1 John 3

1 Ka hite na opoia tavera non God Tama isarÌa mo sohena sava, matan mo tovirÌa vara enrÌa natuna, ale mo sohen haratu natu. Pani tamlohi varama la sopo levosahirÌa matan la sopo levosahi God Tama. 2 La tapalaku rÌuhurÌuhu, enrÌa natuna nake, pani mo sopo pala vara rÌa pa sohena sava hin pongi hitahu, pani rÌa levosahia vara hin pongi atu KrÌisto i mele pala hinia, enrÌa rÌa pa sohen KrÌisto, matan enrÌa rÌa pa hitevosahia i rÌuhu vara enia mo sohena sava. 3 Ale la haratu la rÌomtoho sohen harihi, la hase vaira la vokevoke rÌuhu, sohen KrÌisto enia mo vokevoke rÌuhu. 4 La haratu la lo vai na hehe tarea, enira la lo vaivaileu tarea, ale hehe enia vaivaileu. 5 Ale ka levosahia vara KrÌisto mo pala vara i lavi narÌihi na hehe, ale mo sopo te hehe isana. 6 Haratu la lo toho isana la sopo erÌi vai na hehe tarea, vara tea mo hehe tarea enia mo sopo levosahi KrÌisto, ale enia mo sopo hitevosahia teni levosahia hin te rani. 7 Natuvarihi, ha sopo tinarÌihia vara tea i halu kamim! Harepu mo vai na hinau tataholo tarea enia mo tataholo mo rÌuhu sohen KrÌisto mo tataholo. 8 Harepu mo lo hehe tarea enia non Tiapolo. Tiapolo mo lo hehe tiroma na tapulo varama mo tikeli nake. Pani Natun God mo mai vara i pa vaikomokomo na vavahinau non Tiapolo. 9 Haratu la vora isan God, la sopo erÌi vai na hehe tarea matan suihan God mo lo toho na maurira, mo vaira la mai natuna, ale matan haratu la pa sopo erÌi vai na hehe tarea. 10 Ha pa levosahi la haratu la natun God isan la haratu la natun Tiapolo sohen harihi: haratu la sopo taura vara la vai na hinau i tataholo tarea la sopo non God, ale sohen haratu, la sopo opoi na voraira. 11 Pani retisohai sei enia retisohai atu ka rongoa moiso na pongi tiroma vara, rÌa pa opoiopoirÌa, 12 moiso, vara ha sopo sohen Cain atu tuai sei mo vilimatei tasina, enia non Tiapolo. Mo vilimateia mata sava? Mo vaia matan tarea tasina enia mo lo vai na hinau mo lo tataholo, pani enia mo lo vai na hinau mo lo hehe matan enia tamlohi hehe. Gen 4.8 13 La voraiku peresi na vevoraiku rÌuhurÌuhu, ha sopo marÌurahi tavera vara tamlohi varama la rÌohu hin kamim. 14 RÌa levosahia vara rÌa tai na mateia moiso rÌa vano na mauri moiso matan rÌa opoi na vorairÌa kalesia. Pani haratu mo sopo te nona opoia, enia mo pa lo toho na suiha mateia. 15 Vara tea mo lo hitesatihi na voraina, enia tamlohi vili tamlohi matea moiso, ale ka levosahia vara mo sopo te tamlohi vili tamlohi hatea vara mauri tui mo lo toho isana. 16 RÌa levosahia vara opoia vararÌuhu enia hin posposi sei; Iesu mo sile na maurina matarÌa, ale matan haratu, mo rÌuhu vara rÌa sile na maurirÌa mata vorai kalesia tinapua. 17 Ale matana, vara tea nona hinau mo matuvana, ale mo hite na vonana matea mo vejuveju na hinau matea, pani mo sopo tuenia, opoia non God mo lo toho hinia sohena sava? 18 Natuvarihi, rÌa sopo retireti vono purongo, pani rÌa pa opoi na tinapua na norÌa vavahinau peresi na retivararÌuhu. 19 Vara rÌa opoi na tinapua rÌa lo vujangia vara enrÌa non retivararÌuhu, ale rÌomirÌa la sopo tialahalaha na nahon God, 20 hina purongo vara rÌomirÌa la lo arirÌa hin te hinau, God mo aulu na rÌomirÌa, ale enia mo levosahi na hinau tari la vararÌuhu. 21 La tapalaku rÌuhurÌuhu, vara rÌomirÌa la sopo hase arirÌa na nahon God, enrÌa rÌa pa erÌi rÌomrÌilangi vara rÌa mai mariviti isana, 22 moiso enia i pa silerÌa na sava hinau rÌa usia isana matan rÌa opoia vara rÌa oloolo na nona retileu, ale tarea rÌa lo vai na sava God mo avulahi hinia. 23 Ale God mo sile nona retileu akerihi: vara rÌa tau na norÌa rasua hin Natuna Iesu KrÌisto, ale rÌa opoiopoirÌa sohena Iesu mo retileu hinia isarÌa moiso. 24 Ale haratu mo lo oloolo na retileu non God, mo lo toho hin God, ale God mo lo toho hinia, moiso hin malele akerihi natu, rÌa levosahia vara God mo lo toho isarÌa, matan Tanumena atu mo silea mo lo toho isarÌa.