Iesusɨm Mbɨsevisir Gumasi 19
PBT1 Kha uthughun Apolos Korinɨnɨ uÅuuni ikhavɨre itima, Pol orasir itirɨ uÅuimbagha arua gua zaa Efesusɨnɨ uÅuuno oto. Ana anamoghɨn suren gumasir marsi vatogha. 2 A mena azaaghi, “Gee ufhuaraghavɨra nɨghɨnɨghana aghavaghar Iesusɨn itima, Gotɨnɨ Utum geeÅgi izɨvasi, o phatɨ?” Mee kamaghɨusue, “Phatɨ, ee ivhɨra thange kamagh oraesi phatɨ, Gotɨnɨ Utum iti." 3 Pol mena azaaghi, “Gee ururan manavɨra nii?” Mee ana ikaragha kamaghɨusue, “Jonɨnɨ uruur." 4 Mem mbɨkemisima Pol kamaghɨusue, “Jonɨnɨ uruur a nɨghɨnɨsigh ɨraghamirɨ uruur. Jon gumasi rako amisi mbɨÅgɨ kamaghɨusue, ‘Gee nɨghɨnɨghana aghavaghar nan gɨn zaamir gumaghan ikhɨɨ, a Iesus.’ “ 5 Mee kamagh oraegha gɨvasima Pol a Ikhɨv Iesusɨni izɨɨn mee urue. 6 Mauthughura Pol nona afharimuuniiÅn meni iphɨa athɨsima, Gotɨnɨ Utum memɨusua zeghira meÅgi izɨvasima, mee igharisirɨ uÅuimbar akaa vɨÅgɨva Gotɨna ambuuÅn gumasir mɨnɨ mbɨÅgeeghi. 7 Mee barbar men rɨmbomboni kamaghɨ oto, “12 pɨla." 8 Gumughun Pol ikɨniiÅn phunini ko mbɨkethavɨn, a Gotɨn phorugha mbɨÅgee rɨphenana avhen, gumasi rako amisir akaar aghavagharir mem mbɨÅgɨ avhighavisi phatɨgha a Got kha bisigha ativamirɨ uthughun gun mem mbɨÅgɨva men nɨghɨnɨsigh ɨraghousa mem mbɨÅgeeghi. 9 Uthughun khavɨn marsi men navi aghavagharisima, mee Polɨna akaav oraghan agharkuvigha, gumasir arɨmasi rɨfhaaÅn azenara kha mbɨzer maghatɨsir Gotɨnɨ nɨghɨnɨsi rako othevir aghuigha amui. Mauthughura Pol mea thaegha nɨghɨnɨghana aghavaghar Iesusɨn itir tharsi nigha gu. A uthusir kharsir mɨghasɨgha Tiranusɨn surea rɨphenan bisir mem mbɨÅgeeghi. 10 Pol ombaran phuninin avhen othɨvhan khavɨra amui. Kamagha amuisima Esian distrighɨn iti Judarii rako GrighiiÅa, mee bar Ikhɨvana akamam mbarasi. 11 Mauthughura Pol Gotɨn gamgaaÅn nona afharir bisiri iÅgagha amui. 12 Ivhɨrama dooria morirɨ mbɨsasiro ofhɨsir marsi, mee anda Polɨ mbɨkarɨghan phoeghava, anda nia gua arɨmarɨr gumasigha arɨsima anda nomthegh inderasima, unduur maghatɨsi mea thamɨrasi. 13 Mauthughura Judarir akoghɨn gumasir marsi uÅuimbagha aruava unduur maghatɨsi vatosi. Mee Ikhɨv Iesusɨni izɨɨnɨ unduur maghatɨsi gumasir avheni iti tharsi vatoghousua. Mee kamaghɨm mbɨÅgeeghi, “Kha Polɨm mbɨÅgeer Iesusɨn izɨɨn, khɨɨ mbɨghɨravɨra nɨɨm mbɨÅgeeghi, nɨɨ ana thaegh maÅɨ!" 14 Uthughun khavɨn Skeva, a Judarir Gotɨna aphuraphurava aghae rako bisir aÅga anɨndi gumaghani ikhɨvan mav. Ano otarir 7 pɨla, unduur maghatɨsi vatosi. 15 Uthughun mavɨnɨ, utuman maghatɨghan mav kamagh mem mbɨÅgeeghi, “Khɨɨ Iesus ikeeÅgava Pol ivhɨrama ana ikaaÅi, gee thaeÅa?" 16 Mauthughura utuman maghatɨgh aphasasir gumaghan khav, nombɨ ufhuegha mem mbɨkɨnighava phuvɨra mem mbɨsogha mea arɨghi. Am mbɨzaghɨn maghatɨghan meÅga asima mee Åeeghɨ uruava imuÅgaara rɨphena thaegha ara akɨran gue. 17 Mauthughura Judarii rako GrighiiÅna akamaÅga aghuuir gumasir Efesusɨnɨ uÅuuni iti tharsi bighan khavɨ oraegha bar avhighavighava Gumasi Ikhɨv Iesusɨn izɨɨ iphɨufhi. 18 Ufhuaraghavɨra nɨghɨnɨghana aghavaghar Iesusɨn iti tharsi thighira zaa gumasir arɨmasi rɨfhaaÅn nono othevir maghatɨsi gunɨm mbɨÅgeeghi. 19 Gumasi rako amisir avhɨrara akusi rako atomtorir bisir maghatɨsigha amui tharsi, mee ma osɨrisirɨ mbɨÅghari anda nigha zaa, gumasi rako amisir arɨmasi rɨfhaaÅn anda utue. Mee mbɨgharir kharsirɨ uvhuesi rɨmbomboni, 50,000ɨn silvan aÅgɨro ovhɨsirɨ utu. 20 Kamagha amuisi, Ikhɨvam mbɨÅgɨÅgɨmɨ uÅuimba bara andar zui. Gumasi rako amisira avhɨrara nɨghɨnɨghana aghavaghar Ikhɨvan mbɨÅgɨrɨgɨr itima a mbɨghɨravɨra men navira avherir iÅaari. 21 Bisi kharsi othuivigha gɨvasima, Pol Jerusalemɨnɨ uÅuun maÅÅamɨusua non nɨghɨnɨgha amui, a kamaghɨ nɨghɨnɨsi a maÅɨ Masedonian distrighɨno otogh maÅɨ Akaian distrighɨni ikheeghɨva Jerusalemɨno otoghomi. A kamaghɨusue, “Khɨɨ Jerusalemɨni ikeghɨva, gɨn khɨɨ RomiiÅn uÅuuni ikhɨvan maÅÅaÅga." 22 Ana akuruvaghan gumaghaniiÅ, Timoti ri Erastus, ana aniiÅ nigha Masedonian distrighɨna aniiÅ amanda. A nombɨ muaÅ Esian distrighɨn ikhee. 23 Uthughun khavɨra gumasir marsi Ikhɨvan nɨghɨnɨsi rako othevir aghuivɨusua andaram mbɨÅgɨÅgɨman ikhɨva amui. 24 Gumaghan mav, aÅni izɨɨ Demitrius. A silvan bisigha amuir gumagh. Ana aÅgɨro ovɨsi niamɨusuava, silva rɨphenir sovseghegha amuisima, anda kha asaaÅna amigh Artemisɨ rɨphenan mɨn gari. Gumasira avhɨrara Demitriusɨn phorugha iÅaarava aÅgɨro ovhɨsirɨ avhɨrara nii. 25 Demetriusɨn phorugha iÅaari gumasi rakoma igharisa gumasir mee bar kha iÅaara amuava aÅn phorugha ivhɨn ikee. A kamaghɨm mbɨÅgeeghi, “Maia, gee ikaaÅi. Ee aÅgɨro ovɨsir iÅaaran khavɨ amuava aÅgɨro ovɨsir ikii nii. 26 Gee Pol amuisi bisir garava aÅm mbɨÅgheer akaav oraesire. A Efesusɨnɨ uÅuu koma Esian distrigh gumasi rako amisi bar men nɨghɨnɨsi ighaghɨusue. A kamaghɨm mbɨÅgɨ kamaghɨusue, ‘Gumasi amuir marvir gua, anda guisimbaaÅra goti phatɨ.’ 27 Polɨn akaman khav ena aÅgɨro ovɨsir iÅaaran izɨɨna aghuuÅra afaravaeghemi. Bighan khavɨra phatɨ, gumasi rako amisir kamaghɨ nɨghɨnɨsi, Artemisɨn rɨphen a phura bighan khɨn. Am mbɨÅghɨmɨÅgɨ Esian distrigh koma unuaghɨnan khav bar aÅga aruisima mee kha asaaÅna amighan izɨɨ ufheghem phatɨghami!" 28 Mee oraegha athara maghɨra mbɨghɨravɨram mbɨÅgɨ kamaghɨusue, “Artemis izɨɨni ikhɨv iti. A Efesusɨnɨ uÅuuna asaaÅn amigh!" 29 Uthughun khavɨn uÅuun khavɨni itir gumasi rako amisi bar nɨÅnɨɨÅni ikhɨva amui. Mee bar, Gaius ri Aristarkusɨn usuiragha aniiÅ ukuruvagha, nori akuvir aÅanan ikhɨvan uzuamɨra akhɨrɨsiigha gue. AniiÅ Masedonian distrighɨn gumaghaniiÅ Polɨn phorugha arui thani. 30 Pol nombɨ gumasi rako amisir phoghɨn thooÅn maÅÅamɨusuava amuima, nɨghɨnɨghana aghavaghar Iesusɨn iti tharsi aÅn thevi. 31 Ivhɨra Efesusɨn gavmanɨn gumasir marsi, mee Polɨn aveeÅmbua, mee aÅmɨusua akam amaÅga mbɨghɨravɨra aÅn rɨghorigharua kamaghɨusue, “Nɨɨ aÅanan ikhɨvan gumasi rako amisi nori akuvir thavɨn maÅÅan thaghɨri." 32 Gumasi rakoma amisi uthughun khavɨn nori akuvisi tharsi mee atamatami nɨghɨnɨsi. Marsi bighan mavɨm mbɨÅgɨ deeghi. Marsi bighan igharisi thavɨm mbɨÅgɨ deeghi. Gumasira avhɨrara kamagh ikeeÅsi phatɨ, mee theoghousuavɨra zaa nori akuvagha iti. 33 Mauthughura Judarii, men gumaghan mav Aleksandera tɨvamandasi, a gua ufhuaraghavɨrou utu. Mauthughura marsi kamaghɨusue, “Aleksander ti osɨmndɨgha mbɨnɨɨÅ.” Mauthughura a nona afharimuni inɨmɨre ikhaousua mem mbɨÅgeeghi. A men akaa ikaravaghousua. 34 Mee ikaaÅi, a Judarir akoghɨn gumaghan mav, mee barbar nori nigha dɨɨ kamaghɨusue, “Artemis izɨɨni ikhɨv iti. A Efesusɨnɨ uÅuuna asaaÅn amigh!” Men dɨndɨɨ aron iÅeendagh uthughun phuninin gu. 35 Mauthughura Efesusɨnɨ uÅuuni ikhɨvan osɨɨran gumagh gumasir phoghɨn khava amɨɨva kamagh mem mbɨÅgeeghi, “EfesesiiÅn gumasi rako amisi gee oragh. Unuaghɨnan khavɨn gumasi rako amisi bar ikaaÅi. Akɨman mavɨn izɨɨ Artemis ana ovheeni ikhegha zeghirɨ. Kamagha amuisima Efesusɨnɨ uÅuun ikɨva, Artemisɨn rɨphen ko an akɨman garir uÅuun. 36 Ee ikaaÅi, gumagha thav akaar kharsir guaragham thughatɨs phatɨghami. Kamagha amuisima gee inɨmɨre ikhɨɨ, gee uzuamɨra bigha thavɨ ramuan thaghɨri. 37 Gee gumaghan khaniiÅ nigha khagh ze. AniiÅ Artemisɨn rɨphenan bigha thavo okemisi phatɨ. AniiÅ Artemisɨn izɨɨra afharavaesi phatɨ. 38 Demitriusɨn phorugha iÅaarir gumasi, mee osɨmndɨghan kha gumaghani ikhɨtima, osɨmndɨsiva oraghava anda rɨkɨrir rɨphenir rako osɨmndɨsiva oraghava andar rɨkɨrir gumasi iti. Mee men osɨmndɨsiva oraghava andar rɨkɨrir rɨphenan andar rɨkɨrami. 39 Khara osɨmndɨsiva oraghava anda rɨkɨrirɨ uthugh phatɨ. Kamagha amuisi gee osɨmndɨsi ikhɨva, gee maÅɨ nomthegh osɨmndɨsiva oraghava anda rɨkɨrir uthughun zɨva anda rɨkɨrami. 40 RomiiÅn gumasi ee kha amuisi bighaaÅmba oraegh zɨva, kamagh em mbɨkɨmaÅga, ‘Gee osɨmdɨghi iti.’ Ee amuisi bighan khavɨm mbɨnɨŠphatɨ. Mee bighan khavɨusua azaraghtima, ee mbɨkɨmaÅgamirɨ mbɨÅgɨmɨÅgɨ phatɨ." 41 A kamaghɨm mbɨkemigha gɨvagha gumasi rako amisi amandasi mee gue.