Mark 10

1 Hanchu Jisua’n ha mun hah a maÌka, Judea ramhuola a sea, male Jordan Tuidung raÌl aÌnkaÌnna lokongei apaÌlpa a koÌm an hong intuÌp noÌka, a tho tit ngaÌi anghan anni ngei ha a lei minchu ngeia. 2 Phariseengei senkhat an honga, ama min oÌkna rangin, “MiÌn a loÌmnu maÌk rangin ei Balamin aphal mo?” mi ril roh, tiin an rekela. 3 Jisua’n an koÌm, “Moses’n inmo Balam nangni a peÌk?” tiin chongrekel leh a thuon ngeia. 4 Anni han, “Moses’n chu pasalin inmaÌkna lekha a mizieka male a loÌmnu tiÌr pai rangin inmaÌk hih a phal ngaÌi ani” ti hih an thuona chu ani. 5 Jisua’n an koÌm, “Minchu nin intak rai sika Moses’n hi Balam hih nangni rangin a miziek, a tipe ngeia. 6 Aniatachu rammuol insieng phut renga Pathien Lekhabu’n ati anghan, ‘Pathien’n pasal le nupang’ a sin ngei ani. 7 ‘Masika han pasalin a nuÌ le a pa maÌk a ta, male a loÌmnu leh inlop an ta, 8 male inik hah takpum inkhat hongni an ti zoi.’ Masikin inik ni khaÌi mak ngeia, inkhat an hongni zoi ani. 9 Hanchu Pathien’n munkhata a minzom sai chu miriemin an minsen rang nimak,” a tia. 10 In suÌng an luÌt lehan a ruoisingeiin ma roi hah Jisua an rekela. 11 Ama han an koÌm, “Tukhom a loÌmnu a maÌka, male nupang dang inneipui chu a loÌmnu doiin a inreÌ ani. 12 Ma angdeÌnin, nupang khomin a pasal maÌkin pasal dang inneipui chu a inreÌ ani,” a tia. 13 Jisua’n an chunga kutngei a minngama satavur theina rangin mi senkhatin a koÌm naÌipangtengei an hong tuonga, aniatachu ruoisingeiin mingei hah an lei ngokhuma. 14 Jisua’n maha a mu lehan a ningathika, a ruoisingei koÌm, “NaÌipangtengei ko koÌm min hong ungla, khap no roi, Pathien ReÌngram chu hi anga mingei ta ani sikin. 15 Adiktakin nangni ki ril tukhom naÌipangte angin Pathien ram a modoÌm noÌnchu Pathien ReÌngram luÌt tet no ni,” a tia. 16 Hanchu naÌipangtengei a kuoa, an chung chita a kutngei minngamin, male satavur ngei zoi. 17 Jisua’n se noÌk ranga kalchoÌichakin, mi inkhat a hong taÌnna, amakunga khuÌkinbilin, a koÌm, “Minchupu Sa, ringinlon ka chang theina rangin imo ki sin rang?” tiin a rekela. 18 Jisua’n a koÌm, “Ithomo asa mi ni tia?” “Pathien peÌna chu tute mi sa om mak ngei. 19 Balam chongpeÌkngei ha chu ni riet duo: ‘Mi that no roh; inreÌ no roh; inru no roh; adikloitakin tute baÌtu tho no roh; mi huong no roh; nu nuÌ le na pa jaÌ roh ti ngei hih’” a tia. 20 Hapa han a koÌm, “Minchupu ma Balam chongpeÌkngei naÌm ha chu ka naÌipangte renga ke lei joÌm sai keÌng” a tia. 21 Jisua’n amapa hah a en ngita, lungkhamna tak doÌnin a koÌm, “Inkhat mamang na laÌn sam. Senla no doÌn murdi zuor inla, male a sum hah inrieng ngei peÌk inla, male invaÌna rochon doÌn ni tih; hanchu hong inla, mi hong juÌi roh” a tipea. 22 Amapa han ha chong hah a riet lehan, a maÌimoÌk pe oka, mineipa ani sikin, innguikhakin a rot zoi. 23 Jisua’n a ruoisingei a veÌng ngeia male an koÌm “Anei ngei Pathien ReÌngrama luÌtna rangin khodoÌra aÌntak mo ani zoi!” a tia. 24 Ruoisingei han a chongril hah jaÌmzal aom sabak an tia, hannirese Jisua’n a la tibanga an koÌm, “Ka naÌingei, Pathien ReÌngrama luÌt rang hi idoÌra aÌntak mo ani zoi! 25 Minei ngei Pathien ReÌngrama luÌt neÌkin chu simphuoi kuora uÌt luÌt rang bai uol ok atih” a tia. 26 Haten hanchu ruoisingeiin an jaÌmaÌnzal phar zoia, male inkhat le inkhat annin rekel inloÌma, “Hanchu, tumo sanminjoÌkin aom thei rang?” an tia. 27 Jisua’n anni ngei hah a en ngita, an koÌm, “Maha miriem rangin chu nitheimaka, aniatachu Pathien rangin chu anithei ani; Pathien rangin chu neinuntin hih anithei let ani” tiin a thuona. 28 Hanchu Peter’n a koÌm, “En ta, keini chu neinuntin kin maÌka, male nang kin juÌi ani hi” a tia. 29 Jisua’n an koÌm, “Ani,” nangni ki ril tukhom keima sika le thurchisa sika, in mo, laÌibungngei mo, sarnungei mo, nuÌ mo, pa mo, naÌingei mo, loingei mo amaÌk ngei chu, 30 hi damsuÌng renga hin inngei mo, laÌibungngei mo, sarnungei mo, nuÌngei mo, pangei mo, naÌingei mo, loingei mo, abaÌk razan man a ta, male mi nuomlonangei khom tuong sa a ta; male zora la hong tung ranga ringinlon khom man sa atih. 31 “Aniatachu atuÌna amotontaka om mi tam ngei chu anuÌktaka la om an ta, male anuÌktaka om mi tam ngei chu amotontaka la om an tih,” a tia. 32 Jisua le a ruoisingei Jerusalem tena se rangin lampuia an oma, Jisua moton aÌnsa, ruoisingei hah kamaÌmnaÌn an sipa; a nuÌkjuÌi mingei han an chia. Jisua’n, ruoisingei hah an theiviekin a tuong ngei noÌka, male a chunga neinun ahongtung rang ngei hah a misiÌr pe ngei noÌka. 33 “RangaÌi roi, Jerusalem tena ei se rang ania, mahan Miriem NaÌipasal hi ochaisingei le Balam minchupungei kuta bangin om atih. Thi rangin theiloimintum an ta masuole chu Jentailngei kuta bang an ta, 34 anni ngei han innuinaÌn mang an ta, michil an ta, jeÌm an ta, that an tih; hannirese suÌnthum suole chu aringin inthoinoÌk a tih” a tia. 35 Hanchu Zebedee naÌipasalngei Jacob le John, Jisua koÌm an honga, “Minchupu, imini sin mi ni tho pe rangin kin nuom aom,” an tia. 36 Jisua’n an koÌm, “Maha imo ani?” tiin a rekel ngeia. 37 Anni han, a koÌm, “Ne ReÌngram roiinpuitaka ne reÌngsukmuna neÌn sung tika na changtieng inkhat voitieng inkhat mi ni min sung rangin kin nuom ani” tiin an thuona. 38 Jisua’n an koÌm, “Nin ngeÌn hi nin riet loi ani. DuÌktuongna kilaÌt ke neÌk ngeÌt rang hi nin neÌk thei rang mo? Ka baptisma chang rang khom nin chang thei rang mo?” a tipe ngeia. 39 Anni han, “Thei kin tih” tiin an thuona. Jisua’n an koÌm, “Ki kilaÌt neÌk rang chu neÌk nin ta, ka baptisma chang rang khom chang thei nin tih. 40 Aniatachu ka changtieng mo, ko voitieng mo tumo an sung rang thang rangin chu rachamnei mu-ung. Ha munngei hah chu Pathien’n tu ngei rang mo a minsuÌk pe ngei koÌm han peÌk ngei atih,” tiin a tipe ngeia. 41 Ma roi hah ruoisi dang soÌm ngeiin an lei rieta Jacob le John chunga an lei nuor zoia. 42 Masikin Jisua’n anreÌngin munkhatin a koi ngeia, an koÌm, “Jentailngei chunga roijeÌkpu an phun ngei chu an chunga an inlal sabak ngaÌia, male an ruoipungei khom an chunga racham an nei tatak ngaÌi ti khom nin riet. 43 Nikhomrese, nin laÌia chu ma anghin ani rang nimak. Nin laÌia tukhomin alien rang a nuomin chu nin tiÌrlaÌm ani bak ngeÌt rang ani; 44 male nin laÌia tukhomin amotontak ani nuomin chu mi murdi suok ani bak ngeÌt rang ani. 45 Miriem NaÌipasal luo mana miÌn a sin an tho pe rangin juong maka; mi sin tho pe rangin le mi tamtak ngei ratan ranga a ringna peÌk rangin ke a juong ani” a tia. 46 Jericho an hong tunga, Jericho renga Jisua le a ruoisingei leh loko tamtak ngei maÌkin an se laÌiin kutdo Timaius naÌipasal Bartimaeus lampui koÌla a lei insunga. 47 Nazareth Jisua ani ti a riet lehan aÌn ieka, “Jisua! David NaÌipasal, inrieng mi mu roh ba!” a tia. 48 Mi tamtakin daÌirek rangin an ngokhuma, aniatachu ama’n, “David NaÌipasal, inrieng mi mu roh!” tiin aÌnring uolin aÌn ieka. 49 Jisua aÌnngama male, “Ama hah hong koi roi” a tia. Masikin mitchopa hah an va koia, a koÌm, “TaÌihieiin om roh!” anni han, “Inthoi roh, nang a koi!” an tipea. 50 Masikin a puon a voÌr paia, inrangtakin aÌn choÌma, male Jisua koÌm a hong zoi. 51 Jisua’n a koÌm, “Khoimo nang ko tho pe rangin nu nuom?” tiin a rekela. Mitchopa han a koÌm, “Minchupu, mu noÌk thei rangin ku nuom” tiin a thuona. 52 Jisua’n a koÌm, “Se ta roh, na taksoÌnnaÌn nang amindam zoi ani” tiin a rila. Voikhatrengin a mu thei kelena, male lampuia han Jisua a juÌi zoi.