Jon 6
PBT1 Pen kɨdek won anɨb ak, Jisas ñɨg cheb Galili pɨs adaÅ amnak. Ãɨg cheb Galili anɨb ak, yɨb olap Taybeliyas agelɨgɨpal. 2 Pen ne binɨb mɨñak gup okok, kɨlop gek suÅ lolɨgup. SuÅ lek tap mageptek anɨb okok nɨgɨlak tek, binɨb kuÅay yɨbɨl nop kɨdek gelɨgɨpal. 3 Anɨgelak, Jisas bɨne okok ayɨp am dum olap besɨg yelak. 4 Pen ñɨn nab anɨb ak, Juda ñɨn awl Pasopa apal ak wulep wulep gak. 5 Besɨg mɨdɨlɨg nɨgak, binɨb kuÅay yɨbɨl nop nɨgɨnɨg apelak. NɨÅɨd, tɨtay gɨnɨgab ak ke nɨgak ak pen, bɨne Pilip tɨtay agɨnɨgab agɨl, nop agak, Chɨn tap mɨdup akal nɨb tawɨl, binɨb okok kɨlop ñon ñɨÅɨnɨgabal agak. 7 Agek Pilip pen agak, Chɨn kab mɨdup 200 dad amɨl, tap mɨdup taw dad apɨl tɨpag sɨkol sɨkol gɨl, mɨdupsek ñon ñɨÅɨnɨgel tek ma lɨnɨgab agak. 8 Anɨb agek, Jisas bɨne olap yɨb ne Edlu, Saymon Pita nɨmam ne ak, ne agak, 9 Ãɨsɨkol olap, bali dɨl gɨpal bilet anep mamɨd ak, kubsal omɨÅal sek dɨ mɨdeb awl ak pen, binɨb kuÅay yɨbɨl mɨdebal, ak tap awl mel agak. 10 Agek Jisas agak, Binɨb okok agem, besɨgɨlaÅ agak. Anɨb agek, bɨne okok binɨb okok kɨlop agelak, tap wɨjwɨj kuÅay yek ak adek anɨb okok besɨgɨlak. Binɨb kuÅay yɨbɨl anɨb okok, bɨ okok nep, 5,000 tek amnak. 11 Kɨli anɨgɨl besɨgɨlaknɨÅ, Jisas bilet ak dɨl, God nop tep agɨl, kɨlop bɨlok ñak. Kubsal ak abe gak. Kɨlop anɨgɨl bɨlok ñek, ñɨb gel gel yɨlɨk gek day kelɨgɨlak. 12 Anɨgel, bɨne okok kɨlop agak, Tap ñɨbɨl kelɨgɨpal okok, dad am ap ma gep agak. 13 Agek, bɨne okok bilet dayday yepɨlɨg wad yɨgel yɨgel, wad anep umɨgan ak aplan jakak. Bilet anep mamɨd anɨb ak, binɨb ñɨbɨl kelɨgɨlak ak yɨgɨlak. 14 Binɨb okok tap mageptek gak anɨb ak nɨÅɨd anɨb agɨlak, NɨÅɨd apun, bɨ nɨm awl, bɨ God gos ñek agñeb ak, God ned agak, Nop agyoken lum awl ownɨgab agak agɨlak. 15 Anɨb agɨlak, Jisas takaw kɨli ak nɨÅɨd gos nɨgak, binɨb okok nop ap kɨles gɨl don, gapman bɨnonɨm chɨn mɨdeÅ agɨnɨgel. Anɨb ak nɨÅɨd, ne tep alaÅ amɨl, dum okok ke awsek yek. 16 Pen dugep won ak, Jisas bɨne okok kɨli ñɨg cheb ayaÅ amɨl, 17 bot dɨl taun Kapeneyam amnɨg saÅɨdɨlak. Amel amel kɨsɨlɨm apek, kɨli mɨdelak ak Jisas ne ma owak. 18 Kɨli amnɨlaknɨÅ, yɨgen awl dɨl, ñɨg ak pagak. 19 Pen man pal awl nab ak amjakɨlak ak, tapɨn nep gɨ dad ñɨg nab sɨÅak amɨlɨg nɨgɨlak, Jisas ñɨg wɨj adek ak tawɨd wulep sɨÅak apjakek, nɨÅɨd pɨlɨkɨlak. 20 Pɨlɨkelak kɨlop agak, Ma pɨlɨkɨnɨmɨb. Ak yad nep agak. 21 Anɨb agek, ma pɨlɨkɨl nop bot mɨgan agel amnaknɨÅ, man wakay amnɨg gelak ak won anɨb ak nep amjakɨlak. 22 Mɨnek binɨb ñɨg cheb pɨs adaÅ yelak okok, kɨli mɨdɨl nɨgɨlak, tolil bot nokom dɨl owlak ak, bɨne okok nep dɨl amel, Jisas ayɨp ma amnɨlak. 23 Pen bot ogɨnap sek taun Taybeliyas nɨb apɨl, Bɨawl ne God nop tep agɨl tap ñek ñɨÅɨlak tep ak wulep owlak. 24 Apel, binɨb kɨli nɨÅɨd anɨgɨl nɨgɨlak, Jisas ayɨp bɨne ayɨp ma yelak. Anɨb ak tek, nop nɨgun agɨl, bot anɨb okok dɨl taun Kapeneyam amɨl nop pɨyowɨlak. 25 Binɨb anɨb okok, kɨli ñɨg cheb pɨs awl ak apɨl Jisas yɨl amjakɨl, nop nɨÅɨd anɨb agɨlak, Tisa, nad won akal awl opan agɨlak? 26 Agel Jisas pen agak, Nɨbop nɨÅɨd yɨbɨl agebin agak. Tap mageptek gɨpin anep nɨÅɨd yɨp ma pɨyow ajebɨkep agak. Tap mɨdup ñen ñɨbɨl nab ayaÅ lɨpɨm anɨb ak nɨÅɨd, yɨp pɨyow ajebɨm agak. 27 Tap mɨdup kuy gɨnɨgab ak, pɨyow ajebɨm ak ma gɨnɨmɨb agak. Tap mɨdup pel mɨdep ak pen, tap anɨb ak gek binɨb pel pelnep yenɨgabal ak, pɨyow ajebɨm ak gɨnɨmɨb agak. Tap mɨdup anɨb ak, Bɨ Olap Ãɨne nɨbop ñɨnɨgab agak. Bapi God ne bɨ anɨb anop, bɨyad yɨbɨl agɨl ayɨp yek ak nɨm, tap anɨgɨl ñɨnɨgab agak. 28 Anɨb agek nop agnɨÅɨd agɨlak, God wog ne okok gɨtep gɨnɨgun agɨl, taydɨl gɨnɨgun agɨlak? 29 Agelak Jisas pen agak, God wog ne gɨnɨgab anɨb ak nɨm, God bɨ agyokek owak ak, nop nokom gos lɨnɨgɨnɨmɨb agak. 30 Anɨb agek agɨlak, Nad chɨnop tap mageptek olap ge nɨÅɨd, nep nokom gos lɨnɨgɨnɨgun agɨlak. Anɨb ak chɨnop tap tay tek gɨnɨgaban agɨlak? 31 Apɨs based sɨkop bɨlel, man nep binɨb ma yelak nab okok mɨdɨl, tap ñɨÅeb olap, bilet Mana apal ak ñɨbelɨgɨpal agɨlak. Anɨgɨlak takaw anɨb ak, buk Baybol ak ñu kɨl tɨkɨl agak, Ne kɨlop tap mɨdup God man ne alaÅ nɨb ak ñek ñɨbelɨgɨpal agɨl tɨkak agɨlak. 32 Anɨb agelak, Jisas kɨlop agak, Nɨbop nɨÅɨd yɨbɨl agebin agak. Tap mɨdup God man ne alaÅ nɨb ak, bɨ Mosis nɨbop ma ñak agak. Mel agak. Bapi yad pen, ne tap mɨdup God man ne alaÅ nɨb tap mɨdup nɨÅɨd yɨbɨl ak, nɨbop ñub agak. 33 Tap mɨdup ñub agebin anɨb ak, God man ne alaÅ nɨb owup agak. God man ne alaÅ kelɨgɨl lum ayaÅ apɨl, binɨb lum awl okok kɨlop gek pelpel mɨdtep gebal agak. 34 Agek nop agɨlak, Bɨawl, tap mɨdup anɨb ak chɨnop pelnep ñɨlɨg yenɨmɨn agɨlak. 35 Agelak kɨlop agak, Yad nokom nɨm, tap mɨdup ñɨbɨl pel yenɨgabal ak agak. Binɨb yɨp yɨl ownɨgab ak, tepayaÅ yuwan ma gɨnɨgab agak. Pen yɨp gos lɨnɨgɨnɨgab ak, ñɨg nen tepayaÅ ma gɨnɨgab agak. 36 Pen nɨbop apin tek, yɨp wɨdɨn nepɨm ak pen, gos ma lɨnɨgebɨm agak. 37 Bapi binɨb yɨp agɨnɨgab okok, yɨp yɨl ownɨgabal agak. Pen binɨb an yɨp yɨl ownɨgab ak, nop ma yɨbɨl dɨyokɨnɨm agak. 38 Yad God man ne alaÅ nɨb ownek ak, ke nepin tek gin agɨl ma ownek agak. Bɨ yɨp agyokek ownek ak, gos ne ke nɨgup tek gin agɨl ownek agak. 39 Pen bɨ yɨp agyokak ak, gos ne nɨgup anɨb ak nep nɨm, binɨb yɨp agup okok nɨg mɨden, olap ma kul gɨnɨmuÅ agak. Ãɨn kɨdek ak pen apek, mɨdupsek gen tepayaÅ tɨkjakɨnɨgel agak. 40 Bapi ne anɨgɨl gos nɨgup, binɨb Ãɨne nop nɨÅɨd gos lɨnɨgɨnɨgabal okok, kɨli pel pelnep yenɨgel agak. Anɨb ak ñɨn kɨdek ak apek, kɨlop gen tepayaÅ tɨkjakɨnɨgabal agak. 41 Pen Jisas takaw anɨb agak, Yad nokom nɨm, tap mɨdup God man ne alaÅ nɨb owup ak agek, Juda bɨawl okok kɨli pomɨl agɨlɨg agɨlak. 42 Pen anɨb agɨlak, Bɨ nɨm awl Josep ñɨne Jisas nep tek agɨlak? Nonɨm nap ne ak chɨn nopun agɨlak. Anɨb ak taydɨl pen, God man ne alaÅ nɨb opin agup ak agɨlak? 43 Anɨb agelak, ne pen agak, Pomɨl agebɨm ak kelɨgɨnɨmɨb agak. 44 Binɨb olap ne ke gos agɨl nɨÅɨd, yɨp yɨl ma owep tek lup agak. Bapi yɨp agyokak ak pen, gos tep ñek nep nɨm, yɨp yɨl apek, ñɨn kɨdek ak nop gen tepayaÅ tɨkjakɨnɨgab agak. 45 Bɨ God gos ñek agñeb okok, kɨli takaw anɨb ak ñu kɨl tɨkɨl agɨlak, God ne binɨb okok mɨdupsek kɨlop agñɨnɨgab agɨl tɨkɨlak agak. Anɨb ak, binɨb Bapi takaw ne ak nɨÅɨd, gos ne ñub tek nepal okok mɨdupsek, kɨli yɨp yɨl apebal agak. 46 Binɨb olap Bapi nop wɨdɨn ma nɨgup agak. Bɨne God ayɨp mɨdɨl owup ak nep, ne nokom Bapi nop wɨdɨn nɨgup agak. 47 Nɨbop nɨÅɨd yɨbɨl agebin, binɨb olap yɨp gos lɨnɨgɨnɨgab ak, pel pelnep yenɨgab agak. 48 Yad nokom nɨm, yɨp tap mɨdup tek ñɨbɨl pel yenɨgabal ak agak. 49 Napɨs nased sɨkop bɨlel, man nep binɨb ma yelak nab okok mɨdɨl, tap ñɨÅeb olap, bilet Mana apal ak ñɨÅɨlak okok, kɨli mɨñɨl ma mɨdebal, pɨsnep kumɨlak agak. 50 Pen tap mɨdup God man ne alaÅ nɨb owak anɨb ak, binɨb ñɨbɨl ma kumnɨgel tek lup agak. 51 Yad ke tap mɨdup God man ne alaÅ nɨb apɨl, binɨb okok kɨlop gen pelpel mɨdtep gebal agak. Binɨb olap tap mɨdup anɨb ak ñɨbonɨmuÅ, pel pelnep yenɨgab agak. Pen tap mɨdup nop ñɨnɨgayn ak, mubwak yad ak nep agak. Mubwak yad ak ñenɨm, binɨb man okok mɨdupsek pel mɨdtep gɨnɨgabal agak. 52 Jisas anɨb agek, Juda bɨawl okok kɨli takaw anɨb ak nɨÅɨd, ke nep penpen agɨl agɨlak, Bɨ nɨm awl chɨnop tɨtay dɨl mubwak ne ak ñek ñɨÅɨnɨgabun agɨlak? 53 Agelak Jisas kɨlop agak, Nɨbop nɨÅɨd yɨbɨl agebin agak. Nɨbi Bɨ Olap Ãɨne mubwak nop ak ñɨbɨl, nɨkɨm nop ak ñɨbɨl genɨmɨb agak. Mel ak, kɨm mɨdɨl pel mɨdtep ma gɨnɨgabɨm agak. 54 Mubwak yad ak, tap mɨdup nɨÅɨd yɨbɨl mɨdeb agak. Nɨkɨm yad ak, tap ñɨÅeb nɨÅɨd yɨbɨl mɨdeb agak. Anɨb ak tek, binɨb olap mubwak yɨp ñɨbɨl nɨkɨm yɨp ñɨbɨl gɨnɨgab ak, pel pelnep yenɨgab agak. Pen ñɨn kɨdek ak apek, nop gen tepayaÅ tɨkjakɨnɨgab agak. 56 Mubwak yɨp ñɨbɨl nɨkɨm yɨp ñɨbɨl gɨnɨgab ak, ne yad ayɨp chɨgɨl, yad pen ne ayɨp chɨgɨl, jɨmñɨl yonɨgabul agak. 57 Bapi pel mɨdep ak yɨp agyokek ownek ak, yɨp gek pel mɨdtep gɨl mɨdebin agak. Anɨb ak tek, binɨb olap yɨp ñɨÅɨnɨgab ak, nop gen pel mɨdtep gɨl yenɨgab agak. 58 Tap mɨdup anɨb ak nɨm, God man ne alaÅ nɨb owup agak. Pen tap mɨdup anɨb ak, apɨs based sɨkop tap ñɨÅeb olap, bilet Mana apal ak ñɨbɨl, mɨd dad amɨl kumɨlak anɨb ak tek mel agak. Binɨb olap tap mɨdup yad apin ak ñɨÅɨnɨgab ak, pel pelnep yenɨgab agak. 59 Jisas taun Kapeneyam, Juda apnan gɨpal kal ak mɨdɨl, binɨb okok kɨlop agñɨlɨg takaw anɨb ak agak. 60 Jisas takaw anɨb ak agek, bɨne okok nɨÅɨd kuÅay agɨlak, Takaw anɨb ak mɨÅel gup agɨlak. An tek nɨgɨnɨgab agɨlak? 61 Bɨne agɨlak anɨb ak, Jisas ne ke nɨÅɨd, pomɨl agɨlak okok kɨlop agak, Takaw apin anɨb ak, nɨbop gek gos ak nepɨm ak kelɨgɨl apyap pakɨpɨm akaÅ agak? 62 Pen Bɨ Olap Ãɨne ned yek alaÅ ak, tep alaÅ adɨkɨd amenɨgab nɨÅɨd, gos tay nɨgɨnɨgabɨm agak? 63 God Kawnan ne ke gek, binɨb okok pel mɨdtep gebal agak. Mubwak ak tap yokɨp, nɨbop kɨles ñɨnɨmuÅ tek ma lup agak. Takaw yad nɨbop apin ak, God Kawnan takaw ne ak anɨb agek, nɨbop gek pel mɨdtep gebɨm agak. 64 Nɨbi ogɨnap pen, yɨp gos ma lɨnepɨm agak. Pen Jisas ne ke ned mɨd dad amɨl nɨgak, binɨb an nop gos ma lɨnɨgɨnɨgabal okok, bɨ an nop chen mɨmug gɨ dad amnɨgab ak. 65 Pen takaw ogɨnap sek agɨl agak, Kɨli yɨp gos ma nepal, adek anɨb ak nep nɨbop anɨb apin, Binɨb olap gos ne ke nep nɨÅɨd, yɨp yɨl ownɨmuÅ tek ma lup apin agak. Bapi nokom nɨm nop gos ñek, yɨp yɨl ownɨmuÅ tek lup apin agak. 66 Jisas takaw anɨb ak agjuwek, bɨne ayɨp ajelɨgɨpal okok, kuÅay nop kelɨgɨl keke amnɨlak. 67 Nop kelɨg amelak, bɨne anep umɨgan ak kɨlop agnɨÅɨd agak, Nɨbi abe yɨp kelɨg amebɨm akaÅ agak? 68 Agek, Saymon Pita pen agak, Bɨawl, an yɨl amnɨgun agak? Takaw nad ak nep chɨnop gek, pel pelnep yonɨgabun agak. 69 Chɨn nep gos lɨnɨÅɨd, nɨgtep gɨl nopun, nad God bɨ suÅtep yɨbɨl ne ak mɨdeban agak. 70 Anɨb agek, Jisas pen agak, Nɨbop anep umɨgan ak tɨg asɨk ke lɨl dɨpin ak pen, nɨbi olap bɨ kɨcheki mɨdeb agak. 71 Agak anɨb ak, Judas, Saymon Yiskaliyot ñɨne ak nop agak. Judas ne bɨ anep umɨgan olap pen, kɨdek Jisas nop chen mɨmug gɨ dad amnɨgab.