MATTHEW 20

1 “InvaÌn ReÌngram chu mi inkhatin a grapebila mi senkhat inloa sintho rang rokin jiÌng renga ajoÌkpai angin ani. 2 Ama’n a sinthopungei hah asuÌna duli peÌk ngei rangin a joÌta, male a grapebila sintho rangin a tiÌr ngei zoi. 3 JiÌng daÌr kuo aÌnringin chu bazar muna a se noÌka, mahan mi senkhat ite tho loia an inding ava mua, 4 masikin an koÌm, ‘Nangni khom se ungla, grapebila va sin ungla, rathaman asadeÌn nangni peÌk ki tih,’ a tipe ngeia. 5 Masikin an se zoi. Hanchu suÌn daÌr soÌmleinik le chonuÌk daÌr thuma khom ma angdeÌnin a thoa. 6 Kholoi daÌr rangnga aÌnring rangtoÌn bazar muna ava se noÌka, mi senkhat ite sin loia aÌnding chien ava mu ngei noÌka. An koÌm, ‘Ithomo ite sin loiin mahin suÌn nin min hek?’ tiin a rekel ngeia. 7 Anni han a koÌm, ’tuteÌn mi min lo mak ngei,’ tiin an thuona. Asa, hanchu, nangni khom se ungla grapebila sin va tho roi,” a tipe ngeia. 8 Kholoi ahong niÌn chu, a pumapa han a sum vongpu koÌm han, “Sinthopu ngei hah koi inla, anuÌktaka hong inlopu ngei renga phutin amasataka hong inlopu ngei deÌnin an rathaman peÌk ngei roh,” a tia. 9 Kholoi daÌr rangnga sintho koppu ngei ha chu duli chit peÌk an nia. 10 Masikin motontaka sintho koppu ngei hah an hongin chu atam uol man rangin an mindona; hannirese anni khom duli chit keÌng peÌk an ni. 11 An sum hah an laÌka, a pumapa chunga an chier phut zoi. 12 “Hi mi nuÌktaka hoÌn lo ngei hi chu daÌr khat vai an sinna ania, keini chu nisa luma suÌntuonin kin sina, hannoma, keini mi ni peÌk doÌr nanaÌk anni khom ne peÌka!” an tia. 13 A pumapa han, an laÌia inkhat koÌm han, " ‘RangaÌi ta, mal,’ nang huong mu-ung. Ikhomnirse asuÌna duli loa sintho ranga no joÌt ani. 14 AtuÌn na rathaman laÌk inla, ni ina se roh. Nangma nang ke peÌk doÌr hih hi anuÌktaka a hon lopu khom hih peÌk ku nuom ani. 15 Ka sum chu ki ti lamtaka mang rangin rachamneina doÌn mu-ung mo? AninoÌnchu ka mannarloi sikin na narsa mini?" a tipea. 16 Hanchu Jisua’n, “Masikin anuÌktak ngei hah amotontak la niÌng an ta, amotontak ngei hah anuÌktak la niÌng an tih,” tiin chongkhaÌrnaÌn a tia. 17 Jisua Jerusalem tena se laÌihan, ruoisingei soÌmleinik hah an theiin a tuong ngeia, lampuia an loÌn pumin inruÌkten an koÌm, 18 “RangaÌi ta u, Jerusalema ei se rang ania, mahan Miriem NaÌipasal hi Ochaisingei le Balam minchupungei kuta minsuÌrin om a tih. Thi rangin theiloimintum an ta, 19 hanchu Jentailngei kuta peÌk an ta, anni han munui inzanaÌn mang an ta, viÌk an ta, khrosa jeÌmdel an tih; hannirese suÌnthum suole chu aringin kaithoiin om a tih,” a tia. 20 Hanchu Jebedee loÌmnu hah a naÌipasal inik ngei leh Jisua koÌm an honga, amakunga khuÌkinbilin, a lungkhamna a zonga. 21 Jisua’n a koÌm, “Imo nu nuom?” tiin amanu hah a rekela. Amanu han, “Hi ka naÌipasal inik ngei hih ReÌng nini tika na chang tieng inkhat no voitieng inkhat min sung rangin chong meÌnkhaÌm pe roh,” tiin a thuona. 22 Jisua’n, naÌipasalngei koÌm han, “Nin zong hih nin riet loi ani, Tuongna kilaÌt ki neÌk rang hih nin neÌk thei rang mo?” a tia. “Thei kin tih,” tiin an thuona. 23 Jisua’n an koÌm, “Ki kilaÌt chu neÌk tatak nan ta,” hannirese, “tumo ka chang tieng le ko voi tienga aÌnsung rang chu keiman zen rangin racham doÌn mu-ung. Hi munngei hih chu ka Pa’n a mintuo pe ngei ta rang keÌng ani,” a tia. 24 Ruoisi dang soÌmngei han ma chong hah an rietin chu, laÌibung inik ngei chunga an ningathik zoia. 25 Masikin Jisua’n an reÌngin a koituÌp ngeia, an koÌm, “Jentailngei chunga roijeÌkpua an phunngei chu an chunga an inlaltatak ngaÌia, an ruoipungei khom an chunga rachamneina an doÌn ok ngaÌi iti nin riet. 26 Nikhomrese, nin laÌia chu ma anghin ani rang nimak. Tukhomin alien a nuomin chu, nin tiÌrlaÌm ani bak ngeÌt rang ani; 27 MapeÌna, nin laÌia tukhomin amotontak ani nuomin chu nin tiÌrlaÌm a chang bak ngeÌt rang ani. 28 Miriem NaÌipasal luo mana min a sin an tho pe rangin juong maka, mi sin tho pe rang le mi tamtak rattan ranga a ringna peÌk rangin keÌng a juong ani,” a tia. 29 Jisua le a ruoisingei Jericho hah an maÌkin chu, mipui tamtakin an juÌia. 30 Mitcho inik lampui koÌla insungin Jisua a hongvun iti an rietin chu, “David NaÌipasal! Kin chunga inrieng mi mu roh, Pu!” tiin an in-ieka. 31 Mipui ngei han daÌirek rangin an ngo ngeia. Aniatachu anni han, “David NaÌipasal! Kin chunga inrieng mimu roh, Pu!” tiin an iniek minring uola. 32 Jisua aÌnngama a koi ngeia, “Imo nangni rangin ni min tho nin nuom?” tiin a rekel ngeia. 33 “Pu, mitvaÌrna mi ni peÌk rang hih kin nuom ani!” tiin an thuona. 34 Jisua’n an chunga inriengmuna a doÌna, an mitngei hah a toÌn pe ngeia, voikhatrengin an hong mu thei kelena, a nuÌk an juÌi zoi ani.