Mark 9

1 Male a la ti banga an koÌm han, “Nangni ki ril, hi taka om senkhat ngei hih chu Pathien ReÌngram hah a sinthotheina leh a juong tung an mu maÌka chu thi no ni ngei” a tia. 2 SuÌnruk suole chu Jisua’n Peter, Jacob le John a tuong ngeia, an theivaiin an omna muol insaÌnga han a ruoi ngeia. An mitmu chungchakin Jisua meÌl ahong inthuÌla, 3 male a puonsilngei khom achekin aÌnteÌrdapa rammuola miÌn tuteÌn madoÌr ha rusuÌk minsaÌi thei no ni ngei. 4 Hanchu ruoisi inthum ngei han Elijah le Moses’n Jisua an chongpuilaÌitak an mua. 5 Peter’n Jisua koÌm, “Minchupu, hi taka om hi ei ta rangin idoÌra asa mo ni zoi! Puon in inthum sin kin ta nangma rang inkhat, Moses rang inkhat, Elijah rang inkhat sin kin tih” a tia. 6 Ama le adangngei ha an chi rai sikin a ti rang tak khom riet mak ngeia. 7 Hanchu suÌmphaÌi ajuong oma anni ngei hah suÌmphaÌiin ajuong mukhu ngeia, suÌmphaÌi renga hah chong ajuong inringa, “Ama hih ka NaÌipasal moroitak ani, a chong rangaÌi roi!” a tia. 8 Inrangin an en titira hannirese tute an koÌla adang mu khaÌi mak ngeia; Jisua vai ke an koÌm aom zoi. 9 Muol chung renga an juong chuma Jisua’n an koÌm, “Miriem NaÌipasal hi thina renga aÌnthoinoÌk maÌka chu nin neinun mu hi tute koÌm ril no roi duo” tiin chong a beÌ ngeia. 10 A chongbe ha an joÌma, aniatachu ma roi ha an laÌia, “‘Thina renga inthoinoÌk’ ti hih khoi tina mi hi?” tiin an injeÌk khoÌm phut zoi. 11 Male anni han Jisua koÌm, “Ithomo Balam minchupungeiin, Elijah a juong bak rang an ti?” tiin an rekela. 12 Ama’n an koÌm, “Neinun murdi chereÌl rangin Elijah chu a juong bak ngeÌt rang ani. Hankhoma, ithomo Pathien Lekhabu’n, Miriem NaÌipasalin la tuong ok a ta, hengpaiin la om atih, a tia? 13 Nikhomrese, nangni ki ril Elijah chu a juong suo keÌng ani zoi, male a chungroi Pathien Lekhabu’n ati anghan mingeiin a chunga an nuom lamtakin an lo zoi,” a tia. 14 Ruoisingei koÌm an juong tungin chu an koÌla loko tamtak ngei le Balam minchupungei senkhatin an lei inkhalpui laÌitak an juong mua. 15 Mingei han Jisua an mu lehan an kamaÌm sabaka, male ama tieng an taÌnna chibai an va peÌka. 16 Jisua’n a ruoisingei koÌm, “Anni ngei lehan khoi thurchi mo nin lei inkhal ha?” tiin a rekel ngeia. 17 Lokongei laÌia mi inkhatin a koÌm, “Minchupu, ka naÌipasal ratha saloi a doÌna male a chongloi sikin no koÌm ko hong tuong tiin a thuona. 18 Ratha saloi ahong toÌn racham nuoia aÌnlet kelen ngaÌia, a cherhuon a suoka, a haÌ a riela, angarjeÌt ngaÌi. Ratha saloi ha rujuÌlpai rangin nu ruoisingei ke ngeÌnna, aniatachu thei mak ngei,” a tia. 19 Jisua’n an koÌm, “Kho anga mi iemnaboi mo nin ni! IdoÌrsoÌt mo nin koÌm omin nangni ko donsuÌi thei ranga? Pasalte hah ko koÌm hong tuong roi!” a tia. 20 Ama ha Jisua koÌm an hong tuonga. Ratha saloi han Jisua a hong muÌn chu pasalte hah a nunuom alo bita, masikin nuoia aÌn leta, a vaÌnluoi ahoÌnluoia, a cherhuon a suoka. 21 Jisua’n a pa koÌm, “Hi anga a om phutna hih khotik renga mo ani zoi?” tiin a rekela. “NaÌipang a chang renga” tiin chong a melea. 22 “Ratha saloi hin ama that rang puÌtin veÌl tamtak meia le tuia a meleta. Ne thei ngaÌiin chu inrieng mi mu inla, mi san roh!” tiin a rila. 23 Jisua’n a koÌm, “Ani,” “nangmananaÌkin ni ni theiin chu! TaksoÌnna doÌn mingei ta rangin chu neinuntin anithei let,” a tia. 24 A pa han harenghan, aÌn ieka, “TaksoÌnna ko doÌn, hannirese hun zoi mak. TaksoÌnna ko doÌn uol theina rangin mi san roh!” a tia. 25 Jisua’n lokongei ama tieng an hong naÌi titir a mua, masikin ratha saloi koÌm han, “Ratha kuorseÌt le chongloi,” ama han, “Pasalte suÌng renga hong joÌk roh, male a suÌnga luÌt noÌk tet khaÌiloi rangin chong nang ke peÌk!” a tia. 26 Ratha saloi hah aÌn ieka, pasalte hah a voÌrra a nunuom a lo bita, male a hong joÌk paia. Pasalte hah athi angin angarzata, male mitinin, “Ama hih athi zoi!” an tia. 27 Hannirese Jisua’n a kuta a suÌra, a kaithoia, male aÌnding zoi. 28 Masuole Jisua in suÌnga a luÌta, a ruoisingeiin inruÌkten an rekela, “Ithomo keinin ratha saloi ha kin rujuÌlpai theiloi?” an tia. 29 Jisua’n an koÌm, “Ma jaÌt hi chu chubaithona niloiin chu, iteÌn rujuÌl thei nimak,” tiin a thuon ngeia. 30 Jisua le a ruoisingeiin ha mun hah an maÌka male Galilee ram palin an sea. Jisua’n a omna tuteÌn an riet rangin nuom maka, 31 “Miriem NaÌipasal hih a that rangpu ngei kuta bangin om atih. Nikhomrese, suÌnthum suole chu aringin inthoinoÌk atih” ti chong hih a ruoisingei a minchu ngei sikin. 32 Aniatachu hi minchuna aomtie hih rietthei mak ngeia, male ama rekel rang khom an chia. 33 Hanchu Capernaum an hong tunga, insuÌnga an luÌt suole chu a ruoisingei koÌm, “Lampuia han khoi roi mo nin rila nin inkhal hah?” tiin a rekel ngeia. 34 Hannirese anni han thuon mak ngeia, lampuia an hong inkhalna hah ei laÌia hin tumo alientak rang? ti roi hah ani sikin. 35 Jisua aÌnsunga, ruoisi soÌmleinik ngei hah a koia, male an koÌm, “Tukhom alientak ani nuomin chu achiÌntak changin mi murdi tiÌrlaÌm ani masa ngeÌt rang ani” a tia. 36 Hanchu naÌipangte a koia, an motona a minding pe ngeia, a kuo ira, an koÌm, 37 “Tukhom ki riming sika hi anga naÌipangte inkhat khom a modoÌmpu chu, keima mi modoÌm ania; male tukhom keima mi modoÌmpu chu, keima mi modoÌm vai niloiin ni tiÌrpu khom a modoÌm sa ani” a tia. 38 John’n a koÌm, “Minchupu, mi inkhat ni riminga ramkhoringei rujuÌl kin mua, male ei paÌla mi ani loi sikin kin hong khap” a tia. 39 Jisua’n an koÌm, “Ama ha khap rang puÌt no roi,” tute ki riminga sininkheÌl a sina harenghan ku chungroia neinun saloi ngei ti thei kelen rang reng omak ngei, tiin a ril ngeia. 40 Tukhom mi chakal loi chu ei tienga kop ani. 41 Adiktakin nangni ki ril, tukhom ki mi nin ni sika tuidaÌi kilaÌt khat khom nangni a min neÌkin chu raÌisaÌnman a man ngeÌt rang ani. 42 “Tukhom keima taka taksoÌnna doÌn mi achiÌnte ngei laÌia inkhat khom a taksoÌnna minmang pe chu a ringa bunoÌinalung lienpa orrin tuikhangliena inchoÌm senla ata rangin sa uol atih." 43 Masikin nu kutin na taksoÌnna aminmangin chu tan pai roh! Kutngei inik doÌna duÌkmun meidiÌla, mei thi tet ngaÌiloia se neÌkin chu kut boia ringna taka luÌt nata rangin asa uol. 45 Male ne kengei han na taksoÌnna aminmangin chu, tan pai kelen roh! Kengei inik doÌna duÌkmuna paia om neÌkin chu ke boia ringna taka luÌt chu nata rangin asa uol. 47 Male ni mitin na taksoÌnna aminmangin chu keÌl pai roh! Mitngei inik doÌna duÌkmuna paia om neÌkin chu mit inkhat doÌna Pathien ReÌngrama luÌt nata rangin asa uol. 48 Ha muna han chu anni ngei saÌk ngaÌi, “rulungngei ha khom thi tet ngaÌi mak ngeia, mei khom thi tet ngaÌi mak." 49 “InboÌlna michi alin aminthieng ngaÌi anghan mi murdi meiin la minthieng niÌng an tih." 50 “Michi hih a ala; aniatachu a alna hah adongin chu ile mo nin min al noÌk ranga? “Nin laÌia malinchangna michi doÌn ungla, male insuÌk irrin om roi” a tia.