Iesusɨm Mbɨsevisir Gumasi 18
PBT1 Bisi kharsir gɨn, Pol Atensɨnɨ uÅua thaegha Korinɨnɨ uÅuun gu. 2 A khagh Judarir akoghɨn gumaghan mavɨ oto, aÅni izɨɨ Akwila. AÅnɨ uÅuu Pontusɨn distrighɨna avheni iti. A nona amuuÅ Prisilana akua Italinɨ unuaghɨnan ikɨran uruaraaÅra mange itima, uthughun khavɨn Sisar, aÅni izɨɨn mav Klodius a Judarii vɨÅgɨ kamaghɨusue, “Gee Romɨnɨ uÅuuni ikɨva thaegh igharagh maaÅɨri.” Kamagha amuigha, aniiÅ Italinɨ unuaghɨna thaegha Korinɨ uÅuun ze. Uthughun khavɨn Pol aniiÅn ganamɨusua zui. 3 Pol ivhɨra aniiÅn mɨra, seli rɨphenigha amui. Kamagha amuisima, ana aniiÅn ganamɨusua gua, aniiÅn aghan ikava men phorugha iÅaari. 4 Avhughususanɨ uthusir, Pol mɨghasɨgha Judarii Gotɨn phorugha mbɨÅgeer rɨphenir gua men phorugha mee nori vɨÅgeeghi. A Judarii rako GrighiiÅna akamaÅga aghuuir gumasi rako amisi, men nɨghɨnɨsir ramutima, mee nɨghɨnɨghana aghavaghar Iesusɨn ikhaousua meÅga aghori. 5 Mauthughura Sailas ri Timoti Masedonian distrigha thaegha zesima, Pol bar nonɨ uthusir mɨghasɨgha Gotɨna akamana aghuuÅ ukuri. AÅna akaman aghavagharan Judarii inderaghavɨra kamagh meÅgi ighari, Iesus, a Got nom gumasi rakoma amisi niamɨusua mbɨsevisi gumagh. 6 Uthughun khavɨn Judarii Polɨn akamam mbaraghan agharkuvighava, mbɨÅgɨÅgɨr maghatɨsir aÅga amui. Mee kamagh amuisima, a non shaaran mbɨnisi aphɨsigha, kamagh mem mbɨÅgeeghi, “Gee kamagh Gotɨn isaghun ikɨɨva nori arɨmɨghi iraami, mara gen osɨmndɨghara. Khɨɨ nombɨ osɨmndɨsi phatɨ. Thighira khɨɨ Gotɨna akamana aghuuÅn igharisirɨ unuaghɨnan gumasi vɨkɨmaÅga." 7 Mauthughura Pol Gotɨn phorugha mbɨÅgeer rɨphena thaegha Titiusɨ rɨphenan gu. AÅn izɨɨn mav Jastus, gumaghan khav mɨghasɨgha Gotɨn apheeÅn ikava aÅni izɨɨ ufhii. AÅ rɨphen a Judarii Gotɨn phorugha mbɨÅgee rɨphenan aghan iti. 8 Krispus, Judarir Gotɨn phorugha mbɨÅgee rɨphenan bisir garir gumagh. A nona andarsir phorugha mee nɨghɨnɨghana aghavaghar Ikhɨvan iti. Uthughun khavɨn Korinɨ uÅuun gumasi rako amisira avhɨrara Polɨn akamam mbaraegha nɨghɨnɨghana aghavaghar Iesusɨn itima mee mee urue. 9 RɨmaaÅn mavɨn, Ikhɨv irɨmɨn mɨn bighan Polɨ mbɨkemi, “Nɨɨ avhighavigha thaghɨri. Nɨɨ mbɨkɨmvɨre ikhɨɨ. Inɨmɨre ikaa thaghɨri. 10 Khɨɨ nɨɨ phorugha iti, nan gumasi rako amisira avhɨrara uÅuuni ikhɨvan khavɨni iti. Kamagha amuisi thav iphas nɨɨ ramuva, nɨɨ mbɨsueghem phatɨghami." 11 Gumughun Pol ombaranɨ uvhuavɨra koma mavɨno ofhɨghaaÅn ikava, Gotɨna akamana aghuuÅn men surea amui. 12 Galio, Akaian distrighɨn gavmanɨn gumaghana aphanan itima, Judarir akoghɨn gumasi bar rɨkavhigha Polɨn aphanaÅga amuava ana nigha osɨmndɨsiva oraghava anda rɨkɨrir aÅanana aroghɨa athɨ. 13 Mee kamaghɨusue, “Gumaghan khav, a gumasi rako amisi vɨÅgɨ kamaghɨusue, ‘Gee Moses osɨrisir othevi rɨkaphoghɨva, othɨvhan igharis thavɨn Gotɨn apheeÅn ikava aÅni izɨɨ ufhii.’ “ 14 Pol bar mena akam ikaravaghaousuava amuima, Galio Judarii vɨÅgeeghi, “Gumaghan khav RomiiÅ osɨrisir othevia biighemi, o aÅno othɨvhan maghatɨgha thavɨ ramuightima, khɨɨ Judarii gena akaav oraghami. 15 Geem mbɨÅgɨÅgɨr othevi rako atamatam izɨɨri rakoma gen othevi, andaghɨ nɨghɨnɨgha namɨusua zaa thaghɨri. Gee nori andar rɨkɨrighɨri. Khɨɨ bisir kharsiro osɨmndɨsi varaeghem phatɨghami." 16 Kamagha amuisima a mee amandasima mee ana thaegha ze. 17 Uthughun khavɨn Korinɨ uÅuun gumasi, Sostenesɨnɨ usuiragha, osɨmndɨsiva oraghava anda rɨkɨrir aÅanana aroghɨm mbɨkeeÅn aÅm mbɨsosi. A Judarii Gotɨn phorugha mbɨÅgee rɨphenan bisir garir gumagh. Mauthughura Galion nɨghɨnɨgh a kamaghɨusue, “Me mara aÅra amu." 18 Polɨ uthusir marsir Korinɨ uÅuuni ikhegha, Prisila ri Akwila nigha, mee Kraisɨna andarsia thaegha zaava Senkrianɨ uÅuuno othuivighava, a nona akama rɨngɨra gɨvagha nona aphanana arɨghɨna rɨphɨri. Kamagha amuigha gɨvagha mee Sirian distrighɨn zaaousuava ukuran guava anambogha nori zii. 19 Mee Efesusɨnɨ uÅuuno othuivigha, Pol a Prisila ri Akwila anamogha aniiÅ thaghi. A nombɨ Judarir Gotɨn phorugha mbɨÅgee rɨphena mavɨn gua men phorugha nori vɨÅgeeghi. 20 Mee uthusi tharsir norir gan ikhaaousuava aÅm mbɨÅgeema, a kamaghɨusue, phatɨ. 21 A mauthughura a mea thamɨragha kamaghɨusue, “Got vhusvhusightima, khɨɨ nomthegh gemɨusua zaami.” A kamaghɨm mbɨkemigha ukur nigha Efesusɨnɨ uÅua thaegha ze. 22 A Sirian distrighɨn zaava Sisarianɨ uÅuuno otogha, Jerusalemɨnɨ uÅuun iti Kraisɨna andarsighi itiisua zaavanambogha gɨn Antioghɨnɨ uÅuun zeghirɨ. 23 Gumughun Pol uthusir marsi Antioghɨnɨ uÅuuni ikhegha, a Galesian distrigh koma Frigian distrighɨni itirɨ uÅuimba bar andagha aruava, nɨghɨnɨghan aghavaghar Iesusɨn iti tharsi a gamgaaÅ meÅga anɨndi. 24 Judarir akoghɨn gumaghan mav, aÅni izɨɨ Apolos, aÅni inaghamuuÅ Aleksandrianɨ uÅuun aÅmba athee. A zaava Efesusɨnɨ uÅuun iti. A Gotɨm mbɨgharan osɨrir marsi ikeeÅga bar inderaghɨvɨra nɨghɨnɨgh andavɨ mbɨÅgeeghi. 25 Mee Ikhɨvan nɨghɨnɨsi rako othevir aghuuir aÅn niaghesima a gumasi rakoma amisir sure ramuamɨusuava aÅn nav bar rɨkavhisima mamagha amuisima, a bar inderaghavɨra Iesusa amuisi bisir mem mbɨÅgeeghi. A Jonɨnɨ ururare ikaaÅi. 26 Mauthughura Apolos Judarii Gotɨn phorugha mbɨÅgeer rɨphen gugha, avhighavisi phatɨgha Gotɨna akamɨ ukuri. Mauthughura Prisila ri Akwila aÅm mbaraegha ana nigha rɨphenan gugha Gotɨn nɨghɨnɨsi rako othevir aghuuir aÅn niaghesima a inderaghɨvɨre ikaaÅi. 27 Gumughun Apolos Akaian distrighɨn maÅÅamɨusuava amuima, Efesusɨnɨ uÅuuni itir Kraisɨna andarsi, gamgaaÅn aÅga aniiÅga, ana niamɨusua Akaian distrighɨn itir suren gumasivɨusua mbɨghar osɨri. Kha uthughun Apolos Akaian distrighɨno otogha garima, nɨghɨnɨghana aghavaghar Gotɨn iti marsi, a menɨ ukuarukuvisima mee nɨghɨnɨghana aghavaghar aÅn itima Apolos men ganighava mena akura. 28 Apolos bar aghavagharigha gumasi rako amisir arɨmasi rɨfhaaÅn akaa ukurava men akaa ikarvagha, Judarir mem mbɨÅger akaar maghatiisir tharsi a mee rɨkaphosi. A Gotɨm mbɨgharan itir akamɨ ukuri. Kamagh ramuightima mee ikeeÅgɨm mbɨkɨmaÅga, Iesus a Got nom ee niamɨusua mbɨsevisi gumagh.