Luk 8

1 Pen ñɨn kɨdek anɨb ak, Jisas bɨ takaw nop dad ameb anep umɨgan ak ayɨp, taun okok man sɨkol okok amɨl, God binɨb dɨl kɨlop kod yenɨgab takaw teplep ak, binɨb okok kɨlop agñak. 2 Pen ñɨn anɨb ak, bin tap gak Jisas gek suÅ lak ogɨnap, kɨcheki walɨjpal sek mɨdel ne gek bin yɨbɨl lak ogɨnap, ayɨp ajelɨgɨpal. Bin anɨb okok yɨb kɨli nɨm ak, olap Maliya taun Makdala nɨb apal. Nop kɨcheki anep kugul ak yek, Jisas agek pɨlɨk amnɨlak. 3 Bin olap Jowana. Nɨgɨmɨl yɨb ak Kusa, ne gapman bɨnonɨm Helod kal tap nop okok kod mɨdolɨgup. Bin olap Susana. Kɨli bin yokɨp ogɨnap ayɨp mani kɨli okok ke dam tap taw dad apɨl, Jisas bɨne okok ayɨp tap jɨmñɨl ñɨbɨlɨg gɨ ajelɨgɨpal. 4 Binɨb man keke, tun okok tun okok Jisas nop nɨgɨnɨg kɨdek owlak okok, binɨb ned owlak okok, kɨlop takaw olap paladaÅ lɨl agak, 5 Bɨ olap wit jakaÅ agɨl, wit mɨdup ak dam wog day okok yokɨnɨgab agak. Yokek, ogɨnap kanɨb nab ak yapek, binɨb okok taw amɨl apɨl gel, yawl okok pen ap nɨÅɨd mɨdupsek ñɨÅɨnɨgabal agak. 6 Ogɨnap kab adek lum sɨkol yenɨgab okok yapɨl jakɨnɨgab ak pen, lum mɨlep gaknɨŠpɨsnep mɨlep gɨnɨgab agak. 7 Pen ogɨnap nag ñuñu nab okok yapek, nag anɨb okok pak yuwɨg gek, jak tep ma gɨnɨgab agak. 8 Pen ogɨnap lum teplep okok yapɨl jak tep yɨbɨl gɨl, mɨdup kuÅay yɨbɨl nep pulɨnɨgab agak. Jisas kɨlop anɨb agɨl agak, Nɨbi binɨb tɨmud sek okok, takaw anɨb ak nɨgɨnɨmɨb agak. 9 Anɨb agek, bɨne okok nop agnɨÅɨd agɨlak, Takaw paladaÅ lɨl apan anɨb ak, takaw jɨj ne taydɨl mɨdeb agɨlak? 10 Agel Jisas kɨlop agak, God binɨb dɨl kɨlop kod yenɨgab ak, takaw we gɨl mɨdolɨgup ak nɨbop gos ñek nɨgɨnɨgabɨm agak. Pen binɨb yokɨp okok, kɨli nɨgɨnɨgabal ak pen, anɨb agup agɨl ma nɨgɨnɨgabal agak. Kɨli takaw paladaÅ lup ak nɨgɨnɨgabal ak pen, takaw jɨj ak ma nɨgɨnɨgabal agak. 11 Pen takaw paladaÅ lɨl tap mɨdup tek apin ak, God takaw ak apin agak. 12 Mɨdup ogɨnap yownɨgab kanɨb nab ak apin ak, binɨb okok God takaw ak nɨgɨnɨg gɨlak agɨl apin agak. Gel, Satan apɨl takaw anɨb ak dɨ we gek, kɨli God nop gos ma lɨnɨgel, God kɨlop ma dɨnɨgab agɨl apin agak. 13 Pen mɨdup ogɨnap yownɨgab kab adek lum sɨkol yek okok apin ak, God takaw ak nɨÅɨd, tep gaknɨŠnop gos lɨnɨgɨnɨgabal ak pen, kɨdɨl am wos ma gɨnɨgab tek gos kɨles yɨbɨl gɨl ma nɨgɨnɨgabal agɨl apin agak. Kɨdek mɨÅel ogɨnap apek nop kelɨgɨnɨgabal agɨl apin agak. 14 Pen mɨdup ogɨnap yownɨgab nag ñuñu nab okok apin ak, binɨb okok God takaw ak nɨgɨnɨgabal ak pen, kɨdek takaw mɨÅel akaÅ, kubap mani tap okok akaÅ, mɨñmɨñ gep adek ak nep gos nɨÅɨd, God nop gos kɨles gɨl ma nɨgɨnɨgabal agɨl apin agak. 15 Pen mɨdup ogɨnap lum teplep yɨbɨl sɨÅak yapɨl, jak tep gɨl mɨdup kuÅay yɨbɨl nep pulɨnɨgab apin ak, binɨb okok God takaw ak nɨÅɨd dɨ wos yɨbɨl gɨl, mɨdtep yɨbɨl gɨl gɨtep gel binɨb yad kuÅay yɨbɨl tɨkjakɨnɨgabal agɨl apin agak. 16 Pen binɨb okok sup dagɨlɨl, tin mɨgan okok akaÅ, bog adek kɨnɨbal muk okok ma lɨpal agak. Mɨlek gek binɨb nɨgɨlaÅ agɨl, abañ adek sɨÅalaÅ nep lel nɨm, binɨb okok kal mɨgan apɨlɨg mɨlek anɨb ak nɨgɨnɨgabal agak. 17 Tap okok mɨdupsek we gɨl mɨdeb, sayn mɨseÅ lɨnɨgab agak. Bɨ tap okok mɨdupsek we gel mɨdeb, sayn mɨseÅ lek, binɨb nɨgɨnɨgabal agak. 18 Anɨb ak takaw apin okok nɨgtep yɨbɨl gɨnɨmɨb agak. Binɨb takaw nɨÅɨd, nɨg dɨnɨgabal okok, takaw tep ogɨnap sek nɨgɨnɨgabal agak. Pen binɨb takaw nɨÅɨd ma nɨg dɨnɨgabal okok, sɨkol nɨgobun agɨl nepal ak sek pɨsnep kul gɨnɨgab agak. 19 Pen ñɨn anɨb ak, Jisas nonɨm nɨmam ne yɨbɨl okok kɨli Jisas nop nɨgɨnɨg apɨl nɨgɨlak, kal mɨgan anɨb ak tɨbɨk dɨl yek, kɨli seÅayaÅ yelak. 20 Binɨb ap yelak okok Jisas nop agɨlak, Nanɨm namam okok, nep nɨgɨnɨg ap mɨdebal seÅayaÅ agɨlak. 21 Agel Jisas kɨlop agak, Binɨb God takaw ne ak nɨÅɨd kɨdek gɨpal okok, ami yad, mam yad okok mɨdebal agak. 22 Pen ñɨn olap Jisas bɨne okok kɨlop agak, Ãɨg cheb tɨkɨl kɨd adaÅ amnun agak. Agɨl, bot ak dɨl amnɨlak. 23 Nab okok amɨlɨg, Jisas ne wɨsɨn kɨn amnak won ak, yɨgen awl apɨl ñɨg nab anɨb ak dɨl, ñɨg pag bot mɨgan ak amek, kumnɨgel tek nep lak. 24 Anɨgek, bɨne okok ap Jisas nop kaskas gel tɨkjakek, agɨlak, Bɨawl. Chɨn mɨdupsek kumnɨgobun agɨlak. Agel, Jisas tɨkjakɨl agek, yɨgen awl sek ñɨg sek apek ak kelɨgɨl, ned yek tek yek. 25 Pen ne bɨne okok kɨlop agak, God nop gos lɨnepɨm tek, taynen nop agnɨgem tap gek anɨb ak ma kelɨgup agak? Agek, kɨli pɨlɨkɨl gos pal awl yɨbɨl lɨl, agnɨg agnɨg gɨl agɨlak, Bɨ anɨb awl an agɨlak? Ne agek, yɨgen awl sek ñɨg awl sek apek ak kelɨgɨl, ned yek tek mɨdeb agɨlak. 26 Pen kɨli bot awl anɨb ak dɨl, ñɨg Galili cheb nab ak am am, man Gelasa binɨb yelak kɨd adaÅ amjakɨlak. 27 Amjakɨl, Jisas ne bot pɨdeg lum ayaÅ lɨl amnaknɨÅ, bɨ kɨcheki walɨjpal kuÅay yɨbɨl yek olap apjakak. Bɨ anɨb ak chɨb mɨgan mɨdup nep yolɨgup, kal yɨbɨl mɨgan ak ma kɨnolɨgup. Chɨp kamelɨgɨpal kab mɨgan okok nep kɨn ajolɨgup. 28 Bɨ nop kod mɨdep okok, nag kɨles tɨmel lɨl, ñɨn tob nop okok tunɨg wos gelɨgɨpal ak pen, kɨcheki tap okok kɨles gek nag lelɨgɨpal anɨb okok gek pugɨlɨkek, man nep binɨb ma yelak nab okok mɨnek mɨnek amolɨgup. Pen bɨ anɨb ak, Jisas nop nɨÅɨd wal agɨl, apɨl Jisas yek tob agen sɨÅak apyap pakak. Jisas tap nop mulɨk sɨkak anɨb okok kɨlop agak, Bɨ anɨb awl nop kelɨgɨl seÅ amnɨm agak. Anɨb agaknɨÅ, tap nop mulɨk sɨkak anɨb okok, nebneb gel, takaw awl agɨl agak, Jisas. Nad God bɨawl adek alaÅ Ãɨne ak, yɨp tap gɨnɨgeban ak ma gɨnɨmɨn agak. 30 Agek Jisas agak, Yɨb nad tay agak. Agek agak, Yɨb yad ak KuÅay Yɨbɨl agak. Kɨcheki walɨjpal okok kuÅay yɨbɨl mulɨk sɨkɨl yelak tek nɨm, anɨb agak. 31 Pen kɨcheki okok, Jisas nop takaw awl agɨl agɨlak, Chɨnop mab ke yɨneb kaw mɨgan kɨluÅ ma tɨkup ak ma agyokɨnɨmɨn agɨlak. Mel agɨlak. 32 Anɨb agɨl nɨgɨlak, chag kuÅay yɨbɨl amɨl gelak yep pɨl anɨb sɨÅak. Jisas nop agɨlak, Chɨnop age, am chag mɨdebal okdaÅ kɨlop mulɨk sɨkun agɨlak. Anɨb agel Jisas yaw agek, 33 bɨ yɨbɨl anop kelɨgɨl, am chag anɨb okok kɨlop mulɨk sɨkɨlak. Mulɨk sɨkel, chag okok pɨgju mɨduÅ ayaÅ amɨl, gɨdam ñɨg cheb nab ayaÅ pakɨl, ñɨg ñɨbɨl mɨdupsek kumɨlak. 34 Pen bɨ chag mukep okok, Jisas gak anɨb ak nɨÅɨd, kasek amɨl binɨb taun yelak kɨlop agñɨl, am man yokɨp okok yelak okok kɨlop agñɨl gɨlak. 35 Anɨgɨl agñelak, tap anɨb ak tay gek nɨÅɨd agebal agɨl, apɨl nɨgɨlak, bɨ kɨcheki mulɨk sɨkɨl yolɨgup ak bɨ yɨbɨl lɨl, chech yɨmɨl, gos nop ak pag yɨkek, Jisas tob agen sɨÅak besɨg yek, nɨÅɨd pɨlɨkɨlak. 36 Pen binɨb nɨg mɨdel Jisas kɨcheki ag seÅ yokak okok, binɨb kɨdek owlak okok kɨlop ne anɨb anɨb gup agɨl agñɨlak. 37 Pen Gelasa binɨb mɨdupsek kɨlop jel gek pɨlɨkɨl, Jisas nop agɨlak, Nad adɨkɨd amnoÅ agɨlak. Agel, bot dɨl amnɨg gaknɨÅ, bɨ kɨcheki 38 mulɨk sɨkɨl yek Jisas gek bɨ yɨbɨl lak ak, ne Jisas nop takaw kɨles tɨmel agɨl agak, Yad nad ayɨp amobul agak. Anɨb agak ak pen Jisas nop agak, Mel. 39 God nep tɨtay gup tek, am binɨb nad okok kɨlop agñɨnɨmɨn agak. Agek, ne adɨkɨd amɨl, binɨb okok mɨdupsek kɨlop Jisas yɨp anɨb anɨb gup agɨl agñak. 40 Pen binɨb Jisas apeb agɨl kod yelak okok, Jisas bot dɨl amjakek nɨÅɨd agɨlak, Tep apeban agɨlak. 41 Pen bɨ olap owak, yɨb ne Jaylus. Ne Juda apnan gɨpal kal ak bɨawl kod yolɨgup olap. Ne Jisas yek sɨÅak apɨl, kɨgom yɨmɨl agak, Kal yad amnul agak. 42 Pay yad nokom ak kumnɨgeb agak. Pay anɨb ak sub ne yɨn lak umɨgan ak agak. Agek Jisas takaw anɨb ak nɨÅɨd, nɨgɨnɨg amnaknɨÅ, binɨb kuÅay yɨbɨl nep ap nop pɨspɨs chɨchɨlok ñɨlɨg amnɨlak. 43 Pen bin olap, bin kanɨb padɨkaknɨŠyek, sap yeb anep umɨgan amnak. Bin anɨb ak nop gel suÅ lɨnɨmuÅ tek ma lak. Ne Jisas amek kud okok apɨl, chech palawl lak ak bad gol okok dɨnɨgaknɨÅ, nop suÅ lak. 45 Pen Jisas kɨlop agak, An yɨp dɨnɨgup agak? Agek, binɨb okok agɨlak, Chɨn ma dɨpun agɨlak. Pen Pita agak, Bɨawl. Binɨb kuÅay nep opal okok nep chɨlok ñel, gos nɨÅɨd ageban tek lup agak. 46 Agek Jisas agak, Binɨb nokom olap yɨp dɨnɨgek, kɨles yad ak amek, nɨÅɨd agebin agak. 47 Pen bin Jisas nop dɨnɨgak anɨb ak nɨgak, we gɨnɨmuÅ tek ma yek. Jep dɨlɨg, Jisas yek wulep sɨÅak apɨl kɨgom yɨmɨl, binɨb okok nɨg yelaknɨŠagak, Nɨkɨm yɨp mɨnek mɨnek yowup ak, nep dɨnɨgen kasek pɨsnep yɨbɨl suÅ lup agak. 48 Agek Jisas agak, Pay yad, nad gos sek yenɨmɨn agak. Yɨp gos lɨnepan tek, nep gek suÅ lup nen, amɨl mɨdtep gɨnɨmɨn agak. 49 Anɨb agaknɨÅ, Jaylus bɨne olap kal ne nɨb apɨl nop agak, Pay nak pɨsnep kumub agak. Tisa nop age, tob yul ma ownɨmuÅ agak. Age adɨkɨd amnɨmuÅ agak. 50 Agek, Jisas takaw anɨb ak nɨÅɨd, Jaylus nop agak, Pay yad ak kumeb agɨl gos ak ma nɨgɨnɨmɨn agak. Yɨp gos lɨnɨge, tɨkjakɨnɨgab agak. 51 Anɨb agɨl kal ak amjakɨl, binɨb okok kɨlop mɨdupsek ag seÅayaÅ mɨdɨl, pay nonɨm nap omɨÅal ak, Pita ak, Jon ak, Jemis ak, kɨlop poÅɨd pay anɨb ak nɨgɨnɨg kal mɨgan ayaÅ amnak. 52 Pen pay ak kumeb agɨl binɨb chaÅ lɨ yelak okok, Jisas kɨlop agak, ChaÅ ma lɨnɨmɨb agak. Pay anɨb awl ma kumub, yokɨp wɨsɨn kɨneb agak. 53 Anɨb agek, nop yɨmel agɨl agɨlak, Pay pɨsnep kumub ak, taynen anɨb agup agɨlak. 54 Pen Jisas pay kumak anɨb ak, ñɨn kɨd nop ak dɨl agak, Pay, tɨkjakan agak. 55 Anɨb agaknɨÅ, kawnan ne ak tep ap tol gek tɨkjakak. Tɨkjakek, Jisas nonɨm nap kɨlop agak, Tap ogɨnap ñel ñɨÅaÅ agak. 56 Tap anɨb ak nɨÅɨd, nonɨm nap kɨli judɨlek. Judɨl, Jisas kɨlop bel takaw kɨles gɨl agak, Binɨb okok kɨlop takaw anɨb ak ma yɨbɨl agɨnɨmil agak.