1 Corinthians 6

1 Vara te vonamim mo vauriuri peresi na vonamim matea, mo pa hitea sohena sava vara i vano isana tamlohi ari na jingoima, ale mo sopo taua na lima tapuhi non God? 2 Teni ka sopo levosahia vara tapuhi non God la pa ari na varama? Ale vara ha pa ari na varama, mo toma, ka sopo navu vara ha ari na nomim vauriuri vavarihi? 3 Ka sopo levosahia vara enrÌa rÌa pa ari na angelo? Matan haratu, mata sava ka sopo erÌi tau na tamata na vauriuri vavarihi nike na varama? 4 Vara te hinau isamim mo sohena, mata sava natu, ka lo vano isana tamlohi varama, haratu sei mo sopo te nora hinau vara la erÌi reti matana na lolo vao kalesia? 5 Na lo vere hinau nike, vara a vai kamim ha mahanuhanu. VararÌuhu, mo sopo tea na lolo vaomim kalesia vara mo sopo lo jea na lelevosahi vara i erÌi tau na tamata na vauriuri nona vorai kalesia? 6 Pani kamim, ka hitea vara mo tataholo purongo vara te voraimim i tau na voraina kalesia tinapua matea na aria nona tamlohi varama! 7 Ka lo vauriuri peresi kamim hasemim na naho tamlohi aria mata varama, enia mo vujangia mo memera moiso vara ka lo toho asau hin mauri atu God mo opoia. I pa mele rÌuhu vara ha tinarÌihi purongoia, i pa mele rÌuhu vara ha tinarÌihira la jeu kamim. 8 Pani kamim purongo kamim hasemim, ka lo vai na hehe isamim, ale ka lo haluhalu na voraimim kalesia! 9 Ka sopo levosahia vara la haratu la lo vai na hehe la pa sopo erÌi lavi mauri atu God mo aulu hinia? Ha mera hinia, la haratu la lo vai na posposi viriu, teni la haratu la lotulotu vono, teni la haratu la lo vaivaileu peresi na tinapua, teni tamlohi la juruvi peresi na tamlohi teni harÌai la juruvi peresi na harÌai purongo, 10 teni tamlohi vavanaho, teni la haratu la lo rÌomusuri na hinau non te tinapua, teni la haratu la opoi jea na wai rÌilangi tarea, teni la haratu la lo veresatihi na tinapua, teni la haratu la lo uri na tamlohi mata vavanaho na nora hinau, enira mo isoiso atu la pa sopo lavi mauri atu God mo aulu hinia. 11 Ale tuai tatuamim ka sohena, pani nake God mo hoje narÌihi na nomim hehe moiso, ale mo tapuhi kamim, mo vai kamim ka tataholo na nahon God na hijan Moli Iesu KrÌisto peresi na Tanumen norÌa God. 12 Hai la lo verea lara, “Matan enau kalesia matea, mo tataholo purongo vara a usuri na masaloku tari.” Pani a erÌi verea vara hinau tari la pa sopo erÌi tueni kamim, pani hina purongo vara, “Enau kalesia matea, mo tataholo purongo vara a usuri na masaloku tari.” A pa sopo tinarÌihia vara a toho na ruhuruhun te hinau hatea. 13 Ale hai la lo verea vara, “Hanhani mo lo toho mata pangerÌa, ale pangerÌa mo lo toho mata hanhani!” Mo vararÌuhu pani ko hitea, God i pa komora enira mo rua. EperÌa mo sopo toho mata posposi viriu, mo vono! EperÌa la lo toho mata non Moli, ale Moli mo aulu na eperÌa. 14 Ale God mo sauteterahi Moli na mateia, ale i pa sauteterahi na eperÌa sohena na suihana. 15 Ka sopo levosahia vara epemim enira vonara matea na epen KrÌisto? Mo tataholo vara a lavi te vonara hatea na epen KrÌisto, ale a vaia i sorÌotahi isana harÌai malele matea? I vonovono rÌuhu! 16 Teni ka sopo levosahia vara haratu mo sorÌotahi peresi na harÌai malele matea mo mai epe matelete peresia? Matan sohen la ulia mo verea vara, ‘Enira rua, la pa mai epe matelete’. Gen 2.24 17 Pani haratu sei mo sorÌotahi isan Moli, enia mo mai matelete peresi na Tanumena. 18 Ha rovo asau na posposi viriu. Hina sasati tinapua tari tamlohi la lo vaira mo sopo komo na epena, pani haratu mo lo vai na posposi viriu mo lo hase hehe na epena. 19 Teni ka sopo levosahia vara epemim enia temple non Tanume Tapu sei mo lo toho na lolomim sei God mo silea isamim? Ka sopo nomim hasemim, 20 matan sava God mo volituhu kamim hinia vara i juri kamim mo tavera jea. Ale na epemim tari ha vaira na posposi rÌuhu vara la tahe na hijan God i aulu.