Matyu 15

1 Pen ñɨn anɨb ak, bɨ Pelisi ogɨnap, bɨ kɨli Mosis takaw ñu kɨl tɨkak ak nɨgtep gep ogɨnap, kɨli Jelusalem nɨb apɨl, Jisas nop agɨlak, 2 Bɨ nad okol, taynen bapi based sɨkop takaw pel ak kelɨgɨl, ñɨn kɨli ñɨg lɨ yokɨl mel, yokɨp nep tap ñɨbal agɨlak? 3 Agelak Jisas pen kɨlop agak, Nɨbi taynen God takaw agup ak kelɨgɨl, nap nased takaw nɨbi ke anep nɨÅɨd kɨdek gɨpɨm agak? 4 God agup, Nanɨm nap takaw agɨnɨmil tek nɨÅɨd, kɨlop dɨtep gɨnɨmɨb agup agak. Pen ñapay ogɨnap nonɨm nap kɨlop takaw tɨmel agenɨgel, paklem kumnɨgel agup agak. 5 Nɨbi pen God takaw ne ak kelɨgɨl, nap nased takaw nɨbi ke anep nɨÅɨd kɨdek gɨpɨm agak. Nɨbi anɨgɨl apɨm, Bɨ olap nonɨm nap tap kɨlop ñɨbɨkop tek ak, kɨlop pen agup, Tap anɨb ak God nop ñin agɨl aglɨpin agup, bɨ anɨb ak ne nonɨm nap tap ma gɨñonɨmuÅ apɨm agak. Takaw anɨb apɨm ak, takaw tɨmel gup apɨm agak. 7 Bɨ God gos ñek agñeb Aysaya, ne nɨbi bɨ takaw yepɨs apɨm okok nɨÅɨd yɨbɨl agɨl, buk Baybol ak kɨl tɨkɨl agak, 8 God agup, Binɨb ogɨnap God Bɨawl chɨn, God Bɨawl chɨn apal ak pen, kɨli yokɨp takaw anep apal agup agɨl tɨkak agak. Yip gos ma yɨbɨl nepal agup agɨl tɨkak agak. 9 Kɨli yɨb yɨp dad aplanɨbal agup agɨl tɨkak agak. Kɨli pen, nap nɨsed takaw nep agelɨgɨpal ak nɨÅɨd, agñɨl apal, Nɨm ak God takaw ne apal agup agɨl tɨkak agak. Anɨb ak, yɨb yɨp yepɨs dad aplanɨbal agup agɨl tɨkak agak. 10 Jisas anɨb agɨl, binɨb yelak okok agek wulep sɨÅak apelak agak, Takaw agɨnɨgebin ak nɨÅɨd nɨgtep gɨnɨmɨb agak. 11 Binɨb tap ñɨbel nab ayaÅ amnɨgab ak, God nɨgek gach ma yenɨgab agak. Pen nab ayaÅ nɨb meg mɨgan seÅ ownɨgab anep nɨm, God nɨgek gach yenɨgab agak. 12 Pen Jisas bɨne okok apɨl nop agɨlak, Bɨ Pelisi okok, takaw apan ak nɨgel kɨlop mɨlɨk yowup ak nepan akaÅ agɨlak? 13 Agelak kɨlop pen agak, Bapi ne man ne alaÅ mɨdeb ak, tap yɨŠne ma yɨmub okok jɨj sek puÅɨl ju dɨyokɨnɨgab agak. 14 Bɨ Pelisi anɨb okok kɨlop gos pal ma nɨgɨnɨmɨb agak. Kɨli bɨ wɨdɨn koy tek mɨdebal, kɨli bɨ ogɨnap kɨlop kanɨb yomnɨg apal agak. Pen bɨ wɨdɨn koy olap, bɨ wɨdɨn koy olap nop poÅɨd dad amɨl nɨm, omɨÅal gɨl kaw mɨgan ak apyap pakɨnɨgayl agak. 15 Jisas anɨb agek, Pita pen agak, Takaw anɨgɨl paladaÅ lɨl apan jɨj ak, chɨnop agñe nɨgun agak. 16 Agek agak, Kɨli ma nepal tek, nɨbi abe ma nɨgtep gɨpɨm akaÅ agak? 17 Tap ñɨÅeb mɨdupsek okok, monmon ñɨbel kogmeg nab ayaÅ amek, chɨb sek kɨl yokɨpal agak. 18 Pen gos nab kɨli ayaÅ nɨb meg mɨgan seÅ apek nɨm, tɨmel gel God nɨgek gach mɨdeb agak. 19 Binɨb okok nab kɨli ayaÅ gos owaknɨÅ, gos tɨmel nɨÅɨd, chɨp ñagɨl, bin si bɨ si dɨl, tap si dɨl, yepɨs agɨl, binɨb agjuwɨl gɨpal agak. 20 Gɨpal anɨb ak nɨm, God nɨgek gach mɨdebal agak. Pen tap ñɨÅɨnɨg, ñɨn ñɨg ma lɨ yokɨl monmon ñɨbal ak, God nɨgek gach ma mɨdebal agak. 21 Jisas man Genesaled anɨb ak kelɨgɨl, taun Taya sek, taun Saydon sek wulep anɨb sɨÅak amnak. 22 Am anɨb okok yek, bin Kenan nɨb olap man anɨb ak mɨdɨl, Jisas nop apɨl agak, Bɨawl, Depid Ãɨne, yɨp mapen nɨgɨnɨmɨn agak. Pay yɨp ak kɨcheki abaÅ lek, mɨdtep ma yɨbɨl gup agak. 23 Agek, Jisas pen ma yɨbɨl agak. Pen bɨne okok apɨl nop agɨlak, Bin anɨb awl chɨnop kɨdek gɨlɨg, takaw pug nep agup ak, nop agyokan agɨlak. 24 Agelak agak, God yɨp agyokek opin, binɨb Yislel jɨj ak agak. Kɨli chag sipsip kul gep tek mɨdelak okok, kɨlop nep dɨnɨg ownek agak. 25 Anɨb agek, bin anɨb ak apɨl Jisas yek jɨj sɨÅak kɨgom yɨmɨl agak, Bɨawl, yɨp gɨtep gɨnɨmɨn agak. 26 Agek agak, Tap mɨdup ñapay chɨn ñɨnɨgun ak, taynen dɨl chen ñɨluk okok mukɨnɨgun agak? 27 Agek bin anɨb ak agak, Bɨawl, nɨÅɨd apan ak pen, chen ñɨluk okok nap kɨli apɨlɨg tap ñɨÅɨlaknɨÅ, dayday bog muk okok yowup okok nep ñɨbal agak. 28 Agek Jisas agak, God nop gos kɨles lɨnɨÅɨd apan ak, apan tek gɨnɨgab agak. Anɨb agaknɨÅ, kɨcheki ak won anɨb anep payne nop kelɨgɨl seÅ amnak. 29 Jisas man anɨb ak kelɨgɨl, Galili cheb gol adek ak amɨl, kɨlan gɨl amɨl dum alaÅ besɨgak. 30 Besɨg mɨdaknɨÅ, binɨb kuÅay yɨbɨl okok kɨli binɨb tob tɨmel gak okok, wɨdɨn koy gak okok, ñɨn tob tɨd mad gak okok, takaw ma agelɨgɨpal okok, tap tɨtay gak okok mɨdupsek dad apɨl, Jisas yek tob agen sɨÅak lɨlaknɨÅ, kɨlop gek suÅ lak. 31 Anɨgek, binɨb anɨb okok nɨÅɨd wal agɨlɨg agɨlak, Chɨn Yislel binɨb God chɨn ak tep yɨbɨl agɨlak. Binɨb takaw ma apal okok gek takaw agebal, binɨb ñɨn tob tɨmel gak okok gek mɨdtep gebal, binɨb tob tɨmel gak okok gek aj tep gebal, binɨb wɨdɨn koy okok gek nɨgebal agɨlak. Anɨb agɨlɨg, yɨb nop dad aplanɨlak. 32 Jisas bɨne okok kɨlop agek apelak agak, Binɨb okol kɨlop chɨb nɨgebin agak. Ãɨn omɨÅal nokom yad ayɨp mɨdel, kɨlop tap ñen ñɨÅɨnɨgel ak mɨñɨl ma mɨdeb agak. Kɨlop yokɨp agen amel, kanɨb nab okok wɨdɨn mayn apek, apyap pakɨnɨgabal agak. 33 Agek bɨne okok agɨlak, Man nep nab anɨb okol, tap mɨdup akal nɨb pɨyow nɨÅɨd dapɨl, binɨb kuÅay yɨbɨl anɨb okol ñon ñɨÅɨnɨgabal agɨlak? 34 Agelak Jisas agak, Bilet nɨbi tɨtay mɨdeb agak? Agek agɨlak, Bilet anep kugul ak mɨdɨl, kubsal sɨkol ogɨnap sek mɨdeb agɨlak. 35 Agelak, Jisas binɨb okok kɨlop agek, lum adek anɨb sɨÅak besɨgɨlak. 36 Besɨgel, bilet anep kugul ak dɨl, kubsal okok dɨl, God nop tep agɨl, tɨpagɨl bɨne okok kɨlop ñek, kɨli dɨl binɨb okok kɨlop bɨlok ñɨlak. 37 Ãelak, ñɨb gel gel kogmeg gek, dayday kelɨgɨlak okok, bɨne okok wad anep kugul ak dɨl, yɨgel pɨsnep aplan jakak. 38 Binɨb anɨb okok mɨdupsek tap ñɨÅɨlak ak pen, bin okok sek ñapay sɨkol okok sek mel, bɨ okok nep nɨm, 4,000 tek amnak. 39 Pen anɨgɨl tap ñɨbɨl, Jisas binɨb kuÅay okok kɨlop agyokek amnelak, ne bot dɨl, man Magadan ke sɨÅadaÅ amnak.