Iesusɨm Mbɨsevisir Gumasi 20

1 Osɨmndɨgh gɨvasima, Pol a Iesusɨn gɨn zui tharsi nombɨn aghan zaaousua men gɨa amuisi, mee zesima a mem mbɨÅgɨva aghavagharan men nɨghɨnɨsigha niiÅga gɨvagha a mena agharirɨ usuigha mea thaegha Masedonian distrighɨn gu. 2 A Masedonian distrighɨn gugha Iesusɨn gɨna arui tharsi, mem mbɨÅgɨva aghavagharan men nɨghɨnɨsigha niiÅga gɨvagha, gumughun a Grighɨn unuaghɨnan gu. 3 A ikɨniiÅn phunini ko mbɨkethavɨn Grighɨn distrighɨni ikhegha ukur nigha Sirian distrighɨn maÅÅamɨusuava amuima, Judarii a mbɨsoghousuava mbɨÅgɨÅgɨman mava rɨkɨri. Kamagha amuisima, aÅnɨ ukuarigh aÅgi ivisima a nomthegha Masedonian distrighɨn zii. 4 A zima, Berianɨ uÅuun gumaghan mav, Sopater, a Pirusɨn otar, an aÅn phorugha zii. Aristarkus ri Sekundus, aniiÅ Tesalonaikanɨ uÅuun gumaghaniiÅ ivhɨra aÅn phorugha zii. Gaius, Derbenɨnɨ uÅuun gumagh ivhɨra aÅn phorugha zii. Timoti gumaghan khaniiÅ, Tikikus ri Trofimus, aniiÅ Esian distrighɨn gumaghaniiÅ, mee bar ivhɨra Polɨn phorugha zii. 5 Gumasi kharsi ufhuaragha gua Troasɨnɨ uÅuun emɨusua gara iti. 6 Ee Filipainɨ uÅuun ikhavɨre itima, iis phatɨsirɨ uvhuisirɨ uthuurɨ uthusi gɨvasima, ee ukur nigha Filipainɨ uÅuua thaghi. Gumughun 5 pɨlanɨ uthusi nomthegha gɨvasima ee gua Troasɨnɨ uÅuun emɨusua gara iti gumasi vatuivi. Ee 7 pɨlanɨ uthusi Troasɨnɨ uÅuuni ikhee. 7 Avhughususanɨ uthughun gɨnɨ, Kraisɨna andarsi en phorugha ee uvhuɨsirɨ uthuur bɨɨghɨusuegha ramamɨusuava zaa nori akuvagha iti. Uthughun khavɨn Pol amɨrɨtusi rɨmaaÅra maÅÅamɨusua, kamagh aÅna akam ukura guavɨra ikha rɨmaaÅnarɨghan utu. 8 Ee bar nori nigha gunavan phunininim mbɨkethavɨn amuisi rɨphenani iphɨni iti. Kha gunav aÅaarira avhɨrara iti. 9 Uthughun khavɨn gumaghani ikaman mav aÅni izɨɨ Yutikus. A gunavan punini mbɨkethavɨn bar iphɨre iti thavɨnɨ, aÅguu bar phuvɨra aÅna arɨmaghaniiÅga amuisima, a mee gamiiÅ niamɨusua rɨthusiri ithɨmaÅga apheragharava akuava oÅani. Polɨm mbɨÅgɨvɨre itima a iphɨna ikegha daeÅga unuaghɨnaÅgi irɨɨ. Mee gua ana nigha aÅn garima, a bar aremi. 10 Pol maghɨra gueghira, aÅni iphɨn guaghava ana umuigha. A kamaghɨusue, “Gee avhighavigha thaghɨri. Ana aÅgamɨre iti." 11 Mauthughura Pol guÅna avhen guavanambogha, uvhuɨsirɨ uthuua bɨɨghɨusuegha gumasi rako amisi phorughava mee anda aphi mee anda amegha. Pol mee mbɨÅgɨvɨre itima amɨn itira. Ma uthugh a zui. 12 A zuima, mee aÅamɨre iti gumaghani ikaman khav nigha aÅrɨ rɨphenan gua bari phuvɨre inighinisi. 13 Ee kamaghɨusue, “Ee ukuran maÅÅanɨva Asosɨnɨ uÅuun Polɨna agheghɨva ana nighɨ ukuran maÅÅanga.” Pol nombɨ kamaghɨusue, “Khɨɨ utuavɨn maÅÅanga.” Ee mamagha amuigha Pola thaegha ufhuaragha ukur nigha Asosɨnɨ uÅuun zii. 14 Gumughun Pol Asosɨnɨ uÅuun ena aghegha, en phorugha ukuran khav nighava Mitilinɨnɨ uÅuun ze. 15 Amɨrɨtusi rɨmaaÅra ee ukuran gua Kiosɨnɨ mɨghɨsɨman mbɨroghɨa athɨgha zii. Uthughun khavɨn gɨn ee zaa Samosɨn mɨghɨsɨm otoghava, amurɨtusi rɨmaaÅra ee zaa Miletusɨnɨ uÅuuno othuivigha gɨva. 16 Pol uthusira avhɨrara Esian distrighɨni ikhani iphɨrɨphɨrigha, a uzuamɨra maÅɨ, Jerusalemɨnɨ uÅuuno otoghɨva, Pentikosɨnɨ uthughun ikhɨvan ganamɨusua vhusvhusi. Mamagha amuigha a Efesusɨnɨ uÅuuÅgi indɨragha zaa Miletusɨnɨ uÅuuno oto. 17 Ee Miletusɨnɨ uÅuuno otivighava Pol nombɨna aghan zaaousuava, Efesusɨnɨ uÅuun Kraisɨna andarsir gumasira aphani memɨusua akaman amanda. 18 Mauthughura mee zaava othuivisima, a mem mbɨÅgeeghi, “Gee khɨɨ amuir othevi marsi ikaaÅi, khɨɨ ufhuaraghavɨra zaava Esian distrighɨn zegha othevir kharsigha amua, zaa thighiraou utu. 19 Judarii nam mbɨsoghousua mbɨÅgeeghi. Kamagha amuisi khɨɨ bar nombɨ rɨkaphoghava osɨmndɨsi rako thaerpha ivhɨra Ikhɨvan iÅaarigha amui. 20 Khɨɨ gena akuruvaghamira akama thavɨn gem mbɨkɨmɨusua khɨɨ gee mbɨkɨmaÅga, kha avhighaviisi phatɨgha, uvhuaghuvhuagha gee rɨphenira azenara gen surea amui. 21 Khɨɨ akamana aghavaghara Judarir akhoghɨn gumasi rako amisi koma igharisirɨ unuaghɨnan gumasi rako amisi vɨÅgɨ kamaghɨusue, ‘Gen non nɨghɨnɨsigh ɨraghɨva gen non othevir maghatɨsi thaeghɨva Gotɨn gɨn maaÅɨva, nɨghɨnɨghana aghavaghar ee non Ikhɨv Iesusɨn ikhɨɨ.’ 22 Gee oragh, Gotɨnɨ Utum nan avheni ikava, thighira Jerusalemɨn maÅÅamɨusua phuvɨra nam mbɨÅgeeghi. Khɨɨ kamagh ikeeÅsi phatɨ kha bighaaÅn manmaghɨra namba othuivti. 23 Khɨɨ kamagh bisir kharsigh ikaaÅi, khɨɨ uÅuimbar ikii bar andar zuima Gotɨnɨ Utum nam mbɨÅgɨ kamaghɨusue, ‘Rɨvɨnan kɨrthɨgh koma osɨmndɨsi namɨusua gara iti.’ 24 Khɨɨ nombɨ kharɨghei nɨghɨnɨsi phatɨ. Nani Ikhɨv Iesus iÅaaran mavɨn naÅga anɨɨÅi. IÅaaran khav a khara, khɨɨ bigha thav niamɨusuava akɨrɨsɨsi. Gumagh non akhɨrɨsɨgh ana gɨvaousua amui, kamaghɨra khɨɨ ivhɨra non iÅaara gɨvaousua bar vhusvhusi. IÅaaran khav a khara, Got non ukuarukuvan othɨv gumasi rako amisi bar men khɨva. Kamagha amuisima khɨɨ bisir kharsira akamana aghuuÅ ukuri. 25 Gee oragh. Khɨɨ gen thooÅn ikha Got kha bisigha ativamirɨ uthughuna akamɨ ukuragha arui. Khɨɨ ikaaÅi, thighira gee nomthegh nan khoman ganighem phatɨghami. 26 Khɨɨ bighan khuaÅmɨusua avhighavhisi phatɨgha Gotɨn nɨghɨnɨsi bar gem mbɨÅgeeghi. Kamagha amuisima, thighira khɨɨ bar inderaghɨvɨra gem mbɨkɨmamɨusua, gee kamagh Gotɨn isaghun ikɨɨ nori arɨmɨghi ireghemi, mara gen osɨmndɨghara. Khɨɨ nombɨ osɨmndɨsi phatɨ. 28 Gee nori norivɨusua ganɨva, ivhɨra Gotɨn gumasiri rako amisir gan. Gotɨnɨ Utum geam mbɨsevisima gee Kraisɨna andarsir gan. A bar andar ganamɨusua geam mbɨsevi. Gee sivsiviir garir gumasir mɨni ikɨva, Kraisɨna andarsir ganɨri. Got nombɨ nono Otaran Åaanan meÅgɨ uvhuesi. 29 Khɨɨ kamagh ikaaÅi, khɨɨ gɨn gea thaegh maÅÅɨtima, gumasir marsi afheera athɨɨr mɨn gen thooÅn zaami. Afheera athɨɨ sivsiviigha asɨghasɨsi moghɨra, Kraisɨna andarsigha asɨghasiighemi. 30 Gena tharsira Kraisɨna andarsigha ikuusua khorira akaa vɨÅgeeghi. Mee kamaghɨra amuightima Kraisɨna andarsi men gɨn maÅÅaÅga. 31 Kamagha amuisima, gee norivɨusua inderaghɨvɨra ganighɨri. Khɨɨ ombaarir phunini ko mbɨkethavɨn gena aghan ikava amuisir othevi, gee andaghɨ nɨghɨnɨghɨri. Khɨɨ arue rako rɨmaÅgarir, thaerphar samɨra, mɨghasɨgha nɨghɨnɨsira aghuuira uvhuaghuvhagha gem mbɨÅgɨva, thange mbɨtɨa thava athɨsi phatɨ. Kamagha amuisima, gee norivɨusua inderaghɨvɨra ganighɨri. 32 Khɨɨ thighira gee nigha Gotɨn afharɨa athɨsima, aÅnɨ ukuarkuvan akam gee ramuti gee gamgaeÅtima Got bisir aghuuira non gumasi rako amisir ranɨɨÅga. 33 Khɨɨ igharisi gumasir silvari rakoma golri rako mbɨsasir vhusvhuisi phatɨ. 34 Gee norira ikeeÅga gɨva, khɨɨ nona afharimuuÅra amuisiri iÅaarir nombɨna akuruvaghava nombɨna aghan iti gumasi ivhɨra mena akuruvasi. 35 Khɨɨ amuisiri iÅaari bar, kamagha andar gen khɨva. Gee gamgaeÅgi iÅarɨva bisi phatɨsi gumasira akuruvaghami. Kamaghɨra eni Ikhɨv Iesus nombɨ amuisira akamaÅgi nɨghɨnɨghami. A kamaghɨm mbɨkemi, ‘Bigha aniiÅsi gumaghan inighinigh a bari ikhevisima, ma bigh nisir gumaghani inighinigh a sovi.’ “ 36 Uthughun khavɨn Pol akaman khavɨm mbɨkemigha, a men phorugha mee barbar ithevia rɨphɨrighava, mee Gotɨn phorugham mbɨÅgeeghi. 37 Mee bar aziava ana umuighava aÅn thori. 38 Pol mem mbɨÅgɨ kamaghɨusue, “Gee nomthegh nan khoman ganighem thughatɨs phatɨ.” Bighan khavɨusua, mee bar osemigha bar nɨghɨnɨghava avheeÅi. Mauthughura mee Polɨn akuava, ukuran maÅÅamɨusua zui.