Mak 16

1 Juda añɨŠlep ñɨn awl ak apɨl padɨkek, Maliya taun Makdala nɨb ak, Maliya Jemis nonɨm ak, bin Salome ak, kɨli Jisas wak nop ak wel lɨñɨnɨgun agɨl, am wel kuy tep owep ak taw dap lɨl kɨnɨlak. 2 Mɨnek Sande ñɨn ak man tɨkak won ak tɨkjakɨl, Jisas nop kamak adaÅ amnɨg saÅɨdɨlak. Nab okok amɨlɨg, sub aplan jakɨnɨg gak won ak, 3 kɨli nep agnɨg agnɨg gɨl agɨlak, An chɨnop kab awl kaw tub pɨl gup ak, tɨg mɨmlokel dam gol okok lɨnɨgab agɨlak. 4 Anɨb agɨl amjakɨl nɨgɨlak, kab awl yɨbɨl kaw tub pɨl gak anɨb ak, lɨgam gol okok yek. 5 NɨÅɨd, mɨgan ayaÅ amɨl nɨgɨlak, bɨ pɨlaj chech kayɨg palawl yɨmak olap, ñɨn yɨpɨd kɨd okok ken besɨg yek. Nop nɨÅɨd ju dɨlak ak pen, 6 kɨlop agak, Ma ju dɨnɨmɨb agak. Jisas bɨ Nasalet nɨb, mab bak alaÅ chɨpɨl pak tɨbɨk lel kumak anop nɨgɨnɨg apebɨm agak. Pen nɨgɨm agak. Tep adek nop kamak awl, ne ma mɨdeb. Mɨneyɨl tɨkjakɨl amub agak. 7 Pen Pita sek, Jisas bɨne ogɨnap sek kɨlop takaw anɨb ak agñɨnɨmɨb agak. Anɨb agɨnɨmɨb, Jisas ne ned tɨkjakɨl Galili plopens am yenɨgab, nɨbi kɨdek amɨl nop nɨgɨnɨgabɨm, bɨlel nɨbop agak tek agɨnɨmɨb agak. 8 Anɨb agek, seÅ amɨl, jel gek pɨlɨkɨl amnɨlak. Pɨlɨk amɨl, binɨb ogɨnap kɨlop takaw olap ma agɨlak. 9 Jisas kumɨl, Sande mɨnek won ak tɨkjakɨl, ned yɨbɨl Maliya taun Makdala nɨb ak, yek sɨÅak mɨseÅ gek nɨgak. Pen bin anɨb anop, ned kɨcheki anep kugul ak abaÅ lek, Jisas ag seÅ yokak. 10 Ne Jisas nop nɨÅɨd, am bɨne okok chɨb gek chaÅ lɨlɨg yelak nab ak, amjakɨl agak, Jisas koÅɨm mɨdeb nop nepin agak. Agek pen, takaw nop ak ma dɨlak. 12 Mɨnek olap pen, Jisas bɨne omɨÅal man wakay olap gɨ ajel, Jisas bɨ ak ke tek lɨl apɨl, kanɨb nab ak tepayaÅ mɨseÅ gek nop nɨgɨlek. 13 NɨÅɨd, am bɨne ogɨnap kɨlop agñel, abe nɨÅɨd agebil agɨl ma nɨgɨlak. 14 Pen mɨnek olap, Jisas bɨne anep agɨp ak tap ñɨÅɨlaknɨŠnab sɨÅak tepayaÅ mɨseÅ lɨl, kɨlop ag gɨlɨg agak, Nɨbi yɨp ma gos lɨnepɨm agak. Chɨbol nɨbop ak ma asɨkup agak. Tɨkjakɨpin binɨb ogɨnap mɨseÅ nɨÅɨd agel, taynen bɨ anop nɨÅɨd tɨkjakup agɨl gos ak ma nepɨm agak? 15 Anɨb agɨl kɨlop agak, Takaw teplep yad ak dad man okok mɨdupsek amɨl, binɨb okok mɨdupsek agñɨnɨmɨb agak. 16 Agñem, binɨb an yɨp gos lɨnɨÅɨd, ñɨg pakñenɨgab ak, God nop tɨg asɨk dɨnɨgab agak. Pen binɨb an yɨp gos ma lɨnɨgenɨgab ak, God nop ag gɨl, yul awl ak ñɨnɨgab agak. 17 Binɨb yɨp gos lɨnɨgɨnɨgabal okok, tap mageptek ogɨnap gɨnɨgabal agak. Yad ayɨp mɨdɨl, binɨb kɨcheki abaÅ lɨnɨgab okok kɨlop, ag seÅ yokɨnɨgabal agak. Takaw yɨbɨl kɨli ak mɨdaknɨÅ, takaw kɨdeyɨl olap ke yɨbɨl agɨnɨgabal agak. 18 Yoy salaw tap binɨb suwup okok dɨnɨgel, kɨlop gɨ tɨmel ma gɨnɨgab agak. Tap tɨmel ñɨbɨl kubal tek, ñɨbɨl ak ma kumnɨgabal agak. Pen binɨb tap gɨnɨgab okok kɨlop, ñɨn mɨdup dɨnɨgel suÅ lɨnɨgab agak. 19 Pen Bɨawl Jisas takaw anɨb ak kɨlop agjuwaknɨÅ, God nop dad man ne alaÅ amnak. Dad amek, ñɨn yɨpɨd kɨd ak besɨgɨl mɨdeb. 20 Pen bɨne okok takaw teplep ak man okok kɨd kɨd agñel amnak. AmnaknɨÅ, Bɨawl ak ne takaw anɨb ak binɨb okok nɨÅɨd agebal agɨl, bɨne okok kɨlop kod mɨdaknɨÅ, tap mageptek okok gelɨgɨpal.