Luk 9

1 Jisas bɨne anep umɨgan ak suk agek apel agak, Nɨbop kɨles awl ñɨl agen, nɨbi kɨles yad ak dɨl amnɨmɨb agak. Dad amɨl, kɨcheki walɨjpal binɨb mulɨk sɨkek mɨdebal okok agem, pɨlɨk amnɨgel agak. Binɨb tap gup okok gem suÅ lɨnɨmuÅ agak. God binɨb dɨl kɨlop kod yenɨgab takaw ak kɨlop agñɨnɨmɨb agak. 3 Pen amnɨg, yɨl kodɨm, mani, wad, chech, tap ñɨÅeb tap okok sek dad ma amnɨmɨb agak. Yokɨp amnɨmɨb agak. 4 Kal olap amjakem nɨbop agdenɨgel, kɨli ayɨp kɨn tep gɨl, amnɨg gɨnɨmɨb ñɨn ak nep amnɨmɨb agak. 5 Pen man wakay ogɨnap amem nɨbop ma agdenɨgel, man anɨb ak kelɨg amnɨg kɨlop agɨnɨmɨb, Takaw tep ak dad opun ma dɨpɨm tek, man nɨbop awl apon sɨlkul dayday tob chɨnop dup ak wik yokɨl amobun agɨnɨmɨb agak. Wik yokɨl amnɨmɨb agak. 6 Anɨb agaknɨÅ, kɨli man sɨkol okok amɨl, takaw teplep ak agñɨlɨg binɨb tap gak okok gel suÅ lolɨgup. 7 Pen binɨb okok, Jisas tɨtay gak takaw anɨb ak ag amɨl apɨl gɨlaknɨÅ, gapman bɨnonɨm Helod nɨÅɨd gos kuÅay yɨbɨl nɨgak. Binɨb ogɨnap agɨlak, Jon Bɨ Ãɨg Pakñeb tepayaÅ tɨkjakup agɨlak. 8 Ogɨnap agɨlak, Bɨ God gos ñek agñeb ned nɨb Yilayja mɨseÅ owup agɨlak. Ogɨnap agɨlak, Bɨ God gos ñek agñeb bɨlel olap tepayaÅ tɨkjakup agɨlak. 9 Anɨb agel, gapman bɨnonɨm Helod agak, Jon nop kuÅam tɨken kumub anɨb ak tek, bɨ anɨb an apɨl mɨdaknɨŠagebal ak agak. Pen yad nop nɨgɨnɨm agɨl gos ak nɨgak. 10 Pen Jisas bɨ takaw nop dad ameb okok, kɨli adɨkɨd apɨl, tap tɨtay gɨlak tek takaw ak, nop agñɨlak. Agñel Jisas man wakay olap am ke mɨdon agɨl, kɨlop poÅɨd taun Betsayda amnɨg saÅɨdɨlak. 11 Kanɨb nab okok amnɨlaknɨÅ, binɨb kuÅay nep kɨdek gɨlak. Kɨdek gɨl apjakel, kɨlop Tep opɨm agɨl, God binɨb dɨl kɨlop kod yenɨgab takaw ak kɨlop agñak. Agñɨlɨg, binɨb tap gak okok gek suÅ lak. 12 Pen dugep sub saÅɨd amnak won ak, bɨ takaw nop dad ameb anep umɨgan ak apɨl Jisas nop agɨlak, Okol man nep nab okok mɨdobun nen, binɨb okol agyokɨnɨmɨn agɨlak. Agyoke, kal okok keke amɨl, tap mɨdup kɨli okok pɨyow nɨgɨlɨg, kɨnɨgel mɨgan ak pɨyow nɨgɨlɨg gɨlaÅ agɨlak. 13 Anɨb agelak Jisas agak, Nɨbi ke kɨlop tap mɨdup ñɨnɨmɨb agak. Agek agɨlak, Chɨn tap ñɨÅeb kuÅay ma mɨdeb agɨlak. Yokɨp bilet anep mamɨd ak mɨdɨl, kubsal omɨÅal mɨdɨl gup agɨlak. Nad tay gos nepan agɨlak? Binɨb awl kuÅay mɨdebal ak, chɨn am tap ñɨÅeb kɨlop ogɨnap taw dad ownɨgun agɨlak? 14 Ãɨn anɨb ak, binɨb apnan gɨlak okok, bin okok sek ñapay okok sek mel, bɨ okok nep nɨm 5,000 tek yelak. Pen Jisas bɨne okok kɨlop agak, Binɨb kuÅay ap mɨdebal awl agem, tun keke besɨgɨlaÅ agak. 15 Agek agak tek gel, 16 ne bilet anep mamɨd ak, kubsal omɨÅal ak sek dɨl, kɨlan gɨl nɨÅɨd, God nop tep agɨl, tɨpag bɨne okok kɨlop ñek, kɨli pen dɨlɨg, binɨb okok kɨlop bɨlok ñɨlak. 17 Ãelak ñɨb dad amɨl, ñɨbdɨnɨgel tek ma yek. Ãɨb dad amɨl apɨl gel, kɨdek Jisas bɨne okok wad anep umɨgan ak yɨgel aplan jakak. 18 Pen ñɨn olap Jisas ne God ayɨp agɨlɨg mɨdɨl, bɨne okok kɨlop agnɨÅɨd agak, Binɨb yokɨp okok yɨp an agɨl nepal agak? 19 Agek agɨlak, Binɨb ogɨnap nep Jon Bɨ Ãɨg Pakñeb ak agɨl nepal agɨlak. Ogɨnap, bɨ God gos ñek agñeb ned nɨb Yilayja agɨl nepal agɨlak. Ogɨnap, bɨ God gos ñek agñeb bɨlel olap tepayaÅ tɨkjakup agɨl nepal agɨlak. 20 Agelak, kɨlop pen agak, Nɨbi ke yɨp bɨ an agɨl nepɨm agak? Agek Pita agak, Nad Bɨ God nop aglup ak, chɨnop dɨl kod yenɨgaban ak agak. 21 Anɨb agek, Jisas kɨlop agak, Takaw anɨb ak, binɨb ogɨnap kɨlop ma agñɨnɨmɨb agak. 22 Anɨb agɨl takaw olap pen agak, Bɨ Olap Ãɨne nop yul awl yɨbɨl ñɨnɨgabal agak. Bɨ Juda bɨawl takaw tɨg asɨkep okok, bɨ God nop sɨbogep bɨawl okok, bɨ kɨli Mosis takaw ñu kɨl tɨkak ak nɨgtep gep okok, kɨli nop ma dɨnɨgabal agak. Mɨlɨk nɨÅɨd, ñaglɨnɨgabal ak pen, ñɨn omɨÅal nokom mɨdɨl, tepayaÅ tɨkjakɨnɨgab agak. 23 Pen Jisas, ne bɨne okok sek, binɨb yelak okok sek, kɨlop agak, Binɨb an yɨp kɨdek gonɨmuÅ, gos ne ak kelɨgɨl, mab bak kumak chɨn ak mɨnek mɨnek dad ajɨl, yɨp chɨgɨl kɨdek gɨnɨmuÅ agak. 24 Binɨb an ne ke mɨdɨl, mɨdtep gin agɨnɨgab ak, kɨdek mɨd tɨmel gɨnɨgab agak. Pen binɨb an yɨp dɨl, yɨp tap tay gɨnɨgab takaw ma mɨdeb agɨnɨgab ak, mɨdtep gɨnɨgab agak. 25 Pen bɨ tap lum awl yɨl mɨdupsek dɨnɨgab ak, kɨdek ne tɨtay dɨl yenɨgab agak? 26 Bɨ an yɨp nebeÅ gɨnɨmuÅ tek lek nɨÅɨd, Jisas nop ma nepin agɨnɨgab ak, kɨdek Bɨ Olap Ãɨne, ne Bapi mɨlek awl ñɨlapɨl dɨl, ensel okok mɨlek awl dɨl ownɨgab ñɨn ak, nop pen abe Bapi nop agɨnɨgab, Nop ma nepin agɨnɨgab agak. 27 Pen nɨbop nɨÅɨd yɨbɨl agebin agak. Binɨb mɨñɨl mɨdebɨm okok ogɨnap ma kumnɨgabɨm won ak, God binɨb dɨl kɨlop kod yenɨgab ñɨn anɨb ak nɨgɨnɨgabɨm agak. 28 Jisas anɨb agɨl, ñɨn anep jel ak tek mɨdɨl, Pita, Jon, Jemis kɨlop poÅɨd, God ayɨp agɨnɨg dum olap amnak. 29 Amɨl, God ayɨp ag mɨdɨlaknɨÅ, jomulɨk nop ak ke yɨbɨl lɨl, chech nop ak kayɨg gɨl ñɨñakol gɨlɨg yek. 30 AnɨgaknɨÅ, bɨ bɨlel yelɨgɨpil, Mosis ayɨp Yilayja ayɨp, 31 God mɨlek awl ak dɨl apɨl, Jisas kɨdek am Jelusalem yek nop mab bak alaÅ chɨpɨl pak tɨbɨk lel kumnɨgab takaw ak ag yelak. 32 Ag yelaknɨÅ, Pita, Jon, Jemis kɨlop wɨsɨn apek kɨn yelak ak pen tɨkjakɨl nɨgɨlak, Jisas mɨlek awl ak, Mosis ayɨp Yilayja ayɨp jakɨl yelak. 33 Bɨ omɨÅal ayɨp amnɨg gɨleknɨÅ, Pita gos nɨgtep gɨl mel, Jisas nop agak, Bɨawl. Chɨn awl mɨdon tep yɨbɨl gup agak. Nad yaw age, kal sɨkol bad omɨÅal nokom gun agak. Nep olap, Mosis nop olap, Yilayja nop olap agak. 34 Anɨb agaknɨÅ, won anɨb anep wɨsɨp awl ak kɨlop apɨl mɨdupsek yu gaknɨÅ, pɨlɨkɨlak. 35 Pen takaw olap wɨsɨp nab anɨb ak nɨb apɨl agak, Ãɨ yad, yad nop aglɨpin agak. Takaw agɨnɨmuÅ tek nɨgɨnɨmɨb agak. 36 Takaw agjuwek nɨgɨlak, bɨ omɨÅal ma yelek. Jisas ne nep yek. Pen dum alaÅ mɨdel tap gek nɨgɨlak anɨb ak, ñɨn anɨb ak binɨb ogɨnap kɨlop ma agñɨlak. 37 Pen mɨnek, Jisas ayɨp bɨne okok ayɨp dum alaÅ kelɨgɨl, kanɨb nab okok apyapɨlɨg nɨgɨlak, binɨb kuÅay yɨbɨl Jisas nop pɨyowel apek. 38 Bɨ olap binɨb kuÅay nep nab anɨb ak suk awl agɨl agak, Tisa. Ãɨ yad nokom awl nɨgan agak. 39 Kɨcheki ak pelnep abaÅ lɨ mɨdɨl, nop gek suk awl agɨl, gɨdam pakɨl, kosɨb asɨb apɨl, kum dam nab lɨlɨg owup agak. Nop anɨgɨl pel pelnep gek gek nɨm, mɨdtep ma gup agak. 40 Bɨnak okok kɨlop takaw kɨles gɨl apin, Kɨcheki mɨdeb ak agyokɨm agɨl apin ak pen, kɨli agyok mel nɨÅɨd kelɨgɨpal agak. 41 Anɨb agek Jisas agak, Binɨb lum awl mɨdebɨm okok, nɨbi anɨgɨpɨm teplep mel agak. Ãɨn akal gos lɨnɨgɨnɨgabɨm agak? Ma yɨbɨl nepɨm anɨb ak, yad ñɨn tɨtay nɨb ayɨp mɨdɨl, mɨÅel nɨbop ak dad ajenɨm agak? Anɨb agɨl, bɨ anɨb anop agak, Ãɨ nad anɨb ak dad sɨÅawl owan agak. 42 Agek dad owaknɨÅ, kɨcheki ak ñɨ anɨb anop kɨles gɨl pɨpag yokek gɨdam pakak. Jisas pen kɨcheki anop ag gek, ke amnaknɨÅ, ñɨ anɨb ak ñɨ yɨbɨl lek, dɨ nap nop ñak. 43 Binɨb ap yelak okok, God kɨles anɨb ak nɨÅɨd judɨlak. Jisas tepayaÅ agak, Yɨp paklel kumnɨgayn agak (Matyu 17.22-23, Mak 9.30-32) Binɨb kɨli gos pal awl anɨb ak nɨg yelak nɨÅɨd, Jisas bɨne okok kɨlop agak, 44 Takaw agebin awl tɨmud pakɨl, nɨgtep yɨbɨl gɨnɨmɨb agak. Wulep mɨdeb, Bɨ Olap Ãɨne nop mɨmug nɨÅɨd bɨ ogɨnap kɨlop ñɨnɨgabal agak. 45 Takaw agak anɨb ak, kɨli tɨk nɨgep tek ma lek pɨlɨkɨl, Jisas nop ma agnɨgɨlak. 46 Bɨne okok kɨli ke ag amɨl apɨl gɨl agɨlak, Yad bɨawl mɨden, Yad bɨawl mɨden agɨlak. 47 Jisas bɨne okok gos tɨmel nɨgɨlak anɨb ak ke nɨÅɨd, ñɨsɨkol yɨbɨl olap dap ne yek bak sɨÅak lɨl 48 agak, Binɨb yɨp gos nɨÅɨd, ñɨsɨkol kɨlop anɨb ak tek dɨnɨgabal okok, kɨlop nep mel, yɨp abe dɨnɨgabal agak. Pen yɨp dɨnɨgabal okok, yɨp nokom mel, Bapi yɨp agyokek ownek ak nop abe dɨnɨgabal agak. Bɨ olap nab nɨbi pi okok yɨb ma mɨdeb ak, ne yɨb mɨdeb agak. 49 Anɨb agek Jon agak, Bɨawl. Chɨn nopun, bɨ olap yɨb nep ak agɨl kɨcheki walɨjpal tap okok agyokup agak. Pen chɨn ayɨp ma ajɨpun tek, nop anɨb ak ma gɨnɨmɨn apun agak. 50 Agek Jisas agak, Taynen nop anɨb apɨm agak? Binɨb nɨbop mɨlɨk ma nepal okok bogɨlak nɨbi agak. 51 Pen God Jisas nop dad man ne alaÅ amnɨg gak ñɨn ak wulep mɨdaknɨÅ, Jisas Jelusalem amnin agɨl gos kɨles gɨl nɨgak. 52 Ak nɨm, bɨ ogɨnap kɨlop ned agyokɨl agak, Nɨbi ned amɨl, kɨneb tep yɨp ak nɨgenɨmɨb agak. Agek, kɨli am Samaliya binɨb kal olap amjakɨl agɨlak, Jisas kɨneb tep nop olap ag dam lɨm agɨlak. 53 Agel, binɨb man anɨb okok nɨgɨlak, Jisas Jelusalem amnɨg gek nɨm, kɨlop tep ma gek nop ma dɨlak. 54 Ma delak nɨÅɨd, bɨne Jemis ayɨp Jon ayɨp, Jisas nop agɨlek, Bɨawl. Chɨn mab mɨÅɨlaÅ wɨsɨp alaÅ nɨb ak agon apɨl, binɨb anɨgɨpal okok kɨlop yɨn gɨnɨmuÅ akaÅ agɨlek? 55 Anɨb agel, Jisas adɨkɨl kɨlop bɨ omɨÅal ag gak. 56 Anɨb agɨl, man anɨb ak kelɨgɨl man olap ke amnɨlak. 57 Pen kanɨb nab okok amnɨlaknɨÅ, bɨ olap apɨl Jisas nop agak, Man akal akal amnɨgaban okok, yad ayɨp nep ajonɨgabul agak. 58 Anɨb agek, Jisas nop agak, Yad ayɨp koslam ajenɨgaban agak. Chen ladek okok kal kɨli kɨneb ak, lum mɨgan okok mɨdeb agak. Yawl okok kal kɨli ak ke mɨdeb agak. Pen Bɨ Olap Ãɨne kal kɨneb ne ak ma mɨdeb agak. 59 Pen Jisas bɨ olap nop agak, Yɨp kode, yad ayɨp ajol agak. Agek, bɨ anɨb ak pen agak, Yɨp yaw age, yad ned bapi kumek nop kamɨl, nad ayɨp ajonɨgul agak. 60 Agek, Jisas nop agak, Binɨb pel ma mɨdebal okok, chɨp kumeb anɨb okok kamnɨgel agak. Nad pen am God binɨb dɨl kɨlop kod yenɨgab takaw ak kɨlop agñe amnaÅ agak. 61 Bɨ olap pen agak, Yad nad ayɨp nep ajonɨgabul ak pen, yɨp Yaw age, am ami bapi, mam ay yad okok kɨlop ñɨn pak sakɨl, agñɨl ownɨm agak. 62 Agek, Jisas nop agak, Bɨ olap God nop wog ak gɨñin agɨl apɨl, gos tɨmud awl ne ak, adɨkɨd tap ne binɨb ne okok amek, taydɨl God binɨb dɨl kɨlop kod yenɨgab ñɨn ak mɨdɨl, nop wog gɨñɨnɨgab agak.