Matyu 28

1 Pen Juda añɨŠlep ñɨn awl ak gɨjuwɨl, mɨnek Sande ñɨn ak man tɨkak won ak, bin Maliya taun Makdala nɨb ak ayɨp, Maliya olap ke ayɨp, kɨli omɨÅal gɨl chɨp kaw tub nɨgɨnɨg owlek. 2 Won anɨb ak ensel olap God man ne alaÅ nɨb apek, monmon awl yɨbɨl ak owak. Ensel anɨb ak apɨl, kab kolɨm awl chɨp kaw tub mɨgan ak pɨl gɨlak ak, mɨmlokɨd amek, adek anɨb ak besɨgak. 3 Ensel kab adek besɨg yek anɨb ak, jomulɨk ne ak ñɨñakol gɨlɨg yek, chech ne ak kayɨg tep yɨbɨl lak. 4 Pen bɨ chɨm kadɨŠgep nɨg yelak okok, nop nɨÅɨd jel pɨlɨkɨl, kɨn abun tɨkɨl yelak. 5 Pen ensel ak bin omɨÅal ak kɨlop agak, Ma pɨlɨkɨnɨmil agak. Yad nepin, ñɨli omɨÅal Jisas bɨ mab bak alaÅ chɨpɨl pak tɨbɨk lel kumak ak nop nɨgɨnɨg apebil agak. 6 Ne awl ma mɨdeb, ned agak tek mɨneyɨl tɨkjakup agak. Apɨl, nop dɨlɨlak adek ak nɨgɨnɨmil agak. 7 NɨÅɨd, kasek amɨl, Jisas bɨne okok kɨlop takaw anɨb ak agñɨnɨmil agak. Anɨb agɨnɨmil, Ne kumɨl tepayaÅ tɨkjakup agɨnɨmil agak. Nɨgɨm, ne ned tɨkjakɨl Galili plopens am yenɨgab, nɨbi kɨdek amɨl nop nɨgɨnɨgabɨm agɨnɨmil agak. Takaw anɨb ak ñɨlop agñɨnɨg apebin agak. 8 Anɨb agek nɨÅɨd, bin omɨÅal ak kasek amɨl pɨlɨkɨlek ak pen, mɨñmɨñ gɨlɨg, bɨne okok kɨlop takaw anɨb ak agɨnɨg kasek amnɨlek. 9 Kanɨb nab okok amnɨleknɨÅ, Jisas kɨlopmɨÅal nebeÅ pakɨl agak, Ãɨli apebil agak. Agek, kɨli omɨÅal apɨl kɨgom yɨmɨl, tob nop dɨnɨÅɨd yɨb nop dad aplanilek. 10 Anɨgelek, Jisas kɨlopmɨÅal agak, Ma pɨlɨkɨnɨmil agak. Ãɨli amɨl, mam yad okok kɨlop agñɨnɨmil, Nɨbi Galili plopens amnɨmɨb agɨnɨmil agak. Kɨli man anɨb ak amɨl, yɨp nɨgɨnɨgabal agak. 11 Bin omɨÅal ak kanɨb nab okok amnɨleknɨÅ, bɨ chɨm kadɨŠgep nɨg yelak ogɨnap, kɨli tɨkjakɨl Jelusalem amɨl, bɨ God nop sɨbogep bɨawl okok kɨlop, tap anɨb okok gup takaw ak agñɨlak. 12 Agñelak, bɨ God nop sɨbogep bɨawl okok amɨl, Juda bɨawl okok ayɨp takaw ag adek nokom lɨlak. Aglɨl, apɨl bɨ chɨm kadɨŠgep anɨb okok kɨlop mani awl ñɨl 13 agɨlak, Nɨbi anɨb agɨnɨmɨb, Chɨn kɨnɨbun maynab ayaÅ won ak, bɨne okok apɨl, nop si dad abal agɨnɨmɨb agɨlak. 14 Pen gapman bɨawl ak takaw anɨb ak nɨgenɨgab, chɨn ne ayɨp agɨnɨgabun agɨlak. Agon, ne nɨbop mɨÅel ogɨnap ma ñɨnɨgab agɨlak. 15 Anɨb agel, bɨ chɨm kadɨŠgep okok mani anɨb ak dɨl, amɨl bɨawl anɨb okok agɨlak tek nep agɨlak. Kɨli anɨb agel, takaw anɨb ak Juda binɨb man kɨli okok mɨdupsek amɨl, mɨd dad apɨl mɨñɨl Juda binɨb okok takaw anɨb ak agɨlɨg mɨdebal. 16 Pen Jisas bɨne anep agɨp ak Galili plopens amɨl, kɨlop ned agak dum ak amnɨlak. 17 Amɨl Jisas nop nɨÅɨd, yɨb nop dad aplanɨlak. Ogɨnap pen gos omɨÅal gɨl nɨgɨlak. 18 Pen Jisas wulep sɨÅak apɨl, kɨlop agak, God ne yɨp agek, man ne alaÅ kod mɨdɨl, lum awl kod mɨdɨl gɨpin agak. 19 Anɨb ak, nɨbi man okok mɨdupsek amɨl, binɨb okok kɨlop gem binɨb yad okok yenɨgel agak. Bapi yɨl mɨdebal, Ãɨne yɨl mɨdebal, Kawnan ne ak yɨl mɨdebal agɨl, kɨlop ñɨg pakñɨnɨmɨb agak. 20 Ãɨg pakñɨl, yad takaw nɨbop agñɨbin ak mɨdupsek, kɨlop agñɨtep gem nɨÅɨd kɨdek gɨnɨgel agak. Pen nɨgɨm, yad nɨbi ayɨp nep mɨdɨl, mɨd dad amɨl, ñɨn kɨdek ak ownɨgab ñɨn ak, lum awl kul gɨnɨgab agak.