1 John 2

1 La natuku, na lo uli la hinau sei matan vara ha sopo vai na hina sasati, pani vara ha vai na hina sasati, norÌa tuetueni matea mo lo toho peresi God Tama, enia Iesu KrÌisto haratu mo tataholo. 2 KrÌisto mo hase silea vara i voli narÌihi na norÌa sasati, pani mo sopo matan norÌa haserÌa, pani peresi na hina sasati nona tamlohi tari na varama. 3 RÌa lo levosahia vara rÌa levosahi God hin malele akerihi: RÌa lo levosahi God vara rÌa lo oloolo na nona retileu. 4 Vara tea mo verea vara mo levosahi God, pani mo sopo oloolo na nona retileu, enia tamlohi halu, ale hina vararÌuhu mo sopo toho isana, 5 pani haratu mo lo oloolo na nona reti, opoia non God mo jea vararÌuhu isana. Hin malele nike, rÌa pa levosahi i rÌuhu vara enrÌa rÌa lo toho hinia: 6 haratu mo verea vara enia mo lo toho hinia, enia i pa hahau sohen KrÌisto mo hahau. 7 La tapalaku rÌuhurÌuhu, na sopo uliuli isamim matan vara a mele sile kamim hin te retileu paro, pani enia pa haratu la lo sile kamim hinia tiroma moiso, ale enia retireti atu ka pete rongoa moiso, 8 pani retileu atu na lo ulia isamim mo sohena retileu paro matea, ale mo lo toho na maurin KrÌisto peresi na maurimim, matan ka hite na rÌorÌoha mo lo majara, ale malarani vararÌuhu mo lo sasarami moiso. 9 Haratu mo lo verea vara mo lo toho na malarani, pani mo lo hitesatihi na voraina, enia mo pa lo toho na rÌorÌoha mo tikeli nake. 10 Haratu mo lo opoi na vorain KrÌisto, enia mo lo toho na malarani, ale mo sopo tea i erÌi jalio mata nona vavahinau. 11 Pani haratu mo lo hitesatihi na vorain KrÌisto, mo pa lo toho na rÌorÌoha, mo lo hahau na rÌorÌoha, ale mo sopo levosahi na jara mo lo vano ea, matan rÌorÌoha mo vusohi na matana. 12 La natuku, na lo uliuli isamim matan nomim sasati God mo rÌomirÌa matan KrÌisto. 13 La haratu la vajiaha, na lo uliuli isamim matan ka levosahi haratu mo lo toho atu tiroma na tapulon vavahinau. La uluvou, na lo uliuli isamim matan ka jeu Tiapolo enia pulo sasati. 14 La natuku, na lo uliuli isamim matan ka levosahi Tama moiso, ale la vajiaha, na lo uliuli isamim matan ka levosahi haratu mo lo toho tiroma moiso na tapulo vavahinau. La uluvou, na lo uliuli isamim matan ka suiha, ale reti non God mo lo toho hin kamim, ale ka jeu haratu enia pulo sasati. 15 Ha sopo opoi na varama teni te hinau non varama. Vara ha opoi na varama, ha pa erÌi opoi Tama sohena sava? 16 Matan hinau na varama mo sohen harihi: rÌomjea na masalom sasati, rÌomjea na hinau ko hitea, hapahapa na nom hinau, ale la hinau sei la sopo tai isan Tama, pani la tai na varama purongo, 17 moiso varama sei mo lo vano vara i tihai peresi na masalona tari, pani haratu mo lo vai na masalon God enia i pa toho jejeu. 18 La natuku, nake enia isoiso rani. Sohena ka pete rongoa moiso vara meresahi non KrÌisto la lo mai, ale meresahi matuvana non KrÌisto la pala moiso, ale matana rÌa levosahia vara pongi hitahu mo mai moiso. 19 Hina purongo vara la tamlohi atu la tai na vaorÌa, pani enira la sopo tatuarÌa. Vara la pa lo tatuarÌa vararÌuhu, la pa lo toho peresirÌa. Pani la malue isarÌa matan vara i memera vara enira la sopo tatuarÌa. 20 Pani kamim mo isoiso ka levosahi harihi moiso, matan God Tapu mo virÌoni kamim. 21 Na sopo uliuli isamim matan ka sopo levosahi na retivararÌuhu, pani matan ka levosahia moiso, ka pete levosahia moiso vara retihaluhalu i pa sopo erÌi tai isana retivararÌuhu. 22 Hare natu, enia tamlohi halu, haratu sei mo lo verea vara Iesu enia mo sopo KrÌisto vararÌuhu sei God mo virÌonia. Vara tea mo verea sohena, enia natu, meresahi non KrÌisto, matan mo rÌohu hin Tama peresi Natuna. 23 Haratu mo rÌohu hin Natuna mo sopo lavi Tama. Pani haratu mo verea vara Iesu enia Natun God, Tama mo lo toho peresia. 24 Moiso, vara ha turu rÌilangi tarea na sava retireti ka rongoa tiroma moiso, ale ha pa lo matea na mapumim peresi Tama enia Natuna. 25 Mauri tui enia retitauhi sei mo retitauhi hinia isarÌa. 26 Enau na lo uliuli isamim matan la haratu la lo tikauleji kamim, 27 pani KrÌisto mo virÌoni kamim na Tanume Tapu, ale mo lo toho hin kamim. Ale kamim ha pa sopo mele opoi te tamlohi vujangi tinapua vara i vujangi kamim. Pani mo rÌuhu vara ha toho hin KrÌisto, ale ha usuri na sava hinau Tanume Tapu mo vujangi kamim hinia matan hinau tari mo vujangia mo vararÌuhu, mo sopo te hina halu hinia. 28 Natuvarihi, mo rÌuhu vara ha toho jejeu hin KrÌisto, matan vara hin rani atu i mele mai, rÌa pa sopo erÌi matahu, ale rÌa pa sopo mahanuhanu hin te hinau hin rani atu, 29 matan ka levosahia vara KrÌisto mo tataholo, ha pa levosahia sohena vara haratu mo lo vai na hinau mo tataholo, enia mo vora isana.