Jon 5

1 Kɨdek pen, Juda ñɨn awl kɨli olap apek, Jisas Jelusalem amnak. 2 Pen Jelusalem wali kuskus gɨlak ak kanɨbtub olap, Chag Sipsip Kanɨbtub agelɨgɨpal. Kanɨbtub anɨb ak gol sɨÅak, ñɨg cheb won olap yek. Ãɨg cheb won anɨb ak, Hiblu takaw agɨl Betesda agelɨgɨpal. Pen ñɨg gol anɨb sɨÅak, kal bad ak, bad anep mamɨd ak yek. 3 Pen binɨb tap gak kuÅay yɨbɨl, wɨdɨn koy gak ogɨnap, tob tɨmel gak ogɨnap, ñɨn tob kumak ogɨnap, kɨli kal bad ak, bad anɨb okok yelak. 5 Pen bɨ tob tɨmel gak olap yek, tap anɨb ak gek pelnep kɨn yek, sub yɨn 38 ak amnak. 6 Jisas bɨ kɨn yek anop nɨÅɨd nɨgak, pel anɨgɨl yolɨgup. Anɨb ak nɨÅɨd, nop agnɨÅɨd agak, Nep suÅ lɨnɨmuÅ agɨl nepan agak? 7 Agek, bɨ tap gak anɨb ak pen agak, Bɨawl, ñɨg ak kaskas gaknɨÅ, binɨb yɨp dɨl, ñɨg cheb nab ayaÅ lɨnɨgel olap ma mɨdeb agak. Ãɨg nab ayaÅ ned amen ñɨg ak yɨp gek suÅ lɨnɨmuÅ agɨl nepin ak pen, binɨb ogɨnap kasek ned yɨbɨl abal agak. 8 Anɨb agek Jisas agak, Tɨkjakɨl, mɨj nak ak wɨnɨg dad amnoÅ agak. 9 Agek, won anɨb anep nop suÅ lek, mɨj ne ak dɨl dad amnak. Pen Jisas bɨ gek suÅ lak ñɨn anɨb ak, Juda añɨŠlep ñɨn awl ak. 10 Anɨb ak nɨm, Juda bɨawl okok kɨli bɨ anɨb ak nop agɨlak, Mɨñɨl añɨŠlep ñɨn awl chɨn ak agɨlak. Taynen ñɨn awl wog ma gep ñɨn ak, mɨj nak ak dad ajeban agɨlak? 11 Agel kɨlop pen agak, Bɨ yɨp gek suÅ lup ak, ne yɨp agup, Mɨj nak ak dɨl dad amnoÅ agup agak. 12 Agek nop agnɨÅɨd agɨlak, Bɨ an nep agup, Mɨj dɨl dad amnoÅ agup agɨlak? 13 Jisas pen binɨb kuÅay yelak nab anɨb okok kɨmɨgel amnak tek, bɨ yɨp gek suÅ lup nɨm awl agɨl, agɨnɨmuÅ tek ma lak. 14 Kɨdek pen, Jisas God agnɨgep kal awl kab wali kus gɨl yek mɨgan ak ajɨl, bɨ anɨb anop nɨÅɨd anɨb agak, Nɨgan, nep suÅ lup agak. Tap si tap tɨmel gɨpan ak kelɨgɨnɨmɨn agak. Mel ak, nep tap awl yɨbɨl gɨnɨmuÅ tek lup agak. 15 Pen bɨ anɨb ak, ne adɨkɨd amɨl Juda bɨawl okok kɨlop agak, Jisas ne nokom yɨp gek suÅ lup agak. 16 Anɨb agek nɨÅɨd, kɨli Jisas tap anɨb okok añɨŠlep ñɨn awl chɨn ak pelnep golɨgup agɨl, nop mɨlɨk nɨÅɨd gɨ tɨmel gelɨgɨpal. 17 Jisas pen kɨlop agak, Bapi yad ak wog ne bɨlel pel gɨ dad apɨl mɨñɨl owup agak. Pen yad abe anɨgɨpin agak. 18 Anɨb agek, Juda bɨawl okok nɨÅɨd kɨli nɨgɨlak, Juda añɨŠlep ñɨn awl tɨbɨlɨkup ak pen, tap olap sek gek, nop mɨlɨk tɨmel nɨgɨlak. Ne abe agak, God Bapi yad agak. Ak God mɨdeb tek mɨdebin agup agɨl nɨgɨlak. Anɨb ak tek, nop ned ñagɨnɨgun agɨl gos nɨgɨlak ak, kɨles yɨbɨl gɨl nɨgɨlak. 19 Juda bɨawl okok anɨgelak, Jisas kɨlop pen agak, Nɨbop nɨÅɨd yɨbɨl agebin, Ãɨ ak ne ke tap olap gɨnɨmuÅ tek ma lup, Nap tap gup okok nep nɨÅɨd gup agak. Anɨb ak Nap tap okok gup tek, Ãɨne abe anɨgup agak. 20 Nap Ãɨne nop mapen lɨl, tap ne gup okok mɨdupsek yomub agak. Pen nɨbi ju dɨl gos pal awl lɨnɨmɨb agɨl, ogɨnap Ãɨne nop yomek nɨm, tap awl ke yɨbɨl ogɨnap sek nop yomnɨgab agak. 21 Pen Nap binɨb kubal okok gek tɨkjakɨpal tek, Ãɨ abe binɨb okok gen tɨkjakɨlaÅ agɨl, gek tɨkjakɨnɨgabal agak. 22 Binɨb tɨtay gɨpal, gos tɨtay nepal ak, Nap ke kɨlop ma bɨlokup agak. Ãɨne nop agek bɨlokup agak. 23 Nap ne anɨgɨl gos nɨgup, Nap yɨb nop ak dad aplanɨbal nep tek, Ãɨ yɨb nop ak dad aplanɨnɨgel agak. Pen binɨb Ãɨ yɨb nop ma dad aplanɨbal okok, Nap yokek owak anop yɨb ak abe ma dad aplanɨbal agak. 24 Nɨbop nɨÅɨd yɨbɨl agebin agak. Binɨb olap takaw yad ak nɨÅɨd, bɨ yɨp agyokek ownek ak nop gos lɨnɨgup ak, pel pelnep mɨdeb, yad nop ma bɨlok nepin agak. Kumeb kɨd ak kelɨgɨl, pel mɨdep kɨd ak mɨdeb agak. 25 Nɨbop nɨÅɨd yɨbɨl agebin agak. Ãɨn anɨb ak ownɨgab ak pen mɨñɨl owup agak. Binɨb kubal tek mɨdebal okok, God Ãɨne takaw ak nɨgɨnɨgabal agak. Takaw ne nɨÅɨd, kɨm mɨdɨl pel yenɨgabal agak. 26 Nap ne ke kɨm mɨdep jɨj ak tek, ne gek, Ãɨne abe ne ke kɨm mɨdep jɨj ak mɨdeb agak. 27 Ne Bɨ Olap Ãɨne mɨdeb, anɨb ak tek Nap agek, binɨb okok kɨlop tɨg asɨkɨl bɨlokɨnɨgab agak. 28 Takaw agebin anɨb ak, nɨÅɨd gos pal awl ma lɨnɨmɨb agak. Ãɨn ownɨgeb ak, binɨb kumel kamɨlak okok kɨli mɨdupsek Ãɨ meg mɨgan agɨnɨgab ak nɨÅɨd, 29 tɨkjakɨl seÅayaÅ ownɨgabal agak. Binɨb gɨtep gɨpal okok, tɨkjakɨl pel yenɨgabal agak. Binɨb pen gɨ tɨmel gɨpal okok, tɨkjakel kɨlop bɨlokɨl agenɨgab, mɨÅel awl dɨnɨgabal agak. 30 Pen Jisas takaw olap anɨb agak, Yad tap tɨtay gebin anɨb awl, gos yad ke ma gebin agak. Bapi yɨp agek nɨÅɨd, binɨb okok kɨlop bɨlokebin agak. Anɨb ak binɨb bɨlokebin ak, ke gos nɨÅɨd ma gebin agak. Bapi gos nɨgup tek nɨÅɨd, yɨpɨd gɨl yɨbɨl bɨlokebin agak. Ak pen Bapi yɨp agek ownek ak, gos ne ñub tek nɨÅɨd gebin agak. 31 Yad ke bɨ tay tek mɨdebin agɨl agñɨbin ak, yɨpɨd ma gup agak. Takaw yad ak nep anɨgɨl agenɨm, ak nɨgep tek ma lup agak. 32 Bɨ olap pen, yad bɨ tay tek mɨdebin ak ne abe agñub agak. Pen yad nepin, Bɨ nɨm ak ne agñub anɨb ak, nɨÅɨd yɨbɨl agup agak. 33 Nɨbi bɨ ogɨnap kɨlop agyokem, Jon yɨl amnɨlak agak. Amɨl Jon nop, yɨp bɨ tay tek agɨl agnɨgelak, takaw nɨÅɨd yɨbɨl ak agñak agak. 34 Yad gos anɨgɨl nepin, binɨb olap takaw ne agak ak, takaw yad ak kɨles ma ñɨnɨgab agak. Yad pen God nɨbop tɨg asɨk dɨnɨmuÅ agɨl gos nepin agak. Anɨb ak Jon yɨp bɨ tay tek takaw agak ak, nɨbop agñebin agak. 35 Jon ne sup yɨn mɨlek gup tek ak agak. Nɨbi won sɨkol ak mɨlek anɨb ak nɨÅɨd, mɨñmɨñ gɨpek agak. 36 Jon nɨbop agtep gup ak pen, ak takaw yokɨp tek agak. Takaw olap pen, yad wog anɨgɨl gɨpin takaw ak, takaw awl yɨbɨl agak. Bapi wog gɨnɨmɨn agak tek, wog yad ke yɨbɨl okok gɨ juwnɨg opin agak. Wog gɨpin anɨb ak nɨm, mɨseÅ yɨbɨl lek binɨb okok anɨgɨl nepal, Bapi yɨp agyokek opin agak. 37 Pen Bapi yɨp agyokek apen, yad bɨ tay tek mɨdebin ak ne ke binɨb okok kɨlop agñub agak. Nɨbi pen bɨ anɨb ak Bapi agyokek owak ak, takaw nop ak ma nepɨm agak. Anɨb ak Bapi takaw ne ma nepɨm, jomulɨk nop ma nepɨm, takaw ne ak nɨb ayɨp ma mɨdeb agak. Mel yɨbɨl agak. 39 Buk Baybol ak kɨl tɨkɨlak okok, nɨbi takaw anɨb ak nɨgtep gon, chɨnop gek pelnep yonɨgun agɨl, pel gos nepɨm agak. Pen takaw anɨb ak, yad bɨ tay tek mɨdebin ak kɨl tɨkɨl agñɨlak agak. 40 Agñelak pen, yɨp yɨl apem pel mɨdep ak dɨnɨgun agɨl gos ma nepɨm agak. 41 Binɨb okok yɨb yɨp dad aplanɨlaÅ agɨl ma agebin agak. 42 Pen yad nɨbop nepin agak. Nɨbi God nop mapen ma lɨpɨm agak. 43 Bapi yɨp agek takaw ne dad opin ak pen, yɨp ma dɨpɨm agak. Pen bɨ olap gos ne ke nɨÅɨd apenɨgab, nop dɨnɨgabɨm agak. 44 Nɨbi binɨb chɨn okok, chɨnop nɨÅɨd yɨb awl lɨnɨgel agɨl gos nepɨm agak. God nokom ak pen, chɨnop nɨÅɨd yɨb awl lɨnɨmuÅ agɨl gos ak ma nepɨm agak. Anɨb ak tɨtay dɨl yɨp gos lɨnɨgɨnɨmɨb agak? 45 Yad pen Bapi yɨl amɨl, nɨbop ag gɨl nɨÅɨjsek ma lɨnɨgayn agak. Gos anɨb ak ma nɨgɨnɨmɨb agak. Bɨ Mosis ak pen, ne chɨnop gɨtep gɨnɨgab agɨl nepɨm ak, ne nokom nɨbop ag gɨl nɨÅɨjsek lɨnɨgab agak. 46 Mosis yɨp gos nɨÅɨd takaw kɨl tɨkɨl agñak agak. Anɨb ak, takaw Mosis kɨl tɨkak ak nepɨkep ak, takaw yad ak abe nepɨkep agak. 47 Takaw ne kɨl tɨkak ak nɨÅɨd agɨl ma nɨÅɨd nɨm, tɨtay dɨl takaw yad ak nɨgɨnɨgabɨm agak.