Mak 15

1 Man tɨkaknɨÅ, bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek, Juda bɨawl okok sek, bɨ Juda bɨawl takaw tɨg asɨkep okok mɨdupsek, kɨli apnan gɨl yelak. YelaknɨÅ, takaw ag adek nokom lɨl, Jisas nop nag lɨl, dad gapman bɨawl Paylat yek ak amɨl, Paylat nop ñɨlak. 2 Ãel, Paylat Jisas nop agnɨgak, Nak Juda bɨnonɨm kɨli ak akaÅ agak? Agek, Jisas agak, Nɨm nak apan ak agak. 3 Pen bɨ God nop sɨbogep bɨawl okok, kɨli Jisas nop ag gɨl takaw kuÅay agelak, 4 Paylat Jisas nop tepayaÅ agnɨgak, Nep takaw kuÅay agebal ak, pen takaw olap ma agɨnɨgaban akaÅ agak? 5 Agek, Jisas takaw ma yɨbɨl agek, Paylat gos pal lak. 6 Pen Juda binɨb ñɨn awl kɨli ak apek nɨÅɨd, bɨ dɨ nag lelɨgɨpal okok, nokom olap nop bɨawl Paylat sap yeb nokom nokom agyokolɨgup. Binbɨ kɨli ke bɨ nag lel yolɨgup ak yɨb nop agel, Paylat nop agyokek amolɨgup. 7 Pen ñɨn anɨb ak, bɨ olap yɨb ne Balabas, binɨb ogɨnap dɨl, Lom gapman ayɨp penpen gɨl chɨp ñagɨlak tek, kɨlop dɨ nag lel yelak. 8 Binɨb okok apnan gɨl, Paylat nop bɨ dɨ nag lep olap pel agnɨgelɨgɨpal tek agnɨgɨlak. 9 Agnɨgel pen agak, Juda bɨnonɨm anɨb ak, nɨbop wɨsɨb yokɨnɨm akaÅ agak? 10 Ne ke nɨgak, bɨ God nop sɨbogep bɨawl okok, kɨli Jisas nop yokɨp mɨlɨk nɨgɨlak tek dap Paylat nop ñɨlak ak tek ak, anɨgɨl agak. 11 Pen bɨ God nop sɨbogep bɨawl okok, kɨli binɨb okok kɨlop agɨlak, Paylat nop agem, Balabas nop wɨsɨb yokɨl, Jisas nop age yonɨmuÅ agem agɨlak. Agelak, binɨb anɨb okok chɨbol kɨlop ak tɨmel gek, Paylat nop agɨlak, Balabas nop chɨnop wɨsɨb yokɨnɨmɨn agɨlak. 12 Anɨb agelak, Paylat kɨlop pen agɨl agak, Bɨ anɨb ak, Juda bɨnonɨm apɨm ak, nop tay gɨnɨm agak? 13 Agek, kɨli meg mɨgan dad aplanɨl agɨlak, Nop mab bak alaÅ chɨpɨl pak tɨbɨk lem kumaÅ agɨlak. 14 Agelak, Paylat agak, Ne tap tay tɨmel gek, anɨgɨnɨm agak? Agek, kɨli meg mɨgan dad aplanɨl suk awl agɨl agɨlak, Nop mab bak alaÅ chɨpɨl pak tɨbɨk lem kumaÅ agɨlak. 15 Agɨlak anɨb ak, binɨb okok kɨlop tep gɨnɨmuÅ agɨl, Paylat Balabas nop wɨsɨb yokak. Pen bɨ chɨm kadɨŠgep ne ogɨnap kɨlop agek, Jisas nop nag kɨles tɨmel dɨl tapɨn nep pakɨl, dam mab bak alaÅ chɨpɨl pak tɨbɨk lɨnɨg amnɨlak. 16 Anɨgek, bɨ chɨm kadɨŠgep okok Jisas nop dad Lom gapman bɨawl kal ne ak wali mɨgan ak amɨl, bɨ chɨm kadɨŠgep okok mɨdupsek kɨlop suk agel owlak. 17 Apel, chech nɨkɨm palawl gapman bɨawl okok lɨpal tek ak dad apɨl, Jisas nop lɨñɨlak. Lɨñɨl, nag ñuñu sek ogɨnap tɨk dad apɨl, bɨnonɨm poj lɨpal tek olap gɨl, kɨmɨg alaÅ lɨñɨlak. 18 Lɨñɨl, anɨb agɨlak, Nad nɨm bɨawl yɨbɨl, Juda bɨnonɨm kɨli ak agɨlak. 19 Anɨb agɨl, nop kul dɨl kɨmɨg alaÅ kuÅay yɨbɨl pakɨlɨg, kɨñuk gɨñɨlɨg yelak. Yek jɨj sɨÅak kɨgom yɨmɨl, kɨmɨg kuyan gɨl, yepɨs agɨl yɨb nop dad aplanɨlɨg yelak. 20 Nop anɨgɨl agjuwɨl, chech nɨkɨm palawl nop lɨñɨlak ak tɨg asɨk dɨl, chech ne ke ak lɨñɨlak. Lɨñɨl, mab bak alaÅ chɨpɨl pak tɨbɨk lɨnɨg poÅɨd amnɨlak. 21 Kɨli nab okok amɨlɨg, bɨ olap Saymon, taun Saylini nɨb ak, okok ajɨl apɨl Jelusalem amnɨg gek, nop nebeÅ pakɨl takaw kɨles agɨl agɨlak, Mab Jisas dad apek ak, nad dad amnoÅ agɨlak. Bɨ Saymon anɨb ak, ñɨne omɨÅal ak, Aleksada ayɨp Lupus ayɨp. 22 Pen anɨgɨl amɨl, Jisas nop dad man chɨp kɨmɨg cheg won apal ak, yɨb Golgota ak amjakɨlak. 23 Amjakɨl, ñɨg wayn ak sek, mab Mul apal mok ak sek dɨl nop ñɨlak ak pen, ma ñɨÅak. 24 Pen subnab sɨŠapel owak won ak, nop mab bak alaÅ chɨpɨl pak tɨbɨk lɨlak. Tɨbɨk lɨl, chech nop okok tɨg asɨk dɨl dayday lɨpɨgɨl agɨlak, Mel, sadu tek gɨl dun agɨlak. 26 Pen mab bog bad olap, Jisas nop chɨpɨl pak tɨbɨk lɨl ak mab bak alaÅ yɨb gɨlɨl agɨlak, Juda bɨnonɨm kɨli ak agɨlak. 27 Bɨ tap si dep omɨÅal ak abe mab bak alaÅ chɨpɨl pak tɨbɨk lɨlak. Bɨ omɨÅal ak, olap ñɨn yɨpɨd pɨs ak, olap ñɨn aÅɨd pɨs ak chɨpɨl pak tɨbɨk lɨl, Jisas nop nab ayaÅ pak tɨbɨk lɨl gɨlak. 29 Binɨb okok kɨli aplan apyan gɨlɨg, Jisas nop nɨÅɨd kɨmɨg golmal gɨl, nop agjulɨg agɨlak, Ey. Yad God agnɨgep kal awl ak tɨbɨlɨkɨl, ñɨn omɨÅal nokom tepayaÅ gɨnɨgayn apan ak, 30 mab bak alaÅ kelɨgɨl lum ayaÅ owan agɨlak. Mɨñɨl nad ke gɨl koÅɨm amnoÅ agɨlak. 31 Bɨ God nop sɨbogep bɨawl okok sek, bɨ kɨli Mosis takaw ñu kɨl tɨkak ak nɨgtep gep okok sek, kɨli ke agɨlɨg, abe Jisas nop agjuwɨl agɨlak, Binɨb ogɨnap kɨlop gek koÅɨm abal ak pen, ne ke anɨgɨnɨmuÅ tek ma lup agɨlak. 32 Pel ne agup, Yad Bɨ God nop aglup ak, Yislel binɨb bɨnonɨm kɨli mɨdebin agup tek, mɨñɨl nop mab bak alaÅ chɨpɨl pak tɨbɨk lɨpal ak, ke gɨl koÅɨm amek yɨl, chɨn nɨÅɨd nop gos lɨnɨgɨnɨgun agɨlak. Pen bɨ Jisas ayɨp mab bak alaÅ chɨpɨl pak tɨbɨk lɨlak omɨÅal ak, nop abe agjulek. 33 Subnab awl alaÅ won ak kɨsɨlɨm apɨl, mɨd dad amɨl, sub yɨpɨd gak won ak tepayaÅ pen mɨlek gak. 34 Pen sub yɨpɨd gak won ak, Jisas suk awl agɨl agak, Eloy, Eloy, lema sabaktani agak. Takaw agak anɨb ak, jɨj ne ak agak, God yad ak, God yad ak, yɨp taynen kelɨgɨpan agak. 35 Agek, binɨb wulep anɨb sɨÅak jakɨl yelak okok nɨÅɨd anɨb agɨlak, Nɨgɨm, Yilayja nop suk ageb agɨlak. 36 Pen bɨ olap kasek amɨl, tap olap ñɨg dak tap ak olap dɨl, ñɨg wayn sɨlek ak mɨgan ayaÅ tawak. Tawek amek, Jisas nop yɨmug nɨÅɨd ñen ñɨÅaÅ agɨl, sɨd pal ak dɨl kabes ñagɨl, yek alaŠñɨlɨg agak, Chɨn nɨg mɨdon, Yilayja apɨl, nop tɨg asɨk dam lum ayaÅ lɨnɨgab akaÅ agak? 37 Anɨb agɨl nɨg yelaknɨÅ, Jisas suk awl agɨl kumak. 38 Won anɨb anep, God agnɨgep kal awl ñɨluk mɨgan ayaÅ chech kanɨbtub pɨl gɨlak ak, day alaÅ nɨb lak dam day ayaÅ yokɨl, talɨkɨl pɨspɨs amnak. 39 Lom bɨ chɨm kadɨŠgep bɨawl kɨli olap, mab bak nab okok yɨl sɨÅak jak mɨdɨl nɨgak, Jisas anɨgɨl kumak. Anɨgɨl kumek nɨÅɨd, anɨb agak, NɨÅɨd apal, bɨ anɨb ak God Ãɨne yɨbɨl agak. 40 Pen bin Jisas ayɨp Jelusalem owlak ogɨnap apɨl, gol sɨÅak yelak. Nab kɨli okok, omɨÅal nokom Jisas nop kɨdek gɨlɨg wog ogɨnap gɨñelɨgɨpal, Galili plopens. Maliya omɨÅal. Bin yɨb alog omɨÅal anɨb ak, olap taun Makdala nɨb, olap bɨ Jemis nɨmam kɨdek ayɨp, bɨ Joses ayɨp nonɨm kɨli ak. Bin olap yɨb ne Salome. Bin anɨb okok mɨdupsek nɨg yelaknɨÅ, Jisas kumak. 42 Jisas kumak ñɨn ak, tap dap nan gep ñɨn ak, Juda ñɨn awl ak ownɨg gak. Dugep won ak gɨnɨg gaknɨÅ, bɨ olap ne Jisas nop dam kamnɨg, ma pɨlɨkɨl Paylat yek ak amɨl agnɨgak. Bɨ anɨb ak, man sɨkol Alimateya nɨb owak, yɨb ne ak Josep. Ne Juda bɨawl takaw tɨg asɨkep olap mɨdɨl, bɨ teplep ak yɨb teplep yɨbɨl yolɨgup. Pen God binɨb dɨl kɨlop kod yenɨgab ñɨn ak kod yolɨgup. 44 Josep ne Paylat nop agnɨgek, Paylat Jisas won akal kumub agɨl judɨl, Lom bɨ chɨm kadɨŠgep bɨawl anop agek apek agnɨgak. 45 Agnɨgek agak, Mɨneyɨl kumub agak. Anɨb agek, Paylat Josep nop agak, Dam kamnɨmɨn agak. 46 Agek, Josep chech kayɨg palawl olap tawɨl, Jisas nop tɨg asɨk dad apyapɨl, chech ak dɨ kam sɨlokɨl, dam kab mɨgan tɨdamɨgɨl kɨdeyɨl dɨlak ak kamak. Kamɨl, kab awl olap tɨg mɨmlokek apek, kaw tub ak pɨl gak. 47 Pen Maliya taun Makdala nɨb ak ayɨp, Maliya Joses nonɨm ayɨp nɨg yɨleknɨŠnop kamak.