John 15

1 “Keima grapraÌng diktak ki ni, male ka Pa chu ruhuon donsuÌipu ani. 2 Keima taka kop loi amachang aÌnra loi chu a khiekpaia, aÌnra kai chu a rithiel minsaÌi ngaÌi; masikin aÌnthienga amara atam uolna rangin. 3 Minchuna chong nangni ke peÌk saia hin nin inthiengvar zoi ani. 4 Ko koÌm omtit ungla, male kei khom nin koÌm omtit ki tih. Amachang hah graperaÌnga akop tit noÌnchu athenin inra thei maka; graperaÌnga akop tit vaiin keÌng aÌnra thei ngaÌi. Ma anghan nangni khom ko koÌm nin omtit noÌnchu nin thenin inra thei no tunui." 5 “Keima grapraÌng ki nia, nangni ngei ha amachangngei nin ni. Tukhom keima taka aomtita, male kei khom ama taka ko omtitna chu tamtakin an inra ngaÌi; keima boiin ite nin sin thei loi sikin. 6 Tukhom keima taka om loi chu amachang angin paiin aoma, male achaÌr ngaÌi; ma anga amachangngei hah chu an rokhoÌma meia an paia, akaÌng ngaÌi. 7 Ko koÌm nin omtita, ko chong nin koÌm aomtitin chu nin nunuom zong roi man bang nin tih. 8 Tamtaka nin inra hin ka Pa roiinpuina inlangin aom ngaÌi ani; ma anghan ku ruoisingei nin hong ni ani. 9 Pa’n mi lungkham anghan kei khom nangni ku lungkham ani; ku lungkhamna hin omtit roi. 10 Ko chongpeÌkngei nin joÌmin chu ku lungkhamna ombang nin tih, ka Pa chongpeÌkngei ko joÌma a lungkhamnaÌn ko ombang anghin. 11 “Ka raÌisaÌna nangnia han aom theina rang le nin raÌisaÌna akip theina rangin mahi nin koÌm ki misiÌr ani. 12 Ko chongpeÌk chu mahi ani: inkhat le inkhat inlungkham inloÌm roi, keiman nangni ku lungkham anghin. 13 Miriemin a malngei ranga lungkhamna lientak a doÌn thei chu an ta ranga a ringna peÌk hi ani. 14 Male ko chongpeÌk nin joÌmin chu ka malngei nin ni. 15 TiÌrlaÌmngei nangni ti khaÌi no ning, asikchu tiÌrlaÌmngei chu an pu sintho riet ngaÌi mak ngei ani. ManeÌkin chu malngei nangni ti ki tih, Pa renga ki riet ngei murdi nangni ki misiÌr pe zoi sikin. 16 Nangnin ni thang mak choia; keiman keÌng nangni ka thang ania; sea mara tamtak va doÌna, nin mara aom bang rangin nangni ku phun sa ani. Masikin ki riminga Pa koÌm nin zong kai chu nangni a peÌk theina rangin. 17 Hanchu, mahi ko chongpeÌk chu ani: inkhat le inkhat inlungkham inloÌm roi. 18 “Rammuolin nangni mumaÌkin chu, keima mi lei mumaÌk bak ani ti riettit roi. 19 Rammuol ta ni ungla chu rammuolin ama ta angin nangni lungkham rang ani. Aniatachu rammuol renga nangni ka thangsuok ania, rammuol mi nin ni khaÌi loi sikin rammuolin nangni a mumaÌk ani. 20 ‘Suokngei chu an pu neÌkin lien uol mak ngei’ ti chong nangni ki ril hah riettit roi. Mingeiin keima an nuom minloÌn chu nangni khom an nunuom nangni loÌ sa an tih; ki minchuna chong an donin chu nin minchuna chong khom don an tih. 21 Hannirese hima ngei murdi hah kata nin ni sika keÌng nin chunga an tho rang; tumo mi tiÌrpu hah an riet loi sikin. 22 Keima juongin an koÌm thurchi misiÌr no rong chu sietnaÌn theiloi an chang loi rang piel ani; atuÌn chu an sietna muduolna rang doÌn khaÌi mak ngei. 23 Tukhom mi mumaÌkpu chu ka Pa khom a mumaÌk ani. 24 Mi dangin an la tho ngaÌiloi neinunngei hah an laÌia tho no ronga chu sietna sikin theiloi an chang loi rang piel ania; atuÌn chu ki sintho ngei an mua, male keima le ka Pa kin ruonin min mumaÌk zoi ani. 25 Nikhomrese, mahi, an Balam lekhabua anni ngei han, ‘Ite abi boiin min mumaÌk,’ tia aÌnziek hah inzomin ahongtung adik theina ranga an tho ani. 26 “Sanpu hah juong a ta, Ratha diktak Pathien chungroia chongtak minlangpu hah Pa koÌm renga juong atih. Pa koÌm renga nin koÌm juongtiÌr ka ta, male ama’n ku chungroi misiÌr atih. 27 Male nangni, khomin ku chungroi misiÌr saÌng nin tih, aphut renga keima leh nin om sikin.