Matyu 14

1 Pen ñɨn anɨb ak gapman bɨawl Galili plopens kod mɨdep ak Helod, ne Jisas tɨtay gak takaw ak nɨÅɨd, 2 bɨ wog gɨñeb ne okok kɨlop agak, Bɨ tap mageptek anɨgup ak, ne bɨ olap ke mel agak. Ne Jon Bɨ Ãɨg Pakñeb anep agak. Nop paklɨnek ak pen, tepayaÅ tɨkjakɨl apɨl mɨdeb tek, nɨÅɨd tap mageptek anɨb okok geb agak. 3 Pen Jon nop ned nag lɨl, paklɨlak takaw ak, anɨgɨl mɨdeb. Helod ne tɨkjakɨl, nɨmam Pilip bin ne Helodiyas nop ak pɨlɨg dak. Pɨlɨg dek nɨm, Jon agak, Nad bin ak dɨpan, ak teplep ma mɨdeb agak. Anɨb agek, Helod ne agek, bɨne okok kɨli Jon nop dɨl nag tun gɨl, dam nag lɨlak. Helod ne Jon nop pɨsnep paklen kumaÅ agɨl gos nɨgak ak pen, binɨb okok Jon nop bɨ God gos ñek agñeb chɨn agɨlak tek, Helod ne pɨlɨkɨl Jon nop ma paklak. 6 Pen kɨdek Helod nop nonɨm tɨkak ñɨn ak apek, binɨb ogɨnap apnan gɨl tap ñɨbelak, bin Helodiyas payne ak, apɨl nab anɨb ak kɨgom pagek, Helod nɨgek tep yɨbɨl gak. 7 Anɨgek, ne pay anɨb anop takaw aglɨl agak, Yad nɨÅɨd agebin, nak tap olap agnɨgenɨgaban, monmon ñɨnɨgayn agak. 8 Agek, pay anɨb ak, nonɨm agak tek nɨÅɨd anɨb agak, Jon Bɨ Ãɨg Pakñeb kɨmɨg won ak kɨnag adek lɨl, dap ñɨnɨmɨn agak. 9 Anɨb agek, gapman bɨnonɨm Helod Jon nop nɨgek chɨb gak ak pen, pay anop tap tay yɨp agnɨge ñɨnɨgayn agak tek gos nɨgak. NɨÅɨd, takaw anɨb ak binɨb okok nɨg yelaknɨŠagak ak anɨb ak, yɨp nebeÅ ma gɨnɨmuÅ agɨl takaw ne pay nop agak ak kɨdek gak. Bɨ olap agyokek, 10 Jon nag lɨ yek ak amɨl, kɨmɨg won nop ak tɨbɨlɨkak. 11 Tɨbɨlɨkɨl, dɨl kɨnag adek ak lɨl, dapɨl pay anɨb ak nop ñelak, ne pen dad amɨl, nonɨm nop ñak. 12 Pen Jon nop anɨgɨl kuÅam tɨbɨlɨkelak, bɨne okok apɨl, nop dam kamɨl, am Jisas nop agñɨlak. 13 Jisas ne Jon nop paklɨlak takaw ak nɨÅɨd, am man wakay olap ke mɨden agɨl bot dɨl, man anɨb ak kelɨgɨl saÅɨdak. Pen binɨb okok, Jisas amnaknɨŠkɨdek amnun agɨl, taun kɨli okok kelɨgɨlak. Kelɨgɨl, lum adek amɨl, Jisas amnɨg gek okok amnɨlak. 14 Jisas ñɨg gol okok amjakɨl bot ak kelɨgɨl nɨgak, binɨb kuÅay yɨbɨl yelak. Ne kɨlop nɨgek chɨb gak. Pen binɨb kɨli tap gak okok kɨlop gek suÅ lak. 15 Pen sub saÅɨd amnɨg gaknɨŠwon ak, bɨne okok yek ak apɨl nop agɨlak, Kɨlup apeb, okol man nep nab ak agɨlak. Binɨb kuÅay yɨbɨl okol kɨlop age, man sɨkol okol amɨl, tap mɨdup kɨli ogɨnap tawɨl ñɨÅɨlaÅ agɨlak. 16 Anɨb agelak kɨlop agak, Taynen amnɨgel agak? Nɨbi ke kɨlop tap mɨdup ñɨnɨmɨb agak. 17 Agek agɨlak, Chɨn tap mɨdup kuÅay ma mɨdeb, yokɨp bilet anep mamɨd ak, kubsal omɨÅal sek mɨdeb agɨlak. 18 Agelak Jisas agak, Tap anɨb okok dad owɨm agak. 19 Anɨb agɨl, binɨb okok kɨlop agek, tap wɨjwɨj adek okok besɨgɨlak. Besɨgel, bilet anep mamɨd ak dɨl, kubsal omɨÅal ak dɨl, kɨlan gɨl nɨÅɨd, God nop tep agɨl, bilet ak tɨpagɨl bɨne okok kɨlop ñaknɨÅ, kɨli dɨlɨg binɨb okok kɨlop bɨlok ñɨlak. Kubsal ak abe gɨlak. 20 Anɨgɨl bɨlok ñelak, ñɨb gel gel kogmeg gek, dayday kelɨgɨlak okok, bɨne okok wad anep umɨgan ak dɨ yɨgel pɨsnep aplan jakak. 21 Binɨb anɨb okok mɨdupsek tap ñɨÅɨlak ak pen, bin okok sek, ñapay sɨkol okok sek mel, bɨ okok nep nɨm, 5,000 tek amnak. 22 Won anɨb ak, Jisas bɨne okok kɨlop ned pɨs adaÅ amnɨlaÅ agɨl, agek bot dɨl saÅɨdɨlak. SaÅɨdɨlaknɨÅ, binɨb okok kɨlop agek nop kelɨgɨl amnɨlak. 23 Amelak, ne ke God nop agɨnɨg, dum alaÅ amnak. Kɨsɨlɨm bad sek owaknɨÅ, ne dum anɨb ak awsek yek. 24 Pen bɨne okok bot dad ñɨg nab awl sɨÅak amnɨlaknɨÅ, yɨgen apek okdaÅ bot amnak anɨb okok. Yɨgen awl yɨbɨl ak apɨl, ñɨg pag apɨl bot ak tɨg adɨkɨnɨg tek gak. 25 Pen man tɨkɨnɨg gak won ak, Jisas ñɨg wɨj adek ak tawɨd apɨl, yelak wulep sɨÅak apek nɨgɨlak. 26 Ãɨg wɨj adek ak tawɨd owak ak nɨÅɨd, ak chɨp kawnan olap apeb agɨl, jel pɨlɨkɨl wal agɨlak. 27 Won anɨb ak Jisas pen kɨlop agak, Gos sek yenɨmɨb agak. Yad nep apebin, ma pɨlɨkɨnɨmɨb agak. 28 Agek Pita agak, Bɨawl, nad nep apɨl yɨl, yɨp age, ñɨg wɨj adek ak tawɨd pi ak amnin agak. 29 Agek Jisas agak, Nad owan agak. Agek, Pita bot adek ak kelɨgɨl, ñɨg wɨj adek ak tawɨd Jisas yek sɨÅak amnak. 30 Pen amɨl nɨgak, yɨgen awl yɨbɨl ak apek pɨlɨkek, ñɨg nop dad pi okok amnɨg nep gek agak, Bɨawl, yɨp dan agak. 31 Anɨb agek, Jisas kasek nop chɨchɨk dɨl agak, Yɨp gos nepan ak pen, taynen gos omɨÅal nepan agak? 32 Anɨb agɨl, bot mɨgan ak amnɨleknɨÅ, yɨgen awl dek ak kelɨgak. 33 Anɨgek nɨÅɨd, bɨne bot mɨgan ayaÅ yelak okok, Jisas yɨb nop dad aplanɨlɨg agɨlak, Nad God Ãɨne yɨbɨl agɨlak. 34 Pen Jisas ayɨp bɨne ayɨp kɨli ñɨg cheb tɨkɨl man Genesaled pɨs adaÅ amjakɨlak. 35 Amjakelak, binɨb anɨb okok Jisas nokom owup agɨl, binɨb wulep anɨb okok mɨdupsek suk agel, binɨb tap gak okok dad owlak. 36 Dad apɨl, Jisas nop nebneb gɨlɨg agɨlak, Chɨnop yaw age yɨl, binɨb tap gup okol, chech nep day okok nep dɨnɨgel suÅ laÅ agɨlak. Agelak yaw agek, binɨb nop dɨnɨgɨlak okok kɨlop mɨdupsek suÅ lak.