpu, rimil angin sinminthar bangin aom ngaÌi ani. 11 Ma ringna thara han chu Jentialngei le Judangei, sertan le sertanloingei, amolmangei, pentienga mingei, suokngei le suokniloi ateina reng om khaÌi mak, Khrista chu anreÌngin anileta, anreÌnga suÌnga aom let ani. 12 Pathien mingei nin ni zoia; nangni lungkhama, male ama ta ni rangin nangni a thang zoi ani. Masikin inkaninloÌmna, inriengmuna, nunneÌmnangei, rangaÌiinchiÌnangei, tuongdiernangei leh nangni nanaÌkin nin invo ngeÌt rang ani. 13 Tukhomin tu chunga makhat roi baÌiinkham nin doÌn zora khomin tuongthei roi, Pumapa’n nangni a ngaÌidam anghan inkhat le inkhat inngaÌidam inloÌm ngeÌt roi. 14 Ma nina ngei murdi chunga han lungkhamna boÌk sa roi, maha neinunngei murdi inruolna achuka khitlompu ani. 15 Khrista inngeÌina nangni peÌk hah inruolna nin sinna han nangni kairuoi rang ani; Ma inngeÌina chang rangin Pathien’n takpum inkhata munkhata om rangin nangni a koi ani. Nin raÌiminsaÌn roi. 16 Khrista chong chu aneinangei naÌm leh nin mulungriÌlngeia om rese. VaÌrna murdi ngei leh inril inloÌmin, inchuÌ inloÌm roi. Nin mulungriÌla RaÌisaÌnchongril pumin Pathien minpaÌkna Lapuingei, minpaÌkna laÌngei, laÌ inthiengngei tho pe roi. 17 Male nin sinna le nin tina ngei naÌma, Khrista jaÌra Pa, Pathien koÌm raÌisaÌnchongril pumin Pumapa Jisua rimingin nin tho ngaÌi rang ani. 18 LoÌmnungei, nin loÌmpangei koÌm inpeÌkluÌt roi, maha Khristienngei nin ni anghan nin tho rang piel ani. 19 LoÌmpangei, nin loÌmnungei lungkham ngei ungla, an chunga nin nunminsie no roi. 20 NaÌipangngei, zoratin nin nulepangei chong don roi, maha nin Khristien sintum ranga Pathien nuomlam ani. 21 Nulepangei, nin naÌingei min nuor no roi, jaÌmzalin hong om ni ngei. 22 Suokngei, neinunngei murdia taksa tienga nin pungei chongdon roi, nangni an pomna rang nuomin an mitmu kaÌr vai joÌm no ungla; Pumapa maÌn nin thona sikin mulungriÌla takintaÌitakin don roi. 23 I-ih khom nin tho ngei murdi chu miriem ta rang anghan sin loiin, Pumapa ta rang anghan nin mulungriÌl murdi’n sin roi. 24 Khrista hih Puma tatak ani tia, sin nin tho sikin a mingei ta ranga raÌisaÌnman a darsai hah Pumapa’n nangni a peÌk rang tiin riettit roi. 25 Neinun dikloi thopu ngei chu an neinun dikloi thona aman man an ta, Pathien’n mitin chunga aÌn-angsarin roi a jeÌk ngaÌi sikin.