Matyu 27

1 Man tɨkaknɨÅ, bɨ God nop sɨbogep bɨawl okok sek, Juda bɨawl okok sek kɨli takaw agnɨg agnɨg gɨl, Jisas nop paklun agɨl, 2 nop nag lɨl dad amɨl, gapman bɨawl Paylat nop ñɨlak. 3 Pen Jisas nop kot gɨl, paklɨnɨg gelak nɨÅɨd, Judas ne taynen Jisas nop mɨmug nepin agɨl, mani silpa 30 tek dak ak, bɨ God nop sɨbogep bɨawl okok sek, Juda bɨawl okok sek kɨlop ju dam ñɨnɨg amnak. Amɨl, mani anɨb ak kɨlop ñɨlɨg agak, 4 Yad tap tɨmel gɨpin agak. Jisas tɨmel ma gup ak pen, nop mɨmug nepin tek kumnɨgab agak. Agek kɨli agɨlak, Ak tap chɨn mel agɨlak. Nak ke nep anɨgɨpan agɨlak. 5 Agelak, mani ñɨlak ak God agnɨgep kal awl mɨgan ak dɨyokɨl, am nag ñɨÅak. 6 Bɨ God nop sɨbogep bɨawl okok mani anɨb ak dɨl agɨlak, Mani anɨb awl, bɨ paklun agɨl mɨmug gɨlak ak nɨm, mani God agnɨgep kal awl ñɨbal ak ayɨp omɨÅal gɨl lɨnɨgun tek ma lup agɨlak. 7 Anɨb agɨl, takaw agnɨg agnɨg gɨl aglɨlak. Aglɨl, mani awl lum olap tawnɨgun agɨl, am man wakay olap tawɨlak. Man anɨb ak, binɨb okok kɨli lum yɨgɨl sɨge cheg gelɨgɨpal. Pen man anɨb ak tawɨl agɨlak, Bɨ pal okok nɨb apɨl awl kumel, man wakay anɨb ak dam kɨlop kamnɨgun agɨlak. 8 Agɨl, man wakay anɨb awl, mɨmug nɨÅɨd puÅɨl ñɨbal mani ak dɨl tawɨlak. Anɨgɨl tawel, binɨb okok kɨli yɨb anɨb ak agɨlak, Nɨkɨm Yowak Lum ak agɨlak. Mɨñɨl abe man wakay anɨb ak, yɨb Nɨkɨm Yowak Lum ak apal. 9 Pen kɨli anɨgɨlak anɨb ak, bɨ God gos ñek agñeb Jelemaya ned agɨl tɨkak tek nep gɨlak. Ne tɨkɨl agak, Kɨli mani silpa 30 tek ak dɨpal agɨl tɨkak. Mani anɨb ak, Yislel binɨb kɨli bɨ anɨb anop mɨmug puÅɨl ñɨlak mani aglɨlak ak agɨl tɨkak. 10 Pen dɨl, dad amɨl, lum yɨgɨl sɨge cheg gelɨgɨpal man wakay ak tawpal agɨl tɨkak. Bɨawl ak yɨp agak tek nep gɨlak agɨl tɨkak. 11 Jisas nop dad gapman bɨawl Paylat yek ak amel, Paylat ne Jisas nop agnɨÅɨd agak, Nak Juda bɨnonɨm kɨli ak akaÅ agak? Agek Jisas agak, Nɨm nak ke apan ak agak. 12 Pen bɨ God nop sɨbogep bɨawl okok sek, Juda bɨawl okok sek kɨli nop takaw ogɨnap agelak, ne pen takaw olap ma yɨbɨl agak. 13 Anɨgek, gapman bɨawl Paylat agak, Takaw keke agɨl nep agebal ak ma nepan akaÅ agak? 14 Agek, Jisas nop takaw olap ma agek, Paylat gos kuÅay yɨbɨl nɨgak. 15 Pen Lom gapman bɨawl ak pel sub ak sub ak Pasopa ñɨn awl anɨb ak, ne bɨ nag lep olap nop wɨsɨb agyokolɨgup. Binɨb kɨli bɨ nag lep olap yɨb nop agelɨgɨpal ak, bɨawl ak ne bɨ anɨb ak nop wɨsɨb agyokolɨgup. 16 Pen ñɨn anɨb ak, bɨ tap tɨmel golɨgup olap, kɨli nop nɨgtep gɨpal ak dap nag lel yek, yɨb ne ak Balabas. 17 Paylat ne nɨgak, Juda bɨawl okol Jisas nop yokɨp mɨlɨk nɨÅɨd dad owlak. Anɨb ak binɨb kuÅay apnan gɨlak ak, Paylat kɨlop agak, Bɨ nɨbop akal wɨsɨb agyokɨnɨm agak? Balabas nop akaÅ, Jisas Bɨ God nop aglup ak apal ak nop agak? 19 Pen Paylat bɨawl besɨgep adek ak besɨg mɨdaknɨÅ, bin ne takaw olap agek bɨ olap apek agak, Bin nad anɨb agup, Yad maynab ayaÅ wɨsɨn nepin, bɨ kot gebɨm ak bɨ tep agup agak. Nop takaw kɨles ma agɨnɨmɨn agup agak. Yad wɨsɨn nepin anɨb ak, yɨp jel tɨmel gup agup agak. 20 Bɨ God nop sɨbogep bɨawl okok sek, Juda bɨawl okok sek kɨli pen, binɨb okok kɨlop agɨlak, Gapman bɨawl Paylat nop agɨnɨmɨb, Balabas nop wɨsɨb agyokɨl, Jisas nop mab bak alaÅ chɨpɨl pak tɨbɨk lem kumaÅ agɨnɨmɨb agɨlak. 21 Anɨb ak gapman bɨawl ak kɨlop agak, Bɨ omɨÅal awl, an nop tek nɨbop wɨsɨb agyokɨnɨm agak? Agek agɨlak, Balabas nop wɨsɨb agyokɨnɨmɨn agɨlak. 22 Agelak Paylat agak, Anɨb apɨm ak, Jisas Bɨ God nop aglup ak apal ak nop tay gɨnɨm agak? Agek, kɨli mɨdupsek agɨlak, Nop mab bak alaÅ chɨpɨl pak tɨbɨk lem kumaÅ agɨlak. 23 Agelak Paylat agak, Taynen? Ne tap tay tɨmel gup agak? Pen takaw agak ak ma nɨÅɨd, takaw dad aplanɨl agɨlak, Nop mab bak alaÅ chɨpɨl pak tɨbɨk lem kumaÅ agɨlak. 24 Agelak takaw ogɨnap sek agen penpen gɨnɨgel tek lup agɨl, Paylat ñɨg dɨl ñɨn lɨ yokɨlɨg kɨlop agak, Bɨ anɨb ak nop paklɨnɨg gebɨm ak, takaw anɨb ak yɨp ma ownɨgab, nɨbop ke adɨkɨd ownɨgab agak. 25 Agek agɨlak, Ak chɨp kɨmɨg chɨn ke agɨlak. Takaw anɨb ak, chɨn sek, ñapay chɨn okok sek nɨgɨnɨgabun agɨlak. 26 Anɨb agelak, Paylat kɨlop Balabas nop wɨsɨb agyokak. Agyokɨl, bɨ chɨm kadɨŠgep ne okok kɨlop agek, Jisas nop nag dɨl pakɨlak. Pakel, Paylat Jisas nop mab bak alaÅ chɨpɨl pak tɨbɨk lel kumaÅ agɨl, bɨ chɨm kadɨŠgep ne ogɨnap sek kɨlop ñak. 27 Gapman bɨawl bɨ chɨm kadɨŠgep ne okok kɨli Jisas nop dɨl, dad gapman kal awl ak amɨl, bɨ chɨm kadɨŠgep okok kɨlop mɨdupsek suk agel, apnan gɨlak. 28 Apnan gɨl, chech nop ak tɨgjuwɨl, chech nɨkɨm bɨawl yɨbal tek olap dad apɨl nop lɨñɨlak. 29 Lɨñɨl, nag ñuñu sek okok dad apɨl, bɨnonɨm kay lɨpal kɨmɨg cheg adek bad tek olap gɨl, kɨmɨg cheg nop lɨñɨlak. Lɨñɨl, bɨnonɨm okok kul abe dɨpal agɨl, gamɨl pal olap dɨl Jisas nop ñɨn yɨpɨd kɨd ak ñɨl, apɨl nop kɨgom yɨmɨl, agjulɨg agɨlak, Juda bɨnonɨm kɨli awl pel yenɨmɨn agɨlak. 30 Anɨb agɨl, nop kɨñuk gɨl, gamɨl kul anɨb ak ju dɨl, nop kɨmɨg dum alaÅ pak pakɨlɨg gɨlak. 31 Nop anɨgɨl agjuwɨl, chech palawl nop lɨñɨlak ak tɨg asɨk dɨl, chech ne ke ak lɨñɨlak. Lɨñɨl, mab bak alaÅ chɨpɨl pak tɨbɨk lɨnɨg poÅɨd amnɨlak. 32 Kanɨb nab okok dad amɨlɨg nɨgɨlak, bɨ olap taun Saylini nɨb apek. Yɨb ne ak Saymon. Nop kanɨb nebeÅ pakɨl, kɨles gɨl agɨlak, Jisas nop chɨpɨl pak tɨbɨk lɨnɨgabun mab bak awl ak dad amnoÅ agɨlak. 33 Agel dɨl, anɨgɨl amɨl, man Chɨp Kɨmɨg Cheg Won apal ak, yɨb Golgota ak amjakɨlak. 34 Pen man anɨb ak amjakɨl, bɨ chɨm kadɨŠgep okok kɨli malasin sɨlek ak sek, ñɨg wayn ak sek, tɨg adɨk madɨk gɨl, Jisas nop ñelak, ne ñɨb nɨÅɨd kelɨgak. 35 Pen nop mab bak alaÅ chɨpɨl pak tɨbɨk lɨl, chech nop okok bɨlok keke dɨnɨg, sadu tek gɨl dɨlak. 36 Dɨl nɨm, nop mab bak alaÅ chɨpɨl pak tɨbɨk lɨlak jɨj sɨÅak besɨgɨl nɨg yelak. 37 Pen mab bog bad olap, Jisas nop chɨpɨl pak tɨbɨk lɨl, mab bak alaÅ yɨb tɨk lɨl agɨlak, Bɨ anɨb ak Jisas, ne Juda bɨnonɨm kɨli ak agɨlak. 38 Pen Jisas nop chɨpɨl pak tɨbɨk lɨlak ak, bɨ tap si dep omɨÅal ak, olap ñɨn yɨpɨd pɨs ak, olap ñɨn aÅɨd pɨs ak chɨpɨl pak tɨbɨk lɨlak. 39 Binɨb kanɨb aplan apyan gelak okok, kɨmɨg golmal gɨl nop agjulɨg 40 agɨlak, Ey. Yad God agnɨgep kal awl ak tɨbɨlɨkɨl, ñɨn omɨÅal nokom tepayaÅ gɨnɨgayn apan ak, mɨñɨl nad ke gɨl koÅɨm amnoÅ agɨlak. Nad God Ãɨne tek, mab bak alaÅ kelɨgɨl lum ayaÅ owan agɨlak. 41 Bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek, Juda bɨawl okok sek, kɨli abe nop agjuwɨl agɨlak, 42 Binɨb ogɨnap kɨlop gek koÅɨm abal ak pen, ne ke anɨgɨnɨmuÅ tek ma lup agɨlak. Ne Yislel binɨb bɨnonɨm kɨli ak, mab bak alaÅ mɨñɨl kelɨgɨl lum awl ape, nɨÅɨd agup agɨl nop gos lɨnɨgɨnɨgun agɨlak. 43 Ne God nop gos nɨÅɨd, yad God Ãɨne agup ak agɨlak. Anɨb ak, God nop mapen yɨbɨl lɨl nɨm, mɨñɨl apɨl nop mapen nɨÅɨd daÅ agɨlak. 44 Bɨ tap si dep Jisas ayɨp chɨpɨl pak tɨbɨk lɨlak omɨÅal ak abe, nop takaw tɨmel anɨb ak tek nep agɨlek. 45 Ãɨn anɨb ak subnab won ak, man anɨb ak kɨsɨlɨm apɨl, mɨd dad amɨl sub kɨyum gak won ak tepayaÅ mɨlek gak. 46 Won anɨb ak Jisas suk awl agɨl agak, Eli, Eli, lema sabaktani agak. Agak anɨb ak, God yad ak, God yad ak, yɨp taynen kelɨgɨpan agɨl agak. 47 Ne anɨgɨl suk awl agek, binɨb ogɨnap wulep anɨb sɨÅak jak yelak okok nɨÅɨd anɨb agɨlak, Bɨ anɨb awl bɨ God gos ñek agñeb Yilayja nop suk agosup agɨlak. 48 Anɨb agɨl, bɨ olap am tap ñɨg dak tap ak olap dɨl dad apɨl, ñɨg wayn sɨlek ak mɨgan ayaÅ tawɨl, gamɨl kul pal ak dɨl, kabes ñagɨl, ñen ñɨÅaÅ agɨl ñak. 49 Anɨgɨl ñek, bɨ ogɨnap agɨlak, Kɨmɨgel nɨg mɨdon agɨlak. Bɨ Yilayja apɨl, nop dɨyokɨnɨgab akaÅ agɨlak? 50 Agɨl, nɨg yelaknɨÅ, Jisas suk awl agɨl, añɨŠbad yek ak kul gak. 51 Won anɨb anep, God agnɨgep kal awl ñɨluk mɨgan ayaÅ chech palawl kanɨbtub pɨl gɨlak ak, day alaÅ nɨb lak dam day ayaÅ yokɨl, talɨkɨl pɨspɨs amnak. AnɨgaknɨÅ, monmon dɨl, kab okok abe pagak. 52 Anɨgek, chɨp kamɨlak kab mɨgan pɨl gɨlak okok mɨgan yɨkak. Mɨgan yɨkel, God binɨb ne ned kumel kamɨlak okok kuÅay yɨbɨl gek, tepayaÅ tɨkjakɨlak. 53 Tɨkjakɨl, kawtub ak kelɨgɨl kod yelak, Jisas kɨdek tɨkjakak nɨÅɨd, kɨli God taun ne Jelusalem ak amelak, binɨb kuÅay kɨlop nɨgɨlak. 54 Pen bɨ chɨm kadɨŠgep bɨawl ak sek, bɨne okok sek, kɨli Jisas nop kod yelak. Anɨgɨl yelak, monmon dɨl, tɨtay gak okok mɨdupsek nɨÅɨd, kɨli pɨlɨkɨl agɨlak, Yawe, bɨ anɨb ak God Ãɨne yɨbɨl agɨlak. 55 Pen bin kuÅay yɨbɨl apɨl, keke sɨÅadaÅ mɨdɨl nɨg yelak. Bin anɨb okok, Jisas nop kɨdek gɨl Galili plopens nɨb apɨl, nop gɨtep gɨl kod yelɨgɨpal. 56 Bin yelak anɨb okok, olap Maliya taun Makdala nɨb ak, olap Jemis ayɨp Josep ayɨp nonɨm Maliya, olap bɨ Sepedi ñɨne omɨÅal nonɨm ak. 57 Bɨ tap kuÅay yek man sɨkol Alimateya nɨb, yɨb ne ak Josep, ne Jisas bɨne olap. Ne Jisas kumek nɨÅɨd, dugep won ak apɨl, 58 gapman bɨawl Paylat nop Jisas chɨp ak dɨnɨm akaÅ agek, Paylat yaw agɨl, bɨne okok kɨlop agek, nop ñɨlak. 59 Kɨli Josep nop Jisas chɨp ak ñelak, ne dad amɨl chech kayɨg tep ak dɨl, nop mɨdupsek kam sɨlokak. 60 Kam sɨlokɨl, kab mɨgan kɨdeyɨl nep, ne ke kaw koÅɨm dɨlak mɨgan ak dam kab mɨgan tɨdamɨgɨl dɨlak ak kamak. Kamɨl, kab awl olap tɨg mɨmlokek amek, kawtub ak pɨl gɨl amnak. 61 Pen bin Maliya taun Makdala nɨb ayɨp, bin Maliya olap ayɨp, omɨÅal gɨl ap nɨg yɨleknɨÅ, anɨgɨl kamak. 62 Jisas kumek kamɨlak ñɨn anɨb ak, tap dap nan gep ñɨn ak. Mɨnek pen, Juda añɨŠlep ñɨn awl ak, bɨ God nop sɨbogep bɨawl okok sek, bɨ Pelisi okok sek kɨli gapman bɨawl Paylat yek ak amnɨlak. 63 Amɨl agɨlak, Bɨawl. Chɨn nopun, bɨ yepɨs agep anɨb ak agak, Yad kumɨl, ñɨn omɨÅal nokom mɨdɨl tɨkjakɨnɨgayn agak agɨlak. 64 Anɨb ak bɨ ogɨnap age, ñɨn omɨÅal nokom kawtub ak kod yenɨgel agɨlak. Mel ak, bɨne okok apɨl chɨp ak si dad amɨl, binɨb okok kɨlop yepɨs agɨl agɨnɨgabal, Ne tepayaÅ tɨkjakup agɨnɨgabal agɨlak. Anɨgelak, takaw yepɨs agolɨgup ak sɨkol tek lɨnɨgab ak, kɨdek agɨnɨgabal ak awl yɨbɨl gɨnɨgab agɨlak. 65 Agelak Paylat kɨlop agak, Nɨbi bɨ chɨm kadɨŠgep kab olap agtep gem, kɨli am kawtub ak nɨgtep gɨl kod yenɨgel agak. 66 Agek, kɨli amɨl kanɨb pɨl gɨlak kab awl ak wɨlen tek gɨl, bɨ chɨm kadɨŠgep kab olap kɨlop agelak, am anɨb sɨÅak nɨg yelak.