Hebrews 6

1 Tho, masikin Khristien chongbul misiÌr khaÌiloiin moton tieng seÌn, mitungsuo minchuna lam pan ei ti u. Sin kaÌmnaÌngloi ngei le thina mintung ngaÌi renga inheia Pathien iem rang tie ngei, 2 baptisma le kut minngamna chungroia minchuna ngei; thina renga inthoinoÌkna roi le kumtuong roijeÌkna ngei lungphuÌm chu phuÌm noÌk khaÌi no u. 3 Tho, moton tieng pan ei tih u! Male Pathien’n mi phal pea anin chu mahah ei tho rang ani. 4 Kho angin mo an taksoÌnna maÌka om ngei hah an honsiÌr thei noÌk rang? Voikhat chu Pathien vaÌra oma; invaÌn neinunpeÌk temsai le Ratha Inthieng khom changsaia; 5 Pathien chong asa tie le zora la hong om ranga sinthotheina om rang ngei khom riet saia. 6 Male an taksoÌnna amaÌk noÌk ngei chu! insiÌr noÌka hongkiÌr noÌk theiruo ni khaÌi mak ngei. Anni ngei han Pathien NaÌipasal hah jeÌmdel noÌkin maÌimoÌk anshak sikin. 7 Pil, a chunga ruotui taÌk ngaÌi lei metheÌpa, a sin ngei ta ranga chimu kaÌmom musuo pe chu Pathien’n sat a vur ngaÌi. 8 Aniatachu ma pil han rilingngei le chiekngei a moÌnga niÌn chu maha kaÌmnaÌngloi ania; Pathien khomaÌksaÌm chi omtakin a oma, male nuÌka chu meia haÌl minmangin om atih. 9 Hannirese, ruol moroi om ngei, ma anghan ti khom unglang, nangni chu satvurna sa uol sanminringna nin doÌn ti kin riet minthaÌr ani. 10 Pathien chu adikloi nimak. Ama ta ranga sin nin tho ngei, lungkhamna nin minlang ngei, nin khristien champui ngei nin lei san ngei le atuÌntena khom nin la san tit ngei hah mingil tet no nih. 11 Nin sabei a hong tung dik theina rangin nin sika nin takintaÌina hah amongna tena nin musuo chit rangin kin nuom tatak ani. 12 Nin ratha minboi loiin, iemna le tuongdierna sika Pathien chonginkhaÌm a man ngei om anghan nin hong om rangin kin nuom ani. 13 Pathien’n Abraham koÌm chonginkhaÌm a sin laÌihan ama neÌka roiinpui uol tute an omloi sikin ama riming saÌmin khomaÌk aÌnsaÌma. 14 A koÌm, “Sat nang vur ka ta male suonpaÌr tamtak nang peÌk ki tih,” a tia. 15 Abraham a tuongdier sikin Pathien chonginkhaÌm hah a man ani. 16 Miriemngeiin khomaÌk an insaÌmin anni neÌka roiinpui uol ngei riming saÌmin khomaÌk an insaÌma, an inkhalna murdi khom an mong ngaÌi. 17 Pathien’n a chonginkhaÌm man rang ngei koÌm han a neinun khiÌn thuÌl tet no nih; ti minthaÌr pe ngei uol nuomin a chonginkhaÌm hah khomaÌk insaÌmin a mindet ani. 18 Masikin Pathien’n neinun inik a chonginkhaÌma thuÌl theiloi le milak tholoi rang mangin eini a koÌma joÌkna man ngei hin ei motona sabeina om hih suÌr mindet tit rangin mi mohoÌk tatak ani. 19 Ma sabeina hah ei ringnun rangin thirkuoirikit anghan ani. Maha adet tak le aÌnthaÌrlak ania, invaÌn biekin puonduÌng sunga mun inthienga khom a luÌta. 20 Mahan Jisua’n ei ruthuÌlin ei motona a lei luÌt zoia, male Melchizedek angin kumtuong ochai inlaltak a lei hongni zoi.