MATTHEW 19

1 Jisua’n ha chongngei hah a misiÌr suole chu Galilee ram renga a suoka, Jordan Tuidung raÌla Judea rama a sea. 2 Mipui tamtakin an juÌia, male ma muna han a mindam ngeia. 3 Pharisee senkhatngei a koÌm an honga, ama min oÌk rang puÌtin, “I-ihsika khomin min a loÌmnu a maÌk hih ei Balamin aphal mo?” tiin an rekela. 4 Jisua’n an koÌm, Pathien lekhabu’n, “Aphut renga miriemngei Mizirpu’n Pasal le nupang a sin, a ti hah nin pore ngaÌiloi mini? 5 MapeÌna, Pathien’n, ‘Hi sika hin pasalin a nu le a pa maÌk a ta, a loÌmnu leh inruol an ta, male, an ruonin takpum khat hongni an tih,’ a ti ani. 6 Masikin mi inik nikhaÌi mak ngeia, pumkhat keÌng an ni zoi. Pathien’n munkhata a mozomsai chu miriemin an sensaÌi tet rang nimak,” tiin a thuona. 7 Phariseengei han a koÌm, “NoÌnte ithomo Moses’n pasalin inmaÌkna lekha miziekin a loÌmnu a peÌkin chu inmaÌk a phalin amanu hah tiÌrpaiin aom ngaÌia?” tiin an rekela. 8 Jisua’n an koÌm, “Moses’n nin loÌmnungei maÌk rang nangni a phal pena chu nin mulung aÌnngara minchu nin intak rai sika ani. Hannirese, sinphuta han chu ma anghin nimak. 9 Hanchu, keima nangni ki ril chu, tukhom pasalin a loÌmnu hah roi danga niloiin, taksoÌn omloina sika a maÌka anin chu a loÌmnu hah inreÌ a minchang ani; male mi loÌmnu maÌksai inneipui noÌkpu chu amanu hah a inreÌpuiin theiloi a chang sa ani,” a tia. 10 A ruoisingeiin a koÌm, “LoÌmpa le loÌmnu kongkaÌra ma anghan anin chu innei loi asa uol,” an tia. 11 Jisua’n an koÌm, “Hi minchuna hih mitin chunga mang rang nimaka, Pathien’n a peÌk ngei chunga vai mang niÌng atih, tiin a thuona. 12 Pasalin innei theiloina abi chu adadang aom: senkhat, chu neiloi rang piela suok an ni; senkhat chu ha anga ranga miriemin an sin khom an om; senkhat chu invaÌn ReÌngram sikin an neiloi ani. Tukhom hi minchuna pom thei kaiin chu pom rese ngei,” tiin a thuona. 13 Mi senkhatin naÌipangtengei Jisua koÌm an chunga a kut a minngam theina rang le chubai tho pe ngei theina rangin an hong tuonga, aniatachu, ruoisingeiin an lei ngoa. 14 Jisua’n an koÌm, “NaÌipangtengei ko koÌm min hong ungla khap no roi, invaÌn ReÌngram chu hi anga mingei ta ani sikin,” a tia. 15 An chunga a kut a minngama male chu a se zoi. 16 Voikhat chu mi inkhat Jisua koÌm a honga, “Minchupu, kumtuong ringna ka man theina rangin imo sin sa ki sin rang?” tiin a rekela. 17 “Ithomo asa thurchi mini rekel?” Jisua’n, “Asa chu mi Inkhat vai keÌng aom. Ringna han luÌt nu nuomin chu chongpeÌkngei hah joÌm roh,” tiin a thuona. 18 Ama han, “Kho chongpeÌkngei ha mo?” tiin a rekela. Jisua’n, “Mi that no roh; inreÌ no roh; inru no roh; dikloitakin mi noÌn no roh; 19 nu nuÌ le na pa mirit roh; nangma neÌn lungkham angin nu bungmingei lungkham roh,” ti ngei hi tiin a thuona. 20 Ruolthartepa han, “Ma chongpeÌkngei naÌm ha chu ko joÌm suolet zoi. Imo ki sin rang ala naÌng?” a tia. 21 Jisua’n a koÌm, “Asa akiphara om nu nuomin chu senla, no doÌn murdi juor inla, ma sum hah inriengngei koÌm peÌk roh, male chu invaÌna rochon doÌn ni tih; masuole chu hong inla, mi hong juÌi roh,” a tipea. 22 Ruolthartepa’n ha chong hah a rietin chu ngaÌisiet takin a rot zoi, mi neipa ani sikin. 23 Hanchu Jisua’n a ruoisingei koÌm, “Adiktakin nangni ki ril: mineingei rangin chu invaÌn ReÌngrama luÌt aÌntak sabak rang ani. 24 Nangni ki ril noÌk: mineingei Pathien ReÌngrama luÌt neÌkin chu uÌt simphuoi kuora luÌt bai uol atih,” a tia. 25 Hi chong hih, ruoisingeiin an rietin chu, an kamaÌm tataka, “NoÌnte, tumo saminringin aom thei rang?” tiin an rekela. 26 Jisua’n anni enlakin an koÌm, “Mahih miriem rangin chu nithei maka, aniatachu Pathien rangin chu neinun murdi anithei let,” tiin a thuon ngeia. 27 Male Peter a hong chonga. A koÌm, “En roh, keinin jaÌttin maÌkin nang kin juÌia. Imo kin man rang?” a tia. 28 Jisua’n an koÌm, “Adiktakin nangni ki ril, Ruol Thar hong om ranga Miriem NaÌipasal a reÌngsukmun roiinpuitaka aÌnsung tikin chu nangni ku nuÌkjuÌi ngaÌi soÌmleinik ngei khom reÌngsukmunngeia insung nin ta, Israel jaÌt soÌmleinik ngei chunga roijeÌk nin tih. 29 Hanchu tutu keima sika inngei mo, laÌibungngei mo, sarnungei mo, pa mo, nu mo, naÌingei mo, loi ngei mo, amaÌkpu ngei chu abaÌk razakhatin man an ta, kumtuong ringna khom peÌk sa niÌng an tih. 30 Aniatachu, atuÌna amasatakngei khom nuÌkintatak la niÌng an ta, male nuÌkintatak ngei khom amasatak la niÌng an tih,” a tia.