Jon 4

1 Pen bɨ Pelisi kay kɨli nɨgɨlak, binɨb kuÅay yɨbɨl apel, Jisas kɨlop ñɨg pakñek binɨb ne okok yelak. Pen Jon yɨl, binɨb sɨkol ogɨnap nep apel, kɨlop ñɨg pakñek binɨb ne okok yelak. 2 Jisas pen ne ke kɨlop ñɨg ma pakñak. Bɨne okok nep binɨb okok kɨlop ñɨg pakñɨlak. 3 Pen bɨ Pelisi kay kɨli Jisas anɨgɨl gak takaw ak nɨÅɨd agelak, Jisas takaw anɨb ak nɨÅɨd, Judiya plopens ak kelɨgɨl, adɨkɨd Galili plopens amnɨg, 4 Samaliya plopens nab ak kanɨb pal ak amnak. 5 Amɨl, Samaliya plopens nab ak taun Sikal amjakak. Sikal wulep anɨb sɨÅak nɨm, Jekop bɨlel ñɨne Josep nop man olap ñak. 6 Pen Jekop ñɨg kaw dak ak yek ak nɨm, Jisas apek apek, subnab won ak yɨlɨk gek, am ñɨg kaw tub gol anɨb ak besɨgak. 7 Pen bɨne okok, tap mɨdup tawnɨg taun Sikal wulep anɨb ak amnɨlaknɨÅ, ne nokom besɨg yek. Anɨgɨl besɨg mɨdaknɨÅ, bin Samaliya nɨb olap ñɨg malɨnɨg apek, Jisas agak, Yɨp ñɨg mal ñe ñɨÅin agak. 9 Agek bin anɨb ak agak, Nad bɨ Juda olap, yad bin Samaliya ak pen, taynen yɨp ñɨg mal ñe ñɨÅin agɨl ageban agak? Bin ak ne nɨgak, Juda binɨb okok, kɨli Samaliya binɨb nɨÅɨd asɨk tep gɨpal anɨb ak tek, ne takaw anɨb ak Jisas nop agak. 10 Anɨb agek, Jisas pen nop agak, Tap teplep God binɨb okok kɨlop ñɨnɨmuÅ ak, nad ma nepan agak. Pen yad nep ñɨg mal ñe ñɨÅin agebin ak, yɨp abe ma nepan agak. Anɨb okok nepan tek, yɨp pen agnɨgebɨnap, ñɨg ñɨbɨl pelpel yenɨgabal ak nep ñɨbɨnep agak. 11 Agek agak, Bɨawl, ñɨg malep akɨl nad olap ma mɨdeb, ñɨg kaw ak abe yi ayaÅ mɨdeb agak. Anɨb ak, ñɨg ñɨbɨl pelpel yenɨgabal anɨb ak, akal nɨb dɨnɨgaban agak? 12 Based yes chɨn Jekop, ñɨg kaw anɨb ak dak. Dek, ne ak sek binɨb ne okok sek chag bulmakaw sipsip meme ne okok sek ñɨbelɨgɨpal ak pen mɨñɨl chɨn ñɨbun agak. Pen ageban anɨb ak, yad bɨawl Jekop bɨ sɨkol agɨl ageban akaÅ agak? 13 Agek Jisas pen nop agak, Binɨb an ñɨg awl ñɨÅɨnɨgab ak, tepayaŠñɨg nen gɨnɨgab agak. 14 Pen binɨb an ñɨg yad ñen ñɨÅɨnɨmuÅ ak, tepayaŠñɨg nen ma yɨbɨl gɨnɨgab agak. Pen ñɨg yad ñen ñɨb nab ne ayaÅ lɨnɨgab anɨb ak, ñɨg kɨlam tek julɨg, nop gek pel pelnep yenɨgab agak. 15 Anɨb agek, bin anɨb ak agak, Bɨawl, yɨp ñɨg anɨb ak ñɨmɨmin agak. Ãe ñɨben, kɨdek yɨp ñɨg nen ma gɨnɨmuÅ agak. Pen ap ñɨg awl ma malɨnɨm agak. 16 Agek Jisas agak, Am nɨgɨmɨl nop poÅɨd owan agak. 17 Agek pen agak, Yad bɨ sek mel agak. Agek Jisas agak, Takaw anɨb apan, Yad bɨ sek mel apan ak, nɨÅɨd apan agak. 18 Bɨ anep mamɨd ak dɨnak ak pen, bɨ mɨñɨl ayɨp mɨdebil ak, nɨgɨmɨl mel agak. Anɨb ak nɨÅɨd yɨbɨl apan agak. 19 Anɨb agek bin ak agak, Bɨawl, mɨñɨl yad nepin, nad bɨ God gos ñek agñeb olap agak. 20 Based yes chɨn bɨlel okok, dum awl kɨgom yɨmɨl God nop agnɨgelɨgɨpal agak. Pen nɨbi Juda kay, binɨb okok kɨli Jelusalem nep amɨl kɨgom yɨmɨl God nop agnɨgɨnɨgel apɨm agak. 21 Agek agak, Bin, takaw yɨp gos nɨgɨnɨmɨn agak. Ãɨn anɨb ak ownɨgeb ak, dum anɨb awl akaÅ Jelusalem nep, kɨgom yɨmɨl Bapi nop ma agnɨgɨnɨgabɨm agak. 22 Nɨbi Samaliya binɨb, bɨ kɨgom yɨmɨl agnepɨm ak nop ma nepɨm agak. Chɨn Juda binɨb, bɨ kɨgom yɨmɨl agnopun ak nop nopun agak. Chɨn nopun, bɨ binɨb tɨg asɨk dep anɨb ak, ne Juda nɨb agak. 23 Ãɨn anɨb ak ownɨgab ak pen mɨñɨl owup agak. Binɨb kɨgom yɨmɨl, nɨÅɨd yɨbɨl agɨl Bapi nop agnepal okok, Kawnan ne ak kɨlop gos ñaknɨÅ, kɨli kɨgom yɨmɨl nɨÅɨd yɨbɨl agɨl nop agnɨgɨnɨgabal agak. Anɨgenɨgabal ak, Bapi ne kɨlop nɨgek tep gɨnɨgab agak. 24 God ne kawnan mɨdeb agak. Ak nɨm, binɨb kɨgom yɨmɨl nop agnepal okok, Kawnan ne ak kɨlop gos ñaknɨÅ, kɨli kɨgom yɨmɨl nɨÅɨd yɨbɨl agɨl agnɨgɨnɨgel agak. 25 Anɨb agek, bin ak Jisas nop agak, Yad nepin, Mesaya nɨm ak, ne Bɨ God nop aglup ak, binɨb okok kɨlop dɨl kod yenɨgab ak apal ak, ne ownɨgeb agak. Ãɨn anɨb ownɨgab ak, chɨnop tap okok mɨdupsek agñɨtep gɨnɨgab agak. 26 Agek Jisas agak, Bɨ anɨb ak nɨm yad, nad ayɨp takaw agobul awl agak. 27 Anɨb agaknɨÅ, bɨne okok kɨli apjakɨl, Jisas bin ak ayɨp takaw ag yelek nɨÅɨd gos palawl lɨlak. Pen kɨli olap tɨkjakɨl, bin anop tap tay dɨnɨg opan agɨl ma agnɨgɨlak. Jisas nop abe, taynen bin anɨb awl ayɨp takaw agebil agɨl ma agnɨgɨlak. 28 Pen bin anɨb ak, ñɨg akɨl ak kelɨgɨl, tepayaÅ adɨkɨd man ne amɨl, binɨb yelak anɨb okok kɨlop agak, 29 Tap okok mɨdupsek gɨpin tek agñub bɨ ak, nɨbi apɨl nɨgɨm agak. Ne Bɨ God nop aglup ak, binɨb okok kɨlop dɨl kod yenɨgab ak nep tek lup akaÅ agak? 30 Anɨb agek, binɨb anɨb okok Jisas nop nɨgɨnɨg man ak kelɨgɨl, saÅɨdɨlak. 31 Ma owlak won ak, Jisas bɨne okok nop nebneb gɨl agɨlak, Tisa, tap ñɨÅan agɨlak. 32 Agel ne pen agak, Tap mɨdup yad mɨdeb ak, nɨb ma nepɨm agak. 33 Anɨb agek, bɨne okok kɨli ke nep agnɨg agnɨg gɨl agɨlak, Binɨb ogɨnap nop tap mɨdup dap ñesɨpal akaÅ agɨlak? 34 Pen Jisas kɨlop agak, Tap mɨdup yad ak anɨb nep agak. God yɨp agyokek apɨl, gos ne nɨgup anep kɨdek gɨl, wog agup anɨb ak gɨ junɨm agak. 35 Takaw olap apɨm, Tap yɨŠyɨbun ak takan omɨÅal omɨÅal mɨdɨl, tap mɨdup ñɨÅeb tek mɨdeb yɨg dad ownɨgabun apɨm agak. Pen yad nɨbop agebin agak. Wɨdɨn nɨbi ak nɨg dad padɨkɨl nɨgɨm agak. Wog okok tap mɨdup ñɨÅeb tek mɨdɨl, tɨk dad owep tek mɨdeb agak. 36 Binɨb an tɨk dad owup ak, wog gup anɨb ak nop mɨñɨl taweb agak. Pen tap mɨdup dap lup anɨb ak, koÅɨm pel pelnep yenɨgabal agak. Anɨb ak nɨm binɨb olap lum yɨg puÅɨl pagɨl tap yɨŠyɨmub ak sek, olap tɨk dad owup ak sek, omɨÅal gɨl mɨñmɨñ gɨpil agak. 37 Anɨb ak takaw olap apal, Bɨ olap tap yɨŠyɨmnɨgab, bɨ olap tap ñɨÅeb yɨg dad ownɨgab apal ak, takaw nɨÅɨd apal agak. 38 Nɨbop agyoken, am tap mɨdup tɨk dad opɨm agak. Pen wog day anɨb ak tap yɨŠnɨbi ma yɨbek agak. Bɨ ogɨnap kɨles kɨli ak gel jakek, nɨbi am tɨk dad opɨm agak. 39 Bin Samaliya nɨb ak, ne ned am binɨb ne okok kɨlop agak, Bɨ anɨb ak tap tɨtay gɨpin okok mɨdupsek yɨp agñub agak. Anɨb agek, binɨb man anɨb ak yɨl ak, kɨli kuÅay nep Jisas nop gos lɨnɨgɨlak. 40 Pen Samaliya binɨb anɨb okok Jisas yek ak apɨl, nop agnɨÅɨd agɨlak, Ãɨn ogɨnap chɨn ayɨp yonɨgun agɨlak. Agelak, amɨl ñɨn omɨÅal kɨli ayɨp yelak. 41 Mɨdɨlɨg takaw agñek, binɨb tapɨn nep ogɨnap sek nop gos lɨnɨgɨlak. 42 Pen bin anɨb anop agɨlak, Mɨñɨl takaw nak anep age nop gos ma lɨnopun agɨlak. Takaw ne ke agek nopun, ne nokom nɨm bɨ kasɨn gep mɨdɨl, chɨnop binɨb man keke okok tɨg asɨk dɨnɨgab agɨlak. NɨÅɨd yɨbɨl agobun agɨlak. 43 Jisas ñɨn omɨÅal binɨb Samaliya nɨb ak ayɨp mɨdɨl, mɨnek ak kɨlop kelɨgɨl, Galili plopens amnak. 44 Pen ne ke takaw olap agñɨl agak, Bɨ God gos ñek agñeb ak, man ne ke ak mɨdɨlɨg, yɨb ne ma mɨdeb agak. 45 Pen ned Pasopa ñɨn awl ak, Galili binɨb ogɨnap am Jelusalem yelak, Jisas tap mageptek okok gek nɨgɨlak. Ak nɨm Galili plopens apjakek nɨÅɨd, nop mɨñmɨñ gɨl dɨlak. 46 Pen Jisas Galili mɨdɨl, taun Kena tepayaÅ amnak. Man anɨb ak nɨm, ned ñɨg yɨbɨl ak gek ñɨg wayn lak. Pen gapman bɨawl taun Kapeneyam nɨb olap, ñɨne nop tap gek, 47 takaw olap nɨgak, Jisas Judiya plopens kelɨgɨl, ap Galili plopens yek. Anɨb ak nɨÅɨd nɨm, yek ak apɨl, nebneb gɨlɨg agak, Ãɨ yad ak tap gɨl kumnɨgeb agak. Nad kal yad ayaÅ amɨl, nop ge suÅ laÅ agak. 48 Anɨb agek Jisas nop agak, Tap mageptek ogɨnap wɨdɨn nɨbi ma nɨgep tek lup ak, yɨp gos ma lɨnɨgɨnɨgabɨm. Mel yɨbɨl agak. 49 Pen gapman bɨawl anɨb ak agak, Bɨawl, ape amnul agak. Mel ak, ñɨ yad ak kumnɨgab agak. 50 Agek Jisas agak, AmnoÅ, ñɨ nak mɨdeb agak. Anɨb agek, nɨÅɨd agup agɨl saÅɨdak. 51 Kanɨb nab okok amnaknɨÅ, bɨ wog gɨñeb ne ogɨnap apɨl, nop nebeÅ pakɨl agɨlak, Ãɨ nak ak ma kumub, mɨdeb agɨlak. 52 Anɨb agel, won akal tek suÅ lup agɨl, kɨlop agnɨgek agɨlak, Tolil sub kɨyum gak won ak, wak mab tek yɨnek ak suÅ lak agɨlak. 53 Anɨb agel nap nɨgak, Jisas ñɨ nak mɨdeb agak won anep suÅ lak ak nɨm, ne Jisas nop gos lɨnɨÅɨd, binɨb ne okok mɨdupsek Jisas nop gos lɨnɨÅɨd gɨlak. 54 Pen Jisas ned Galili plopens mɨdɨl, tap mageptek ned olap gak ak, kɨdek pen am Judiya plopens mɨdɨl, kelɨgɨl Galili plopens adɨkɨd apɨl, tap mageptek kɨdek olap gak.